藍鳥葡國餐廳

營業中

休息中

近排天氣熱，雖然辛苦咗一朝，有汗出有糧出，辛苦搵嚟志在食。但胃口麻麻，諗起禾輋商場呢間藍鳥餐廳，有幾款價格便宜的茶餐，就過嚟試吓。佢餐牌正名叫「澳門特色輕盈套餐」點咗33元嘅「F. 澳門脆豬仔包（花生醬+煉奶)配3.惹味肉丁湯米（轉麵）」奶醬脆豬：脆豬仔包外脆內軟、煉奶香滑、花生醬比較多五香肉丁麵：肉丁大大粒夠咬口、麵是大光麵質感（加3元）凍奶茶：正宗新派茶記凍奶茶風味，茶香無澀，質感算滑溜以33+3元的價錢食個輕午餐，大家樂都行埋一邊。補充一句：藍鳥的服務態度好，發現杯凍茶有漏，同職員講佢主動換杯新凍奶茶，值得一讚！

今日約左朋友去沙田行街街，想個地方坐下食Ｄ野，沙田禾輋村開左間平價葡國餐廳，咁就去試下啦。餐廳裝修都OK，台與台之間唔算擠逼，坐得都好舒服。🥩紐西蘭西冷牛扒意粉餐（黑椒汁）68蚊好普通的茶記牛扒，普普通通，黑椒汁好好味，都算大份，無咩特別。🐠吉列魚柳+🍟脆炸薯條 39蚊炸魚柳相當出色，外脆內滑，熱辣辣，炸魚柳一Ｄ腥味都無，真系好好食，因為太好食走嘅時候都要再打包一份給我老公食，返到屋企都好好食。套餐+3蚊轉凍飲🍋凍檸茶就系普通茶餐廳口味，無咩特別之處。

第一次幫襯藍鳥葡國餐廳，畀我嘅第一印象係地方寬敞企理，坐得幾舒服。呢度嘅午餐 menu 提供嘅其實絕大部分係茶記食物，所以當見到有葡京甜酸有骨豬扒配香蒜意粉，就二話不說揀呢個，另一個就揀咖哩芝士吉列脆魚柳飯。兩個當中我較喜歡後者，兩塊魚柳勁大塊，炸得算香脆，咖哩汁就撈飯一流。甜酸豬扒其實類近京都骨（所以唔知點解叫葡京😂），我就覺得酸咗少少，不過意粉又 ok 喎。其實呢餐最重要係同快將離別嘅朋友傾下偈，食咩，好唔好食，都冇咩緊要啦。

禾輋藍鳥無記錯大約上年新開嘅，都幫襯過幾次，通常唔使等位，因為無間鋪都幾大幾多位。新裝修，亦都幾有心思，全鋪用色都比較淺色，幾溫馨，同埋有好多鳥類嘅裝飾係入面，成個鋪望落都好精緻。職員有禮貌，人手都足，唔會唔理d客。嘢食都算唔錯幾大粉，個餐兩位數，仲要兩大塊，大到兩個人食一個餐應該都夠食，牛扒正常，個人覺得熟咗少少。焗豬扒飯個汁好食，個扒普通急凍豬味正正常常，夾埋ok嘅。薯條幾好，大大碟新鮮炸出嚟。

叫過外賣初時唔知呢間嘢係乜嘢。見到價錢平。第一次嘗試。抵食。大分。啲蜆冇揸流攤，隻隻都有肉。沙甸魚平靚正，都符合預期。沙律都幾好味。咖啡都好平。味道有海鮮味～^_^

聽說是係馬鞍山搬過來的。禾輋嘅居民有福了～葡式餐廳，幾特別。價錢唔貴，份量又夠，真係唔錯～餐廳好光猛，地方幾大， 坐得好舒適🥰短期內食左兩次，一次過比相片大家睇🤪馬介休薯球，幾特別，唔係度度有得食，馬介休鹹鹹香香，即叫即炸，好正👍呢個小食係必食推介😘另外，焗飯都好出色，飯底有炒過，加分😆塊雞扒好大。馬介休炒飯，炒得夠乾身，幾好鹽燒沙甸魚，呢個都比較特別～仲有其他菜式，比埋大家睇XD街坊價錢，又多個地方可以去食了🥰🥰

沙田禾輋商場在疫情期間餐飲店不停更新，但和平餐廳仍是我在疫情期間的飯堂，下次有機會講講，今次想講新開不久的藍鳥，最初開食過兩次，味道可以但份量覺得不夠（跟對面和平比較），後來再試一次就很有驚喜，份量足夠了，上次吃雞髀扒配薯菜，買相有食慾，他們的薯菜是我喜歡的烚薯菜，很想問他們的紅蘿蔔為何那麼清甜，扒很滑洋蔥醬汁沒見洋蔥但沒影響味道，如果當晚餐湯是南瓜湯就太幸福了，價錢好像是五十多（抱歉我很沒記性而且當初沒諗過寫食評），外賣有折，但今次再吃這個湯麵午餐，也完全對了我的胃口就很想寫下來：溫泉蛋日式义燒湯麵，有木耳蔥花（我的重點啊），义燒是意外地好，不是厚重沒生氣那種，是有燒烤顏色的薄切小圓片，麵就沒什麼，但不會難吃（要求很低吧）滿足的一個午後！不知能保持多久，哈哈！

沙田禾輋邨在疫情期間食店不停更新，但我仍以和平餐廳為飯堂，因外賣八八折，份量質素與價錢成正比，但今次想講對面新開既藍鳥，最初食過兩次覺得份量不是很值（與和平比），後來再給他機會卻意外地發現份量有增加了，再發現他們的買相和味道在快餐中算很有誠意，像今次午餐這個溫泉义燒麵，有木耳蔥花（我的重點），义燒不是厚重顏色死灰那種（食之前沒抱期望因失望太多）而是像烤過的小圓薄片（說像因為我不肯定是否烤過），很香很軟，所以很驚喜，麵就沒什麼，但不難吃（要求很低喔）湯也不是那種很肥膩的朱骨湯但我不知是什麼來的（餐牌說是濃湯），配奶茶（比和平好喝），這個午餐很滿足！另外想說他們的紅蘿蔔配菜超清甜，走地雞有雞味，南瓜湯像是自家弄那種，清爽！新店希望能像和平一樣保持下去啦！

隔左唔夠兩個星期再去藍鳥，溫泉蛋忌廉雜菜意粉走晒樣，雜菜煮到爛晒，菇得2-3片，一大堆意粉煮到好淋，個汁太薄而且收得唔靚兼無芝士味，plus coriander disappeared. So Disappointing！「殿堂級」呢三個字我收翻，只嘆廚房師傅的流動性實在太大了😖

簡餐一頓，叫左溫泉蛋忌廉雜菜意粉配熱奶茶，意粉係殿堂級水準，色香味俱全，芝士味濃郁（食唔慣芝士可能接受唔到）但平民價錢🙏唯一有小小擔心係溫泉蛋是否用可以做溫泉蛋等級嘅蛋呢？如果餐牌寫清楚就放心好多。奶茶不過不失，有進步空間。😅

一句講曬：好差，中伏，好扌然難食，上菜等左九個字今日行完新城市，屋企人話想試下葡國菜，咁就一家走左入去。我叫左個紅酒燴牛肉，阿妹叫左西冷牛排，阿爸阿媽叫左咖哩牛腩飯同湯麵，全部加埋248。一黎睇就知中伏，紅乜9嘢酒姐，根本就係番茄汁撈牛腩，都算啦（當佢茶餐廳，有時都會食到）重點係唔好食，d汁一pat pat 根本就求其搵D生粉撈出黎。D牛腩硬扌然到門西咁，每一舊都夾著成大舊筋，舊筋又蚊得唔夠霖。成件事就好似同舊車胎瘋狂接吻，然後再比舊車胎強女女女。然後就係個西冷牛扒，吹左4次，等扌然左9個字先到。大佬，剪好塊牛扒，撈D汁落去姐，洗唔洗咁耐呀。正當我滿懷期待希望最後一碟菜可唔好咁差ge時候，hi你auntie，D牛扒根本就用粉醃過，食落去淋bat bat，係呀，係茶餐廳通菜牛肉個種口感，但係佢係牛扒呀！咁ge 牛扒都值65蚊，我不如去食大快樂！之後就係個咖哩牛腩麵，食到我呀媽都慶曬，個湯一啲味都冇，麵ge 湯至少要鹹，正常人都知道清水湯麵係幾L難食。麵一個字，霖，霖到擁抱大地，多幾隻字話比佢聽好食ge 麵係點都多餘，因為佢就連基本都做唔到。全檯唯一可以就係個咖哩牛腩飯同杯凍檸茶，但係個咖

今天到禾輋商場買東西，經過有間藍鳥葡國餐廳，餐牌上有午市套餐B：「葡萄牙燴鴨」，好似幾特別，想試吓特色嘢，於是食埋先返屋企。當服務員放下食物時，我呆了一呆，有點失望，沒想到燴鴨的意思原來是在凍肉舖買回來的煙鴨胸肉，與我想像的差太遠了，以為會有三至四件鴨肉。。。至於餐飲熱朱古力，淡而無味，沒有朱古力味，而且結帳時才發現熱朱古力是特飲，需要加兩蚊。我建議店主寫清楚是「葡萄牙燴煙鴨胸」，避免客人誤會而感覺中伏，至於朱古力既然是特飲，就應該做返足料啲，加多兩匙朱古力粉。

星期二約咗朋友係沙田跑步，醒起之前有谷友介紹呢間餐廳，所以一於去呢到試下~1. 豬仔骨跟意粉﹕真心好大份，肉嫩易切開，個汁偏甜，正~2. 辣肉腸Pizza: 雖然個辣肉腸唔辣，而且好似蠟腸咁款，但其實唔錯，特別係批底，好鬆軟，正~3. 霸王非洲雞跟飯﹕聽個名都唔知係咩，不過半隻雞原隻上，皮脆又香口，估唔到咁高質數4. 馬介休炒椰菜﹕叫碟菜食吓，好特別呀！有咸香味又有橄欖，幾特別~(應該係澳門菜﹖)環境有D 似薩莉亞，汽水12蚊任飲，野食方面就比較特別，真係有D 似澳門菜，而且價錢都幾平，仲要夠大份~4條友夾埋都係60蚊落樓仲要咁高質數，呢個真係不得不讚~

來到藍鳥葡國餐廳的第一個印象就是覺得這兒坐得挺闊落的，而且夠光猛，環境不錯。吉列魚柳蕃茄意粉，意粉質感是較軟身的，因此入口十分容易咬斷。而蕃茄汁是偏向水性的，所以當配上意粉時，十分容易拌勻。論意粉質感及味道而言，小朋友應該會挺喜歡的。至於吉列魚柳是有驚喜的，魚炸得恰當好，即是表面是香脆的，脆的感覺偏向是酥脆。不會太炸，也不會太乾。最好的地方是魚肉仍是軟嫩，質地是細滑的。炸魚亦不會有雪味，反而蕃茄汁把魚味襯托出來，使整個意粉除了口感上有層次外，在味道上亦是豐富。

平時係舖頭門口經過，總是人頭湧湧，也有不少人要等位。今日同朋友大約1點食晏，好好彩唔駛等位就已經入得去。呢度主打應該葡國餐，但睇午市套餐就唔覺得好「葡國餐」，似一般西餐廳的西餐夾著一啲中餐。呢度可能真係人太多，侍應太少，叫點菜都叫左好耐先至有人來。幸好啲餐來得好快，叫左啲野食，大約5分鍾已經到，而且都熱。唯一就係啲位好細，我地都唔係好夠位放啲食具。我要左個奇尊汁走地雞脾扒意粉，其實真係唔知奇尊汁係咩來，酸酸甜，又有啲似洋蔥汁，其實幾開胃。雞脾扒都就正正常常，都算滑。我個朋友叫左個葡京甜酸豬扒意粉，個汁唔錯，但豬扒有啲UN，其實呢個餐配飯好啲，但因為想食意粉就叫左。其實成餐最麻麻地的是意粉，啲意粉過淋，而且唔知點解有啲「粉」，覺得呢隻意粉牌子應該是質素較低個種。價錢是大約$46一個餐，價錢唔算話太貴，但食物質素就唔算好高。