藝餐 (已結業)

️上次去葵廣無意中發現呢間韓國野 發現係韓國人打理之餘 成個氣氛都有少少似起韓國小餐廳食飯咁啊😚-🍴海鮮嫩豆腐湯 HKD88睇上去紅卜卜 但係點知食落口又唔係好辣🤣感覺上除左傳統韓式辣醬 冇特別再加其他調味 所以味道十分原汁原味🙈豆腐嫩滑 海鮮都幾足料 蝦 蜆 魷魚 樣樣都有 再加埋超多嘅蔬菜 唔洗食飯都夠晒飽🤯十分抵食🥳🍴辣炒年糕 HKD58份量絕對可以當正餐食😝辣汁辣得黎帶有少少甜味 同起韓國買黎食一樣味道🥰年糕十分之煙韌帶有Q彈😍仲有索曬汁嘅粉絲 紫菜粉絲卷 魚糕 🧜🏻‍♀️超快食曬🤣🍴海鮮煎餅 HKD88又係大大份😂入面有魷魚 蜆肉 同埋大量嘅葱 煎得好香口 個邊邊脆脆地但中間帶有煙韌口感🤩唔錯🙈另外仲有4個小菜 4款都好好食 調味好足😋-✾味道覺醒指數: 3.8/5 抵食指數: 3.7/5服務指數: 3.7/5.

今日同草子去開葵廣，但唔想掃街企喺度食，想坐低慢慢食。行行吓就搵到依間好隱蔽嘅韓國小店。餐廳好多人人都食緊拉麵，佢哋嘅拉麵喺用拉麵鍋上檯，賣相好加分，而且食落好似返左韓國食拉麵咁，一下子好似入左韓劇咁！我叫左個年糕拉麵，拉麵湯底好味，麵軟但都不失彈性，配料有年糕呀蛋咁。草子叫左個泡菜炒飯，少少辣，配埋隻煎蛋剛剛好！炒得好惹味，Lam Lam 脷另外我地仲叫左個雞蛋卷，即叫即整，用鐵板上，熱辣辣。雞蛋卷鬆軟，蛋味濃郁！正！

隱世韓國美食！由正宗韓國夫婦主理既餐廳，食物選擇多，價錢合理，而且味道唔錯。只係前排去到次次都係關門，搞到我成日心思思想食...今日終於食到啦！我最中意係佢既牛肉湯，鮮味！

成日行葵涌廣場，但都唔知有呢間韓國舖頭。喺一樓嘅巷仔度，係朋友帶去先知。 午飯時間黎到都幾多人，堂食坐滿，而且都好多人等外賣。好彩我地等左一陣就有位啦！炸蝦紫菜包飯$45炸蝦新鮮，大大件，而且仲有好多配料！牛肉拉麵$50湯底濃郁，拉麵都好彈牙！雞肉蓋飯$50個樣睇落有少少hea, 味道都係一般般。

【葵廣堂食正宗韓國料理🌼】/////去葵廣多數都係掃街食小丸子 手抓餅 買衫褲好happy(´▽｀)近排男朋友話想坐低食韓國菜 我上Openrice搵搵下就發掘左一間由韓國人開業多年嘅韓國餐廳😙小店食物有韓國都有住家菜嘅味道👨‍👩‍👧‍👦人手得一兩個 都好有禮貌咁去handle每一枱客人😳.👉🏻韓式炸餃子🥟($58)外皮脆卟卟有驚喜～🥰餡料有粒粒粉絲 同埋好香嘅菜肉配埋佢個辣醬 酸酸甜甜幾開胃.👉🏻冷麵 ($78)將冷麵剪開先上枱 夾上嚟嗰陣方便好多😛配料有兩三塊牛展 加幾片梨同埋青瓜不過牛展份量比較小 湯嘅温度都唔夠凍🤧.👉🏻雞蛋卷🥚 ($78)好有住家飯嘅味道😂應該係因為加咗葱！蛋味都幾濃 芝士拉絲融埋落蛋卷到好正🤪.👉🏻泡菜鍋 ($78)味道普普通通 有一片片泡菜同埋少量肉粒————-📍藝餐 (葵芳) 葵芳葵富路7號葵涌廣場1樓B21號舖

我平時食韓國餐廳都係去集團式經營 難得見到呢間小店開係比較偏僻嘅位置 都見到全場滿座 的確 食物質素都好有驚喜！ 🧡鐵板辣烤豬肉配飯一上菜就聞到好香既鐵板燒味 豬肉同蔬菜都用辣醬炒得好入味 個汁亦都非常好味 而且豬肉嘅份量都好足 唔會得大量蔬菜 表現仲加咗少少芝士 用黎配飯一流！ 💜芝士鐵板炒年糕有大量燒過嘅芝士舖滿成個表面 仲食到少少火炙嘅味道 啲芝士容易就做到拉絲的效果 而且食落唔會好似啲橡膠芝士冇味 年糕係比較偏淋嘅質地 成個菜式都好出色！ 💛牛排骨湯飯食左咁多重口味又辣嘅嘢 最啱就係飲呢個湯 中和一下個胃 清清地既牛味 仲有好多蘿蔔 但牛排骨份量就唔多 裏面都有啲粉絲 再加埋飯係超級飽肚 🤎少少可以改善嘅地方 就係人手不足 當日去到嘅時候得一位樓面負責曬所有事 完全應付唔到全場爆滿嘅時段 不過都辛苦晒佢 💜總結：8/10

次次經過葵涌廣場都會買呢間韓國餐廳既韓式壽司，呢款有蝦既成日都賣晒，今日終於俾我買到，壽司唔會包得太大舊，一啖過可以放晒入口，而且好足料，飯同餡既比例岩岩好，好香麻油味但又唔會太油膩，次次都食唔停口

甚少寫食評，真係好嬲好嬲先至會寫。呢間係謀人寺，千祈唔好嚟。價錢收得貴都算啦 ，服務態度差亦都有得佢。 坐低叫完嘢十五分鐘都冇得食 。收你72蚊一個牛骨湯入面得兩塊牛肉。 冇影相因為我馬上出聲叫佢即刻換畀我。 然後又繼續等。跟住同你講叫你埋單先如果唔係就要收加一服務費。未見過咁變態嘅餐廳。附圖係之後再黎都係咁，完全無食過就係得咁多。嬲到癲

葵興其實無咩食，有時都會走遠少少去葵芳尋覓美食！今次就試一間韓國人開嘅韓國餐廳。就係葵廣大家樂轉入去，的確有啲難搵～好偏嘅位置，葵廣又好難行⋯天氣凍都係食返個鍋好啲！！價錢係抵食但就唔包餐飲。味道係韓國嘅味道！正正常常！老闆老闆娘都好好人，好好禮貌～

大家都係喺葵廣掃街多，我都唔例外🤣 都留意唔到1樓角落有呢間咁隱敝嘅韓國餐廳。咪睇少佢呀，都多人食架。Wow 一黎就4個前菜，醃得幾入味，唔錯喔。韓式魚丸湯 oh well, 呢個有d失望，因為偏貴，煮得太淋，少少彈牙feel都冇，個湯冇平時喺韓國街邊飲嗰種feel, 胡椒味唔夠。芝士鐵板炒年糕 Oh My God 睇吓個芝士拉絲，勁邪惡😍😍😍 hea 拉都已經好有feel. 因為我唔太食得辣，芝士可以救我一命，不過佢個辣汁唔算辣嘅。d年糕處理恰當，煮得熟入面煙韌qq的，不過要趁熱食，凍左d芝士會硬晒，變左一大灘野。人蔘雞湯 不過不失啦，入面有糯米嘅，煲湯d雞不嬲都鞋口，d雞肉好易搣開，但會有骨碎要lur，食嗰陣要小心，同埋個湯略嫌冇乜人蔘味。有時覺得間野updup 先夠地道， 呢間野完全做到呢個效果🤣 幾好吖，少左無謂嘅裝修cost, 咁就可以賣得平過出面食類似嘅野嘅餐廳。BTW 呢間野係應該韓國人開嘅， receipt係用韓文，不過有d唔爽嘅係，佢地個中文名同menu有殘體字囉。

疫情當下，為咗屋企人健康，生日冇得出街食~但無意中發現呢間鋪頭-藝餐。原本都冇乜期望，因為香港冇乜韓國餐廳係好食，但係藝餐又出乎意料地好味😋價錢唔貴我哋5個人，叫咗一個豬骨土豆湯、一個牛排骨湯飯、一個海鮮煎餅、一個炸餃子、兩個原味紫菜飯卷。-豬骨土豆湯👍🏻：正正為韓國嘅馬鈴薯排骨鍋，雖然不系韓國正宗，但味道唔差，如果可以好似韓國咁加薯粉就好啦！(照片中薯粉為自己家中後加)-牛排骨湯飯🙅🏻‍♀️：湯同飯係分開比，神奇地呢個湯入面有薯粉，但係味道好淡，牛排骨極靭-海鮮煎餅👍🏻：對香港嘅韓國煎餅印象唔好，主要原因係太油，但係藝餐嘅煎餅完全唔油，亦唔會好多麵粉，認真唔差，全家都贊-炸餃子🙂：OK，內含有肉有薯粉，似韓國餃子，不過似係買韓國冰鮮餃子整-原味紫菜飯卷🙂：味道唔差，夠大件呢間韓國餐廳仲有好多韓國唔同美食，不過顧慮到家人口味，有好多都未試到，有機會會再試🤤

最近睇完 梨泰院 ，想食下入邊見到的韓國餸，聽女朋友講識開葵芳有一間好食，聽佢講咗幾次最後決定去試一試，咁我就叫左辣炒魷魚豬腩肉，豆腐湯，海鮮煎餅辣炒魷魚豬腩肉 就認真好食，$100算物有所值，但係如果份量再多啲就會好d ，但係豆腐湯同埋海鮮煎餅真係失望，豆腐湯完全冇味，難飲過罐頭湯，海鮮煎餅食落去成口都係麵粉團口感，跟餐個醬汁完全唔關事亦都一啲都冇韓國餸嘅感覺，認真要改善一下 埋單$300 ，唔算平，如果真係要來我建議淨係食辣炒魷魚豬腩肉就得，唔夠飽可以喺樓上掃下街 😊

孖寶爸帶左我去食韓國人開、夠晒正宗嘅韓國菜🤤真係樣樣都好味炸雞杯 - 炸雞好脆，另外有醬汁&花生粒係上面，好有口感，好好味。豆腐湯 - 我最鐘意食豆腐，呢個湯辣辣地好開胃。炒年糕 - 呢個會有點辣，不過可以食返當年去韓國旅行嘅味道, 好正呀。

孖寶爸帶左我去食韓國人開、夠晒正宗嘅韓國菜🤤真係樣樣都好味炸雞杯 - 炸雞好脆，另外有醬汁&花生粒係上面，好有口感，好好味。豆腐湯 - 我最鐘意食豆腐，呢個湯辣辣地好開胃。炒年糕 - 呢個會有點辣，不過可以食返當年去韓國旅行嘅味道, 好正呀。

以前都成日食 不過少左入葵芳真係無乜機會食到同埋呢就算我隔左2/3年無去過食 個味道質素係一樣架！每次去食既辣雞肉蓋飯都係咁好味！而且啲飲夠軟熟粒粒分明 雞肉尼講 份量真係好多而且調味十分好同埋啲雜菜一齊炒 個味道好正 依個飯並吾係好辣 我覺得正常吾食得辣既人 應該都可以接受得到 因為吾係好辣 食到有辣味 但其他既味道比較多 如果係再辣啲 真係會好食啲同埋價錢我覺得係合理既 韓式料理份量又多又抵已經好好 50$就食到 雖然對學生哥尼講貴左啲 但可以值得一去