藝餐 (已結業)

啱好過葵廣探朋友，於是乎兩個人緊係撐下檯腳啦⋯朋友介紹呢間韓國嘢，認真唔錯。係角落頭，冇朋友帶路，自己真係唔會行到咁入。本人平時就比較淡口味既，呢間嘢真係好啱自己口味，所以忍唔住比好評，平時鍾意食韓國嘢既朋友真係可以試一試。

葵廣雖然小食多又好味，但偶爾都想揾間餐廳坐低食下野既。今日就試試依間係轉角位比較隱蔽既韓國餐廳。店舖細細，由韓國人打理，我地下午茶時間去，唔算多人。牆上有好多餐點相，有啲幾吸引，但我地唔太餓只想食少少野，就無試啲好大份既食物，我地只點左小食。叫左午餐餐牌既杯炸雞（$38）同埋鐵板雞蛋卷（$78），另外有叫食物就會附送兩款泡菜。杯炸雞新鮮炸起，加上甜辣醬，甜辣醬更帶有少少酒味，不錯。雞蛋卷入面有芝士，但唔算多，而且略嫌煎得太老。總結來講，今次小試依間韓國人主理餐館，未算特別出色，或許再給一次機會，下次試試主菜如何。

葵芳有唔少食店，但有得坐既唔多，一樓就有間韓國菜有得坐，今日終於黎試左佢個LUNCH啦。LUNCHTIME黎食都有LUNCH MENU，價錢就大約$50到啦，正正常常。我地叫左個便當SET，叫左個燒豬肉便當，佢配有３款小食同泡菜，辣豬肉份量都幾多，豬肉真係幾辣下，幾開胃！同埋幾多菜下，唔會感覺剩係食肉，FOR女仔黎講，都幾大份下架！ 另外同朋友SHARE紫菜包飯，味道合格，不過唔太特別。泡菜豆腐湯，一上台既時候我地嚇左一嚇，因為超紅超多油，以為會好辣。我地「筆」走晒Ｄ油，個樣即刻正常Ｄ，不過其實飲落去味道又幾好，辣度岩岩好！芝士雞蛋卷，味道較啖，亦不算特別。

見有人介紹呢間韓國嘢食今晚就試下同個frd叫咗個蛋餅 炒年糕 一碗麵 一個石碢飯啲賣相都算ok 但味道好差個蛋餅定唔知蛋捲嘅嘢係勁普通 老到不得了炒年糕還可以接受碗麵見到好紅 以為辣到咩咁 點知得味精味 完全冇味石鍋飯都係勁普通，啲飯係淋到好似食糊仔咁4樣野加一罐可樂 total $345 貴到一個點😀好食都算 啲野咁難食 仲要咁貴 仲要收10%🤦🏼‍♀️🤦🏼‍♀️🤦🏼‍♀️離譜到呢冇咩服務可言 環境普通 啲枱面唔乾淨

由韓國人主理的小店，位於 #葵涌廣場 很隱蔽的轉角裡，但多年來仍在營運，可見質素應該不差🤔 （常人邏輯？隱蔽就容易結業？）.餓底雖然嗜 #辣，但向來卻不太喜歡 #韓國 的辣，覺得不是偏甜的辣就是盲目地辣到噴火，欠了些辣的香味。.但 #泡菜 就另說！.點了 #泡菜芝士焗飯，即叫即焗，等了良久才上枱🙈 熱騰騰的焗飯配上啖啖芝士和泡菜，辣得來有芝士加點香味，也中和了泡菜的辣，來得適度好處！.注意❗️趁熱吃更好味！因為有少少辣所以吃慢了，飯涼了、芝士硬了，味道也扣分了......味道：6/10價錢：～HKD 100

葵芳有幾間食韓國野，但其實都係麻麻地，但有時真係好掛住韓國菜都會黎呢度，試過好多吾同嘅野，有好多都係中規中矩，之前試過壽司，炸醬麵，拌飯，湯飯都係一般!中午有便當飯，食過辣豬肉，味道都幾好，加上價錢吾貴。今日又係晚飯時間想食韓國野，就試到個好味嘅，水準同係韓國食嘅吾差太遠，就係水冷拌麵，個湯酸酸地，加d辣醬，好開胃，有牛，雪梨片，酸蘿蔔片，青瓜加半隻雞蛋，個喬麥麵口感吾錯，78蚊都好飽下，再加叫個雞蛋卷，鐵板上，熱辣辣味道吾錯，如果當side dish份量就好大，2個人share都好飽! 下次會再試佢其他野，因為選擇都好多，好多都真係係香港嘅韓國餐廳少見到，例如血腸湯飯😆

自從佢開張嗰排成日食佢個午餐，之後都未曾食過，今朝返工時見到佢的廣告牌，於是心思思左成日，放工就過來食，點知佢個Menu越來越貴，個鐵板煎蛋好乾，都係比較鍾意食日本玉子，另外個泡菜辣雞都好乾，基本上這間餐廳所有產品都好乾，食完好口渴

尼間位於葵廣韓國人開既韓國🇰🇷餐廳連韓國人都來吃呢今日同友人行街前特登來試試6點半左右都已經好多人坐低望望餐牌都幾多款揀因為我兩個人，揀左3款小食落完單就上左前菜前菜一般般餐具自助，免加一特別鐘意佢既茶，幾好飲食韓國野當然必點韓式炸雞🍗揀左個《HOT甜辣雞》口味半隻$85 個醬半隻要加$5 半隻都算多了份量炸雞🍗有配埋蘿白上個醬係幾好食吾太辣，不過個炸雞皮超厚粉食粉多過食雞肉一睇知翻炸雞🍗失望極了到左個《韓式魚丸湯》$65 比想像中多有成6串每串有3舊魚丸大件夾抵食但個湯無乜味好清不過魚丸幾彈牙最後上尼個鐵板放住既《蛋卷》$68雖然蛋卷好細條但就熱辣辣上好有誠意即整蛋卷入面仲放左芝士非常之惹味真係吾夠喉尼個必食啦食物各款好大對比真係要識揀價錢來講中價啦不過勝在免加一

葵涌廣場變左好多，以前多數係去買平衫買化妝品，而家變左搵食為主，賣衫的舖頭越黎越少。場內多數係外賣檔, 不過其實都有好多有位嘅堂食餐廳，朋友話呢間韓餐好食，食左好多年之前我多數係食餃子，酸辣麵同地下的腸粉魚蛋，真係唔知有間韓國餐廳座位排得迫係梗架喇，不過啲前菜都ok芽菜好香麻油味，泡菜好似自己醃個紫菜包飯都幾好食， 但佢好似有少少沙律醬，惹味泡菜豬肉，味道中上，熱辣辣好送飯泡菜鍋，朋友話以前好食啲，而家冇乜味

講起葵涌廣場，通常都只想起掃街，但其實葵廣都有很多其他平價美食，這次就和朋友誤打誤撞來到此間韓國人經營的小店由於老闆是韓國人，我們點餐時要用英文😳紫菜包飯芝士拉麵芝士和拉麵的配搭比例剛好，麵條硬度適中，湯底都足味泡菜炒飯驚喜之作，泡菜下得很多，儘管叫了小辣，仍是有濃厚泡菜辣味，但很有韓國風味雞蛋卷即叫即製，咬下時還冒著煙。蛋味很濃，內裡鬆軟

今天和同事到葵芳廣場吃午餐，因為有同事想吃韓國菜的關係，所以到了這間藝餐。這間餐廳空間比較細，但卻有不少的食客光顧，也許是lunch time 的關係吧。我叫了一個海鮮拉麵，並和同事一起叫了一個泡菜煎餅，因為我的同事真的很喜歡吃泡菜。在等候的期間，店員先給了我們兩碟前菜，分別有泡菜和芽菜，泡菜方面偏酸，沒什麼辣味，也許是配合香港人的口味吧。而芽菜則混了麻油，味道比較香，而且芽菜夠爽，很好吃。等了一會後，主菜終於上了！我叫的海鮮拉麵上配有一個渦蛋，海鮮方面有蝦，青口和章魚等，份量不算多，蝦青口和肉也比較硬，沒有鮮味，味道一般，幸好湯底不錯，帶有點泡菜味，麵條也有彈性，很開胃。最後說說那泡菜煎餅，煎餅中確是有泡菜的，口感比較硬，也許是我們放久了，但味道不錯，不會太咸，而且煎餅本身帶點甜味，配上泡菜蠻好吃的。

今日朦仔同幾個友人相約去葵涌廣場行街食野，依個地方一直係朦仔又愛又恨的地方，因為一來就會不停地吃，朦仔第二日又做多一轉運動行完街聞到一陣好香的香味道，感覺好熟悉，跟著味道過去見到有人排隊，原來係間食韓國平民化食物的餐廳，一於跟住人龍排隊，試一試佢，拍隊好快，10分鐘到就到我地，坐低第一時間叫碗韓式拉麵老闆係韓國人，好熱情，唔洗一陣，牛肉拉麵就到啦，趕唔切影相只能附上食完的照片，想知幾好好，下次你都去試下啦十分值得推介的平民小食

同男友係葵芳行街，咁啱經過見到個廣告牌寫話係韓國人經營嘅餐廳，所以決定來試試。餐廳係葵涌廣場，有兩間門面咁大。不過樓面員工好似單一位，落單、上菜、收錢都係佢。所以我哋坐低之後，以為好似啲快餐店咁，要自己走去落單俾埋錢先。原來只係個員工一個人太忙🤦🏻‍♂️🤦🏻‍♀️。其實菜式選擇都幾多，墻上仲有好多菜單上無嘅新款式。不過小食嘅選擇唔多，只有炒年糕、炸雞塊同魚丸湯。就連炸餃子都係配飯嘅套餐。🤷🏻‍♀️嘢食方面，男友嘅便當配菜都幾豐富，炒豬肉仲要係幾大份，食曬啲飯都未食曬啲餸😂。 不過豬肉味道都有點偏甜，如果多少少辣味就更好。而我揀咗拌飯，配料足，飯量都好多，夠曬飽足感。配菜嘅味道都唔錯，食得出唔係馬虎制作。而拌飯好嘅係可以按自己喜好加醬👍🏻👍🏻，總的來說係好味。見到仲有唔同火鍋同湯鍋，下次有機會會再來食。😋😋😋😋

店舖冇咩㸃特別裝修，門面只是簡簡單單的開放式。睇下食咩先餐前小吃：泡菜，大豆，泡菜比想像中冇咁辣，味道普普通通啦。韓式魚丸湯，魚丸咬落口無咩特別口感，感覺平平無奇的，不會像香港的魚蛋有彈牙口感，味道淡淡的，必須要蘸上醬汁才有味道。醬汁是這度菜的精粹，鹹鹹地酸酸地，少少微微辣，辣味不太覺的，唔食辣的人也可以食的，湯也像魚丸一樣淡淡的。鐵板烤雞肉餐，餐配以白飯，賣相也不錯，因冇汁所以鐵板冇“炸炸聲”，感覺上總是差少少的。雞肉配以紅蘿蔔絲、洋蔥絲、椰菜絲，再洒上芝麻，雞肉咬落口也是淡淡的，由於味道太淡了，我將雞肉蘸上魚丸的醬汁才有D味道，真係有㸃那個了。粉絲炒雜菜，賣相一般，配以三色椒絲、洋蔥絲、牛肉絲、雲耳、蔥絲，再洒上芝麻，這度菜味道一般，粉絲煮得比較稔，牛肉熟左D，算是三款菜中略有味道的一款了，起碼不用另外蘸醬汁食 。食飽這餐飯，如問我好唔好食？雖不至於好難食，但我就真係不能說好食，只能說句同心中的落差較大。又話是韓國人開的，真的嗎？為何質量如此的大落差呢？無論環境、食物質素都無法給我有一種食韓國菜的感覺，收費就真係更加不值，如果對此店抱有高期望，恐怕會令大家失望了，勉勉強強的還可以。

自從幾年前發現係葵廣既藝餐之後，耐唔耐都會黎幫襯。呢度環境簡單，小店風味，提供韓國家常料理，食物實在係唔錯。由於位置唔易搵，平日晚上一般較清靜，最啱約埋鐘意食韓食既朋友一齊吹下水，順便行下葵廣。飯卷，餐牌好似無寫，要特別問店員蛋卷及泡菜煎餅石鍋飯除左飯卷預先整好外，蛋卷，泡菜煎餅同石鍋飯都係即整，熱辣辣上枱。P. S. 以前都係呢度食過炸雞，但確實一般，大概非此店擅長既料理。食韓國野其實唔一定等如要食炸雞，到訪此店不妨試試其他野食。