蘇山雞飯

營業中

休息中

大隻仔今次覓食嘅店舖就係💥 蘇山雞飯 💥大隻仔今次介紹呢間星馬餐廳，海南雞飯同咖央多士都好好食，招牌海南雞飯必食推介，用咗二十幾款香料浸雞，雞肉嫩滑又入味，咖央多士烤到金黃酥脆，中間夾住香甜可口嘅咖央醬同厚厚半融牛油，不得了。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 鮮油咖吔多士 $30咖吔多士好好食，麵包烤到好香脆，加上充滿椰香嘅甜味咖吔醬，中間夾住大大塊牛油，極之邪惡，但非常好食。🔥 參巴辣蝦醬通菜 $42馬來西亞嘅參巴醬真係好好食，加埋蝦醬一齊抄通菜，帶少少辣，充滿咸香，會食唔停口。🔥 招牌海南雞飯配 雞雜冬瓜湯 $85 黎得蘇山雞飯，梗係要食馳名嘅海南雞飯啦，去骨海南雞超級滑，啖啖肉，非常滿足，雞皮下仲有一層透明啫喱，再配上傳統三款海南雞醬汁，薑蔥蓉、黑醬油及酸辣汁，各有滋味，不過大隻仔最鍾意就係點酸辣汁加薑蔥蓉一齊食，真係最好食。雞油飯亦同樣出色，油而不膩，油飯夠曬味道，隨餐附送嘅冬瓜青湯內有好多片雞雜，而且雞腎好爽口。🔥 夜市沙嗲6枝（

這間餐廳以前有食過，價格親民水準唔錯，他們的海南雞飯確係好食，今次encore再來食，試下其他新野先。牛車水醬油雞飯 $85此菜式有點似廣東菜的豉油雞，雞件醃得尚算入味，醬油甜味比咸味重，雞肉幾嫩滑，另配三款醬汁佐食，但最重點推介的其實是那碗油飯，雞汁精華令油飯香口而油潤，飯粒偏軟身但好好食。另此餐跟配雞雜冬瓜湯，味道鮮美可口。火焰醬香椰子雞窩 $168雞窩上桌時，店員同時拿著一杯矛台酒及沙漏前來，原來係即席將酒倒在煲蓋上再點火，用沙漏計時，夠鐘後一打開，不但有酒香更有香濃椰子味撲鼻而來。湯底超級清甜，完全是整顆椰子水作湯底，再加少少酒味及雞味，好飲到成煲湯清晒。雞件有半隻雞份量之多，但始終是煲了湯的雞肉，不算太嫰但亦不鞋口。反而椰子肉就好軟嫰，好好食。麻辣玻璃魷魚通菜 $25(跟餐另加)跟餐另以半價加的菜式，魷魚質地好彈牙爽口，麻辣醬料幾香口，醬汁滲入通菜內都幾惹味好食。砂拉越菠蘿冰 $48原個菠蘿上桌份外吸晴，飲得出無額外的糖水，純天然果汁製成的沙冰，還有片厚切菠蘿果肉，夠清甜，超級解喝。涷生椰拿鐵 $12口感很順滑又不會很甜，比一般拿鐵多了一點點椰奶味。

好耐之前食過一次蘇山雞飯，念念不忙佢隻海南雞🤭原來而加係太子都開咗一間，方便好多呀👍🏼人流好旺，個場6半去到已經full哂，食到7點半再望一望已經要排隊😂好誇張！獅城芽菜走地雞(半隻) $140寫明係走地雞㗎！真係得里度先有！雖然啲皮無好黃，但入面超嫩👍🏼有啲凍啫喱添呀！味道唔會好咸，無咩骨，明顯店員處理過👍🏼唔會食到好污糟❤️雞肉比較瘦，健康人士必點！海南豬扒叻沙摻摻 $70有得揀老鼠粉，米粉，油麵！我地就揀咗油麵，湯底好香有椰香味又唔會太辣😍仲附送魚蛋片同白魚蛋添呀！！豬扒先至最正👍🏼我地食完都讚不絕口！好香香茅，又唔會太油！有啲肥肉痴邊，好好味😎下次都要再點！！里個餐我加咗$49要小食拼盤2人份量黎，不過好豐富好多嘢食😱性價比高！有魚餅，炸蝦，炸雞中翼，炸雞髀仔，肉串👍🏼👍🏼有水準呀！開心果椰子奶昔 $35好香呀！！椰子奶昔好飲好消薯👍🏼👍🏼仲加咗開心果，個色好似healthy drinks😂

今日喺太子呢邊上完堂，約朋友喺附近呢間比較多人排隊嘅馬來西亞餐廳試試，心心念念咗好耐嘅肉骨茶終於有得飲下啦！肉骨茶呢度嘅肉骨茶係傳統嘅胡椒風味，亦都係我個人偏鍾意嘅style，大量嘅原粒白胡椒同排骨去熬煮湯底，白胡椒嘅清香充滿住整個湯，但飲落並唔會太辣，啱曬啲鍾意聞落香而唔係太食得辣嘅朋友。黑白雞飯（海南雞+醬油雞）呢度嘅黑白雞飯即係海南雞同醬油雞兩種，雞件比較肥美，個人比較鍾意海南雞，點上特調醬汁食真係幾惹味，醬油雞都唔錯，皮滑肉嫩。娘惹咖哩牛筋腩干撈老鼠粉娘惹咖哩夠曬地道，出面比較少有乾撈老鼠粉，今次我專登點嚟試一試，老鼠粉即係市面上嘅銀針粉，咖哩調味恰到好處，濃香而唔辣，牛筋腩炆得好淋，配上呢種咁香濃嘅咖哩夠曬入味，令本身唔鍾意食太多澱粉質嘅我都一啖接一啖停唔到口呀！參巴辣蝦醬通菜濃郁嘅參巴醬同通菜一齊炒簡直天衣都無縫，通菜夠曬入味，帶微辣香氣，而且份量都唔少，兩個人share啱啱好。特色小食拼盤包括有雞翼、泰式魚餅、脆炸鳳尾蝦春卷、豬肉串。個人覺得最特別嘅係脆炸鳳尾蝦春卷，外皮係網狀脆紙卷成，入面係彈牙嘅蝦肉混和豬肉等食材製成，食落非常之香脆，而且市面較少食到。另一個係豬肉串，

之前喺長沙灣食過蘇山雞飯，今次就試吓太子分店嘅質素啦！🔖​叉燒香辣蝦麵💰70呢碗麵除咗有兩大嚿大大嚿嘅叉燒之外，亦都有兩隻蝦同兩舊豆卜㗎~湯底就比想像中辣，不過都幾惹味🤓💫推薦指數: 8/10​🔖​星洲喇沙海南雞米粉💰80食新加坡菜又點少得要食喇沙！湯底唔算話好濃稠，但係對於我嚟講味道方面亦都幾符合到我個人嘅口味，因為相對會比較溫和🤗至於海南雞方面，肉質嫩滑，雞味濃郁🐥而且脂肪嘅佔比亦都好少👍🏼💫推薦指數: 8.5/10​🔖​馬拉盞椰菜苗💰29 (套餐加配價)第一次試椰菜苗，發現質感原來有啲爽脆🌱加上馬拉盞之後，食落去鹹鹹香香，而且份量都比想像中多😛💫推薦指數: 8.5/10​🔖​脆炸鳳尾蝦春卷💰20炸到鬆脆嘅網狀春卷包裹住鳳尾蝦，入口非常之鬆化，再點上醬汁一齊食，味道會更加昇華😋鍾意食香口小食嘅你哋就一定要試吓啊😌💫推薦指數: 8/10​🔖​砂拉越菠蘿冰💰48呢個菠蘿冰過嚟打卡就啱晒😍從來冇諗過菠蘿冰可以用呢個方式呈現🤣飲落去夠晒清甜，最後仲可以食埋菠蘿肉，夏天一定要試呢一款飲品🍍💫推薦指數: 9/10​🔖​開心果椰子奶昔💰32餐廳利用近期大熱嘅開心果製作成飲品😌再加上椰子，變成一款

蘇山雞飯又出新野！炎炎夏日必點全新甜品🍧飲品🥤消暑解渴！創新口味！賣相造型又靚💕🌟咖吔油條配薄荷朱古力雪糕把咖哋醬配上火熱香脆即炸油炸鬼同薄荷朱古力雪糕！冰火交融！口感特別🌟砂拉越菠蘿冰取用時令的原隻菠羅取肉攪拌一個菠羅只做一杯🍍夠哂原汁原味！飲落啖啖果菠羅果香！🌟星洲叻沙海南雞摻摻材料豐富：豆卜、魚片、魚旦、芽菜、通菜、同雞皮Q彈，雞肉嫩滑海南雞🐓叻沙湯底香濃！🌟夜市沙嗲（4枝）牛肉、雞肉各一串！即叫即燒！夠哂新鮮🌟鮮油咖央多士厚厚既牛油🧈配上咖央同烘到香脆多士牛油🧈入口慢慢溶化！好味#蘇山雞飯 #海南雞 #醬油雞 #海南鸡饭 #海南鸡饭香港 #喇沙 #肉骨茶 #咖央多士 #串燒 #東南亞美食 #香港美食 #香港旅遊 #香港探店 #香港生活 #香港餐厅推介 #長沙灣美食 #太子美食 #susan_chicken_rice

本人一直都鍾意食海南雞飯，因為無骨好方便，啖啖肉，所以今次揀左黎太子分店既蘇山雞飯，主打新加坡菜。去到要排一陣隊，但都好快能夠入座。今次點左下面啲菜式，係經典同招牌菜式為主，但有啲經典菜式好快就會賣哂，所以大家要早啲去呀，如果唔係就叫唔到自己想食既菜式。黑白雞飯 （海南雞 + 醬油雞）$93 🐓🌟🌟🌟🌟🌟加 輕怡排骨茶 $10 🥣Black and White chicken rice (Hainan Chicken & Soy Sauce Chicken)Light Bah-Kuet Soup佢地用左走地雞，肉質結實而且好嫩滑，同埋雙拼份量一啲都唔會少，另外配左酸薑，好開胃，個雞飯超級香濃，係我食過出色既雞飯，同埋飯裡面會滲透哂啲雞汁。另外加配左既排骨茶好岩口味，胡椒香味好重同埋跟兩舊大既排骨好足料，呢個排骨茶係必點既。麻辣玻璃魷魚通菜跟set加 $25 🦑Water Spinach with Spicy Squid呢個菜好適合啲鍾意食辣既人，因為麻辣味好出，同埋通菜份量都好多，足夠兩個人既份量。開心果椰子奶昔 $32 🥑🥤✨Avocado Milkshake 開心果椰子奶昔要一讚，

🙋🏻‍♂️餓底探員去咗太子調查呢間星馬菜館，之前食過已經覺得唔錯，當日朋友提議食海南雞飯，咁啱之前又無食到，於是今次再訪係要試佢個海南雞飯🐤招牌海南雞飯 $85🙋🏻‍♂️表示個海南雞配上油飯，飯味充滿油香，食落好有咬口，雞肉軟腍嫩滑，味道脂香，配上三色醬，甜醬油味道濃郁香甜，蒜蓉辣醬香辣帶蒜香，薑蓉香濃惹味，三款醬料各具特色，奉送冬瓜湯，味道清甜，湯入面仲有鮮甜嘅雞腎同雞肝，呢個招牌海南雞飯絕對係必食👍🏻🥩娘惹咖哩牛筋腩干撈老鼠粉 $68🙋🏻‍♂️表示個老鼠粉配上牛筋腩，食落口感香軟，面頭淋上娘惹咖喱，味道香甜，充滿椰奶香味，將咖喱汁同老鼠粉撈勻，再加幾滴青檸汁，味道清新又提鮮🍗特色小食拼盤 $98 (跟餐加配$49)🙋🏻‍♂️表示個小食拼盤有雞翼，泰式魚餅，脆炸鳳尾蝦春卷同豬肉串，雞翼炸到外脆內軟，食落香口，泰式魚餅口感香脆，味道充滿鮮味，鳳尾蝦春卷用絲網皮包住，飯落好酥脆，豬肉串入面加咗黑椒，口感鬆軟，味道脂香🍖夜市沙嗲6枝 $108 (跟餐加配$54)🙋🏻‍♂️表示個串燒有牛肉同雞肉選擇，亦可以雙拼，兩款都燒到香噴噴，牛肉鬆軟多汁，味道香濃，雞肉口感嫩滑，味道鮮香，配埋沙嗲醬食落更加惹味🥬

太子經過見到5:30仲有下午茶餐食😼就打算食個early dinner😉點知又俾我搵到好野🥸🐔招牌海南雞飯配雞雜冬瓜湯Gym人必備😋雞髀雞胸有齊晒😙唔會好肥又唔鞋🫡冬瓜湯入面仲有雞雜食👍🏻-🦐排骨香辣蝦麵有兩舊排骨兩隻蝦半隻蛋🍜蝦麵湯底蝦味好夠🙌🏻麵底都好大🔥食完呢個下午茶 夜晚都一啲都唔餓😚-🧈鮮油咖央多士極邪惡嘅多士‼️厚厚嘅鮮油一見到已經流晒口水🧈久唔久要放縱一下😌咖央好香濃🥰個包又烘都啱好😙仲要擺盤打卡able🙂‍↔️-🍗Susan雞翼雞翼係雞全翼😲有埋雞膇仔🥸炸得啱啱好🤩同埋唔會落太多調味料🙌🏻食到原本嘅肉香🫶🏻-🧉冰凍椰青香港嘅夏天真係好鬼熱🥵見到有得加錢配椰青真係忍唔住😳解渴又有椰肉食🤤真係好想再encore👻-🍍砂拉越菠蘿冰人生除左食菠蘿炒飯會見到連菠蘿殼上枱之外😆真係未試過咁樣飲菠蘿冰🔥夏日炎炎消暑一流🤘🏻仲要有新鮮菠蘿可以食😜超甜又冇渣🤘🏻

餐廳位於太子地鐵站附近，主打多款特色星馬菜，每次經過都大排長龍，店內環境唔大但座位之間有適當距離，有卡位、普通座位同一張大枱，食物價錢合理，菜式老少咸宜，適合聚餐。主食方面要咗個娘惹咖哩牛筋腩干撈老鼠粉，咖喱香濃，唔辣，牛腩份量唔少，大塊且啖啖肉，老鼠粉軟硬程度適中，若可以要多醬就完美了。另外建議可以加點烤餅嚟點，酥脆又唔油😉健康之選有怡保魚丸手撕雞湯粿條，魚丸彈牙，手撕雞唔嚡，麵條可以再煮腍啲，不過整體搭配都唔錯。小食方面有醬油雞腳，六大件，帶點咬口，煙煙韌韌，而且醬汁幾入味，性價比高。私心推介鮮油咖央多士，未食已經覺得好邪惡，麵包脆身，牛油超厚，不得之了。雞雜冬瓜湯都唔錯，暖笠笠，淡淡香氣，一碗唔夠飲。依家仲有個夏日Summer餐牌，大推砂拉越菠蘿冰同開心果椰子奶昔，前者採用新鮮果肉，完全無落糖，飲落超清新，記得要刮埋啲菠蘿肉食，真係食到舔舔脷、後者味道香濃，甜甜哋咁。

路過見到窗口客人枱面放住有火燒緊嘅煲好吸引！所以就排隊入去試下~我哋夜晚八點去到都好full,食緊嘅時候門口keep住有人等位~🍽️巴東牛肉配江魚仔椰漿飯 $85椰漿飯配上軟腍嘅巴東牛肉、江魚仔、花生、蛋及泰式蝦片。泰式蝦片好大片，而且好脆。巴東牛肉煮得好腍好入味，而且份量都好多！椰漿飯椰香味濃郁，配埋魚乾嘅鹹香同花生食用口感豐富。🍽️火焰醬香椰子雞窩 $168店員喺鍋蓋上加咗酒同點火，鍋蓋一瞬間包圍住火焰，賣相相當吸引！😻等待五分鐘就可以食用！火焰醬香椰子雞湯用咗椰青水同醬香型嘅茅台酒，湯底一滴水都冇加，配上椰青肉同枸杞香醇濃郁而且鮮甜美味。走地雞份量好多，肉質嫩滑鮮美，配埋沙薑及青檸調配嘅醬汁非常好味！同油飯食好夾好滿足！🤤🍹開心果椰子奶昔 $32奶昔好幼滑，開心果味濃郁，配上幽香嘅椰子味非常夾，兩者味道唔會互搶。🍹砂拉越菠蘿冰 $48由原隻時令菠蘿肉攪拌製成，酸酸甜甜開胃又解渴，非常適合夏天飲用。原汁原味，正！😍

經過太子藍馬之城地下，就會見到一間極有氣派的「蘇山雞飯」，他們出名馬來西亞菜：海南雞、蝦醬通菜、叻沙等…真係點可以錯過。砂拉越菠蘿冰用原個菠蘿上，賣相吸睛，視覺效果出眾奪目，入口有濃濃的菠蘿香，清甜可口。開心果椰子奶昔甜度恰到好處，啖啖超濃郁椰香，香甜清爽。參巴醬辣蝦醬通菜通菜爽脆可口，微微辛辣，鹹香惹味。海南豬扒叻沙摻摻有別於一般的餐廳只有油麵和米粉，這裡竟然有老鼠粉，當然不會錯過啦！海南豬扒軟腍香口，魚片和魚蛋口感彈牙，叻沙湯底味道濃厚，辣味溫和適中，香濃惹味，令人食指大動。黑白雞飯（海南雞＋醬油雞）這款一次過就有齊海南雞和醬油雞，海南雞口感嫩滑，醬油雞更多了一份醬油香，但仍很嫩身甜美，而且再有清甜雞雜冬瓜湯及油飯，更讓人胃口大開。

有日放工經過，在地鐵站不遠處有間咁好食嘅高級茶餐廳，裝修企理，環境舒適，有格調但又不拘束，座位算闊落，而且侍應落單速度好快，轉頭好快又上菜了，效率10分高😌星加坡白胡椒排骨茶配白飯（$88）：胡椒排骨茶好香濃的胡椒味，夠辣，真材實料！🤩油炸鬼剛炸起又脆又熱！個湯好多排骨，好足料，排骨好腍冇蘇味，排骨茶配白飯這個配搭實在好食增加😋小編加了飯，食到好飽！招牌海南雞飯配雞雜冬瓜湯（$85）：海南雞飯鹹鹹的，有雞油味但唔覺油膩，海南雞簡直嫩滑到不得了！配合三個醬料，適合唔同口味嘅客人！冬瓜湯清淡的，送海南雞飯好夾！😍咖吔油條配薄荷朱古力雪糕蛋（$38）：薄荷朱古力夾在油炸鬼中間，外熱內凍，外脆內軟，簡直是極好的配搭，估唔到會有這個驚喜🤩開心果椰子奶昔（$32）：淡淡的開心果味，配合比較濃的椰子味，正👍🏼鮮油咖央多士（$15）：一上菜就見到超厚的牛油！新鮮烘好的脆熱多士，配半溶的超厚牛油，還有裏面帶甜的醬，好想再encore☺️☺️#hkfoodie #foodiehk #foodie #hkfoodstagram #hkfoodblogger #food #foodstagram#foodblog

夏日✨足料火焰雞窩這間位於太子的人氣新加坡菜餐廳，除咗有好食嘅海南雞飯之外，這個「火焰醬香椰子雞窩」最吸引我，於是二話不說就拉朋友來食！🌟 🐔雞串燒除咗雞煲，我都點了雞肉串燒，燒很嫩滑，而且比我想像中更香口，配沙嗲醬汁就真是一流🌟 🍲砂煲肉骨茶今次都叫這一煲「砂煲新加坡白胡椒排骨茶三條大排骨，加上新加坡特色的白胡椒湯底，滋味又養生🥥🐔火焰醬香椰子雞窩（半隻雞跟油飯）侍應即場點火，然後給了我們一個沙漏，靜待火焰雞窩慢慢焗！侍應打開後，椰子香氣和酒氣撲鼻，絕對有別於外面的椰子雞窩。首先，湯底是以椰子水和雞湯煮成，湯頭酒味味道豐富，椰青香且清甜，散發陣陣酒香，🥄絕對無添加任何味精，令人想一飲再飲；還有走地雞和茅台，令吃雞塊（足足有半隻，夠兩個人食）鮮嫩可口，配油飯和醬料（沙薑/辣椒/豉油），絕味。✨馬拉盞椰菜苗晚上要食多加一個菜，這碟以椰菜苗為主，搭配馬拉盞醬汁，辣味的醬汁令人懷念☀️菠蘿冰🍍🍧真菠蘿！這杯菠蘿冰真的很爽，簡直係一杯解暑冰，一邊食椰子雞，一邊食菠蘿冰，真是很搭🥥🥤開心果椰子奶昔不太甜，朋友說真的不錯，而且開心果和椰子是得合適下次再來要吃菜式：🐔醬油雞同海南雞飯….🍚蘇山雞飯 (

今次同朋友去咗太子隨便搵咗一間抵食嘅餐廳，望入去呢間蘇山雞飯睇落都幾企理，就入咗去試，發現大份夾抵食！鮮油咖吔多士：這款多士外觀金黃，咬落去外皮酥脆，內裡軟熟，搭配上店家自製的鮮油咖吔，非常邪惡好有滿足感。參巴辣蝦醬通菜：通菜本身爽口，加上濃郁的參巴辣蝦醬，食落好香，但係唔會太辣，唔好食辣都可以食到。招牌海南雞（半隻）：雞肉烹調得恰到好處，肉質嫩滑，雞皮略帶脆感，配上秘製醬料，鹹香適中，如果唔係好食澱粉質嘅就可以好似我哋咁樣嗌半隻雞唔使嗌飯，咁樣嗌都好抵！咖吔油條配薄荷朱古力雪糕：創意十足嘅甜品，將熱熱的咖吔油炸鬼同冰涼的薄荷朱古力雪糕結合，一熱一冷的對比，呢個配搭都幾新鮮。開心果椰子奶昔：呢款奶昔以開心果和椰子做主角，口感滑順，開心果的獨特香味與椰子配合，令到成件事好豐富！