蘇潮韓海火鍋私房菜

營業中

休息中

環境舒適、服務一流、食物美味、價錢合理。今次做法有私房菜，我們一半打邊爐，一半私房菜。VIP 房有電動麻雀、卡拉OK、電視和梳發，滿足晒我哋一家人一晚的歡樂。象拔蚌刺身每次必食的，又新鮮又甜。小食類：椒鹽豆腐、椒鹽饍球、黃金魷魚。

一行8人，叫左兩個火鍋，一個雞魚翅湯底，個湯勁好飲，另一個海鮮湯底比較清及鮮甜，都好好飲，另外食材都好新鮮，加上新開環境又舒服乾淨，適合一班朋友，湯底味道令人回味，一定會再幫襯

大鴻輝新開火鍋店，可能因為新開試業，如果唔計樓下排隊時間，可以話係唔需要等位，店內大廳積唔大，大約得10圍枱左右，左右兩邊全部卡位，但就有好多間VIP房，房入面有電視，門口姐姐仲話可以唱K ~~雖然都坐咗8成人，但都算係好靜，同樓下任食火鍋店唔同，唔會嘈到同朋友傾計都有困難，張枱夠大，枱與枱之間空位亦都好大，但係成間舖既燈光較暗，同一般火鍋店感覺唔同。因為唔係任食火鍋，質素有保証，價錢亦算合理，叫個海鮮鍋都係500左右，有鮑魚 / 聖子王 / 大蜆 / 龍蝦 以及大大舊豬骨湯底，湯底我同朋友都讚好香好夠味！另外叫啲餃 / 脆魭 / 菜同菇等等，兩個人$1000左右飽住落樓，呢個質素同環境黎講，CP值非常高！

先講環境，地方寬敞舒適，只係座大廈等𨋢上去耐少少，但食好嘢，無所謂啦😄一出𨋢，望到門口收銀櫃，感覺有啲似會所，原來佢真係可以 Book VIP 房的。入到餐廳，覺得地方好闊落，洗手間好乾淨，大讚👍🏻👍🏻👍🏻，座位亦很寬闊，不錯！輪到食物，沒想到個花膠雞湯底超出色！湯是沒味精的，夠濃味，顏色又靚，仲要有翅食😋飲完個湯，隻雞仲會變做覇皇雞，雞肉仲要唔”鞋”口！正😋😋😋叫左和牛并盤，和牛好嫩滑，好味，但其他牛仍有進步空間。勁鍾意食牛的我，可能要求高左！牛肉我會俾78分！期望下次去，牛肉會更上一層樓！(注: 和牛係真係高水準的)鵝腸好新鮮，無”壓味”，脂肪夠肥，但係剪得短左少少(8-9吋)，如果剪成12-14吋，食落口會更有質感！因為鵝腸係淥完會宿的！另外，有驚喜ge係 椒鹽豆腐，一口細細粒，外脆內軟，有層次、有口感！仲有炸雲呑都好好味！Good👍🏻👍🏻👍🏻下次會帶屋企人同朋友再去幫襯，到時會試下啲魚生和海鮮。

今日平安夜朋友帶我嚟試新店☺️新開店🎉環境舒適，座位闊落店舖有聖誕佈置，職員仲派聖誕頭箍比客人，幾有聖誕氣氛🎅🏻🎄湯底我哋叫咗最推介ge花膠雞湯— 蘇潮靚鍋睇落個湯勁濃，佢哋標榜完全冇味精唔好以為得隻雞，飲落勁足料，超入味😋，我哋飲到唔停口，差唔多飲晒啲湯😅😅😅🤣🤣同啲職員傾計，知道原來呢個鍋係每日限量，下次再嚟可能要預訂定🙈🙈🙈裏面又有花膠、海參、竹笙，仲有大大嚿翅哇😮😮😮大嚿到呢佢哋中途會撈起隻雞，整返道霸王雞🐔🐔啲雞依然勁滑溜，yummy😋飲完湯可以開始打邊爐喇🤣🤣🤣叫咗椒鹽豆腐小食，好好味，完全唔記得影相😆😆😆呢度標榜食物新鮮人手製我哋叫咗牛拼盤、招牌手作餃、手打四寶丸……全部都幾味，食得出係用心製作&新鮮下次會再嚟食，試埋其他湯底🤤🤤🤤

早幾日見到荃灣大鴻輝地下大堂有好多開張花牌，於是帶埋家人上去試一試新嘢！估唔到地方唔錯，景觀開揚。大廳全部卡座，仲有好多大中細嘅VIP房任君選擇，大房仲要有卡拉OK！😅😅湯底、食品種類有好多選擇，海鮮選擇亦都好多，眼見有象拔蚌、章紅魚、花竹蝦、鮑魚、聖子等等。試咗象拔蚌刺身，爽口清甜！鮑魚亦都好軟滑！其他如肥牛、手打丸同水餃好有質素！餐前小食就試咗黃金鮮魷仲有椒鹽鱔，都係好好味！總括所有食物上枱時都好新鮮、好吸引，價錢亦都合理！👍🏻👍🏻