蘇爺甜品

營業中

休息中

未試過食一碗椰汁底嘅西米露係咁難食已經分唔到係偷工減料定係個椰汁唔好食勁淡 芒果汁椰都冇乜味咁唔想落椰汁不如唔好出😅😅芒果布甸都好難食 溝勁多奶定水 搞到冇乜芒果味 個色水又差呢間野係我我生食過最難食嘅糖水舖🙏🏻🙏🏻😂未試過難食到要寫食評😂

今晚晚餐食咗辣嘢，就想叫啲甜品平衡返。呢排啲外賣平台勁多coupon，就經外賣平台買咗呢間嘅糖水試吓。芋泥西米露舊芋泥都幾大嚿，不過佢就唔係打到好滑嘅芋泥，仲有啲芋頭粒係咪入面，所以同想像中有啲出入，西米亦都比較大粒，我自己比較鍾意細粒啲，不過整體唔太甜都OK。另外嗌咗個芒果紫米露，芒果得三四粒比較少，而且比較酸，不過紫米都算多，唔會話太稀。等個甜品都唔會話太甜，而且份量都多，下次可以叫其他甜品試吓。

從來都未遇過咁垃圾既糖水舖，簡直大失所望1. 出餐慢2. 品質差3. 態度一般假日既夜晚去到門口落order，見到前面有約3-4人，條街都幾熱，諗住唔洗等好耐，本身可以好快，但2位黑衫女店員整好哂一堆訂單，先一個一個叫號碼拎。方便左店員自己，但就好浪費客人時間，睇住佢整好左都唔叫客拎，真係好火滾！你地真係以為客人無眼架？😡 最後等左約25分鐘食物方面仲嬲，綠豆椰汁沙冰整好左一段時間，比到我手已經變左水，少少沙冰都無，咁我叫沙冰黎做咩，口感0分，CLS蘇爺😊如果大家人生有好多時間，想浪費下，又唔介意凍飲變暖，熱飲變室温，歡迎去挑戰下🤣

好聲好氣，叫左幾聲落單都唔應，最後換來一句，”唔該你等一陣得唔得”，似係唔憂做，咁又係喎，真係得佢一間糖水舖，對面錦尚甜仲好過開佢多多聲，所以我從來唔食佢啲甜品，係見佢有小食先至食下。

放工想食甜品，就在附近挑選一間，看到圖片鹽酥炸燒賣比較吸引，決定一試，下單的時候店員態度好像不想接單那樣，說要等，心想好味的食品等一下也無防！結果一等變等了半小時，店員開始叫號了，叫的全是我後面的號碼上前詢問他的時候，他便在收銀處拿出我的外賣說有叫到，根本就係講大話，我站在那裏一直有留意住出品，店員是完全沒有叫到的！都算了，只要食品美味都不太計較！但回到家打開這一份炸燒賣，實在令人大失所望！！燒賣好像沒有炸過一樣，鹽酥完全沒有，衰過蒸燒賣！$20.8粒這一個價錢實在不配！多芒小丸子也沒有驚喜，$36裏面的配料不算多，味道也只是一般！完全沒有下一次幫襯！！！

🌕Hello我係Moon🌕食完正餐就想食吓糖水，又或者甜品。☺️聽過依間甜品舖就買咗一碗糖水返屋企食，碗糖水嘅名就叫做 熱賣蘇爺芋圓，滿心歡喜拎返屋企食 估唔到越食越嬲！🙄餐單上明明話有芋圓，小丸子，西米露，包餡芋圓，椰汁！我搵極都搵唔到有包餡芋圓！！😑小丸子得幾粒，芋圓得3粒，真係多謝晒！！🙄睇返之前評論原來都有好多人有咁嘅情況…😐撇除配料唔講，椰汁好稀好稀 好似用水溝淡咗好多咁，😵‍💫酸酸哋完全冇椰汁嘅香甜…😵🌕最後MoonMoon好唔滿意依間糖水舖，最嬲就係俾漏配料仲得3粒芋圓，真係好過分！🌕

初三去左朋友柴灣家拜年後想買啲甜品返屋企同阿女食，行經柴灣道見到呢間蘇爺甜品，買左2碗特盛同熱賣芋圓，返到屋企打開見超足料，阿女食熱賣蘇爺芋圓，材料有雪糕，仙草，芋頭，芋泥，同包餡芋丸，佢話一碗可以食咁多至愛嘅芋頭食物，好滿足重問幾錢？我睇下原來都係＄29😲，而我就食特盛鮮草芋圓，裡面有7款滿滿材料都係買＄35好底食，最愛佢個仙草好滑，而芋圓又夠煙韌，紅豆重起沙㗎，要比個👍好味雖然好少去柴灣，但下次經過一定會再買芋圓同試其他款式😋

一路都幾中意蘇爺，但最近都發現甜品內的配料愈來愈少… 今日買左碗特盛紫米芋圓，一路食左半碗都冇配料，結果發現原來漏俾左，全碗都係紫米露，芋圓小丸子都冇🤦🏻‍♀️真心好失望…

鹽酥雞未完全炸透，仲有啲白身😢糖不甩仲差，啲花生粉可能擺太耐 疏曬氣 😢第一次食糖不甩係唔甜的，本身買完望一望個份量都好伏，回家途中仲期望價錢貴可能味道搭夠，以後不會再幫襯

料很少 以前很足料 現在偷功減料 還要等很久下了單的還沒有加進去 感到很失望 芋圓只有3-4粒 甜品店的料連3分之1也沒有 以前更有包餡芋圓 現在也沒有 給了意見也沒有改變 不推薦

係柴灣由細住到大今年第21個年頭見證柴灣不同既改變「柴灣」每個人都好有人情味每一間鋪頭都好用心為顧客尤其係「蘇爺甜品」用最鮮甜既水果製作每一個水果都係老闆娘親自挑選保正新鮮💛或者你會話,你又知她親自挑選因為我有同老闆娘去過所以絕對不會呃大家今日同大家介紹既呢款甜品「楊枝甘露」🥰😋芒果好鮮甜散發出淡淡的芒果香我都好鐘意呢個甜品💛💪🏻因為真係好好食食物質素:✨✨✨✨✨環境:✨✨✨✨✨員工態度:✨✨✨✨✨用💛為顧客帶來最好既甜品收工食碗甜品,開開心心又一日大家要多多支持

心太軟好流心好好味！仲送咗兩球雪糕！芒果雪山豆花好足料 幾好味 值得一試！之前都食過幾次 都覺得好好味！芒果小丸子都勁好味 小丸子好煙韌仲要好多粒！老闆好nice！推介！

柴灣少數甜品店高質素的食材優惠價錢真係難得👍會繼續幫襯😋今日買咗三種甜品試食個紫米露非常之有驚喜唔會好甜同埋好香嘅芋頭味道食到D芋頭係溶咗落紫米到打開個蓋已經聞到好香嘅芋頭味同埋椰汁味好大碗好好吃另外芝麻糊係食凍嘅好出色好滑好香～個糖不甩非常之有彈性，花生非常之多～下次一定會再嚟買，因為價錢便宜，和靚仔店員好有禮貌問我糖不甩要唔要多花生.要唔要匙羹、同好細心叫我小心椰汁紫米露有啲熱吃的時候小心D要唔要餐具😊幫襯幾十蚊野有咁好嘅服務一定會再來🤗

想食芒果小丸子好耐，終於食到，仲俾想像中仲好食。好抵食，三十五蚊唔多唔少，食完好滿足！個芒果汁濃稠真材實料。酸甜度剛剛好。芒果份量十足，多過我預期。啲小丸子煙煙韌韌，配埋啲芒果汁超正！

叫了一個香芋椰汁紫米露，像飲水一樣⋯⋯⋯⋯⋯⋯⋯而且只得一舊香芋⋯⋯⋯鼻屎咁細粒⋯⋯⋯不了⋯⋯⋯⋯⋯仲叫了一碗紅豆沙，完全沒有紅豆⋯⋯只有紅豆水⋯⋯都係好難食⋯⋯