蘇眉 (已結業)

呢間野係樓下開佐咁耐,都無食過,見佢裝修都算ok ! 好多次都想入去試.果日係佢門口睇下有冇岩食,覺得唔錯,抱有期待咁入去.點知😰,會食到火🔥都黎埋😤!唔明點解❓會有人俾like! 服務,食物樣樣差❌❌❌! 入到去waitress俾佐個 Menu行開佐.個Menu同門口棟出去果個唔一樣,價錢亦相距2-3倍.之後個大肚老闆娘係我附近,我問係咪仲有其他餐牌 ? 佢完全係唔service客,叫佐個waitress 去傾佐幾句! 之後waitress拎佐😦張紙上面手抄餐牌(門口餐牌) ,之後推我食之前俾我果個餐牌,話會精緻d價錢差唔多!(其實唔係)我睇佐兩眼,Main course & Daily pasta 無寫係咩! 抬頭想問,人又行開佐! 💢要再叫人問. 咁樣浪費我10幾分鐘! 我地兩個人order佐 2 set 🍝:香煎牛利意粉& 柚子龍利魚柳意粉.1.個牛利好油,意粉係抄嘅都係好油,加冇任何配菜 or sauce 去 減輕油嘅感覺 👎👎👎👎2.柚子龍利魚柳意粉, 塊龍利魚柳完全冇鮮味係街市賣緊5蚊塊, 果sauce好咸(我平時都食得好濃味,但接受唔到) 同預期Fresh感完全唔同.

之前見過佢在雜誌上的報道 ，所以今天來試一試 。其實在上來食之前，我都有上過open rice看一下我食評，看見好壞各佔一半，所以決定自己試食最實際。由於我book左所以唔需要等 （在電話裏的侍應說如果不定位有機會來到很多人會沒有位），但我去到現場並唔係想像中咁多人。入到去侍應招呼比較有點慢可能因為唔夠人手，餐牌寫得唔係好清晰，好多野都要叫佢過嚟問，例如：二人餐係沒有寫 mine course係D乜嘢要問佢先至到當日係啲乜嘢,當然，餐湯和甜品都一樣，要問先知道係啲咩。另外 ，門口所寫的今天精選亦都是沒有餐牌比你睇，要問先給你看的......不過重點係野食！其實都唔錯嘅， 但又未去到十分之好食個一隻囉！但是！！最重要最重要係真係等左好耐好耐好耐 ⋯等到大家都有一點不耐煩，因為坐已經唔係坐得好舒服（圓凳）！我地由落單計起，大約等大10分鐘送上湯,我地飲完湯再等多10分鐘，問下個待應係米有兩個沙律同，佢先醒起，仲扮要check下，但直入廚房，等多10分鐘，上沙律，接住上女女的豬扒意，到女都食左7成(15分鐘)我兩公婆先上左個意粉，另一個主菜等多15分鐘先上，但仲要落錯單.....都未計餐飲等

一早訂了位與友人試下這間法國fusion 菜，這間餐廳坐落於人煙稀少的地方，裝修很簡約藍配白感覺很舒服，可惜是有些坐位是無椅背的有點辛苦，開頭得我們一枱人因為太早，人越夜越多直到我們離坐時，餐廳開始坐滿了，在用餐期間聽到有些客人專程遠道而來一試，但相信試後一定會細想是否值得呢？ 名過其實 定我們不懂欣賞，因名而來因味而。。。一行4人點了3個主菜3個前菜先來3 個前菜 蕃茄芝士撻 有些清新的蕃茄味芝士撻很酥脆整個前菜都很清淡，相信是想讓一陣的主菜味道更出，第二道前菜。。蟹餅賣相差味道不太好餅面黑黑的，當細心品嚐時有點燒焦的味道，可能是這道菜的特色啦，煎鵝肝 鵝肝係咪可以咁食？ 鵝肝加了一些好似話用綠豆造成的醬汁，賣相好靚但因為個汁將鵝肝應真的油香原全奪走，可能我又不懂欣賞啦。前菜食完 主菜先來的是他們的推介菜 炆牛膝又是賣相不太佳大量的汁倒在上面，好喇食野不是食賣相，一刀切入去真係炆得好淋，食落呢！有驚起咬落真係好淋味道呢？冇既？好似食湯渣原全冇肉味既，唔怪得咁多汁原來係食個汁，不過個汁都係一般，第二道主菜脆豬腩呢個取回唔小分數，皮脆肉質好鮮味，肥的部份又不油膩，其配菜整得又好食，服務員

由於家住葵青很方便，而且餐廳第一次給我的印象很好，所以之後和老公又去了幾次，每次食物都讓我們很滿意呢忍不住要再介紹一下！ 12月26日我們在那裏過了一個寧靜的boxing day 六道菜的晚餐實在很精彩！看到廚師的用心。 歡迎小吃有主廚自製無花果醬配薄多士，甜醬果的滋味實在和一般餐廳不一樣。北海道帶子很鮮，西洋菜湯賣相漂亮之餘味道也很突出。香煎鵝肝配豆蓉是他們的招牌菜，吃了幾次都沒有失望呢~我們主菜吃了牛扒和野雞兩食，雖然牛排很好吃，但是我最喜歡野雞的肉質鮮嫩，而且那釀野雞一點也沒有粗糙的口感，很難控制的火喉吧？甜品的薑包外脆內軟，有很香的薑香作晚餐完美的句號，好滿足～老闆娘很健談，告訴我們男主廚主理西餐，她主打東南亞菜，所有菜色都是他們用心製作。我們深深感受到烹調食物的誠意，在這樣的氣氛下食物好像特別好吃餐廳每月轉新菜式， 1月份忍不住又和老公去嘗新。我很喜歡美食，經常光顧不同餐廳， 價廉物美或物有所值都可以 ，最重要好吃，有人情味的我會加分 這間餐廳有一個很特別的地方，它的地點在青衣民居（ 其實餐點的品質可以在中環開）， 賣的餐有幾十元的套餐，也可以單點一餐數百元。 老實說，這樣的

燶嘅漢堡扒同包，已經吾係第一次，當向侍應反映時，她們卻說漢堡扒燶左再換都係燶係因為塊扒已經熟左先煎，奇怪！驚佢吾熟先煎耐D啫，點解熟左仲要煎咁燶！甜品燶左就話煮法係咁...😓沒有寫明辣嘅意粉卻頗辣，問佢點解吾寫明「香辣意粉」侍應嘅反應係「少少辣啫」卻在意粉中找到一茶匙辣椒碎。食物質素勁吾穩定，價錢卻比同區貴好多，本來因為佢有D特色先經常幫襯，最後卻越來越失望！高級餐廳嘅價格，可惜侍應、二廚質素仲差過連鎖餐廳，吾知係老板冇面對問題，定係伙記冇反映事實。咁樣落去恐怕都好難留住D客人！

同事告訴我, 我的社區有間不錯的小店, 喜歡吃的我們當然要試試! 選址在舊屋苑商場, 和周圍的環境不算很搭, 不過店內佈置舒適, 主廚夫婦極有誠意介紹自家出品, 又樂於與客人交流. 樓面處處透著家庭式經營的隨意, 氣氛輕鬆, 與一般講究情調的西餐館明顯不一樣, 喜歡的就會很愛, 不習慣的應該不會容易調節, 我覺得很有趣, 有個性呢~  食物如何呢?整體而言, 在青衣區是很不錯的食物水平.  我們應該會再去光顧的, 而且近家是很大優勢! 哈哈~ 我看到別人order 不用一百元的set dinner, 份量很足, 看來也吸引, 我有機會也要試試~如果要提供正面建議的話, 服務生的水平可調教一下, 為客人添水和上菜次序等小處只要稍為留心, 不論客人是惠顧數十元或數百元, 小店服務也可以很專業, 整體觀感更好. 很欣賞店主夫婦的勇氣和熱誠, 創業不容易, 要堅持更難, 絕對值得支持~      

鰻魚飯和雞飯一般，不及之前好食；菠菜湯和豬手ok；不過...蒜蓉焗龍蝦有點啃，咸左D，而且乾左D，與上次我自己食芝士焗的比較，令人失望！其中一個甜品好像燶了😓家人的反應是：價格偏貴，物非所值！

上星期來第一次，是住美景的朋友介紹又見自己識食又不打卡的朋友在fb都like了，所以期待而來。沒想到一個屋村有一間咁精緻的餐廳。第一眼睇見百幾蚊個main course，覺得幾貴，但係食落真係物超所值。首先個waiter介紹d菜式好details，佢講完都想食下。個海鮮湯非常濃，隻蝦d膏又多又鮮，個湯有d酸有d辣，真係和味之後食左黑松大蝦露雲吞，配鵝肝牛油汁，真係好既食材配上有心機既cooking，先有高水準食物！因為呢個雲吞，我今天又再去一次。今次朋友多d，可以食豬手。德國豬手係好多地方都有食過，但呢個真係好特別，有啤酒的麥味！特別提下個薯角，真係好有心機，識過就明。特別提下有一個，個名唔係好特別，但係好正既意粉。蕃茄大蝦意大利麵，佢d意大利麵真係好正，係外國先會見到的質地，比較硬，有彈性。不過，如果你鐘意食大家樂煮到爛晒果然意粉，你可能會話呢d叫未煮熟。。。今日無時間食甜品，有d可惜，上次食左個apple pie with ice cream，好多蘋果，我個因為mc記而唔再食apple pie的朋友都有對apple pie改觀。從來唔推薦餐廳的我，考慮開始幫d好餐廳食幾句好話，呢d

知道這間餐廳是因為小年食神的過身，因報導指這餐廳是他前妻所開，說她也是一名大廚，這都是題外話 。今天中午有空，所以跑遠一點來到這裡吃個午餐，餐廳裝修不錯，簡單得來很舒服，坐下看看餐牌只有5個餐可點，本人點了墨魚汁青口炒意粉，友人點了一個韓式餃子撈烏東，侍應冇笑容，意粉來了， 黑漆漆的，沒有任何用配菜，真的就只有意粉、墨魚汁和細小的青口肉，意粉又凍又硬，青口又細又腥，友人的韓式餃子撈東也是極之失敗，餃子炸到又乾又硬，撈烏東的汁完全沒有味道，就這樣吃了108元，在中港融合後50幾蚊一個午餐雖然唔係好貴，但就算冇誠意做好食物都唔好咁hea啦，雖知道如果真係大廚，用平價食材也可以做出好食物，只睇你有冇誠意做。

失望,, 本身諗住食隔離間尚品雞煲架... 點知無開,, 盲中中見到呢間個樣不錯, 就入左黎啦... 點知中伏 打開menu完全以為自己去左中環... 樣樣都過百... 咁我地就叫左set dinner啦.... 羊扒餐$98.. 重有佢地話無得彈嘅慢煮pork belly 救命.... 等左10幾分鐘.. 朋友的晚餐都食完先黎... 黎到呆左,, 118得一粒仔腩肉....... 算,, 睇下佢乜來頭啦。。見到膠碟都唔係好開胃(有切割積) 一切... 乾到一滴油都無,,,,, 皮唔脆.. 膏唔溶.... 救命.... 我一邊食,, 一邊諗緊隔離間$128雞煲任食.... 而個waiter就繼續係耳邊吹噓自己舊belly....... 我真係唔會再黎,, 大家唔好俾佢門口同啲雜誌呃到!!!!! 食後感: 唔抵, 得個樣, 餓! 唔打住,, 宜家出去食返個麥記先😰

睇雜誌介紹依間響青衣開業數月既餐廳特登搭車入青衣試試有幾革新同特別啦。黎到見餐牌是日精選"慢煮香煎脆豬腩"好似幾吸引喎。一於就試試啦。餐廳其實唔多人，入到去無人理唯有自己搵位坐啦。叫左個脆豬腩。黎得慢唔緊要，慢工出細貨丫嘛點知。。。個豬腩唔只唔脆，仲要又老又韌。真係大家樂既焗豬扒都juice過啲豬腩。其實餐廳收依過價位，係咪應該有番相應既食物水平？但係如果收依個價錢得出既係質素低既食物。比我既話。。我就真係唔會再黎食。其實，真心奉勸一句，比咁多時間做宣傳，不如比番同樣既時間做好啲食物啦！

住在美景花園十多年，苦無選擇一直都被迫吃著那些味精飯大。直至出現了這間藍白色小屋，我才有機會嚐到味精以外的用心味道。三個月前，第一次光顧這間餐廳，吃他們$108的牛尾set dinner，當時已驚嘆水準之高，牛尾的稔滑度剛剛好還保留點點嚼勁，恰到好處。可惜，在吃過這個set dinner 之後，我便要飛往日本跟未婚夫相會。三個月後，跟另一半從日本飛返港籌辦婚禮，這天晚上特意跟爸爸媽媽和未婚夫一行四人來到這裡吃飯，實在好回味他們那個牛尾哩！怎料來到之後，才發現他們已取消了以往的set dinner，現在只做 A La Carte ，起初是挺失望的。但之後卻發現他們的Menu很夏日feel ，還有我最喜愛的牛油果和凍湯，迫不及待馬上落單。侍者端上來的這個蜜瓜凍湯真的超好味，甜甜的帶點酒香，相信很多女生也會大愛這類型的清新凍湯。另一半，則點了蟹肉蕃茄清湯，我忍不住試了幾口，口腔滲出來的是很濃郁的蕃茄味道，但湯汁卻清澈見底，不像我們在家煲的坐來的混濁，忍不住問侍應，他們解釋這是因為廚師用了做清湯的做法，將湯內所有雜質除去，所以才會如此清澈，真沒想到這湯的製作是如此的繁複。兩老則堅拒西湯，沒點湯

是晚同朋友去一間係青衣既餐廳，佢地話食過幾次都唔錯，每個月都有新菜式，價錢又可接受，所以跟去試下。入到去餐廳，裝修幾舒服，但我地四人坐大檯，座位有點兒逼。我地叫晒佢三個湯黎試，估唔到全部都係佢地自己煲，唔係普通餐廳開粉，值得一讚。比較特別既係個咩蜜瓜凍湯，飲落幾清新舒服。前菜方面我地食海鮮為主，做法都睇得出放左好多心機，係價錢無想像中咁平。我地叫左四款主菜，我同女友食左兩款海鮮，虎蝦同銀雪魚。原本我份虎蝦上既時候我都覺俾我想像中細，食落先發覺都岩岩好，待應話蝦面頭有一片薄薄既黑毛豬油，夾埋個蝦同鵝肝蛋食會好夾，佢又真係無講錯，味道好特別。另外個銀雪魚雖然睇落都細件小小，不過真係好香，搞到我想搶左黎食 總體黎講呢度既食物真係幾好，至少有好多我未試過既菜式，好有新鮮感。臨走廚師仲出黎同我地傾左幾句，我朋友真有面子呢 都睇得出佢地真係好俾心機去構思菜式，都想俾大家食與別不同既野。下個月都應該會再黎，反正每個月都有新野食上口，價錢又唔係話好貴。不過如果可以大份少少就岩晒我喇

我從來唔寫食評，因為大家口味唔同，唔想誤導人，但今次中伏得太緊要，一定要寫出黎，希望大家唔好好似我咁中招！話說我見到某大報章大力推介呢間所謂小店，專程揸車黎試，事前已經有人叫我唔好咁大期望，但我諗爛船都有三分釘，最多唔係超好食，係正常食物啦，但今次完全中伏！頭盤：大蒜薯仔湯：侍應小姐話呢個湯好甜，小朋友都飲得！但事實係個湯好稀，好咸，仲有小小酸味！最後同行小童say no!話個湯好酸，唔肯飲！我大人飲就覺得有少少酸同好咸！同平價餐廳送嘅餐湯係無分別，只係呢度收你$55!配菜：炸薯：大概$75？但得四舊好細粒嘅炸薯仔，味道普通，但超唔值！主菜：中東海鮮飯好似大約$138？。侍應話個飯係用魚湯煮成，又系好啱小朋友食，但結果魚味我就食唔出，只係得個油字，同有小小pepper!我真係想問有小朋友肯食嗎？至於飯上面嘅青口，好明顯係平價品，完全無鮮味主菜：烤野雞。呢個餸我地完全無食，因為一切開，發現入面仲係未熟，問個侍應，佢答慢煮，所以啲骨同肉既色有少少唔同！我話呢啲好明顯係唔熟，有血同啲骨仲係生嘅珍珠色，同慢煮與否根本無關係，最後我地cancel 左呢個菜埋單走人！（當然佢地嘅反應係黑面）飲品：

最近於美景花園的某角落開了一家藍白色的小店，店內白色牆身鬆上一座藍色階梯，很有希臘海邊小白屋的風情，牆上掛滿紀錄了店方開業及日常生活點滴的照片，配上可愛的壁燈，感覺溫馨。餐廳正中擺放了長長的餐桌，上面紅艷艷的玫瑰花正在含苞待放。店內的壁架放滿了魚和海鷗等的小擺飾，就連一個紙巾盒都貼有許多美麗的貝殼，整體很有海洋氣息。除了一片藍，店內店外亦擺放了一些像紫羅蘭及萬年青等的小盆栽，為店裡帶來一點綠意。午市的餐牌比晚市簡單許多，只有四款選擇。點了香煎西冷扒飯，雖然賣相簡單，只有西蘭花等綠色蔬菜伴碟，但黑椒味剛好，難怪說大廚之一的Celine善用香料。西冷扒大約七八成熟，半寸厚，肉質不算柔嫩多汁，連着的筋和肥膏很難切得開，不過$65不用加一算是抵吃。另一款點了班尼迪蛋配火腿肉腸，因為外形有點像表情符號，所以禁不住移動香腸，惡搞一下。該店的荷蘭醬不帶酸，反而有陣牛油香，英式鬆餅外脆內軟，上層配上水煮菠菜碎，感覺很日式也很健康。雞蛋是這道菜的靈魂，該店用上日本雞蛋，配上另一大廚Vito的慢煮絶活，流出來的蛋漿不單誘人，而且蛋香十足。香腸是肥肥短短的辣肉腸，切開內有點點紅色的辣椒，感覺香口惹味。整個餐