蘇記粥品店

營業中

休息中

揾食肥華近日食神駕到，一餐未食又已有另一餐，飯局約會，有見及此在2月19日，肥華就諗住是日早餐，去新蒲崗，生記粥店食番個，白粥腸粉早餐清清腸胃，但此店今早高朋滿座，而肥華亦是不願等位之人，退而求其次，就轉咗唻呢間，蘇記粥品店，食粥類早餐，雖然食嘢地方唔同，但肥華和靚媽所食嘅嘢，都係平時在生記，所食嘅一樣，艇仔粥，白粥，腸粉，荳漿，感覺上除咗杯荳䊢，呢間蘇記好味過生記，而因舖位較大坐得比生記舒服外，今日肥華在此粥店，所食到嘅，粥品及腸粉都不及生好味，所以食粥類早餐，生記仍然係肥華首選

進入粥麵舖，想起幼兒時清晨，媽媽手拖我去食粥，腸粉。。今日我點了碎牛粥，腸粉和炒河粉！粥底清甜，綿綿滑滑，碎牛肉就如我幼兒的味道！那－份家鄉美味。腸粉全手功造出，獨一無二，不再是，工廠拉鍊式的質感。配上不同的醬。。稱混醬。增加多一點的濃。。炒河粉，色澤均勻，河粉彈牙。。加上些牙菜，最重要的是老人家也不怕吃，沒有味素，不會口渴，並且，份量充足。價錢實惠。。加上，老店可以帶給我，回憶幼兒時的時段。。店舖內清潔！令人食完再返！推介👍🏽

訂左集運要去工廠區既地址拎貨,附近都係工廠大廈無咩餐廳選擇,一早就見到粥店有開門,一個人食個靚早粥先! 家庭式小鋪,招呼周到,係咁推介招牌靚粥咁就決定試艇仔粥, 炒麵新鮮岩岩炒起麵條夠獲氣,豉油皇步芽菜炒麵, 淋上芝麻甜醬食,味道已經好夠味炒麵份量超多,堆到同碗一樣高,十幾蚊一份真係食到飽一飽呢~粥底都係新鮮煲,老闆話加左腐竹白果煲,食落係特別香滑同埋多份豆香的確粥底比起一般既綿滑,而且放滿肉碎,魷魚 啖啖滋味消費$40G/F, 24 Kam Wing Street, San Po Kong

記得係細個個時，4蚊一碗白粥，7蚊一個炒麵，真係令人回味而家想搵返一間呢D都好難尤其係九龍城，黃大仙，新蒲崗一帶唔多選擇價錢上落都可以話有一倍之差老實講，要搵到一間好食嘢粥鋪係唔易既事要搵到一間好食而便宜既就更難啦呢間就真係一個唔錯既選擇評價 豬紅碎牛粥：味道唔錯，見到D碎牛新鮮，不過粥底有少少濃味咗炒麵：唔油，唔太乾，剛剛好炸兩：即叫即做，油炸鬼唔太乾，有口感因為叫外賣，以十分鐘路程返到家仲係暖既

小店仲保留之以前嘅味道最鐘意叫一碗粥，加個炸兩，再加杯豆漿質素雖然唔稱得上一流，但咁嘅價錢係超超值粥大大碗，熱辣辣，料亦唔少炸兩個油炸鬼冇油溢味，香噴噴總係令人回味嘅味道

今日唔舒服，走咗入呢間粥店叫咗個白粥, $6 好抵食。平時好少嚟呢頭，食完先發覺全身得$2.5!!! 老闆娘好好人，話唔緊要啦，下次先啦。真係好有人情味嘅一間粥店，下次一定會返嚟~~~~ 🙏🏻🙏🏻🙏🏻

經同事介紹這間粥舖後一試難忘舊區老店的感覺。人多時會有點擁擠，不過從未遇上要等位，因為都是大大小小的圓枱，將就將就搭枱就可以了。每月總會至少來吃兩三次粟米粥由最初 $14 到現在 $16 $8 的炒麵，$16 的炸兩其他一般粥品也不超過 $20無論一人午飯還是數人共膳，月頭月尾也是荷包友善之選。最重要係，其實佢味道也是很不錯的。吃後從不會有口乾之感。比較之下在其他更有名氣的店吃過粥後口乾不已，蘇記實在是值得推介。

如果你熟新蒲崗一帶，你都應該知道這條街有3間粥店，但我最愛都是蘇記，雖然已經10月有時30幾度，但我本人就是粥怪，其實最緊要是冷氣夠，就不會邊食邊流汗。雖然已經沒有在附近上班，但老實說，已找好的粥店並不易。其實這樣的粥好簡單，沒有特別創新的粥，可以說食來食去都是那些款，但始終經營好年，仍然不缺街坊的支持，基本上長期都好多人，人來人往。一坐下，「已經會問，呀妹食咩。」其實街坊生意，以平價為主，其他區都已經找不到這個價錢的粥店了。而且店面一眼睇曬，幾張桌，開放式廚房，可以見到師傅包腸粉、煮生滾粥等。荔灣艇仔粥加皮蛋這裡的艇仔粥只是$15，加皮蛋都只是$17。是17蚊。你去連鎖店，是2倍價錢!!而用料一點都不少。魷魚、花生、瘦肉、豬皮等等，再加點點蔥花。魷魚這裡比較闊綽，大大條，不會切到小小的。加上皮蛋更香，完全是極品。而且粥底好綿滑，這裡的粥就算食到底都不會變到水，仍然做到水同米混在一起，不會變水米浸曬底，而水在面的現象。以前我都會叫「荔灣艇仔粥加皮蛋」，叫呀姐次次都叫蛋艇，自此我也跟任叫了。有D老友記，如果只想食一碗白粥，只是$6!!!實在好體貼街坊。下次可以叫1碗「下火」。 炸兩炸兩只

今日去新蒲崗朋友鋪頭幫手喺蘇記點左豬紅艇仔粥$17，炸兩$9炸兩~面腸粉熱辣辣滑滑'內裏油炸鬼脆脆'好好味豬紅艇仔粥~豬紅，豬皮，魷魚，碎牛好味🤗粥底綿滑🤗多料食物好味,價錢又便宜，食番以前細個時嘅味道

平日食得比較豐富，放假有時想食清淡D，就會嚟呢度食白粥，以前食開有感情，今日想轉轉口味，簡簡單單的一餐，已經非常滿足。艇仔粥粥底濃稠，料又足，魷魚會用細細條嘅魷魚鬚，食開走豬皮，豬皮會自動轉為瘦肉，唔會減你份量，曾經試過無比蔥同花生，而家又有返。綠豆粥加咗嗅草，幾香，不過就稀咗D，有無渣食取決於伙記手勢，睇你好唔好彩。牛脷酥見到炸緊油炸鬼，問問有無牛脷酥，伙記話剛剛炸起，梗係即刻叫嚟食，熱辣辣嘅牛脷酥脆口，甜甜香香，唔可以錯過呀!鬆糕有點點米香，少甜，黏黏哋，鬆軟中帶少少實在嘅感覺，抵食。

呢幾日天氣凍到入心,最適合就係食返d熱野暖下個胃，行下行下經過呢間粥店，見價錢好平就入去叫左碗皮蛋碎牛粥，碗粥嚟到熱辣辣，粥尚算軟綿，d碎牛嘅油同d粥mix埋一齊都幾香幾好食為寒冷嘅冬天添上一份暖意，不過皮蛋嘅味溶入唔到粥入面就真係爭d啦，食落感覺好唔夾好似分開食緊d皮蛋同粥咁樣，而且d皮蛋硬硬地好似擺左係到風乾左成日咁；不過so far嚟講呢個質素絕對對得住個價錢，有機會都會再嚟食，不過下再嚟就唔會再加皮蛋啦。

平時常到九龍城添財記吃港式粥品。今天在新蒲崗活動，想吃粥，逛著逛著，見到蘇記，就試試。舊區舊式粥店，價錢便宜，牛肉粥和艇仔粥皆$14，腸粉和炸腸也是$8。兩粥兩腸粉，只需$44，已是兩個人的午餐，跟一杯星巴巴的咖啡差不多。粥品味道｢正常｣。但腸粉就不太好，腸粉不滑。所以，對蘇記的結語是：｢價廉物一般｣。

今日去食碗粥清下腸胃，可能天氣涼涼地，多左好多人食粥。局住坐到最入，想落單又無咩人理，想食野要大聲嗌出黎，難免內心有d 火花。皮蛋瘦肉粥：$24 大大碗都咪話唔抵食～勁多皮蛋，肉絲，又有花生，蔥花。個粥都幾綿滑，下下火唔錯。蘿蔔糕： 超平！8蚊一大舊！不過真係乜料都無。。。。剩係得d 少得可憐既蘿蔔絲。。。食完好似無食咁，無乜蘿蔔味。成舊糕都勁腍，個豉油咸到噴汁。唯一好處係飽肚，不過要飽肚我情願飲水算，真係可一不可再。

唔好以為新蒲崗呢d舊區就冇野食，呢間粥鋪又平又好食。環境雖然冇咁靚，但都好乾淨牆上menu有好多粥款，選擇困難症又出現食粥必點！！炸兩脆脆既油炸鬼被滑嘟嘟既腸粉包住，加d芝麻同甜醬一流！！一碟既份量，兩個人食都好飽。但冇理由來到唔叫碗粥架鯇魚片皮蛋粥粥料多到喊，抵到爛！$22蚊有碗飽肚又足料既粥D粥煲到又棉又滑; 鯇魚片切到薄薄的，魚肉又滑又香！令我聯想到細個屋企煲既魚肉粥兩個人share份炸兩同粥剛剛好！

抵食好味 份量足 少有這種價廉物美 通貨膨漲也沒有失掉人情味 早上很多公公婆婆 趕上班的 一碗熱騰騰的粥 香噴噴的炸腸 炒面 炒米 炒河 給人一天十足的動力 感覺窩心 很希望這種老店可以在這個人情冷漠的城市中繼續保留