蘇記粥品店

營業中

休息中

相信唔係好多地方仲有粥店，可能利潤唔多但好彩公司附近仲有可以食。第一次食，叫左個皮蛋艇仔粥，碗同一般粥品店差不多但D料可以用豐盛去形容，好足料！粥都幾綿滑，唔會感覺似味精粥底，食到尾段唔會變成水。由卡只食粥好似Drydry地咁，就加叫左個炒米粉。炒米粉上台時是凍的，但同粥一齊食都OK。好多人怕天熱食粥，但菜記冷氣十足，唔使怕～今餐好平咋，個粥＄16，米粉＄8，加埋都係$24, 是絕對超值。現場仲有生滾粥選擇，下次都可以試，糧尾首選。

中秋前後食左好多野，真係充滿罪惡感。所以今日突登去搵碗粥食下，清清腸胃。✨入到去D冷氣好夠勁，d 粥都凍得好快，所以唔會怕食到身水身汗。✨呢度D粥真係好平， 最平14蚊已經有碗艇仔粥，腸粉，炸兩都係＄8！各式油器＄5！😱今時今日好難食到個咁平既lunch.✨最後叫左魚片瘦肉粥＄16， 個粥好綿，入邊勁足料～魚片有鮮味，配埋䓤花同薑絲好好味。呢個價錢真係超值👍🏻✨腸粉＄8： 質地不太軟滑， 比較硬身。好在份量幾多，醬料可以自己加。✨炒米粉＄8： 呢個比較淡， 無咩味。冷氣唔知係咪太勁， 食落係凍既。 不過咁既價錢都唔能夠期望太多，但求飽肚。✨整體黎講，粥係最靠得住，下次試下生滾粥先。支持小店👍🏻

無意中看到這間小店很有老香港的風味，裝修簡單阿姐親切，環境乾淨透明玻璃的廚房操作台可以看到幾大鍋煮的週。三人點了三分粥品，料足量大食到飽。腸粉也很好吃滑嫩香加上醬料美味平價。炒面也都不錯。

在新蒲崗工作都有一段時間,今日同事唔舒服想食粥,就去幫襯呢間超值小店.油炸鬼不太脆,但勝在夠平.炒麵夠味又大盒,飽到食唔曬,超抵平凡食物用心製造,粥滑!夠綿!足料!正!

皮蛋瘦肉粥🍲 $15呢間旣粥特別好味而且又平又抵食😍😍份量中好大添 可以兩個女仔share一碗都得🤗皮蛋同瘦肉都好新鮮又唔會煮到好老👍🏼😙而個粥煮得剛剛好 唔會水汪汪 仲有啲咬口😆有好多粥舖為左令啲粥更野味會加好多味精 但係呢間食落就唔覺啦 因為過左好耐都唔覺口喝😜😝應該都係食材新鮮所以唔需要加太多調味😇兩個人兩碗粥再加左一碟炸兩($8) 都係每人$19😱真係唔知仲有邊到可以食到甘平旣lunch嚕🤤

身為為食一族，農曆新年當然忙於大吃大喝，終於過左元宵，有時間整理美食照片，同大家分享。約左朋友家拜年，未夠鐘，路過這粥品店坐低食下午茶，本想吃碗綠豆沙清清熱，但係見人人都叫炸兩，為食的我忍唔住又叫多碟，結果“趕鬼入趕鬼出”但係炸兩真好食，即叫即做，裏面的油炸鬼脆卜卜只係8蚊，加埋碗足料綠豆沙，飽到我晚飯都食唔落。其實仲有生滾粥，價錢實惠，下次路過一定要再黎食。

天寒地凍，最妙的早餐莫過於吃一碗熱騰騰的粥。再加上熱辣辣的油器，實在是仙人的食物也....新蒲崗一帶粥店林立，在短短兩條街內已有三間粥店。 位於錦榮街內的"蘇記"，是我經常去光顧的....每逢到冬天，粥店的人客自然特別多， 好不容易才找到一個近門口的位置坐下，叫了一碗魚片碎牛粥，再加上一碟炸兩，朕之肚皮大滿足矣....粥底本身好像不太夠熱，弄得碎牛要隔好一陣子才能變熟。吃的時候一定要小心，不然便會肚子痛了 ; 說回那個粥底，它本身是有調過加味的，吃起來感覺自然不太自然。我，始終都是較喜歡調較得清淡一點的有味粥底多一些....魚片顏色雪白而並無太多細刺骨，很甜很新鮮....炸両即叫即做。油條有少許脆 ; 腸粉皮不厚不薄，還可以....先來一碗熱呼呼的有料粥，再大啖一大碟炸兩，肚子自然就被塞得滿滿，再也吃不下其他東西了....

最近轉左新工係新蒲崗返工, 當然要試下呢區既野食, 呢區真係幾多野食, 眼花撩亂, 我見呢區好多粥麵店就搵間試下, 見到蘇記細細間, 但LUNCH時間坐滿晒人原本唔想等, 但岩岩見有人走就試下, 心諗衣家D食材咁貴, 價錢仲接近平民, 食物質素會唔會好差呢? 咁我叫左碗生滾滑雞粥同叉燒腸, 賣相雖然一般但味道真係唔錯, 碗粥真係好大碗, 我以為我自己食量細, 但隔離位大叔都係食唔晒, 所以如果女士或者食量細唔好叫生滾粥或者SHARE來食或者叫其他非生滾粥, 岩岩來到真係好鬼滾, 要等一陣先凍, 所以真係生滾粥, 雞味好新鮮唔係雪藏野, 叉燒腸, 腸粉無個D怪味好新鮮, 感覺好正, 個日我食生滖粥都見到有其他人食細份量都食唔晒, D野落足料, LUNCH TIME都見好多長者同D附近街坊幫襯. 生滾粥20蚊, 腸粉12蚊算平.

今日病病地，同左老公去食粥。0係屋企附近兜個圈，就入左間粥店仔。一睇menu，覺得自己返返去九十年代哇，平到喊！廿蚊一碗生滾田雞粥簡簡單單，叫左兩碗粥，一份蘿蔔糕。雖然價錢平，但好足料，絕對無將貨就價。粥底都算綿。當然未比得上大型粥店如七喜既味道，但味道都算中上甘既市道，呢個價錢，我覺得我地幫襯就好似去搶甘多多介紹朋友，希望老闆的良心價可以長做長有！！

我平時好少食中式早餐，應該係話好少有時間可以坐低食早餐，返工咁趕時間，邊有得嘆喎。今日難得有日假，就對自己好啲啦。心血來潮好想食中式嘢，炒麵啦白粥啊油炸鬼嗰啲，所以就黎到呢間粥舖。其實呢間鋪頭已經有好多年歷史，呢兩年就搬前左咗黎呢個同一條街嘅新舖頭，唔知係點解呢。不過新舖重新裝修咗嘅關係，感覺上都比以前乾淨左好多，起碼望落去都光鮮左啦。其實呢個年代，食個早餐真係好難搵到十零蚊碗野，而呢度，竟然就做到啦。成個餐牌嘅食物，基本上只係需要$20以下，炒麵、炸兩只係$8，完全反通脹。今日叫左份炒麵，仲有一份炸兩。先講炒麵，一黎到發現勁大碟，有小小can't handle咁大。炒得幾好，麵質都可以接受，而味道都ok既，唔算話太濃味，正合我意，因為我最鍾意就係落勁多甜醬麻醬同芝麻，喱三隻醬混埋黎食，真係人間極品啊！反而炸兩就一般啦，中間夾住既油條已經淋哂，無咩口感，不過好在個腸粉皮拉得幾好，滑得黎唔會話蒸到pad埋哂一堆咁。佢唔係得個平字，佢食物嘅質素亦都唔低，而且份量亦都唔少架。住喺附近嘅朋友，有時間都可以黎試吓，都幾推介呀。

中式早餐皮蛋瘦肉粥 ($14)司令非常喜愛喱度嘅粥，粥底非常綿密，皮蛋同瘦肉好足料，肉唔會好乾，配上些少蔥花，完全唔需要落任何調味 唔需要胡椒粉，就已經好好味👍🏻炒麵、炸兩 (各 $8)喱兩樣野本身算唔上好特色嘅野，但係司令最鐘意落埋大量芝麻、甜醬麻醬辣椒醬，嗰種滋味就變得獨一無二。呢間老店嘅炒麵、炸兩水準並非特別高，但勝在街坊價錢，份量十足，兩個人share都食到飽飽。