影片
更多
2016-11-05
461 瀏覽
最近轉左新工係新蒲崗返工, 當然要試下呢區既野食, 呢區真係幾多野食, 眼花撩亂, 我見呢區好多粥麵店就搵間試下, 見到蘇記細細間, 但LUNCH時間坐滿晒人原本唔想等, 但岩岩見有人走就試下, 心諗衣家D食材咁貴, 價錢仲接近平民, 食物質素會唔會好差呢? 咁我叫左碗生滾滑雞粥同叉燒腸, 賣相雖然一般但味道真係唔錯, 碗粥真係好大碗, 我以為我自己食量細, 但隔離位大叔都係食唔晒, 所以如果女士或者食量細唔好叫生滾粥或者SHARE來食或者叫其他非生滾粥, 岩岩來到真係好鬼滾, 要等一陣先凍, 所以真係生滾粥, 雞味好新鮮唔係雪藏野, 叉燒腸, 腸粉無個D怪味好新鮮, 感覺好正, 個日我食生滖粥都見到有其他人食細份量都食唔晒, D野落足料, LUNCH TIME都見好多長者同D附近街坊幫襯. 生滾粥20蚊, 腸粉12蚊算平.
題外話/補充資料：
係食野個陣店舖阿姐阿叔話以前有人偷食具, 好似筷子牙籤之類, 所以見佢地有裝CCTV, 想睇邊個偷野, 其實小本經營生意難做, 仲可以定價20蚊, 細碗個D 16蚊算唔錯, 有機會大家要支持下小店, 呢D小店遲下執下一間無一間, 應該要宣傳下
(以上食評乃用戶個人意見 , 並不代表OpenRice之觀點。)
張貼