蘇記

營業中

休息中

沒有十分預期大排檔有什麼服務。但今次真差得無論。服務態度差，點餐愛理不理，老闆好像大把生意，唔想食就叫你走咁樣！總之沒有下次，大家街坊也唔想這種生意沒落，比D大集團做晒壟斷！！但真給人替代，也是咎由自取！

去大埔綜合街市上圖書館後，已經下午三點多，想吃下午茶，便走樓梯去2樓的食物中心，看看有沒有啱食的，這個時間客人不多，亦開始收檔，随便揀一間坐，因為這間有奶茶。問咗有冇下午茶，覆我冇，要散叫，两人叫件奶醬多，再1人1杯奶茶，多士薄薄的，但算外脆内軟，奶醬多，奶茶味道不錯，但是不是我杯茶。見有鮮豬潤牛肉麪，又想試吓，ok，叫一碗試，真係唔錯👍 價錢有點貴，但係新鮮材料，又煑得好，不是普通茶餐廳可以做到，這才是我想的食物😄

Came into the market for the first time hoping to get french toast and walked past this store where their banner advertised it! Saw a few people having it and it looked good so grabbed a communal table and ordered. Very quick, pay upon service. French toast was fresh, soft and fluffy and sweet. Would have preferred it with some peanut butter (not sure if they offer it like that) they added a knob of butter but it didn’t need it.

下午茶時間走去大埔街市上面的熟食中心搵食，見呢檔D西多士好似好正於是就坐低咗。老闆唔講都唔知佢個西多士叫做招牌西多士，牛油加煉奶，兩塊普通方包中間搽花生醬而唔係厚多士西多士，食落其實一般，唔係唔好食，不過始終件方包入面未煎/炸得透，唔夠乾身，所以食落都係差少少。煉奶佢落埋比你，唔太多，幾好。返而杯凍奶茶唔錯，個茶底幾香茶味。

野食一般，服務超差！ 一行四人（2大2細） 點咗西多、腿蛋治、牛肉米、野飲各1，食到最後差個豬扒麵未到，老細見我食哂攞住個袋但未起身，即刻叫個女仔坐我個位，我個人都未走，離哂譜！真係趕客！

-{大埔街市西多士🥪}一直有朋友同我講大埔街市有一間西多士好好味點知我食錯咗另一間🥺不過唔緊要照打埋個食評🙌🤤西多士🤤 ($23)一黎已經切開左9份 配煉奶同牛油😍餡有牛油 煎得勁香 做倒外脆內軟 但未算係最脆嘅一間😂煉奶代替左花生醬感覺唔錯~👖褲評: 6.8/10可以喺蘇記嗌杯野飲就坐埋嗌世記豬扒麵 啲員工都好有禮貌呢樣值得一讚嘅！☺️性價比: 7.3/10服務: 8.5/10環境: 5/10🚩蘇記🚩地址: 大埔鄉事會街8號大埔墟街市及熟食中心2樓CFS37號舖 #fuudjai #fuudjai小食 #fuudjai大埔 #fuudjai港式 #fuudjai麵包

每星期都會去新街市食野，今次食呢間啲野食認真一般，啲人幫襯佢都係因為隔離間世記或欽記要叫野飲。個呀叔次次都推介個所謂「招牌西多」，完全係一般貨色...其實野食都係偏貴又麻麻地...呀叔一知你唔叫野食 淨係叫野飲，態度即刻大轉變，擺野上枱大大力，連小朋友都比佢嚇親...平時食野都聽到呀叔同客人啲態度差，個呀叔啲態差真係要改改佢 認真趕客

出開去舊墟大街市買餸，順便去食個下午茶，上左熟食中心2樓，去蘇記食個西多士，飲返杯凍奶茶。呢到啲西多特別香蛋味，第二度食唔返，雖然落煉奶，唔係糖膠，但都好好味。而奶茶就好香茶味，可能有啲人覺得唔夠滑，但我反而鍾意佢既茶味，始終奶同茶既比例各有所愛，我覺得呢到剛剛好。雖然$39貴過一般快餐店，但味道比快餐店好。

黎得大埔，點可以唔去新街市食嘢呢？呢度嘅熟食攤檔非常之多，出名嘅都好多，不過有一間隱世小店，相信就唔係人人都識。蘇記主打牛肉牛丸豬潤麵，全部料都係靚料，豬膶牛肉日日新鮮，牛肉係手切肥牛，樓下街市出名個檔拎貨，信心保證呀。牛肉重牛味，非常嫩滑。豬潤就好爽口，個麵碗湯吸收晒牛肉豬潤嘅精華，非常濃郁，食到唔停得口。次次經過我都嚟呢度食，不過要早去，過咗一點可能好多都賣晒。呢度西多士又係出色，不過今日唔太餓就無叫了。

係自修室溫溫下書，肚餓落左黎熟食中心食野，食左個麵之後想食啲甜品，求其就揀左食西多士，估唔到有驚喜，外胞內軟，牛油唔會凍得濟一舊係面，掃兩掃就溶左係塊西多士上面，好正

終於有機會來到大埔街市熟食檔。友人推薦必定要坐這檔，皆因此店老闆親民，容許別檔食物混入同桌進食。當然，我們也很捧場這店。個人特別推介豬潤牛麵，湯麵一來到已很香濃撲鼻，一入口不得了，很喜愛那種醃肉是有誠意的，混有酒及薑汁，雖然是即食麵，但仍嚐到豬潤牛肉鮮味，整碗麵又鮮又濃又香，繼深水埗豬潤麵，這是另一值得嘉許之作。友人極力推薦西多必食，個人從來不食西多，趁高興細嚐一小塊，真的不錯，很香，不會太肥膩，喜愛西多人士應試試。店員態度亦算親民。

記得小學個陣，阿媽帶過我黎食豬潤麵，當時既我係超級抗拒豬潤。係我阿媽半威迫既情況，我就食左人生中第一塊豬潤。。。結果係超好食今日心血來潮又想食喎，於是就黎左蘇記喇今次就例牌地叫碗豬潤牛肉麵同招牌西多士豬潤整得好冧好入味，最緊要係一d腥都無，雖然唔係試過好多間既豬潤麵，但目前為止我真心覺得蘇記既豬潤麵比起深水埗X記更為出色，鮮牛肉好嫩好滑，同豬潤個味真係好夾中意食辣既朋友，記得落少少辣椒油啊，呢款桂林辣椒油一直都係我嘅至愛，加埋更加好食，不過麵既湯就咸左d，如果舖頭會稍為調整就會更好。西多士炸到金黃色，用煉奶代替糖漿亦都係我最鍾意嘅食法，可能係本人中意奶香既關係🤤另外西多士嘅餡係用咖央，正！不過建議唔太好甜嘅人，都係同人share食好d啦，因為都幾膩同埋都幾甜㗎。

經常聽到周邊的朋友、同事說大埔墟街市的熟食中心是平民的美食天堂，裏面臥虎藏龍，各小店均擁有固定的粉絲，由早市到晚市人流都絡繹不絕，假日更是場面墟冚，等十多二十分鐘才有位坐下是等閒事。今日剛好因工作需要入大埔處理一些問題，辦妥後看看時間，正好是11:30am，想起早前朋友抱怨地說大埔墟街市的「蘇記」最近連星期日都休息，搞到佢好耐都無得食至愛的豬潤麵，在好奇心的驅使下，我決定要試一試這個美食天堂。搭電梯上到街市二樓的熟食中心，果然是人頭湧湧，幸好今天不是假日兼時候尚早，找到「蘇記」的檔位，一名看似是老闆的男士招呼我坐下，並推介人氣食品—鮮牛肉豬潤公仔麵，但我不大喜好豬潤的味道，他又立即推介手打牛丸，最後我點了一碗鮮牛肉牛丸米粉，加一杯凍檸檬茶，然後還繼續遊說我吃另一人氣食品「招牌西多」，看到很多桌的人都食，但可惜小女子胃口有限，下次有機會一定要試。「鮮牛肉牛丸米粉」牛肉新鮮嫩滑，牛丸帶點牛根，雖然細細粒，但肉質爽口彈牙，咬落有肉汁，沒有牛膻味，絕非一般雪藏貨可比，湯底鮮甜，有濃郁牛肉味，沒有味精，喝多幾口也不會口渴，果然是人氣食品，真心推介。惟一美中不足的地方是飲品不是跟餐，要另計，所以價

呢日又黎熟食中心食早餐，見到「蘇記」今日少d人，甘就食呢間啦!雖然今日人少d，但仍然係要搭枱。呢日好想食公仔麵。叫左個「生滾公仔麵 (轉一丁)」同「凍奶茶」一向對公仔麵有要求，事關自己o係屋企煮公仔麵，係要過冷河同埋個放湯係另外再煲水，唔會用煲公仔麵d水當湯果隻。呢個麵，都尚算彈牙，而個生滾牛肉湯底，雖然係加味粉，但亦有牛肉肉汁味，我都忍唔住飲左幾啖 (平時係唔會飲)。牛肉切得唔算好細緻，上枱時呈半生熟，而湯底因為係生滾，所以如果不喜半生熟牛，仲係可以用d湯黎整熟d牛肉。牛肉味濃，不造作，有質感。呢個麵同「桂林辣椒醬」出奇地夾。「凍奶茶」，奶茶真的不錯，相信如果「熱奶茶」無冰塊會更原汁原味，下次要飲「熱」。侍應好好禮貌，食得幾舒服的一餐。

大埔新街市的餐廳比較特別，會有一些專賣食物，一些專賣飲料的！或許因為專門做一樣東西，一心一意，所以一般品質也會較好！在世記豬扒麵坐下後，旁邊蘇記的伙記便會識趣的主動走來，問你喝什麼！我特別推薦這裹的奶茶，茶香奶滑，絕對不是Lipton 沖粉那一種，而是傳統的港式絲襪奶茶！若果你叫熱飲，又嫌普通的茶記杯size 太小，你可以加$2變加大！對！不是凍飲加$2，而是加大加$2！非常有趣！另外，這裏一年四季也能喝到枝裝維他奶，作為他的fans, 有時候夏天會特地走來喝一枝，滿足自己的心癮 ！