蘇記

營業中

休息中

呢間店又在大埔墟街市,我去的時候.少人..而食物係無套餐.所以比較貴.......凍華田.餐蛋通粉...28元...凍華田;奶的比例明顯多..華田粉少..味道就似飲奶不是華田...餐蛋通粉...餐肉.冷冷的似完全無煎過,入口凍的..蛋似煎定的...幸好通粉彈牙.細細粒,份量多....湯都熱的....辣椒油都似好耐歷史...而伴呢碗通粉的菜...黃黃的....總之差!!

遷入大埔大半年,最初對熟食中心十分抗拒,加上吃了最外圍的新樂園後萬念俱灰. 直至早前跟大埔食家探路,得悉中心內臥虎藏龍,見他隨口唸出蘇記平記發記三小姐等人氣食店,更能說出各家老店的底蘊,食指開始作動.結果翌日再戰江湖,發記一杯奶茶平記一碗細佣發記一碟炸梁,吃罷對中心印象完全改變,此處更成周末出動的美食BOOKMARK.上周以地膽姿態帶公司同事飲蘇記奶茶食世記豬扒面,再獲大家一致好評.但見人頭湧湧,本以為無緣光顧,怎料蘇記老板將指示我們在鄰店世記豬扒坐下.原以為這裡地頭觀念十分重,座位已經被各山頭大佬佔據,分莊好,不能吃裡扒外坐在A記卻吃B 記. 江湖規舉人人遵從. 於是求教於老板,笑問是否兩店都是同一老細.老闆搞笑大叫 : 蘇黎世? (蘇記世記合併的意思)原來一家賣豬扒面一家賣奶茶油多公仔面,非直接競爭對手,甚至吃著世記豬扒面可以喝杯蘇記熱奶茶,相得益彰,所以兩店將座位撈亂實行互相照應,如果在企業層面,應該已經是JOINT VENTURE了.

14Sep2007 1418入到大埔，在巿政大廈內換好衫及抹乾身，在落幾層的熟食巿場休息一下。個個係度食野時，我只叫了杯鹹檸柒，皆因這區不是我目標，見時間差不多，飲埋杯野，拿拿聲出番去趕巴士，費時去到乜都賣曬。

今日心情已經唔多好，一心諗住食完早餐然後再行山會好D，誰知食咗重差。上到大埔墟市政街市二樓，朋友選咗"蘇記"。我坐低睇完餐牌後才發現冇樣啱食。算！選個湯出前一丁麵食完快走。餸就真係唔落....咸牛肉、五香肉丁、回窩肉、腸仔、煎蛋、火腿，我唔明點解冇牛肉而只有咸牛肉，怪怪咁。終於選咗"腸仔+火腿出前一丁麵"，加個"熱檸茶"。朋友要"五香肉丁+煎蛋出前一丁麵"，加個"熱檸水"。個呀姐落單時已經左問右問，寫得好慢。呀姐埋咗水吧後，我同呀姐講我想將"熱檸茶"改"熱維他奶"，呀姐埋水吧立即改單，點知隨即老闆講話沖咗啦。呀姐照送杯"熱檸茶"、"熱檸水"上枱。唉...算啦、照飲！D茶太濃，成杯茶都好苦澀，我飲咗幾口都放棄。個麵就好咸，成碗味精濃湯。話說個呀姐送咗碗"煎蛋咸牛肉出前一丁麵"比我個朋友，朋友立即問:"這碗係?"，個呀姐竟然答:"係呢，lee碗係物嚟呢?"。要水吧D人答才知，個呀姐重跟住話:"你叫煎蛋咸牛肉出前一丁麵嘛，咪幫你將D咸牛肉加埋落蛋度一齊煎囉"。朋友立即同呀姐講:"我係叫五香肉丁，而唔係咸牛肉"。呀姐死唔信重check單。終於發現連張單都係落"五香肉丁"，而個呀姐就賴廚房煮錯。

我至鍾意係呢度飲奶茶加多士因為用正厚面包，外面脆脆入面軟唸唸．．．呢ｄ咁既多士出面好難食到架喇．．．

因為遲到, 試唔到D 湯麵水準, 只食到多士, 雖然上檯都有段時間, 但食落都仲脆脆地, 另有火腿鮮茄治, 蕃茄都幾新鮮, 麵包軟熟, 而奶茶都係一般水準, 點野食時員工整錯野, 但整錯唔緊要, 但用客多做借口就真係令食客頗反感。 呢餐扼返黎o既, 所以都唔知幾錢。

星期一去行八仙嶺，晨早已起行。途中收到食友的SMS，問有沒有興趣一起吃早餐，當然有，地點就在這裡。米睇呢度位處二樓又開左好多舖位，當日所見都真係幾旺場的，成個熟食中心都差不多坐滿。為爭取時間，未坐下已經叫了腿蛋丁及啡走少甜，坐下才發現原來已夠鐘，好在碗麵轉頭就到。要大家等實在過意不去，所以碗麵在5分鐘之內幹掉了。不知是不是不常吃即食麵的關係，所以碗麵味道特別好，麵布口感及點點麻油香，完全是出前一丁的關係吧！稍為美中不足的是蛋已全熟，如果事先吩咐要太陽蛋會好好多；熱咖啡也不錯，不算很香，但用上練奶，不會太差的。Olivian問：「怎麼你也會吃即食麵？」都會的，即食麵是行山的最佳能量來源，尤其是行難行的路線，吃什麼也不打緊，好吃就得；娜姐問：「大排檔咖啡也會喜歡渴？」由細飲到大，再不喜歡也不會抗拒，也不是渴藍山或Kona大的，至緊要是走糖，落沙糖味道是差十萬八千里。埋單22蚊，都算不錯。寫完食評才醒起還欠Thomas 領隊2蚊未俾，下次計番！