蘭芳園

營業中

休息中

是日想吃蘭芳園, 中午十二時多來到, 時間尚早不用等候便可入座. 中環總店地方非常狹窄, 吃得不太自在. 點選了龍蝦汁蟹籽雞扒撈丁+熱奶茶(HK$51).不消一會侍應送上食物. 嚇了一跳, 為什麼用上紙碟? 很難夾起撈丁呢!試一口, 白汁和丁有一貫的水準, 丁沒有煮得過淋, 剛剛好. 白汁也沒有過稀. 雞扒則較尖沙咀分店的差了, 雞扒放涼了的, 不夠新鮮, 雞皮沒有煎得香脆, 筆者就是喜歡它的煎香味啊, 有點失望.幸好奶茶不錯, 夠香滑!吃飽飽又要回去搏殺.

因為有好多人都讚好，所以今日中午我們去中環工作完之後就特意嚟咗「蘭芳園」食午飯！點知一坐低就開始畀店員鬧，當時我們三個人被迫安排同兩個陌生人一齊坐張四人檯，當時已經覺得好擠逼，同隔離檯又背頂背，兼且畀大聲呼喝叫我們再坐埋啲，再多兩個人落嚟！嗰刻我們五個強烈反對，點可以再加多兩個人落嚟，店員完全無理會我們嘅反對，堅決加插兩個人落嚟！嗰刻真係好想走，但無奈已經點菜！我們仲要忍受店員高舉熱湯同凍飲，不斷喺你身後撞嚟撞去，真係驚險萬分！七個人逼埋喺一張四人檯，逼到無辦法彎身食，要拎起嚟食先可以食到！喺呢個時刻真係食龍肉都無味！我們叫咗鮮茄薯仔湯底豬扒蛋通粉嘅湯底味道唔係好濃郁，通粉亦唔係好彈牙！沙嗲牛肉出前一丁嘅味道比較鹹，牛肉亦唔係好嫩滑！芝麻牛肉汁牛冧肉撈丁嘅牛冧肉嘅肉質比較韌，個醬汁本來係芝麻牛肉汁，但出到嚟竟然變咗黑椒汁！真係令人極之失望嘅一餐！

同老公去中環行街順便去試下哩間歷史悠久既茶記，卻比我一次史上最差既經歷，首先我地系下午茶時間想叫個下午茶餐，個夥計就系咁話我地，“今日星期幾吖？有無睇清楚個牌吖，禮拜無下午茶餐吖，一陣邊個邊個聽到又要鬧你地喇“ 我老公話第一次黎點知姐，佢又話“咁黎多d牙嘛，balabala....“之後我地散叫佐d野食，後面有個哥仔催單，佢地個夥計竟然又大聲又惡鬧返個客“催咩吖，埋黎緊lo，催催催，咁趕無食喇“ 我O曬咀，就算你系一間出名小小既餐廳，都唔系巴閉到要咁樣對d客，一陣食物到佐。首先講奶茶，其實真系好普通，唔知出名系邊，我個人認為奶茶大家樂好飲一百倍；跟住叫佐個雞排蒜蓉撈公仔面，見個個都叫哩個，就系將蔥容撈落d公仔面度，再加塊雞排，味道唔難幻想到；另外仲叫佐個雞扒通番茄湯底，哩個算系不過不失.總闊野食級數十分之普通，唔值得我特登黎試，加上哩d服務，我希望我哩一生都無再踏足哩間野，不知所謂

中環蘭芳園絕對係其中一間能夠代表香港文化既茶記, 難得週末黎嘆下蘭芳園點評: 食物: 今日試了首創出位撈丁系列之豬泵兜撈丁配叉燒汁+鴛鴦酒, 撈到特別之處係放係旁邊既薑蔥, 撈埋係麵裏頭加上叉燒汁別有一番風味, 豬泵兜即係豬頸肉, 切得厚薄適中, 爽口而不膩, 但味道略嫌過重, 肉奄過本身有味, 加埋叉燒汁too much, 鴛鴦酒100分, 咖啡同奶茶撞埋恰到好處, 絕對係香港茶餐廳獨門秘方, 加上煉奶一流環境: 舒適當然唔講得, 茶餐廳大排檔feel, 坐係呢度食野係求一種感受, 唔會要求太多服務: 由安排入座>食物下單>上菜速度都極有效率, 抵讚抵食: 埋單52蚊係中環食野有咁既質素一定係性價比高之選

今日中午阿媽話佢系中蘭芳園附近買野，叫我有時間就過去同佢食午飯，媽咪叫到，邊敢唔聽啊，所以都系趕過去同佢食飯，食完順便可以系呢邊辦事，蘭芳園老店系好有歷史嘅一間店，所以環境一般，都系比較懷舊，但老字號通常都會有幾個出品可以嘅菜色。奶油豬仔包，兩邊都煎得有D硬，好脆，涂上煉奶，煉奶嘅香味再加脆脆嘅口感，唔錯。菠蘿包，酥皮做得好好食，大塊大塊咁的，食果時唔會掉得周團都系，包身做得好軟，又香又軟綿綿，都幾好食。以前系呢度食嘅豬扒包都好好食，但今次賣相就已經失色喇，味道感覺比以前嘅要差左，唔知系咪個師傅今日心情唔好，整到個豬扒咁樣。奶茶就一定要試下喇，我最中意呢度嘅奶茶，口感好香滑，茶味又濃，適度適中，連蔡瀾都贊呢度嘅奶茶好，所以過嚟嘅朋友仔一定要試呢個。

好唔容易過到嚟中環蘭芳園茶餐廳附近，肯定要兜過嚟食返嗰lunch先喇；兩條友就點咗咁多嘢食，食完返去又要跑幾圈操場了；西多士配凍絲襪奶茶係最佳組合，兩樣都非常正宗，次次嚟到都必點，西多士夠香脆，奶茶入口絲絲順滑，飲唔厭；蔥油雞撈丁水準穩定，雞肉仲係咁香嫩蘇軟；豬扒包就強差人意咗d啦，烤嘅豬扒肉有d干硬，食落無咁好口感啰，不過份量都好足嘅；

人哋話要中環呢間蘭芳園要好食過其他分店。anyway話系蔡瀾推薦。OK就去試試啦。早餐系比較多人噶，N多遊客慕名而來。中環個自動扶梯搭一陣就見到，好容易見到咯。今日來到都系搭臺，對面都系一人系度食緊豬扒包，but賣相唔系好得，我無點。So, 我都系點咗個絲襪奶茶，絲襪奶茶滑就幾滑了，冰嘅好飲過熱嘅，熱噶有D苦咯。不過都唔系講得甘好味姐。西多士炸鍋，更加香，好鬆軟，口感好，我自己覺得唔會好膩。I like it.啦啦啦，Last我都系點咗個招牌雞扒撈丁。So, 就系出前一丁加雞扒，今日噶雞扒有D煎有D隆咯，而D面都有D霖了。不過分量都好夠噶。我一個人系可以食曬我點噶，好犀利~~都系會有下次再來噶。

早前從頭頂嘅扶手梯經過望落去，見兩個西裝友踎喺全世界限定三張嘅檔前櫈仔嘆奶茶，真係一道非常獨特嘅香港風景，賞心悅目。以為自己一世都唔會霸到嗰個好位，點知今日同馬來西亞朋友經過雖然內場爆多遊客，但嗰三張櫈仔竟然無人踎，真係唔多相信自己眼睛，心情極度興奮。朋友想入鋪坐，我堅持要踎街邊，否則同你上星期去尖咀店一樣。佢開始極錯愕，又有啲懢尬，但都俾我威迫咗。我定踎定後，慢慢融入店中成為其他觀光客嘅風景一部份。坐喺鬧市中，旁邊有車經過，在weekday人人在工作的日子悠閒地享受一杯奶茶，這就是生活!!!熱奶茶朋友就這裡比尖沙咀店好，茶味無咁澀，但我自己就有相反睇法，我自己偏好上次尖咀店那杯，可能上次無落糖，茶香奶香比較突出，兩者同樣香滑。凍奶茶同樣非常討好，香濃細滑，愛不釋手。姐姐好好禮貌，賓至如歸。

中環貴為香港心臟地帶以及金融市場中心，不少主要商業活動均在此地段進行，小妹已私有化的親愛便在中環出生。今次小妹於收市時段抵達中環結志街的 蘭芳園 (中環) ，據可靠消息指該店的奶茶長期超買，高出預期水平，於是來了一杯鼎鼎大名的凍奶茶，茶味香濃並不太甜，奶味適中，名不虛傳。另外目測著名咖央西多並維持十張枱平均線水平，並持續有大媽追捧，小妹當然跟隨大戶小注投資了一客，並於高位獲利，主要吸引之處是那香滑甜甜椰香味的咖央餡料，罪過了。大市繼續有香蔥雞扒撈丁追捧，可惜該燒味mix即食麵的配合對小妹來說，只是市場上利好消息未能消化的泡沫，哈哈！

今日個朋友從廣州過嚟，既然從咁遠過嚟，就要帶佢試下香港特色美食啦，我問佢想食咩，佢話想試下出名嘅絲襪奶茶，講到奶茶梗系要去蘭芳園啦。當然先點杯奶茶先啦，呢間店有六十年歷史，以奶茶出名，一上茶就聞到陣陣茶香，試一啖果然好滑，茶味好重，飲落順滑濃郁，基本個個嚟到都會點。朋友點左豬扒包，豬扒煎得有D過火了，我之前試過覺得味道一般，分量都唔大。我點左雞扒撈丁，呢個味道還可以，面吸收左雞油嘅香味，雞扒又煎剛剛好，搭配埋一齊，再加埋其他青菜配菜，食落香口又唔油膩，過嚟嘅朋友仔可以試下呢個。

之前睇RM見到李光洙都有嚟呢間食過嘢，所以超想嚟呢度試下！嚟呢度就一定要飲翻杯絲襪，唔好以為佢只係一杯普通噶奶茶，奶好滑，茶好香，夾埋一齊感覺啱啱好，口感好到爆~~不過我重點推介噶係老蘭噶蔥油雞扒撈丁！就係雞扒再加埋出前一丁撈起身一齊食，雞扒外皮脆，啲肉又嫩，加埋我又鐘意食出前一丁啲面，真係好抵食啊！！！不過我覺得個豬扒包就麻麻啦，豬扒包舊肉覺得有啲肥囖，咬落去有油滲出來，驚肥噶人就唔建議食呢樣啦，不過靚女我點食都唔肥最令我覺得surprise噶係杯咸檸七，聽講啲咸檸係個老細自己整嘎，所以咸味特別濃郁，切開舊檸檬放入杯汽水到，再拿只羹壓下舊檸檬，檸檬啲味道就可以好好咁混入汽水入面啦。真係又好食又抵食吖

while we r waiting in line during lunch rush hour,and the waitress is actually some mean auntie,talking Cantonese to us,when she actually knew we r tourists and can't really understand what she's saying.Even worse she instigated some local behind us to continue making fun of us...we were supposed to fight back,but found no meaning arguing with these disrespectful citizens.SO NO RECOMMENDED AT ALL!

蘭芳園從上午8點開始營業，一直到晚上8點，適合吃早中晚餐，尤其早餐最為出名。店裏小小的但系勝在枱多，拼桌是必然的，牆上全系報章雜誌報導它家，仲有好多明星來吃噶相片。香港其實還是有幾多好嘅冰室店的，裏面挺多好飲的奶茶的。我同我媽來食早餐哈哈，飲佐杯凍奶，好好味，哈哈哈，真系人活著，就靠美食足矣！！！一杯熱奶茶售價HKD17，加冰HKD20。凍絲襪奶茶裏面的冰放得夠足，完全感受到絲襪奶茶的絲滑醇厚，而且杯系膠杯，哈哈好有七八十年代D懷舊味道。我地仲點佐其他野，你地睇睇蘭芳園的茶點不僅經濟實惠還很好吃，而且老闆也是很和藹，很喜歡。

今日約埋友人一起來到蘭芳園，一定要點佢最經典嘅奶茶啦，環境一直都係咁，之前係一間裝潢不錯的奶茶鋪裡面飲了一杯奶茶，因為口感不夠爽滑而好想過來蘭芳園飲翻杯，果然經典即系經典，口感、味道飛起之前飲那間幾條街。港式懷舊風就是這裡啦，當然還要點一個豬扒包，食豬扒包成日都會想起细细個嘅時候，豬扒包不會話好肥膩，女仔不用介意會肥猪扒包不大，大食的朋友可能要失望了。人慢慢咁多了起來，店的面積不是特別闊落，有啲人可能要拼枱，我同友人都不喜歡同人拼枱，所以我地都係食完畀錢走人。成個過程啲服務都OK，有禮貌，不用等很久，價錢方面，還在可接受範圍內。

今日去行中環，知道有呢間食肆， 專登來朝聖誰不知未去到門口，已經有番轉頭既意念…………同胞多到嚇死人， 但係專程泥到，點都要試一試叫左個 蔥油豬扒撈丁加一杯熱奶茶， 滿心歡喜的我，見著旁邊的兩位朋友吃豬扒包， 但是豬扒包好不吸引，很乾似的……結果我的撈丁到了……嗯…… 沒有想像中的好我只是覺得很普通，很油…… 豬扒亦沒有明顯的特別 其實質是一般的撈丁罷了奶茶是很香滑但是沒有傳聞中的 那麼好， 吹太過分了…… 呢間野可以不去！ 因為好多茶餐廳都可以食到呢一個味道