蘭苑饎館

營業中

休息中

早幾日天氣好凍,出去食完晚飯,老公話想食燉蛋,記得家姐推介過呢間荃灣舊式糖水舖,又喺附近,就試下啦!眼見餐牌糖水款式唔多,真係好傳統嘅中式糖水,湯圓都冇嫁.不過都冇所謂.老闆話有唔同功效嘅龜苓膠,所以都有好幾款.我要咗一碗熱辣辣嘅蕃薯糖水,薑味同甜度啱啱好,唔會好辣,蕃薯煮到好香,食咗幾啖個肚好暖,超正!16蚊碗就已經好滿足.老公食嘅熱燉蛋就好滑,甜度啱啱好,蛋味又夠,新式糖水舖冇咁好質素.其實之前去過啲新式糖水舖,傳統中式糖水都做得唔夠好,呢間我就覺得食完要讚,食完好滿足呀!不過地方有限,得4,5張枱,若果一大班朋友去就要等下啦!

在荃灣吃晚飯期間，朋友突然喊出一句去食糖水，我自然是奉陪到底。這次沒有走到路德圍一帶的甜品店，反而來了兆和街的蘭苑。小時候很害怕蘭苑這個名字，因為從前經常被母親大人捉來食龜靈膠，那時還不是在這個鋪位。當年那個年紀，根本就不知是好東西，只覺得苦過 Dee Dee。也因此形成了童年陰影，長大了也從沒走進這店。再來，也不敢再吃龜靈膠，只要了一碗杏仁茶。有熱也有凍的，但個人總認為杏仁茶這東西，只有熱的才香才好吃。送上來時，是香，濃稠亦適中，喝起來也有著杏香味，收貨了。朋友點的是凍馬蹄露，看他三秒不用便喝清光，應該也是不錯吧。

近排唔知係唔係工作壓力大，塊面生咗好多粒粒，查實小弟麻甩佬一名，生暗瘡真係唔覺得咩嘢，反正本身個樣唔係正，生多生少就唔多有分別，不過老婆見狀猛話熱氣心火盛，係要扯我去蘭苑，我話嫌佢貴喎，佢話佢請，順應民意啦。兩公婆，一人一碗古法正宗龜苓膠，索價$33，因為以前嚟過，知佢啲龜苓膠無加涼草粉，唔似出面一般見到好似涼粉咁形態，反而好似碗廿四味咁，色澤沉厚啡漆漆，一股中草葯味湧出嚟，但比起廿四味易入口好多，味道溫和帶甘味，唔多苦。小弟對中草葯唔太在行，只可以稱朕味係中草葯味，甚麼成份有鮮龜板、土伏苓、杜仲、熟地……等等，真係得個知字，唔知佢哋本身係咩味。不過有個問題幾好奇，既然佢做出嚟個樣一啲都唔似「膠」樣，似碗藥湯，點解都仲叫龜苓膠呢？唔使吓吓啲人叫龜苓膠都以為佢哋拎錯嚟丫嘛！後記，飲完依碗藥湯，要返國內工作數天，日日都一、兩罐王老吉（國宴指定飲品嚟架），返嚟香港，我就自覺塊面啲粒粒差唔多，老婆就話好咗，但唔知入碗龜苓膠數，定入王老吉數！

細個既時候有時候跟屋企人去婆婆屋企就會經過蘭苑的舊店址，仲記得門口有一個玻璃製的龜缸. 嗰震時經常聽到媽咪帶家姐去食龜零膏，當時自己則完全無食過. 到自己開始出豆豆既時候媽咪就叫我有時間就去食下，去到老闆娘好親切. 老闆娘千叮萬囑一定要落鹽食，還最好一星期內要定時食. 之後返屋企同媽咪傾計，媽咪話要一星期食2-3次45/樽，豆豆會退得特別快.(現在係60/樽，45/樽是我第一次食既價錢)聽媽咪同埋老闆娘話，食完一星期之後d豆豆真係明顯好左好多. 雖然味道真係唔好食，但每次我都說服自己當係食藥另外有幾次有幸見到老闆係度揀材料，如果大家有機會的話可以見到老闆真係好細心以後我同屋企人都會keep住去p.s : 糖水反而我真係未食過，so今次味道評分只適用於龜零膏

見天氣轉涼，喉嚨有Ｄ乾乾地，口甘橋又見到ｌｅ間糖水鋪，於是走入去ｏｒｄｅｒ兩碗最普通糖水 熱紅綠豆各一。見佢排場似家庭式作業，以為ｏＫ ｌａ。點知，佢地竟然將雨碗糖水放入微波爐，你冇睇錯，我亦冇寫錯，問錨竟然有三部好〝專業〞嘅高科技微波爐。我真係見識少，原來今時今日熱糖水係〝叮〞出黎。至於味道就吾洗多介绍拉容我講一個字"差＂

吃完我們豐盛的西式甜品夜宴後，中式的我們也不放過事源是其實我正在與咳糾纏，這晚還竟然吃了一堆西餅...於是來到蘭苑饎館吃碗川貝「補鑊」！川貝燉木瓜 : 木瓜十分清甜，而且不會燉過頭而太腍，吃下去的感覺就是十分滋潤。不知道這五十二元的甜品是否真的協助我打低咳魔頭，但隔天起床我的咳真的有改善，唯獨是更多痰了

從深水埗回到荃灣已是黃昏五點,吃過不像午餐的咖喱魷魚午餐仍有點空洞,不如來個蕃薯糖水,反正能夠飽肚而蕃薯又是醫生叫我多吃的食物之一嘛。金黃蕃薯煲得軟淋, 鬆化得一咬即開, 最怕吃到硬如未煮好的蕃薯糖水!蕃薯本身甜味不算很重,不過軟綿綿的質感是好吃的; 糖水微暖不夠熱,以那天天氣和暖就還算可以, 要是像日前那麼冷的話,這個溫吞吞溫度就很不妙了, 糖水甜度不高,以糖水來說是偏淡,但從現今少甜飲食風氣來說就很貼合, 只是唯一不足是不夠薑! 薑味輕微得似有還無, 個人喜歡較強烈的薑味, 令喉嚨有火熱感覺才夠刺激嘛!不少客人吃龜苓膠, 對面先生的龜苓膠像苦茶一樣, 有機會應要一試;原來還有蜜糖出售, 要是飲完手上存貨又來試試。

尋晚(27-10-2009 Tue)同男友食漢堡餐同小食後,行去搭車返屋企,男友突然撒嬌話我唔帶佢食龜苓膏清熱.哈哈,係喎,我唔記得應承o左帶佢食龜苓膠添.於是行返o黎呢間.佢睇o左後,決定要$30.00一碗o既,而我就要$17.00o既桑寄生蓮子蛋茶走蛋.老闆叫男友記得加鹽食龜苓膠,我因為以前食過,頂唔住,所以今次我唔試lu.而我o既桑寄生蓮子蛋茶就微暖o既,味道唔甜,蓮子都幾多同好鬆化,好味.不過覺得如果個茶甜返少少就好lu.呢次只就桑寄生蓮子蛋茶畀分.

吃罷一餐不太滿意的olive, 還是要找個地方填補心靈空虛感.最近的, 只想到這家賣龜靈膏的蘭苑饎館, 不過龜靈膏價格太高沒試, 我們只來吃個甜品.餐牌上大都是很傳統的口味, 還在咳嗽的彼得, 要個蜜糖燉木瓜好了. 蜜糖清甜,加上木瓜有潤肺之效~算是一個有益甜品~我則三心兩意地選了桑寄生蓮子蛋茶., 知道對女士尤其有益, 補血, 補肝嘛~ 飲下去, 不知是否心理作用, 頓時覺得很舒服. 我又喜歡蓮子, 這裡做得鬆化,但嫌下得不夠多~~ 雞蛋則不太入味, 與西環源記尚欠一點距離…又一是句, 食過最好的, 很難回頭...

我入去~只為一碗有葯效~保健又好味的桑寄生茶~雖然與西環那一間~還有一點距離~但這間比較近~比較方便~很多人喜歡桑寄生蛋茶~但我偏好"淨水"(唔要蛋平2蚊~)雖然店家都送我十顆蓮子~我連蓮子都只會咬一口的~有點浪費~要一讚他的蓮子鬆化~可口~桑寄生茶溫度適中~味道ok~甜得自然~入內的10分鐘~見到一對年輕情侶~男的開口點"兩碗百一呀唔該"呆左....再望餐牌...龜苓膠 $38, $55, $110 同埋 $270 ~而真係有人叫2碗$110而且~佢係常客再過一陣~又有一位叫"二百七"呢一位~都係常客~同老闆娘有講有笑......曾養過龜的我~不吃龜的...呢一種"正宗生劏"我更不會食...若果想食正宗的~我相信你可以來一試~再話我知為何有人會keep住食...............

由細細個就食到大, 真係好好味呢~最鐘意佢個凍既蜜糖燉木瓜!!!次次都食佢, 不作他選~

吃罷雞公煲的當晚，驅車回荃灣時，太公之公忽然問一句：要否吃糖水？真好！這是寫食評和加入甜魔會最好的地方；要不是把自己偷偷去吃甜品寫出來，要不是甜魔們啟發了太公更深層的甜魔基因並使之更狂野地揮發，恐怕太公之公也不會得悉太公如此愛吃甜；須知太公之公不愛甜品，也不太建議身形日益似個西瓜波的太公吃甜；拍拖三年，絕少有「飯後甜品」這一環；如今每逢晚飯後幾乎必有此一問，實為太公之福也！ (哇嘿嘿嘿嘿...寫到呢度真係忍唔住要抑天長笑下！)抒發完，轉回正題：當晚由於太公見其公咁體貼，也回敬一份體貼，選了他也相當欣賞的「甜品店」 - 蘭苑饎館 太公伉儷平素是蘭苑饎館綠豆沙的big fans, 貪其煲得起沙之餘又有清甜之感；不過，是晚由於太公真係飽到上心口，瀕臨爆肚邊緣，只能要桑寄生茶一碗。桑寄生本是微苦之物，整碗桑寄生茶，清香而苦中帶甘，甜味沒有過搶，非常可口；茶中的蓮子煲得夠腍，吸收桑寄生茶之清香，吃時別有風味；喝畢整碗，口腔內竟有點回甘 - 真材實料，無庸置疑。餐牌上的桑寄生蛋茶索價17元；結賬時，才收$15；原來走了蛋，主動扣了兩元，夠老實，抵讚！

每次去完真味, 一定來到作晚餐完美的終結!蕃薯糖水, $15, 是老公每次必點的, 薑味不太濃郁, 但蕃薯的鬆化感絕對是第一, 老闆娘說只有冬天才是蕃薯當造的季節, 所以只有冬天才有蕃薯糖水準!我沒有點紅豆/綠豆糖水/合桃露/杏仁茶....另類點了雞蛋馬蹄露 (熱), $14, 杯裝用微波翻熱了, 粒粒馬蹄爽, 口味轉淡了, 所以覺得略甜, 應該是自己的問題吧!

根據男友資料，這店以前位於路德圍；而我少年對舊店的印象，是：可怕。為甚麼可怕呢？小五、小六之前剛踏進青春期，臉上青春痘橫行；父親愛女心切，特地跑去當時還在路德圍的蘭苑饎館買了一碗龜苓膠，還說是極品，要我加鹽吃；而非如一般涼茶舖般，加糖吃。不過，這裏的龜苓膠對於一個只有十歲的小妹妹來說，實在是太苦；而且還加鹽！當時感到味道是超級怪的，完全不懂得欣賞；加上每每在門口看到金錢龜爬來爬去，想像力豐富的小妹妹如我，就會聯想到，也許有天會在龜苓膠中舀出龜腳來.........後來暗瘡沒有這麼橫行，就沒有再光顧了 (當時我還以為只有龜苓膠出售)；再後來，路德圍的舊店消失了，也以為已執笠大吉。直到兩年前，認識了現任男友，才知道原來搬到了這兒。也是在這時候發覺，此店原來不止賣龜苓膠；更有不同的糖水，如紅綠豆沙、杏仁露等出售。新店裝潢也雅緻多了，這裏的綠豆沙就成了我的最愛。今天，病未癒，胃口欠佳，本相約友人飲聚也得臨時失約；不過畢竟西藥削胃，雖不想吃但肚卻餓得咕咕叫；但家裏沒有食物，又給昨晚的味精粥嚇至不敢再吃粥；一直想也想不出吃甚麼，本來想把心一橫去吃個魚肉算了....不過走著走著，竟給我想到：何不去蘭

呢間又係一間賣舊式甜品嘅舖頭，天冷嚟食滋潤吓都幾正，糖水款式唔算好多，勝在唔會花多眼亂兼覺得佢想專注淨係做呢幾樣嘢！店入面好乾淨企理，用上木製嘅仿酸枝桌椅，感覺古雅！我哋叫咗： 合桃露：上枱時已經好香，食落夠滑但唔會太甜，水準之作！ 桑寄生雞蛋茶：煲得好融，又香又濃，大大隻蛋入面仲有少少流心，好好味！佢嘅甜品雖然唔平，但食得出有真材實料兼有心機，出品值回票價，一定會再嚟！