蘭苑饎館

營業中

休息中

不時不吃, 蕃薯糖水一定要秋涼啲先有, 但龜靈膠就年終無休, 而呢個月因為皮膚敏感, 嘗試無數既中西醫都無改善, 於是連龜靈膠都試下, 連續一, 兩個星期....$55, $110, $270....隔住隔住試, 食完無明顯好...亦無劣化, 於是亦唯有放棄吧....不過, 值得一提係老闆娘好好人, 有時揸車無附近, 一打俾佢就會送出門口遞俾我!R7

記十一月上旬悠閒下午茶痛苦不知時日過，捱完難忘一周後，是夜比較有空，就趁未齊腳開會，搭程小巴到附近走走。胃口不怎好，路過新開咖啡館也沒心機去試，記起這裡的龜靈膠，喝碗暖暖胃清清肝火也好。甫坐下靚姐就開始解釋「膏」同「膠」的分別，前輩在說話自然要點頭稱是，要了熱卅元膠，無錯靚姐是咁叫的，是碗微黏的藥湯，喝得出有土伏靈味道，略酸，下些鹽喝甘草藥味更「出」。客人來來往往，生意很好，單靠賣藥湯及糖水一做就多年，也是信心保證，偶爾一碗無加粉及額外添加劑的龜靈膠，未必即時收到去肝火之效，但即時感覺是，胃暖和舒適很多了！

食完烏頭....留肚係度食糖水, 老公原本想叫蕃薯糖水 (咁多甜品店呢度最好食), 結果叫了綠豆沙, $15, 我則叫了南北杏雪耳, $17, 唔太甜, 剛好, 臨走買了一盅五十五, 即係龜膠, 分了 $30, $55, $110 及 $250, 今次買了去濕 $55, 睇下啲敏感會唔會好啲?

多年來也常到此店吃龜苓膏。少次熱毒致病，也能以此療之；甚至因此免去手術之苦。至少，這在我身上相當有效。香港人飲食不能算健康。除了食物的質素與烹調都只尋求利口之樂，喝水不足，夜眠工作還有過勞等等，都是致病之因。若有重症，當吃龜苓膏，涼茶只會使原已虛弱的身體更為虛弱。日常的話，吃點滋陰的糖水就好。龜苓膏的用料方面相當足。糖水的話，不會感到有強厚鮮明的味道，但有住家(Home-made)的感覺，誠實。雖然不算便宜，但卻是老實的店舖。

1) 杏仁茶 + 合桃露: 平平無奇的賣相，估不到杏仁帶有少少奶香味，但合桃露香味欠奉，甜味沒有其他的那麼甜2) 蜜糖燉木瓜: 好香的蜜糖味，呢間的蜜糖質素好好，燉完一啲酸味都冇，木瓜一般，個人喜歡較熟的木瓜

短周日子，除左訓同食一個比較豐富既早餐外，亦都要補下把爛聲同內修頗殘個樣。知道呢間野龜苓膏出名，但一心只想食糖水的我，趁天氣頗暖，叫左個凍既杏仁茶試下。一啖食落去，杏香夠當然，重要，但要點之處係杰之餘，係食到杏仁既微碎而唔係粉。好潤，好濃，感覺悠長......

問一問老細你地同太子的蘭苑有無關係?)老細一點關係都無,我地老店在荔枝角道.)同名同姓,大家也是賣龜膠,兩者沒有任何關係,有沒有那麼巧合?一舊水,兩舊水的貨色太貴,$28一碗的龜膠,相信也不太差.入口先苦後甘.餘韻強勁,是否真的滋陰,但又真係解到熱.起碼又的確下了一陣火.

蘭苑的龜膠真係幾好，排毒去濕功效好好，我已經食左好多年，當保健食用，一星期食一次已經好好。此外，呢度d馬蹄露都好好味，不太甜又不太杰，口感不錯呢！老闆娘服務態度好，地方乾淨企理。值得推介

在雲貴川吃得很飽很飽，心裡卻硬是不太不滿足。第二個胃蠢蠢欲動，我們去找甜品吃了!　沿路行經蘭苑饎館，環境雅緻帶點古風，立即吸引住我。我們決定將原目標-小樽甜品屋試食計劃押後，即刻來試試這裡的糖水水準如何。龍要了蜜糖燉木瓜($16)，我要了潤肺的合桃糊(熱,$16)，兩者不突出然而令人滿意。　吃著吃著，我們發覺蘭苑饎館除了是糖水舖，還是中藥舖，它的總店在九龍城好像還滿有名呢!有好幾個些客人來看症，然後醫師(大概是吧?)就會給予建議；又有好些客人會特地來買金錢龜作藥，幾包就花掉$1,000。不期然想起北京之旅中聽過的中藥故事，那可真是另一個博大精深的世界，有點神秘又難懂。　唔，我還是簡單的來品嚐糖水好了；不過話說回來，中式糖水吃下去感覺的確比西式甜品健康，這個冬天多點來幫襯吧!

今後臨去做gym, 肚空空黎食碗糖水打底- 合桃露, $16, 香滑唔太甜, 口味岩哂我, 如果佢既糖水可以再多D 選擇就更好啦!

平時少食糖水, 但鍾意飲馬蹄露, 街邊舖果d用部機攪攪下果d真係唔敢飲. 舊年冬天巧合到經過, 試過蘭苑既馬蹄露, 覺得唔太甜又杰度剛好. 夏天飲夠消暑

昨天經過, 想清下熱氣, 但又唔想食苦№ , 於是選了一款較為涼既糖水, 蓮子百合綠豆沙, $14, 蓮子有兩粒, 唔太鬆化, 唔見百合, 可能碎哂, 但綠豆沙就好好味, 又腍!