影片
依家搬左新場，新祥街 8 號地下。老闆班寵物移晒出門口做生招牌，佢地好可愛又好肥美呀 ﹗快啲比我食啦，哈哈 ﹗搬左新舖大左乾淨左空氣又好左，價錢都加左，飯羹湯套餐 HKD100，可接受，最緊要好味道。最初坐低只 order 左細蛇羮同細蛇湯乍，但見到其他食客食蛇油雞食到津津有味，香氣不斷地侵襲我 ﹗忍無可忍呀，老闆唔該幫我轉食套餐雞飯啦 ﹗可惡 ﹗咁就有羮有湯有飯，大滿足。蛇湯，香濃味美又清甜，甘香藥材味道直擊味蕾同嗅覺，熱燙燙送入口中，回味無窮，好正。見到有果皮、圓肉、杞子、等等，太好味啊 ﹗一滴都無剩，可否添飲呢？蛇羹，厚薄適中，無話杰撻撻一舊舊，蛇肉非常肥美，彈牙啖啖肉，用足料無搵笨，好多配料，味道甜美豐富，超足料，蛇肉、冬菇、木耳、等等。無投訴，太好味喇麻！超水準表現，食客越多就越好味，貨去得快，出品特別新鮮好味又熱辣辣。食左兩啖原味，好好食呀！非常香甜。不過我鍾意醋既味道，浙醋配胡椒粉就更加開胃醒神，如果有左顯記辣椒油我就更開心啦。蛇油雞飯，嘩！食左兩年第一次有雞髀食呀！開心死！係咪肥佬叔叔見到我係 open rice 投訴佢只有女仕有雞髀食呢？哈哈，真係唔好意思。但我仲未 upload 架喎，係咪 boxing day 益街坊乍？依碗飯無得輸， 超級無敵蛇油撈飯 ﹗甜美帶咸香既蛇油撈熱辣辣飽滿白飯，好味到不得了，加埋自家薑蔥油，香上加香，得一碗白飯點夠呀！可以撈到幾碗飯食架，餘香不停係口腔中打滾，爽到爆 ﹗雞髀肉鮮甜嫩滑無比，滿分滿分！蛇油雞飯，蛇油加上薑蓉蔥油簡直係如虎添翼，您點停得口呀？
繼續閱讀
每到天氣凍既時候，總係想食碗蛇羹暖下身，起上水就一定會嚟依度到食蛇，嚟到先發展原來搬左去隔離街，新舖比舊舖面積更大更好坐，不過望一望個餐牌發現價錢又貴左，真係百物騰貴。坐底叫左個雞飯餐同細蛇羹，咁就要百幾蚊，真係唔平。蛇羹一上到枱就知道對辦，好足料真係啖啖蛇絲，雞絲同木耳絲，加埋檸檬葉和薄脆，食完非常暖身，很好吃。雞飯套餐包個龜苓湯，湯入口熱辣辣，味道濃郁，有少許藥材味幾香幾好飲。到碗蛇汁雞飯送上枱時，一陣香味撲鼻，入口雞肉夠滑配合埋蛇汁既惹味，加上自家制既薑蓉，真係一陣就食晒碗飯。
繼續閱讀
秋風起,梗係食蛇羹啦.既補身又美味.今次就在上水找到蛇王兄.新店已經搬了去新祥街喔.環境尚算新乾企理.不過次次去食蛇羹,心入面總有個疑問,到底那些活生生的蛇係唔係真係會在店內?不過講到底如果無蛇咬我都算啦,唔理得咁多.通常蛇店都有套餐,呢度都唔例外.今日心水是A餐$96,包一碗細蛇羹,一碗蛇湯和一碗蛇汁雞飯(可轉臘味飯)除了套餐,亦都有少量蛇既料理先送上蛇羹.雖然叫細碗,但份量絕不少,我實在想像唔到大碗有幾多.蛇肉超級多,而且木耳和冬菇既份量亦不少,每一口都是材料,味道濃厚,蛇肉像豬瘦肉的感覺,但不乾口,由於在冬菇和陳皮等等材料影響下,變得十分鮮.如果愛食碗仔翅既朋友,我諗絕對會愛上蛇羹.當然唔少得加點脆脆放係面,更加多口感層次蛇汁雞飯亦都是美味,又係O個句,蛇汁既味道都係一個謎.好難解釋.但呢度既出品有點似無咁咸既鮑汁.撈飯當然過癮.難得既係雞肉既雞味不淡,而且好有彈性.蔥蓉唔會係呢碗中有任何作用了.蛇湯既材料有著不同既藥材,類似沙參和元肉等等,有肉香之餘又不失藥味,而且甘而不苦.總之就好多料.96蚊雖然不便宜,但蛇羹真係好足料!估不到係上水終於找到美食了
繼續閱讀
去完圖書館後，還沒到吃晚飯時間，而我亦肚餓！阿媽今日突然話想食蛇羹，所以便到此店吃蛇羹。好好味呀，材料好多，果ｄ薄脆放係蛇羹裡好好味！服務態度不錯，很好呀，有機會吃它的雞飯。
繼續閱讀
好耐冇去呢間蛇店細細個食過一次，果陣時多人到排隊入到去都係一如以往，環境冇變叫左個A餐有蛇羹, 蛇湯, 糯米飯料足, 多蛇肉蛇湯就好夠味糯米飯就一般, 過得去埋單78
繼續閱讀