蛇王恩 (已結業)

前2天, 搭車回家前一個人黎食個大蛇羹($58)!第一次幫襯, 本身好鍾意食...細碗真係到喉唔到肺架...有理冇理大左先!大湯碗傳統盛得滿滿的, 上面default加了切工幼細的檸檬葉絲. 第一嗒:嘩超熱, 比較淡口...之後一路慢慢食, 開始食出真味道. 料足味道清, 似乎沒加師傅喎 - 讚!食完成身滾熱辣, 非常滿足...邊走邊除外套呢!下次搵人一齊去食過~

一心去新興吃粥, 點知不幸等了一肚氣, 仲等到一碗拉底的"羅"味粥結果放棄了食粥, 出門見在旁的蛇店就一試蛇羹($29細)就一般, 冇瘦肉會好點, 另外可能我食開灣仔太源果間好食d但燸米飯($16)就有驚喜了, 好香的冬菇味 口味唔乾, 真係好味道! 我仲加了一條潤腸($8), 好甘香!服務好, 見我地企o係門口望, 已經安排位

天氣終於轉涼了,已急不及待想起接下來兩個月想吃些什麼,其中一味,就是全蛇宴.未有蛇局,唯有以一碗蛇羹解相思之苦,恰巧在佐敦粥林一帶,就來了新興棧隔離的蛇王恩.蛇肉份量足,湯羹不算很杰,吃到尾還感受到清香,事後不覺得口喝.不過店方一早下了檸檬葉,個人吃蛇羹,是不喜歡下檸檬葉的.想起下月暫定的全蛇大龍鳳,又雀躍起來了.

天氣咁凍，食蛇o岩晒。我地叫左一個大蛇羹同一個糯米飯。個糯米飯好petit，冇乜料，加條臘腸要加７蚊。個蛇羹反而多d料，都幾多蛇下，加薄脆仲好味。唔怪得佢對住個公廁，d van仲噴廢氣，都有咁多人食。

今日心情唔多好,所以自己一個走左黎食蛇羹,叫左個幾唧,起初食不太特別,但食落有d酒味好正~~~~之後有3條友搭台,佢地叫左二兩蛇酒+入d羹,心諗好正,但自己又要唔到二兩咁多,所以放棄.最後細唧真係唔夠喉..不過算再試第2間....

前日食左個細既($27)...唔係幾夠喉今日去食左個大既($52)至少大過細既2倍有多因為呢度d蛇羹真係幾足料,味道都幾好食完起碼個身有感覺...之前成日打喊霧昨日就算訓5個鐘都無出現呢個情況..呢排真係捱得太多..要補補先得..不過今日食左咁大碗有d驚補過頭

很奇怪的主題? 女友吃了這店的蛇羹20多年, 我則是吃人生中第一次的蛇羹, 趁著前些時間跌到了10度, 再加上女友不斷明示暗示, 要來了始終要來~第一次食, 都唔知講咩好, 淨係知道幾好食, 但食到尾的時候好濟, 想必是臑米飯的緣故; 另外用料都好足, 蛇肉都幾多... 大碗的50元, 湯碗般大, 細碗25元, 飯碗size...臑米飯12元, 講完!

3月2日20:30由京港酒店下直通巴，漫步至佐敦，決定來碗細蛇羹。份量不大，不是啡黃色，用料足。幾種蛇絲、肉絲、木耳絲、陳皮絲和極薄的冬菇片。稍為杰身，最欣賞師傅的刀章。店小而不算整潔，店員有禮。這店還供應蛇龜湯，有機會再試。題外話1：途經旺角綜合大樓，想一試二樓的熟食中心，見有幾家有特色店，何奈食物太大份，祇好日後再試。題外話2：途經新填地街尾，見有食店碳爐火光紅紅，有很多人在打邊爐，原來是有食友介紹過的和味菜館。

是另一食友28 歲的介紹。尋日來試，這裡舖面不大，位子亦不多。但見店員在面對一大盤蛇肉在搣蛇絲，彷彿要說給大家這裡的蛇羹是真材實料的。除了蛇羹，還有蛇湯、龜湯及臘味飯等其他食物。蛇羹有大有小，真的是十分足料，除了加在羹面的薄脆及檸檬葉絲外，還有不少的蛇絲、肉絲、木耳絲、冬菇絲、筍絲等，是滿滿的一碗。吃落也甜美，味精不多，亦夠飽肚。略縑蛇湯底也是杰杰地，不太合個人的口味，其餘各方面都交足功課的，難怪在星期六下午，就算飯市過後，客人也陸續有來。蛇羹大的50 蚊，小的26蚊，吃碗大的也算物有所值的，可以一試。

今日尊登走來買蛇羹的,大碗$50.幾多蛇肉架.行經的話,不防試試!