蛇王祖萍記豆品小食

營業中

休息中

呢間鋪仔有樣食品同蛇完全冇關(其實呢間舖賣嘅嘅基本上同蛇無關）就係芒果糯米糍，由疫情前12蚊賣到而加17蚊一件，絕對係糯米糍中嘅貴族，但味道非常平民，全港貴過佢嘅地方真係唔多！如果問我抵唔抵，我會話緊有人話抵

蛇王祖萍記豆品小食📍粉嶺聯安街17號寶安樓地舖味道：😋😋😋😋😋😋😋😋😋環境：🎑🎑🎑🎑🎑服務：😏😏😏😏😏😏😏-今日我哋去咗粉嶺嘅蛇王祖萍記豆品小食，真係有驚喜啊！佢哋係一間好低調嘅豆品小食店，賣芒果糯米糍同豆腐花，但係真係好出色！-🥭芒果糯米糍 $16皮薄餡多，芒果又大又甜，多汁水潤，真係一食就愛上！😍-🥛木瓜牛奶汁 $23用一個字形容就係「潤」！口感好濃郁潤滑，一飲入口，真係好滋味！😋-🥣芒果涼粉芋圓 $31最令我驚喜嘅係佢哋嘅芋圓，特別係地瓜圓！地瓜圓有好明顯嘅地瓜香氣，又Q彈又有嚼勁，好綿糯好好味！佢哋仲用花奶做面，底部加埋花生糊，一匙羹就帶嚟好多層次嘅滋味，真係好出色！💕-如果你地路過粉嶺嘅時候，記得去試下蛇王祖萍記豆品小食啊！佢哋嘅芒果糯米糍同芋圓地瓜圓絕對值得一試，一定唔會失望！————————————#香港美食 #美食推薦 #美食日記 #甜品 #甜品推介#糖水 #糖水推介 #粉嶺 #fanling #hongkongfood #hongkongfoodie #聯和墟美食 #粉嶺美食 #粉嶺推薦美食 #聯和墟推薦美食

和朋友到粉嶺行山落山食完晚飯想食碗糖水 就到蛇王祖大家分別叫咗芝麻糊豆腐花、木瓜牛奶西米露、蕃薯糖水我叫木瓜牛奶西米露（$26）西米好多木瓜得啲碎 冇完整一塊 亦唔係打成蓉 係真係寥寥可數嘅碎零甜味真係純粹三樣材料都有芝麻糊豆腐花（$18）我淺嘗咗芝麻糊嘅部分 冇試豆腐花芝麻糊微微的甜 但都唔多蕃薯糖水（$20）蕃薯都俾幾多嘅 切開一塊塊 大小適中糖水底都係偏淡 但勝在蕃薯本身甜一路食都見有唔少街坊幫襯但對我而言真係有啲唔理解😂好難認為係「糖水」

20230202平日--蛇王祖萍記豆品小食地址: 粉嶺聯安街17號寶安樓地下簡單來說在帝庭軒過聯安街天橋底位置回家路上想吃點東西，聯和墟晩上可宵夜食店不算多，蛇王祖萍記豆品小食營業至11時，有甜品供應，冬天也有蛇羹、糯米飯、蛇湯，龜湯等等食物可供選擇是夜天氣有點冷，就試試蛇羹點餐點了套餐($105)+龜湯($13)大蛇羹賣相吸引，蛇肉、豬肉絲，冬菇絲，再加上爽脆的木耳絲，全部切得幼細整齊，吃到酒味闢腥，入口香滑又有咬口。臘味糯米飯細細碗，有香脆花生放面，細看之下，有不少切碎了的蝦米碎，一邊食一邊又會在底部吃到臘腸，糯米飯咸咸香香味道不錯，不過飯較軟爛店員在雪櫃拿出薄脆、檸檬葉和胡椒粉，薄脆是芝麻口味灑上檸檬絲，倍添清香蛇羹材料足，口感豐富，暖身又滋補龜湯跟其他蛇鋪比較，比較淡口清湯感覺，便宜的加配價($13)，也不高要求了。埋單: $116有齊蛇羹、糯米飯，龜湯，價錢不貴，不妨一試

已經食上癮，芒果糯米糍頂瓜瓜，糯米皮薄得嚟有煙韌感覺，平時都係買返屋企食，今日咁啱少人就堂食堂食隻碟仔好骨子，加上荳品堂獨有「面壁」座位，真係另有一番風味（仲有得照鏡tim，如圖叫多件，來多個近鏡另外豆腐花都唔錯，花滑薑味香，仲有其他糕點好似牛奶桂花糕都有水準

次次食完腸粉都要嚟萍記買返支豆漿，對我嚟講，腸粉加佢嘅豆漿係一個套餐🤣🤣，腸粉加豆漿，大滿足。其實萍記佢嘅豆腐花都唔錯㗎，幾香幾滑，不過今日飽咗就冇食喇。買咗支豆漿 $9同芒果糯米糍$14。豆漿有豆味，甜度又啱啱好，唔會冇味飲水咁。另外佢出晒名嘅係芒果糯米糍，見過好多次排晒隊，即場包。食糯米糍最怕個皮勁厚舊芒果細細舊，食極都食唔到舊芒果，呢度相反。個皮勁薄，薄到覺得舊芒果要穿出嚟😂😂😂萍記其他糖水都有食過，都唔差㗎，有機會大家都可以試下。

之前食過紅豆沙綠豆沙兩樣都好得，好香起沙好好味，今日行過門市見諗住買大菜糕同椰汁馬豆糕試吓，點知兩樣都好唔得，馬豆糕質地成劈野咁，大菜糕甜得黎有藥水味，真係好失望，冇下次

<<Daily 豬仔為食記🐖>> 由於呢間豆腐花舖係每日返工嘅必經之路，每次經過都忍唔住買返支豆漿或者菊花蜜飲下！講真其實都飲咗10年㗎啦，佢飲品嘅品質都冇乜點變過，只係價錢貴咗囉！但係真係好鍾意飲佢新鮮嘅豆漿，同埋有時會買返碗豆腐花黎食下！🤟🏼😝佢啲豆漿真係真係好香豆味，同埋啲豆腐花都好味又夠滑，加上佢啲薑糖又唔會太甜，不過就嫌佢太細碗！然後我知佢嘅菊花蜜，其實主打係佢嘅蜂蜜，因為用咗佢哋賣嘅蜂蜜去調佢嘅甜味，所以呢飲落去就好有蜂蜜嘅味道，好柔和，唔會死甜，但菊花味就反而唔係太重，但係都清熱，有時都會自己買返支佢哋嘅蜂蜜去沖蜜糖水飲，真係幾正！🥳🌟仲有佢啲甜品都OK架，就好似大大粒嘅芒果糯米糍，皮都算薄，加上芒果就係半隻芒果咁大啦，好足料，好似長洲嘅糯米糍咁！同埋每日都見佢不停包，去貨量都算高，所以應該就好新鮮！🥰💛推！

同朋友行到攰 見到依間舖頭就入咗去 點知好有驚喜😆舖頭比較細一眼睇晒好貼心 仲有消毒洗手液雖然依間鋪係賣蛇羹 但係個個嚟到都係食甜品咁😂見到好多人嗌芒果糯米糍就跟住嗌 食完覺得普普通通 唔係太突出 可能芒果唔啱季節 食落去有少少酸 唔係好甜 但係糯米皮做得好薄 不過稍嫌麵粉味有啲重另外都見到好多人食豆腐花 我就嗌左一碗熱嘅豆腐花 超級好食 超級滑 嚟到一定要試吓 好友驚喜🤤得閒經過可以試吓 價錢好街坊😊

芝麻糊水咁淡而無味，14元外賣加1元。勁難吃，又稀又細碗。糯米糍感覺唔衛生。我不想買。因兩個男人係門口整只著住件背心，一路整一路吹水，門口塵又多，大佬擺張枱路边整，隔離左右買菜，生果 ，蚊又多，不太衛生，店門口有隻污蔑大唐狗爬係到抓痕，發出怪味，個男人就咁放係工具就咁食錢包糖水。我便買回家吃。中伏。感覺勁不衛生，又無冷氣，蚊子又多，出門口時還見到隻大老鼠，大佬講下衛生環境，日光日白你都當無事。。唔該你自己打去食環署來滅鼠。無下次

今次跟女友食完對面街很出名的豬手 , 出來一身熱氣被她拉到這裡食甜品飲涼茶 想不到門口小小的蛇店, 門口門庭若市! 大家都在等這片即製的芒果糯米糍!!! 就是有位很年青的哥哥仔, 很專心地搓糯米, 變成薄薄的皮, 再包上超大片的芒果, 果肉一看就知熟透香甜!!! 我倆都忍不住排在後面買了! 也不是等上很久就享受到這個皮薄肥肉的芒果糯米糍! 新鮮即製, 份外不同! 希望小店可以長做長有! 我會回來再 encore

今日下午我們喺粉嶺聯和墟食完豬手麵之後，行過聯安街見到有間食蛇羹嘅「蛇王祖萍記豆品小食」都幾多人食，所以我們就入咗去食返碗蛇羹！我們叫咗個抵食套餐：大五蛇羹拼臘味糯米飯！大五蛇羹嘅蛇肉份量都幾多，湯底嘅味道亦好鮮味，而且濃稠度亦調教得恰到好處，唔會過稠或過稀，再加埋啲檸檬葉一齊食，簡直係絕配呀！臘味糯米飯嘅糯米非常煙韌軟熟，唔會過腍或過硬，而臘腸除咗舖滿嗰幾片之外，仲有切成粒裝之後撈入糯米飯入面，令到臘腸嘅油香味完全滲透晒啲糯米飯度，所以味道真係相當芳香惹味！原片芒果賓仔糯米糍係即時喺現場整，每次整完一批之後都好快賣晒，我們都要等第二批先有得食，一嚟到嗰陣我們就覺得好特別同好吸引，因賣相係一個有一隻手掌咁大嘅鵝蛋形咁，咬開一半就見到入面原來係原片厚厚鮮黃色嘅芒果肉，感覺真係超抵食呀，而且味道非常香甜，而且外層嘅糯米皮極之薄身，質感相當煙韌軟滑，真係超正呀！石磨芝麻糊係用人手石磨，所以超級香滑濃郁，有極之芳香嘅芝麻香味，真係真材實料呀！

襯着幾天復活節長假期，到粉嶺覓食，在聯和墟一帶，尋找美食。當朋友在附近買水果時，我站在附近周圍望，見到有一間名為蛇王祖的小店，小店同時又有豆腐花、糖水和奶涷等食物。但最吸引我目光的卻是，兩個哥哥仔即埸製作的原片芒果糯米糍，名為「賓仔糯米糍」。我站在這裏望着他們密密手包裹糯米糍，看到芒果用了原片芒果肉，成隻手掌咁大片，再包上薄薄的糯米皮，外皮很薄，還可隱約看到芒果的鮮黃顏色。芒果糯米糍（$11）👍👍👍👍👍首先以價錢出發，$11 就有原片手掌咁大的芒果糯米糍，真材實料，真是很抵！味道方面，芒果肉厚鮮甜，糯米糍的外皮很薄並帶點煙靭，口感亦很軟滑。大大個芒果糯米糍，由兩位哥哥即埸泡製。店內放了一箱新鮮芒果。門面

剛剛食完群記，有d心思思想食甜品。醒起群記附近有間賣糯米糍嘅鋪頭，決定買件食下～蛇王祖萍記豆品小食係一間集多種食物嘅食店，除左蛇、我今日想食嘅原片芒果賓仔糯米糍之外，亦有豆腐花、奶凍及中式糖水紅/綠豆沙可供選擇。通常我都係買原片芒果賓仔糯米糍外賣拎返屋企食。但一陣我約左男朋友睇戲，所以買完直接喺鋪頭附近立食！每一次食佢都冇令我失望，原片芒果夠厚夠大塊，而且都係已熟透嘅芒果，啖啖都係最香甜嘅果肉。另外，外層包裹嘅糯米糍皮亦做得夠薄！可惜我本身有濕疹，芒果係濕毒之物，食太多會濕疹發作，都係間唔中淺嚐過下口癮就算～

20170305--經常路過這條聯安間，在數間蔬果檔之中，中間夾雜著一間毫不起眼的店，平日路經也會不屑一顧的店。近日此店開始引人注目，原因是店家做了一款具人氣的賓仔糯米糍。我才開始真正留意一下此店是賣甜品和冬天會賣蛇羹的店。是日接近四時三十分，有長約四至五人的人龍，排前面的姐姐對我說到你時可能沒有了，因為前面的食客每人也買六件以上，因為前幾日我到此時也賣光了，反正有時間，碰一碰運氣，皇天不負有心人，我買到了兩個，後面有客人說想要十個，對不起，明天請早了。糯米磁是將原隻芒果開邊，用半邊新鮮芒果，再用糯米粉自家製出糯米皮包好的甜品。店員就在店外現點現做，帶上手套，乾淨衛生。看店員現做，拿到手看芒果的顏色，糯米糍很大件，滿心期待。較酸的較甜的糯米皮薄而軟糯，配上芒果，味道一流。這種做法的芒果糯米糍，我曾在一田百貨內的食店吃過，此店的糯米皮比一田做的更薄更好吃。芒果就正如我所說，生的較酸，熟的較甜，味道有點參差，當天現點現做，新鮮度十足。店家如能在選芒果時再篩選一下，相信糯米糍的水平會進一步提升。我們坐在店內吃糯米糍的時侯，留意此店應該有點歷史，沒有裝修。細意看看牆上的餐牌，有蛇羹、糯米飯，蛇