蛇王輝

營業中

休息中

叫左一碗細蛇, 一個咸魚肉餅煲仔飯。妯蛇真是普通飯碗份量, 偏少, 不過味道唔錯, 唔會太咸, 加埋醋同薄脆同檸檬葉, 味道剛好, 蛇肉一絲絲都幾厚架。咸魚肉餅煲仔飯幾大煲WOR, 大大塊肉餅, 同大大塊咸魚, 可惜咸魚唔係梅香果隻, 好難「中」爛佢, 變左好難同肉餅撈埋一齊食。肉餅肥瘦剛好, 唔會好油膩。飯唔會太乾, 底有飯焦, 整體唔錯啊

屯門的蛇鋪所剩無幾，這一間可算是歷史最悠久。以前蛇王輝位於新墟仁愛堂旁邊的小街，現在搬到置樂花園旁邊，麗寶地鋪。以前置樂最出名有粉仔同雞蛋仔，近幾年仲多咗呢間蛇店，呢樹美食愈嚟愈多。蛇王輝的蛇羮，最大特色是麻香味較重，酒味不太濃，蛇肉切得相對幼碎，一般人較容易入口，有少少開胃既感覺。另外，它的薄脆較香脆，不會漏氣變啉變韌，放入蛇羮佐食最佳。大蛇羮65元，細蛇羮45元，但份量相差大約一倍，價錢只差20元，當然要點大啦。同一般蛇店相近，蛇羮可配糯米飯，這些套餐當然有些少優惠，比散叫平足10元，值得考慮。如果不想吃糯米飯，可以選擇叫煲仔飯，鳳爪排骨、鹹魚肉餅等等數款，任君選擇。

［補而不躁］入黎屯門，為的是行番轉菠蘿山，睇下香港大峽谷當然，行完個來回都5點幾，於是為了補一補，於是友人帶我地去食蛇羹點知，原來食開尼間店的友人話--間店搬左！心都離一離，於是見搬得都幾遠，要行十幾分鐘，但最後，都決定行去食，因為友人話系對份「味道」的執著。於是行到過去，天都快黑了。唔知系咪因爲行到攰，於是每人都叫大碗的蛇羹，或小碗拼糯米飯 ， 人人食量大增上蛇啦！ 好似碗仔翅的口感，而蛇肉則似魚鱔的口感，不錯糯米飯都好香，有腊腸也有潤腸料足豐富。脆片系免費任加，將它加落蛇羹，會有另一種口感，又脆又香好滿足的一日！行完山後補充電力之選。

蛇羹是香港的地道美食，曾經看過專題報導，整蛇羹是需要好多心機，一點也不簡單，所以一碗蛇羹絕唔似一碗碗仔翅咁平。事實近年蛇羹越來越貴，但仍然間中幫襯一下，希望支持這些小店。今日是聖誕節正日下午，蛇王輝依然有開 。我們來到，叫左一個大蛇羹$65，一個大蛇湯$40，兩碗都大大碗，份量幾足。先講蛇羹，蛇肉數量恰好，肉唔會好靭，易咬易食，配料好豐富，有雞絲、冬菇、木耳、冬菇薄而滑，煮到好味，個蛇羹又無我討厭的薑絲，岩我口味。蛇湯飲第一口覺得幾重藥材味，然後就好鮮甜，好濃郁，睇個顏色都睇得出，好真材實料，近來openrice要二百字先比到笑，我都努力寫，想比個讚佢！

秋風起，緊係要食野味😛天氣開始轉涼啦！緊係要把握時間去食啲當季食物啦😎要數秋天必食既除左煲仔飯之外！蛇羹一定係其中一樣😏今日我放假陪屋企人買餸🚶🏻心血來潮口痕好想食蛇羹，所以就買咗左碗再加個糯米飯返屋企食😛btw，真心幾失望😞大蛇羮+臘味飯-HKD93$哇！依家食蛇咁貴既😨，唔買真係唔知😵蛇羮蛇肉夠既，不過藥材味唔夠重😞加上應該落得太多生粉，飲既時候開頭重係「羮」，飲多兩啖已經變咗「湯」，so sad😭，臘味飯仲衰，唔知係啲花生定臘味放得太耐🤔食落去好大油膱味😨加上糯米飯既調味不足，唉，估唔到咁耐嘅老店都變成咁，又有一間可以講再見啦👋😞

今日秋風起，突然想食蛇羹諗起置樂依家即刻衝過去～～！去到都冇乜人，雖然OPENRICE嗰度寫係11點收，但係我哋11點去到都仲未收～一去到老闆話糯米飯賣哂下次會早啲嚟！咁唯有淨係食蛇羹啦足料呀⋯⋯熱辣辣！好正呀最緊要係加脆脆呀！呢度嘅脆脆好新鮮加埋香草同胡椒粉一流～～～食完真係暖lup lup

前些陣子，天寒地凍之時忽然好想好想吃蛇羹，雖然屯門對於我來說實在是太遠，美食當前，忍忍吧！這裡沒有雅裝，卻滿載街坊人情味，有室內室外，絕對稱得上是平平淡淡的幸福。蛇肉更是脂肪低而蛋白質高，有很高的營養價值對女生來講，可以吃多點吧，據說 既可補補氣血又滋潤肌膚。蛇羹－蛇肉，雞絲，冬菇，木耳，超級的足料，絕無取巧之作因為並不腥，所以也沒有用上檸檬葉絲去腥味暖身滋補的一碗蛇羹～又要到冬天才可以品嚐～－Miss F

天氣持續寒冷，於是建議去食煲仔飯，經過置樂發現呢間蛇王輝除蛇羹外，仲有煲仔飯同糯米飯供應，二話不說，試試吧！我地點左滑雞煲仔飯($35-)，梅菜肉餅煲仔飯($35-)，一碗大蛇羹($55-)！煲仔飯賣相醜陋，我呆左五秒，是雞嗎？雞肉呢？是因為份量少，骨多過肉，简直無機會去分辨佢滑定唔滑，另外，個肉餅同樣精緻，質素平平。唯一讚係有飯焦囉，很香囗！於是狂落豉油撈飯算了建議佢加價提高食材質素！蛇羹足料，啖啖蛇肉，香濃美味，熱辣辣好暖胃，再加埋脆脆一齊食，好味道！！！脆卜卜，任落唔嬲！

响屯門做野，好快就會聽見有人介紹新墟有檔蛇王輝，蛇羹很是出名。近年蛇王輝已搬到置樂，舖位大了，坐位鬆動了（舊鋪幾乎背貼背）天口凍，今日又見放工得閒，又回到蛇王輝食蛇羹，一碗大，五十五元，材料真的很足，木耳蛇絲薑絲，熱騰騰～端上來真令人食指大動，桌上有無量薄脆，淅醋，檸檬葉供應，食完全身暖笠笠咁返屋企，真係人生一樂也！美中不足的是，老闆同店員都很沉默，氣氛很是冰冷，食咩？多謝晒，下次再嚟過啦。找返＿＿＿比你。一句都沒有，到店面好似只有我主導點菜，我主導付錢，好自助式的，暖身的蛇羹跟冰冷的態度真的很不夾喔。

蛇王輝起屯門好多年喇！相信屯門友一定認識。新墟舊址起碼10年，近年搬到置落新址，地方更大，坐得更舒服。除左蛇羮 ,蛇湯，仲有龜湯，糯米飯等等...食宵夜, 我叫左碗 大蛇羮，盛惠$55-蛇羮入面有木耳，冬菇，豬肉絲，薑絲當然少不了蛇肉！以蛇王輝經驗，調味方面，絕對無問題 味道讚呢~ 食完過後，行氣活血, 整個人暖笠笠！真心說句，以前蛇肉的確比較多，現在蛇肉就少了一點。如果，蛇肉方面更足料 我相信下次可以給你一個笑臉。

聽聞此店搬遷了幾個月, 終於有機會捧場了, 雖然天氣依然有點熱, 但無損食蛇羮既興緻, 新舖係舊舖的三倍之大, 中間仲可以放得落張可以容納八人既大枱, good呀, 唔使分批輪流食.講番蛇羮, 水準完全保留到, 材料依然咁rich, 不枉我既朋友山長水遠跟我黎食, 哈哈.唯一不足之處係..........唔知咩原因, 竟然冇卜卜脆, 老闆話要到下週三(10月17日)先返囉, 糥米飯依然足料, 正!總括黎講, 除左冇卜卜脆失色左之外, 其他都可以保持到, 值得一讚.店面光鮮左, 乾淨左, 同濶落左, 我會繼而捧場架, 呵呵.