蛇王龐

營業中

休息中

十幾年前有個週圍搵好嘢食既朋友帶我嚟蛇王龐食，試過之後幾乎食親蛇就會嚟哩度。而家個朋友都移咗民，而我亦一直嚟食，間唔時仲介紹朋友嚟。點解我會keep住嚟呢?其實蛇羮既味間間都差唔多，無話邊間特別好食，反而我會睇用料足唔足。蛇王龐既蛇羮係我食過咁多間蛇王入面最多既。有時肉眼望唔同蛇王既蛇羮用料好似都差唔多，但其實當中用既肉唔係全部蛇肉，唔多唔少都會加啲雞肉或豬肉，只不過比例就各有不同。以下係蛇王龐既菜單:套餐A $87有細蛇羮、臘味糯米飯同蛇湯我覺得幾抵，糯米飯算整得唔錯，加花生同蔥花，冬天食一流。哩個餐一般食量既人都應該夠飽。但我今次夜啲仲有其他地方去，唔食太飽只食個大蛇羮:蛇羮加紅醋、楜椒粉同最重要既檸檬葉，舖頭既有薄脆提供。見到個碗其乎見到既肉都係蛇肉嚟，蛇肉個質感比雞肉同豬肉韌同硬，咬爛有一絲一絲既感覺，好易分。食完蛇羮係會有蛇湯送，老闆會攞走你食完蛇羮既碗裝碗蛇湯，湯係幾清甜，但我就覺得藥材味可以再重啲。食完蛇羮蛇湯，成個胃暖哂。舖頭仲有各類蛇酒提供，有興趣唔需要成枝買，可以試一細杯。我試咗個五鞭蛤蚧壯陽酒，飲完好似森美講故所講成個男人返哂嚟!講笑啫，其實就係普通中藥酒既味，一

好耐冇食過蛇羹了， 近排上網看有好多人讚這間蛇王龐的蛇羹好味，冇雞肉，所以特意來食😊今日就去試下12月19日下午1點40分左右入到去，有3張台，有2個客人。我要了碗大蛇羹， 真的好味😋， 清得嚟有些香 ，可能我加了檸檬葉， 蛇肉味也好食， 食完後店員給了我一碗蛇湯😁， 發覺這碗蛇湯很清，沒什麼油，而且也很清甜 ，很好味的😊特別一提的是， 我食到大概2點左右這時間，發現很多客人一個一個的入來吃， 坐到全店滿座了，冇位， 而且 在門口外面也有一堆人， 可能見冇位了，就都要了外賣拎走😱 愛食蛇羹的值得推介👍😊 另外，我冇食該店的糯米飯，但見很多人都有叫糯米飯食，應該都好味的，大家可以試下😊

自從對上一次喺(蛇王娟)度，食咗碗雞肉羹，認証咗雞肉娟嗰朵唔喺流嘅之後，揾食肥華已有一段日子冇到宜安街食蛇羹飲蛇湯，趁住踖入12月份本港天氣轉冷，在12月19日，肥華就同靚媽再到宜安街，食蛇進補及暖身，因為已對雞肉娟出品死了心，所以今日肥華喺選擇到一街之隔嘅(蛇王龐)食蛇羹飲蛇湯及食糯米飯，呢幾樣禦寒食品。雖然此店啲同類食品，價錢都俾對面舖貴幾蚊，而蛇湯亦祇有跟餐限定嘅一碗没有添飲優惠，但肥華仍覺此店喺嘅出品喺物有所值，起碼碗蛇羹俾食客見到及食到真喺有足夠份量嘅蛇肉，碗蛇湯有藥材和蛇味，而此店碗臘味糯米飯，靚媽話遠勝對面個間成條街，所以日後食蛇羹肥華都會以此店為首選😋😋👍👍👍👍👍😘😘😘😘😘

同事知道我鍾意食蛇羹，所以最近就帶咗我去一間位於觀塘宜安街嘅蛇鋪，蛇鋪地方唔大只得兩張枱，而且蛇鋪仲係內街，就算行過都未必會留意到。蛇鋪提供三款蛇羹套餐，叫咗細蛇羹套餐，套餐可選糯米飯或盅頭飯。雖然係細蛇羹，但係份量都大碗，而且蛇肉滿滿非常足料，味道同口感都超正。糯米飯口感黏糯，而且老闆好好人知道我鐘意食花生，所以比咗好多 😋 蛇湯味道鮮甜，埋單盛惠 $87 蚊，自己都食過唔少蛇鋪，呢間真係非常抵食又好食。

天氣凍，諗住食碗蛇羹暖下身！其實之前幫襯咗都超過10次，蛇羹同糯米飯依然保持水準。加上天氣凍食碗暖笠笠嘅糯米飯同埋熱辣辣嘅蛇湯蛇羹，非常之正！只可惜天氣凍多人食蛇羹，有幾個人排隊，我們未食完蛇羹，老闆已經開始催我哋上蛇湯同埋糯米飯。但係我哋嚟咗都唔夠10分鐘見門口有幾個人排隊就開始催人，我覺得你見我哋入嚟都唔夠10分鐘而不是坐咗半個鐘先叫你上蛇湯同埋糯米飯，係你舖頭細唔關我哋事，我哋專心嚟幫襯你！喺觀塘食蛇嘅都有幾個選擇，未必一定要幫襯你。

心血來潮想食蛇羹，我哥又話呢間幾好食，走去試下。。。6點幾見到有幾枱客，應該五差得去邊，蛇羹送蛇湯，老闆服務好好，比一大碗糯米飯我，我仲叫佢減番d, 點知食到尾，想叫佢添番比我。蛇羹好足料，好鐘意d個味道，加左薄荷同薄脆糯米飯一粒粒分明，冇話好爛同乾，仲要每個客人都好細心咁問，要五要花生蔥，我一定會再黎

因為工作嘅關係成日OT同捱夜，個人好容易攰，朋友介紹過嚟食蛇，雖然唔係秋冬季，不過舖頭都有唔少客人，睇落去都係多熟客。老細為人唔多講嘢，不過嚟多幾次，佢就會記得。因為次次都係同朋友嚟，食得唔多，就會叫一個A餐（大蛇羹加蛇湯），另外再加多碗蛇湯一齊食。有時冇食正餐嘅話，就會配多碗糯米飯。買單一般人均六七十左右，都算抵食。講咗蛇湯先，好濃嘅中藥材味，有種辛辣感，飲完個胃會好舒服，喉嚨會有少少熱，成個人會暖咗。而蛇羹就好足料，好多蛇肉同埋配料，每一啖都會食到肉，啲薄脆就好似同坊間唔係好同，感覺上會再厚身啲，同埋脆啲。檸檬草就係有一個盒仔裝住自己夾，感覺上都衛生啲。整體而言，小店良心價，值得encore！

我中學開始已經住係九龍東，但一值都未係呢條街搵過嘢食， 今日中午出街好大風，咁啱行經呢度，成條街都係食市，但好想食啲暖粒粒嘅嘢，忽然見到蛇檔，而我係極之喜歡食蛇羹的，所以心心眼即刻出場，雖然門面比較簡陋，但幾張台都有客食緊，應該都可以掛， 於是就決定入去試吓。我叫咗個$83蚊餐；有蛇羹、糯米飯、蛇湯蛇羹：比起灣仔嗰間大碗啲，湯與料比例剛剛好。比起深水埗嗰間，多啲蛇肉。三間嚟講我覺得呢度最好食，而且食完真係會成身㷫烚烚。糯米飯：唔會太油，飯就軟身啲，唔洗咬到牙較軟。蛇湯 ：呢個我唔係好識評價，因為平時好少飲。服務 ：他們是家族生意，好欣賞佢哋嘅細心，就係會等你差不多食完一樣，先會拎第二樣嘢嚟，次序係蛇羹➡️糯米飯➡️蛇湯，咁就唔會等到凍晒，亦唔會食得好趕。失分點係 ： 啲香草好乾，薄脆由店主限量提供，唔係成盒擺係度，不過我估如果我想要多啲應該都可以嘅😅點解我個標題寫「太遲啦」，因為聽到店主同街坊熟客講，就嚟唔續租，要退休了，當時幾台客都叫佢搵第二個鋪繼續做，幫襯咗幾十年，好唔捨得😔。所以近期我應該會去多幾次😋

天氣凍凍地，最適合去食蛇羹暖下身，今次去到觀塘試下先，裝修非常簡單，但有種地道嘅感覺。套餐B (蛇羹、糯米飯、蛇湯各一小碗) 熱辣辣一碗滿滿的蛇羹，入面有蛇肉、雞肉絲、木耳絲，再加啲檸檬葉、醋同薄脆，令到口感更豐富。糯米飯上面鋪滿花生、香蔥同臘味，非常入味。蛇湯好暖胃，好重藥材味，不過飲得岀有少許味精。

位於牛頭角官塘交界，一間其貌不揚既傳統蛇鋪，年年冬天都一定會幫襯，蛇羹超足料好多蛇肉，味道較得好好，食蛇羹會有蛇湯送，個湯好香藥材味👍🏻食完成身暖粒粒。係我幫襯完一次又一次既鋪頭！之前試過好岀名果間，雖然加左少少花膠但好少蛇肉又稀！仲要貴！又試過官塘某間，雖然多人排隊但好似雞肉多過蛇肉所以結果都係幫襯翻蛇王龐，不過可能老闆不苟言笑所以俾人感覺好cool，但我唔需要老闆social，食物質素最重要，支持好食小店

天氣凍，最好就係食蛇羹暖下身，觀塘宜安街有多間蛇鋪，不過我就幫襯開呢間，個套餐好抵食，$78 已經有齊蛇羹，蛇湯同糯米飯。蛇羹好足料，超多蛇肉，我鐘意落好多檸檬葉😍，真係好香。食完蛇羹飲埋蛇湯，包你暖笠笠🤭

前排人都幾多又十幾人排隊買外賣，第一係老闆娘，人地問佢野，佢態度好差串同鬧個老人家，之後係個仔鬧個排緊隊買既女人，一家三口都冇啲禮貌，我眼見亦親耳聽到問的人都係有禮貌的，我想講既係無禮貌連個客都可以鬧，可以冇耐性既，你地既野幾好食都係假，更何況你哋既野都唔係十分好食！你地咁既態度只會自己拆自己招牌，自己諗清楚啦，我冇比你們話過，只係我睇唔過眼你們鬧完一個客又鬧第二個客，如果不是客人幫襯你們，你認為你們店可以做落去嗎？不是出左名就大支野的，若你們還是咁態度去對待你們的客人，我猜你們很快光榮結業。

冬天咁凍，梗係要食啲好野暖下身。朋友介紹左間蛇羹俾我地食其實小妹我第一次食蛇咋，我都幾驚㗎因為我第一次食啦，所以我同我朋友就嗌咗個A餐 share。 Total 75蚊，都幾抵食包三樣野：蛇羹、糯米飯同蛇湯蛇肉好煙銀，味道好濃。蛇湯有浸中藥味，飲完好滾身糯米飯，份量好足

天氣一凍就想縮入被竇渡過餘生咁款，但咁凍又特別易餓，襯天未黑齊就包到隻糭咁出觀塘食蛇其實同一條街，對面馬路就有另一間，但我對排隊名氣無甚興趣，就冇考慮第間舖頭偏舊式，冬天生意好就放多幾張摺枱出街，左右都係d只開日頭既舖，所以冇乜影響門口一堆人買外賣，就直衝入舖自己揾位坐，舊式舖入屋坐低就叫野食，叫左個套餐a，有蛇羹、糯米飯同蛇湯，仲會問個飯要唔要花生一上就上哂蛇羹同糯米飯，連一盒檸檬葉自己加。蛇羹唔單止有蛇肉絲，仲有唔少蛇轆，好足料，而且唔係喪落生粉水整到碗野一pat咁。食落有薑同果皮味，有d辣口但唔係好勁味唔夾嗰種糯米飯唔預佢生炒，加上放左陣先食，面頭嗰d有少少硬，但下面嗰d就正常既。有少量臘腸薄片...刀功好好，但個飯唔夠油潤，食落唔香食完就可以叫湯，用返蛇羹個碗裝，環保洗少個碗又差不多味，都合理。個湯好夠熱，聞落比飲落香，但冇蛇羹嗰陣稍強既薑/果皮味，整體幾好舖頭牆身貼滿剪報同餐牌，除左幾款套餐，仲有蛇膽蛇酒，如果唔係太飽會想飲五蛇酒。呢度係以大細杯計，有d地方係以両計。未飲過既可以想像為甜既酒，除左因為酒本身帶d甜味，係因為加左肉，正如齋湯同肉湯既分別，咁上下其實見到仲有蛇煲，

見到同一條街左右兩邊都有一間賣蛇羹的店,隨意地光顧其中一間,此店買蛇羹送蛇湯,都幾抵食,蛇羹都有好多蛇肉,出奇地足料,不錯,不過提供的薄脆就有點少,只有一小碟,蛇湯表面上好似好清淡,但一飲竟然有好濃的藥材味和紅棗味