蛋撻王餅店 (天晉滙2)

營業中

休息中

今日行過天晉。其實都唔知呢個商場係第幾期。只係知，商場好細，得幾個鋪頭仔。見下午茶，有啲肚餓，所以見到有蛋撻王都會走去睇下有咩啱食。今次見到有一種好耐都無食既食物。竟然係呢度見到燒餅，講真真係好耐無食過。我最愛都係花園街個個燒餅，真係好好食。既然呢度有，一定要試吓。8.5一件，15有2件但燒餅好漏架。所以都係買一件好啦。第一啖咬落去，真係好軟糯，煙靭，香甜，食到尾段就覺得癡住紙袋癡住啲牙LU!不過都算幾好味，好有懷舊感覺。

由於之前popwalk有送某間酒樓的優惠券比我，要食滿指定金額就會有回贈美食現金券，當時我食落200蚊就回贈左2張$20現金券。之前飲酒已經用左1張，用剩一張唔知食咩好，就突然朝早諗起曾經係2期度食過蛋撻王的蛋撻，就去睇下有無啱食的產品，睇下有無得用左張現金券，去到店員話可以，仲剛好可以換到2個麵包唔洗補錢添，真係好啦!我換了蟹柳包和紫薯包。兩款包都不錯，多餡料，食落麵包都軟身，做早餐都夠飽，下次有機會都會再去幫襯😋

放工口痕痕想食蛋撻就走左去蛋撻王買個蛋撻食~點知被玻璃櫃入面既甜品吸引左~見個size都幾大件就被佢吸引左我眼球~~最初諗住買朱古力果件算~諗諗下如果買一件自私食實被老公串~所以就買埋隔離個Tiramisu一齊share啦!拎番屋企慢慢嘆~食完晚飯即刻開黎食~朱古力果然唔會輸~面頭有少少朱古力醬同榛子,下一層朱古力mousse夠實夠香濃~中間夾有海綿蛋糕，食哂成件都唔覺得漏!Tiramisu我試左少少~好香酒味，中間夾有手指餅既tiramisu更加有口感~兩件蛋糕都做到層次分明~甜而不漏!下次可以再encore~~

喜歡它的蛋撻，皮香，特別是曲奇皮，鬆脆唔油膩，而且餡料夠蛋味，不是太甜。麵包也鬆軟可口，芝士餡沒有太咸，味道平衡，不錯。竹炭包有特色，雖然唔係太濃，但淡淡的竹炭風味讓大人小孩都易接受。