螺螄町

營業中

休息中

叫左一個湯，一個撈，👎🏻👎🏻👎🏻完全唔知食緊咩，第一次覺得仲難食過包裝嘢，湯又唔得，服務又唔得，外賣等左成8個字，外盒收2蚊，仲要唔係分湯，好食唔緊要，最主要太太太難食，

垃圾豬手全部肥膏，食落去有好重膠味，d粉癡埋一齊明顯煮嘅時間唔夠，超市20蚊包嘅螺絲粉仲好食過距，本身中意食螺螄粉都比到距搞到有少少陰影。甘都可以囖出黎比個客食，其實咩人都可以開鋪頭賣野食啦，9屎垃圾撈埋一齊

香港呢排開翻好多螺螄粉，旺角 西九，食完都係最頂螺螄町！招牌螺螄粉，湯底無味精，食完唔覺得頸渴，粉好爽口好有彈性，QQ地。配料都幾豐富，臭筍，酸豆角 花生 木耳 都有。腐竹同平時食開果d唔同，好厚實，腐竹味好香！下次食要加多一份（得6蚊，好抵食）臭豆腐，炸到好酥脆，不過係螺螄湯底，同長沙有d唔同，but still 好食！配料都有臭筍！脆皮大腸超級推薦！酥脆。環境比較窄，服務態度都幾好，未試過比人惡，都無收加一，唔需要五星級服務。

可能之前熱潮太火爆令我對距期望太高所以我覺得冇自己煮嘅好歡螺好食可能因為冇配料，所以唔出色可能要加多d配料先好食炸蛋好食臭豆腐難食，雖然脆，但係好油，冇味嘅螺螄肥腸煲，係香港未食過一粒粒嘅螺螄，好開心🤣呢個煲好好味，芋頭又好食！5星星🌟

一開始見到香港賣螺螄粉嘅舖頭執晒，屋企人又唔係咁鍾意我係屋企煮，一見到有呢間即刻拉埋男朋友去食。我叫左個小龍蝦螺螄粉，可能未食過小龍蝦啲肉係少啲但好多膏，幾正下😂。碗粉係正常螺螄粉既味，個湯不過不失，會再去。🙈

之前見到大排長龍，今次終於試到😍竟然去到唔洗排隊直入就得😙唔知大家鍾唔鍾意食螺絲粉呢，食過既大家都知係聞落臭食係香既，-呢間都好多學生哥黎食，但唔食得辣既就叫微辣啱啱好，小辣已經頂唔順，麵底偏淋，推介既餸係招牌炸蛋，味道好正宗，是🦆血都唔錯既5️⃣舊左右，本身配料都好足料，食完辣野緊係要叫返碗冰粉啦，甜度適中，簡直透心涼❄️

喺門口望落去已經覺得好迫，入到去好似行唔到咁。佢哋啲卡位張枱明明就好細，淨係可以坐到兩個人，係都要加塊板搭枱，但係其實係完全唔夠位一碗麵都擺唔到。第二 啲面完全冇驚喜自己煮仲好食仲要咁貴 啲份量又細完全食唔飽 一杯嘢飲$20幾$30啲冰已經有¾個杯 邊個去食邊個傻仔

一碗普通螺絲粉賣48蚊，份量又唔多味道又麻麻，點解唔買一包20蚊螺絲粉自己煮真心自己煮仲好味！服務態度極差！特別係女服務員，聽完客人講嘢，粒色唔出就走左去，你應下好/唔好/請等等都好呀！3個人食左$220螺絲粉喔😂味道無驚喜，份量唔多！旺角女人街黎講算貴！超唔抵食大家未試可以唔好試了

今日經過女人街見到呢間嘢，第一次見到餐廳係專賣淘寶成日見到嗰種粉，變到成條街得呢間嘢冇乜人排隊，所以入去試吓。點知真係好伏！1.環境：超級無敵污糟，啲枱冇人抹枱，上一手食剩嘅嘢全部喺張枱，叫我哋坐低⋯以為佢會抹吓，最後都係冇。仲要成地都係垃圾，好恐怖！2.服務：好得人驚，服務極之差！唔係冇服務咁簡單，係極之冇禮貌，好恐怖！如果唔係朋友想食，我應該拍枱走人！首先，唔抹枱，叫咗10分鐘都唔俾餐單我哋，間鋪冇乜人，唔忙，咁都可以懶到咁。到我哋圈晒食乜嘢，舉手又扮睇唔到，碌大隻眼望住我哋，都係唔過嚟⋯想喺OpenRice見到啲食評，都有部份人話店員態度相當差，今次我終於見識到⋯好明顯係針對緊香港人！3.食物：就係一碗比較臭嘅米線，湯底冇乜特別，就係好鹹同埋好難，同淘寶買到嘅冇乜分別。見到人哋食炸蛋，我又試下，超恐怖，好難食，將隻雞蛋整到地獄化⋯好似鑊撈嘅味道⋯你幻想啲嘢烤都差唔多燶，又冇乜味道，好似食緊發泡膠咁⋯世界第一劣食⋯小龍蝦麵更加唔洗食，湯底更加淡，隻龍蝦裏面直頭冇乜肉，唔值得食⋯通菜仲恐怖，冇乜葉，俾晒啲莖我⋯4.大陸人：呢間餐廳裏面九成都係大陸人，包括員工都係大陸人，我眼見佢哋對大

酸酸臭臭，吃不慣。服務員自己聊天不理人，問他來了是什麼卻沒有回覆，見他走回去問廚房，但沒有回來答我。一台只有一張點餐紙，背後那頁是別人點的餐。紙巾$3一包。座位偏小。

普普通通嘅味道 係屋企都可以自己整到叫左炸蛋同埋虎皮鳳爪 都係感覺麻麻地兩款都好大陣油溢味… 🤮 食到油味而米線嘅軟硬程度適中料都幾多但係個味道就同屋企煮嘅一模一樣而臭豆腐都好大陣油溢味… 食落去少少膩覺得都唔洗叫黎試🫠 成個感覺就係個粉 個味道係屋企可以整到 而額外嘅野 都唔係太好食… 對個炸蛋🥚非常失望… 本身仲覺得會好吸收湯汁 但係最後係覺得太膩太油…而且虎皮鳳爪都係… 雖然都吸收湯 但係都係有油味所以唔可以洗試

吃了138元3分饱，点了一份臭豆腐没有味道，粉丝非常少吃了两口就没有，炸蛋不推荐，猪手还可以，鸭掌没有性价比，筷子上面有污迹，服务员态度也一般。整体来说不划算 不如自己在家煮料理包

位於旺角女人街嘅聲稱聲稱🇭🇰全港首間螺螄粉🍜專門店 每次經過嗰條街附近都已經聞到一帶浸酸筍味😆平時喺屋企買一包包嗰啲自己煮 煮完成間屋會一大浸味俾媽媽鬧 😂😂今日終於可以喺出面都食到啦👏🏻👏🏻店舖開12點 11點幾已經有人喺度排隊 因為座位入面得10幾個位所以我都等咗15分鐘先入到去😮‍💨我同同事都叫咗個招牌柳州螺螄湯粉 本身裏面配有少量螺肉炸醬 蘿蔔乾 腐竹 酸荀 木耳 酸豆角 花生同埋蔥花 如果你哋唔鍾意食嗰啲配料記得提前同佢哋講唔要啦 😉而我就另外加咗一個招牌炸蛋同埋爆汁牛肉丸 🥚🐮先講講佢個招牌炸蛋 因為我入到嚟見台台都好多人嗌 亦都係佢哋店員推介之一所以就叫咗試吓 但係只可以講個炸蛋食落口真係好油 感覺上好似食緊一個炸咗嘅麵粉吸左一堆辣椒油咁嘅感覺 本人就不太推介啦😵‍💫😵‍💫爆汁牛肉丸一咬落去個牛肉鮮味好出多汁 非常彈牙值得一試👍🏻👍🏻另外仲叫多咗一個椒麻小酥肉 🌟由於太好食嘅關係一上菜唔記得咗影相就比我食晒啦😆🤫🤤個雞炸得好香口而且每一粒上面都俾花椒粉蓋住 正呀🍻😍

本身自己對這些沒有太大興趣，不過小雞胃可能比較喜歡這類的米粉，面，就帶他試一試，螺獅粉確實比袋裝的濃郁一些，炸蛋酥脆，鴛鴦糍粑味道不錯，小酥肉比較普通，飲料都是罐裝。.比較差的是服務，服務不太好，態度不夠積極，同時好熱，冷氣開的完全不夠，吃完都是汗

之前同女朋友去對面間鋪頭食餃子，係等位既中途見到呢間鋪頭都幾多人排隊等位，應該都幾好食既。今日經過見到，又唔洗等位，就諗住入去試試佢啦。入到去坐低諗住睇下openrice有啲咩推介，見到咁多負評，完全想像唔到之前排哂隊既景象會同呢間鋪有關。不過既然都坐低咗，就叫咗個臭味相投螺絲粉試試佢啦。其實佢係有大/中/小辣既，但係係menu見唔到有呢個option。見到好多人都推介個炸蛋，所以我地都加咗個炸蛋。個大辣既螺絲粉上到嚟，完全唔夠辣，落辣椒油淨係得油，唔辣（呢個可能就係佢menu冇show辣度既原因）成兜粉勁多油係面，個炸蛋又勁油，仲就咁放係個湯粉上面，浸到濕哂，個texture勁怪，又冇蛋味。臭豆腐又唔臭，同普通炸豆腐差唔多。真係自己喺屋企整既螺絲粉都好食過喺度食。見到咁多負評都走入去食，真係覺得自己係勇者。特此留下此文，以茲記念