螺螄町

營業中

休息中

環境衛生惡劣，唔抵食，分量少，食物唔乾淨，炸蛋完全唔正中，超難食，自己買嚟煮仲好食過佢，碗粉嘅辣度冇得揀，求其擺支辣椒油就算，食到尾先見到碗嘢入面有死烏蠅，店員仲要執走碗嘢就算，完全冇話任何比過碗新或者價錢調整，超伏，唔建議去！

首先落單方式好差，兩個人一張單，點知我邊碗加乜料？再者冇酸辣度揀，成碗粉可以話係唔酸唔辣，份量又少，真自己煮都好過佢。炸蛋其實就似食腐竹，唔抵加，totally$56一碗，食雲桂香好過。仲要冷氣機不停滴水，試過一次就算

在小红书上看到推荐，在香港一直不怎么能吃到螺蛳粉，基本是拿好欢螺或者李梓柒凑合。于是来了。晚上八点多，门口有人排队，拍了差不多半个钟进来的，店面不大，卫生及格。点了炸蛋，虎皮猪脚，经典螺蛳粉。猪脚的虎皮还可以。炸蛋及格，酸笋及格，汤头及格，酸豆角及格。【但是那个粉啊！！！我是真的迷惑。根本嗦不动，又软又绵又黏，我根本不知道自己在吃些什么……】真的是不明白啊，粉这种直接买现成的回来做就好了啊？？怎么会做成这样呢？？

中午收工經過螺獅町，見到冇人排隊就入去食啦。點了招牌螺獅粉，加了炸蛋和虎皮鴨爪，仲點左椰子汁。味道都算幾好，但是粉唔夠軟，粉裡有足量的筍和豆角，湯有啲鹹。炸蛋好酥脆，入口有少少油味，味道都算OK。虎皮鴨爪都算驚喜，好好味。

之前自己都煮過唔同牌子嘅螺絲粉，自己買返嚟煮仲好味過佢，份量偏小性，48蚊一碗，螺絲粉同配料都好少，性價比不高，今次試咗佢嘅炸蛋同埋虎皮豬手係好食嘅，豬手夠入味同林，值得一試。

終於有機會來試這間號稱全港首間螺螄粉專門店了，下班後6時來到旺角，排了半小時，一進店就嗅到熟悉的酸荀味道。我們叫了兩碗傳統螺螄粉，其中一碗加了炸蛋，還叫了一個小酥肉。 螺螄粉夠臭夠辣，但比較油，不過以往在大陸吃的也是一樣偏油，如果不喜歡真的受不了，酸荀、酸豆角味道正宗。 小酥肉就有點像台式鹽酥雞，味道也相當不錯。 而且價錢合理，只是店面較少，只能坐得擠迫一點。我建議大家6點前就要到，否則就只能等半小時到第二輪才進入啊。

排就排餐死，仲以為自己頭一個好快入。原來入邊啲客都等緊上餐，等左30分鐘有多，見啲客都未有得食。 終於入去，啲嘢食唔好食，麵係一pat pat，賣相同買包嘢返黎根本冇分別。食落去陣味仲要難食過自己煮。 咁$45根本唔抵，乾撈份量少。 懷疑直情就係出面一包包嘢買返黎煮，冇咩咁特別。特別點名個戴眼鏡嘅男服務員，唔該你唔好屈啲客偷紙巾謝謝。 根本掂都冇掂過 ，自己搵到有紙巾，同你地講唔需要啦。 仲要懷疑人地係咪拎左，講左話冇。 仲要黎多轉話真係少左wor。 咁咪麻煩你睇cam咯，自己cam睇唔到 仲要好唔忿氣，不情不願叫我地照埋單。我真係唔爭在你個三蚊雞。無緣無故屈9人，道歉冇聲 ，仲要態度極其惡劣。 麻煩你唔好做服務業啦 ，一黎就屈9人 屈完冇證據又要唔道歉😪。 成間鋪好似冇人話事，個細嘅聲粗粗咁都得？ 麻煩管理好啲服務員啦唉。唔需要排隊就咁

- 呢間新開嘅係香港首間柳州風味螺螄粉專門店☝🏻網上見到評價比較兩極，再加上自己未食過呢種螺螄粉，所以就同朋友一探究竟~🍜招牌柳州螺螄湯粉 💰48(+8 招牌炸蛋) 朋友嗰碗係就咁湯粉，我嗰碗就加咗炸蛋，啱啱好俾大家睇哂😹 配料有螺肉炸醬、蘿蔔乾、腐竹、酸筍、木耳、酸豆角、花生同埋蔥花我哋覺得其實螺螄粉似米線，嗰種臭味其實只係單聞先會聞到，食落唔覺🤔 Quote返朋友嘅一句：唔算好「特別特別」🤣 另外辣度都ok嘅，但係對朋友嚟講就辣得滯 (俾大家參考吓佢接受到嘅辣度係合味道咖喱海鮮味杯麵😂) 餐牌上面冇寫辣度，不過提吓大家其實可以少辣/加辣的~(P.S. 歡迎follow我IG @foodstepsinhk 每日更新美食 thank you🙆🏻‍♀️)

係旺角食到唔知有咩好食，今次朋友揀我地去食，結果揀左間岩岩新開冇耐既「螺螄町」。地方細但乾淨企理既，坐位有限，我地一行6人，所以都等左陣。不過都幾快有位，可能系tea time 時間的關係。 只要門口一打開，濃濃既螺螄粉味就飄出黎。因為我著了白色衫，所以唔敢揀湯粉果款，最後試左乾撈。朋友仲加埋「炸蛋」同埋「臭豆腐」。 ⦁螺螄粉（湯/乾撈）$48粉既份量偏少，味道唔夠濃，我地每人都有加多少少辣油/醋。不過同朋友分析過，乾撈系辣d，但一d都唔酸。個人覺得自己買番後煮仲足料。 ⦁螺螄臭豆腐 $28一定要貼多少少汁，咁先夠入味。其實就一般。 想睇更多分享 歡迎follow lnstagram @sa.foodie.lt

見到旺角開咗間螺絲粉專門店即刻要去試😚男朋友平時唔食都比我拉左去🫣-我哋9點左右去 大概等左10-15分鐘店舖唔算大 不過都有10枱左右！排緊隊既時候都成日聞陣味超正🤪（男朋友話好臭🫠）-🥢招牌柳洲螺絲湯粉（$48）價錢有些少偏貴 望落同包裝煮岀黎冇太大分別食落都同自己煮分別唔大🤣而且冇想像中辣同臭（全部默認最低小辣）冇咩特別😵‍💫-🥢爆炒螺絲粉（$58）就咁睇唔係好覺得佢係螺絲粉但有幾條菜又有蛋都幾唔錯😋食落比較油 碗底都有好多辣油而且有啲粉痴埋左一舊爆辣反而係愈食愈辣！個人覺得可以再臭啲🤣不過平時好似食到爆炒 係幾特別既😚-如果同我一樣中意食螺絲粉既都可以去試一次！不過建議試吓d特別啲既🫢湯粉真係同自己煮差唔多有機會下次都想試埋招牌炸蛋😋

自己平時好鍾意買唔同牌子嘅螺獅粉自己煮，期待已久香港終於都開左第一間螺獅粉！由於新開張又係大家期待嘅，開張第三日大概6pm去到，店員已經話賣曬啦🥲隔左一個禮拜再去終於食倒，～2pm 都等左45分鐘先入倒去，因為人太多要搭檯，有d逼，落完單等得有d耐🥲叫左2款麵特色乾撈螺獅粉$48個人覺得唔夠辣，份量唔太多，但味道都唔錯，係一款好味嘅撈米線臭味相投螺獅粉$56原本超級期待，但食落唔係螺獅粉嘅味道，係一碗好味嘅米線，因為食開螺獅粉都係好重口味，佢唔夠辣唔夠過癮😂不過加左炸蛋吸埋湯汁好味👍另外西瓜汁都好飲夠味，但份量有d少。不過都可以去試下的～

應該係香港第一間螺螄粉專門店吧! 此"名物"真係有唔少fans, 十二點開門去到已坐滿人咁滯，幸好仲有一張細吉枱，就諗都唔諗直入店先! 之後不久已經要排隊。 叫咗招牌螺螄粉+招牌炸蛋! 個味道同好X螺勁似，酸辣臭都係，好惹味; 炸蛋就是沾粉炸的煎蛋，只吃到油味😅，不太對個人口味，總之叫溏心蛋算; 其實本身也ok不錯， 但係啲米線出了大問題，吃落係煙韌但個心帶硬，係"硬煮”而不是浸泡再煮，食完過一會感覺好難消化。

最近新開嘅主打螺螄粉專門店❗作為螺螄粉愛好者當然要試下🤣所以一早就黎排隊試試伏~-招牌柳州螺螄粉 💰48中伏預警❗真係好普通，甚至冇我買嘅包裝好螺螄粉好食...味道勁淡，亦都冇辣度（隔離有辣椒油+白醋提供），粉都係偏硬身，超級難咬，仲係一pat咁😅（我自己中意偏淋身嘅粉）–招牌炸蛋 💰8素質幾好❗夢寐以求嘅炸蛋終於食到啦！ 將佢浸入湯汁裡面，真係又酥脆又索曬D汁，炸得非常香酥可口–特色幹撈螺螄粉 💰48最推薦嘅一款❗同平日食嘅螺螄粉味道唔一樣，有D獨特嘅香味，類似郫縣豆瓣醬嘅味道，味道都係重口嘅一款，可能會有D偏鹹🤔配料係真係多_爆炒螺螄粉 💰58一般般，同炒米粉味道差唔多，都冇特別螺螄粉嘅味道，因為係炒嘅所以會偏油D，吃多左會滯–椒麻小酥肉 💰38分量太少啦❗炸得都好酥脆，味道係偏麻，好明顯嘅花椒粉味，冇任何蘸料，幾唔錯，就係分量太少唔係幾低–❗唔收服務費❗因為係啱開張，所以人手問題會好亂❗店員態度都幾好

我本身好鍾意食螺螄粉，因為真係好鍾意佢獨特嘅酸辣臭（我覺得係香），但我食開嘅係一包包袋裝嘅，唔知同正宗嘅味道有咩分別。最近碌社交平台見到旺角開咗第一間螺螄粉專門店，我真係迫不及待試試正宗嘅味道係點其實黎之前都做咗唔少功課，知道餐廳6月頭先開，試業期間一定有d位要改善，所以等到宜家先黎試，點知都係搞到一肚火，永久列入黑名單，唔會再黎！首先佢真係要搞搞個輪候安排，乜指示都冇，全靠食客自律排隊，一開頭食客都冇排隊，全部散落門口，有d早到等候嘅食客開始驚個位被遲黎嘅人搶走，開始叫遲黎嘅客要排隊，先叫有返d秩序。而事實上係唔係真係非排隊不可？派飛唔得咩？宜家成條隊搞到鬼咁長，甚至擋住隔離餐廳嘅入口👎有朋友同我講返之前就係本身打算去隔離嗰間餐廳，就係被呢條長龍fake咗，以為係排呢度，搞到浪費時間另外落order嗰度又係差，首先好幾樣野都冇得order，可能lunch已經賣曬？唔清楚，反正早我一日黎嘅朋友都話佢嗰日都係冇得order。我地“好彩”，落order之前店員已經刪除冇得落嘅item，而咁啱刪除嘅item我地本身都冇打算想食。但坐我對面嗰對食客一坐低已經滿心歡喜話想食臭豆腐，而落order

近年，內地的各種特色美食都流入香港。最近，在旺角新開的螺螄町，正正是主打廣西柳州的美食--螺螄粉。螺螄粉的感覺一言難盡，味道十分難聞，但很多人卻表示很好吃。星期五的晚上七點到達店面，首先要排隊第一下。門外大約有十張枱在等，店面不太大，應該只可以坐到二十多人。等了大約四十五分鐘，終於可以入內。入內後，首先點餐，除了螺螄粉外，亦有其他配菜可以添加，我們點了一個招牌螺螄湯粉，配上牛舌及炸蛋、乾撈螺螄粉及一個冰粉。招牌螺螄湯粉配牛舌及炸蛋湯粉辣味不足，但牛舌及炸蛋味道不錯。乾撈螺螄粉辣味足夠，份量不太多，但味道不錯，不過偏鹹了一點及麵粉不夠軟。紅糖冰粉這個冰粉加入了西瓜，感覺更清涼了，不建議大家點。食完這幾個餐點後，我們兩人感覺還是餓。總括而言，味道還可以，沒有想像及其他人介紹好吃，而且價格亦偏貴，不建議。