蟹仙海鮮蒸氣鍋 (已結業)

依間野 book左8 點 4 位 7:45 去到話等兩張枱去到等都唔緊要 等到8:30 終於有人起身兩張4 人枱 好正常兩枱4 位客入啦 搞笑喎 唔知點解會比左枱5 個客入好 我都算 唔緊要 我當人地黎先 佢坐到咪得囉再等多15 min 有另一枱4 人枱梳化位起身成個門口得番我地一班人 咁等佢執埋位入去坐啦丫 搞笑喎 本身入左去個5 個人起身轉台坐去梳化位話唔夠坐 咁你一早就唔好叫5 個人入啦 得4 張櫈 你叫咩人地入去坐呀⋯⋯好.... 唔緊要 入到去坐低 諗住有得食啦坐左15min 完全無人行過埋黎 應該咁講 成場都見唔到個人 好啦 終於有個阿姐出黎執野 諗住叫佢落單啦阿姐話： 你等等 佢就檸轉頭叫個老細老細 依枱要落單呀老細： 我老細黎，唔識落單 你叫個阿姐啦嘩 依下..... 著左 你唔識落單唔緊要 你搵個識做野既人黎做野啦足足九唔搭八地等左成個鐘 得到d咁既回應....我唔起身走都諗唔到可以做d咩⋯⋯唯有祝你生意興隆啦如果大家想訓練eq 又極有耐性的話 就即管去啦⋯⋯🤬🤬🤬🤬🤬🤬🤬 — 覺得條氣唔多順。

** 元朗海鮮控注意 **蟹仙新登場原來蟹仙轉左老闆～～今晚有朋自九龍來，就帶佢係美食林立既西菁街睇下。佢一見到"海鮮蒸氣鍋"呢五個字就閃哂眼話要試。老實講，我之前試過佢既任食，真係中規中矩；點知今晚一試，突飛猛進，我都忍唔住要寫個好評比佢！一坐落店員就介紹我先選擇粥底，我就穩穩陣陣清清地揀左個南瓜粥底。 蒸氣鍋送到～～全程有專人服侍，全部海鮮蒸幾耐，有店員細心照顧，set哂timer幫我地煮。第一round係新鮮紮紮跳海蝦同大大隻肥美貴妃蚌. 蒸煮時間：3分鐘貴妃蚌好好好好好鮮甜彈牙熟度剛剛好，非常適中真係好味好味好好味。新鮮海蝦上枱都仲係紮紮跳的，無雪藏味係必然，仲要肉質鮮嫩彈牙，激讚再黎既係翡翠九孔鮑。個名咁勁真係唔野少，店員蒸煮既時間岩岩好，鮑魚入口糖心帶甜有咬口，好滿足你有無試過"蒸。安。格。斯。肥。牛。" ?我今晚試左，你估唔到蒸牛會咁原汁原味，Juicy到不得了，牛味十足，一百分！蒸奄仔蟹你估唔到咁細隻蟹仔竟然如此爆糕！！啖啖蛋黃咁既鮮甜蟹膏放入口中，真係蟹迷必定瘋癲*印尼龍蝦仔*唔好以為龍蝦仔係碎料，你睇佢d糕濃味又厚身，蒸起果陣香到不得了，食一隻其實真係唔夠喉呀唔少得

今日去咗蟹仙到食午餐，我們三個人叫咗佢個馳名咖哩雞米， 豬手飯同埋撈米share食。 個咖哩雞米最正，咖哩好濃味 辣度適中， 配合米粉味道十分夾 之後個豬手飯，鹵水豬手好入味， 豬手好淋 好容易咬， 唔會韌 最後個撈米好乾身，配合花生碎，味道一流。 之前試過晚餐既蒸氣火鍋，海鮮好好味，好新鮮。佢主打係蟹， 蟹肉好鮮甜 ，其他海鮮都唔錯，食得出係新鮮嘅海鮮。同埋百幾蚊一位又有甘新鮮既海鮮餐，完全係物有所值 呢間係我會再去食既餐廳讚!!

第一次食呢種海鮮蒸氣鍋，所以抱住一個好興奮嘅心情去試食呢間餐廳。一入到去已經有好熱情嘅職員歡迎我地，我哋六點去到所以冇乜人，但係一到食就一到好多人開始入嚟食晚餐，坐滿晒！大家係張相度都見到啲海鮮係有幾新鮮，10分鐘之前中生勾勾遊緊水，所以我哋已經急不及待咁擺啲海鮮入蒸鍋。成個過程都有staff 幫助，唔錯唔錯。我最鍾意係啲蟹，超多膏，好鮮甜！啲龍蝦仔都好好味！食完啲海鮮之後我哋就決定打邊爐，散嗌左鮮牛肉、手打墨魚滑、自包雲吞、深海龍躉片同埋響鈴。特別超級推介手打墨魚滑，超多墨魚粒，真材實料，一個字正，兩個字好正！餐廳都幾容易去，唯一唔係好方便就係廁所要出返去商場！

今日同媽咪兩個人撐枱腳，我地兩個都好中意食海鮮，特別係蟹。見門口寫海鮮蒸鍋只係19x。覺得都ok呀，甘就入左去。坐低後有待應黎講解翻收費星期一至四先係19x, 星期五六日會做返正價23x，另外佢有講乜醬料呀加一呀個啲，不過都坐低左我都無仔細聽啦，就叫左兩人海鮮蒸鍋，同埋加$68粥底。🤑 待應仲話今日無龍蝦仔，變左琵琶蝦，不過媽咪話仲少見，ok啦。😕黎到個海鮮盤...好似去左小人國甘...好凋零 (有圖) 好細隻，細過平時係街市見個啲好多 😝😝一開波先蒸蟹同埋琵琶蝦，ok既。奄仔無乜膏但都鮮甜。琵琶蝦我好少食，覺得幾好食。第二波就係重點啦，佢一下將其他所有野(鮑魚，聖子，貴妃蚌，蜆，蝦)放哂落去蒸。😓😓我估佢大約蒸左八至十分鐘...我都心知不妙，因為我以前食過蒸鍋絕對唔係甘樣一鑊熟。😫果然啲海鮮老過橡筋，完全係浪費。😖😖睇我影相都見到個乾既程度...如果要食海鮮乾我會prefer去零食物語買包磯燒元貝，至少人地惹味啲呀... 😑😑😑最後，蒸菜。係仲有個菜籃既。媽呀，我竟然覺得菜係最好食! 真係有啲可悲。😕埋單兩個人食左六百幾蚊 (二人餐+汔水兩罐+粥底)總括黎講完全唔值。講材料，你啲海鮮

蒸邊爐真係貴有貴食平有平食但共通都係個粥底冇得輸呢間佢地唔係好多人..但係坐得舒服又有電視睇.STAFF好熱情咁想幫我地蒸..全程都冇行開過我地叫左一個230左右既海鮮SET,如下圖有龍蝦,蜆同蟶子等等啦...但2個人唔夠食,所以加左D野不是任食.每碟收錢的.叫左一個貝殼盛..蒸起有D沙泥佢就入去換左碟全新既都OK好服務呀!最後食左個南瓜粥~呢個真係正又入哂味想食左幾碗架,但已經好飽D粥夠裝5個小碗到啦抵又唔可以話好抵食..500幾600左右但係如果心血來潮想食蒸邊爐我都會再去架~

老實講，元朗蟹仙味道很不錯，海蝦，奄仔，象拔蚌，蜆，蟶子，貴妃蚌等食物尚算新鮮，尤其是海蝦，味道極鮮甜，最後還叫了一個盆菜，每個人都很飽很飽，加上服務超一流 😊 簡直頂呱呱 👍 而且價錢適中，九個人，二千二百五十元，非常滿意的一餐晚飯！

蟹仙的大名早有聽聞，但由於價位并不大衆化，遲遲未有嘗試。近日天氣寒冷，十分想打邊爐，友人提議試試蟹仙。蟹仙門外介紹每位$198，包括8款海鮮及雜菜盤。另外每位醬汁費$10坐位不算舒適，很容易頂腳，牆身貼有各種食物蒸的時間，不過全程有店員幫手設定時間，不怕蒸過火。首先有貝類拼盤及雜菜盤聖子，爽口，鮮甜鮑魚，沒有花，有點過火，偏韌沙巴馬刀貝，超鮮甜，無沙貴妃蚌，無乜味青口，竟然比已開殼的蜆好味蜆，一早已開殼，鮮味欠奉海中蝦，有蝦膏，超好味奄仔蟹，蟹膏甘香，沒有令人失望龍蝦，比其他枱大隻好多，看見鄰枱的龍蝦好似海蝦咁細。。店員推介元朗最好味的蠔餅，不油膩，很鬆化，但不是我的口味。最後店員會拿開蒸架，加入魚湯（免費），變成打邊爐。另外我們還點了脆肉鯇份量比想像中多，可惜太多細骨。

真係忍唔住要寫食評！一入坐準備要坐低個爐就「砰」💥一聲，仲要有火光！真係俾佢嚇一嚇！轉咗張枱，打開餐牌同你book枱睇個張唔同有野改咗，但完全無係入坐既時候通知，做生意咁樣好唔老實！我地三個人兩個揀湯一個揀甜品，首先個湯得好鹹🤢！甜品就直頭無出現過，無上過菜🙄。海鮮得一個字『臭』！又臭又有沙既象拔蚌！臭嘅蝦！臭嘅扇貝！臭嘅帶子！又梅又臭既龍蝦！啲蜆就完全無味！隻鮑魚有啲污糟！最後個粥底就係集合所以上海鮮既水，可以想像到個粥既味， 最後我地每人試咗一啖。成晚得蟹係食得落肚😒。成晚有四至五枱客，都唔止得我地枱投訴啲！ 後面枱客仲話拎完隻帶子隻手都唔知臭幾耐😂！本來唔會打食評，所以無影相，但係食完走咗一路返屋企個啲海鮮啲🤢味停留咗係個口真係好想嘔！忍唔住要話俾大家知！🤢🤢🤢仲要三個人食咗$1150好唔扺！

因為A朋友和我也生日, A朋友希望吃海鮮, 所以B朋友就推了這家餐廳。要不是B朋友, 我還真不知道元朗區開了蒸氣火鍋。唔, 老實說, 我不是海鮮粉,  所以我覺得以這個價錢吃晚餐, 是貴的。不過, 以我不吃海鮮的人來說, 也覺得他們給的海鮮分量是多的。而且還有蝦刺身, 著實彈牙, 說實不錯。但最讓我驚艷的, 不是海鮮, 而是肉類和肉丸。肉類是中上, 肉質甜, 有彈性, 重肉味。丸類吃得出是高質, 無雪味是基本要求, 有彈力有咬口會噴汁是做得好的地方。而粥更是重開鮮味。貪玩的朋友, 在粥起鍋前, 把幾根玉米放進粥裏, 那起鍋的時候, 粥是真心好吃。而且, 吃到最尾, 還包括了一碗椰汁燕窩。是晚大滿足^^。

呢間野舖細細, 星期六都無咩人!粥底蒸煮任食2小時,  除指定食品, 其他食品種類得幾樣都算少! 揀好左指定食品要蒸好幾輪, 不過食品都算OK!  蟹類有3種,我地揀左2種, 問職員點分辨話蒸熟左就知印尼龍蝦同琵琶蝦係BB級, 我寧願佢轉其他食材!樣樣食品都係要蒸(菜,冬瓜, 丸類.,....) 唔怪得甘少選擇,因為都無時間蒸! 另外個粥底都唔得, 無咩味!  

一開始入到去 已經冇人理 後尾發現有個肥仔侍應生原來 喺櫃檯裏面之後話畀佢聽我book咗兩位九點半佢就好細聲話等等啦。。 一眼都冇望過我。。 之後入到去執檯很暴力。。好似想趕走我地咁。。黑晒面口。。 跟住我問有冇餐牌。。 佢有冇應我之後呢個將點菜嘅仔過呢隻住張紙話你每樣的兩件就得㗎喇。。 我完全唔明佢嗰餐係點跟住我哋幾經辛苦研究到點樣點菜之後佢都仲係黑口黑面地招呼我哋整個過程覺得好似欠咗佢咁。。非常之唔舒服。。食物質素相算可以不過唔會再嚟光顧。。

回想起那天開心離開屋企出發去蟹仙度食我的生日飯，結果真的失望透了去到餐廳第一件事係點餐，點知我之前想食既都差唔多冇貨，如果係咁應該改餐牌， 唔應該黎到先知冇貨同換左d餸而我對其中充滿疑問的是，他們有這盤麻辣蜆，但就沒有蒸蜆，對我而言蒸蜆是蒸海鮮店舖中最基本的海鮮喔，第二充滿疑問係店員用來夾海鮮的夾，竟然亦是用來夾開這個蓋子繩的夾，我和朋友當時嚇一嚇，這樣會不會太不衛生了，店員回覆因為條繩好熱，所以要用夾海鮮的夾來打開，但店員關蓋時是用手的，真的不知道是什麼攞緝，但我們這個問題好像觸怒了店員似的，之後她一直態度也不好，還有我們嘗試了用手在蒸海鮮時掂條繩，結果係唔熱的海鮮也不太新鮮，只有蟹還算可以，唔通因為咁叫蟹仙訂位時比我感覺好像很full 似的， 結果黎到空無一人，成店只有兩枱客人https://www.google.com.hk/amp/s/kknews.cc/zh-mo/health/bo3kbgn.amp滿心期待的甜品椰子官燕，我只可以用怪黎形容，真的一口也不能接受放在口中🤢到埋單時check 單才發現要收醬料錢， 其實收錢不是問題，最重要是他們根本沒有給我們醬料，所以我同店員理

好耐冇去元朗食飯了，原來開左間以蟹為主題嘅蒸氣海鮮鍋，我同朋友兩個入去食，$328/位+醬油費$10/位門口不算光猛花蟹有點細隻北韓象拔蚌北海道大元貝，翡翠九孔鮑魚尚算新鮮北極大赤蝦刺身綠奄仔蟹，蟹糕都幾多黃奄仔蟹，蟹糕多過綠奄（建議必食）椰汁雪燕燉官燕，依個要另外加錢$58，食落冇咩料，感覺椰汁西米露仲好食（唔建議試食）

早幾日有朋友介紹 所以去左呢個蟹仙到試一下, 一心諗住去到我以為可以喪食蟹... 點知比一堆規則打沉左... 先係每人每次只可以蒸一隻蟹, 其他蒸嘅食材都有唔同嘅蒸煮時間,蟹還蟹蒸。限時食二小時, 完結前40分鐘截單last order, 即係我只可以食1個鐘鬆D , 而且仲有其他配料呢.... 得一個鐘鬆D... 好似唔夠食咁。先黎落左粥料喺窩底先,再同老公各order一隻蟹, 可以叫花蟹同叫奄仔蟹,蟹係非常之新鮮, 上枱時隻眼仲碌碌。花蟹 可以, 不過只食左第一轉.之後全部奄仔。奄仔蟹 多肉, 肉又實淨D而D 蟹膏超香, 所以其後全部都係奄仔only。可以選一轉一次性嘅海鮮:鮑魚,蝦,刀具, 象拔蚌,龍躉魚片.全部都新鮮, 仲咁咁樣清蒸真係乜都要鮮。之後 各類配菜,點心,牛肉都唔吸引... 但無奈我老公食唔到咁多蟹所以我都要停一停, 比佢蒸下其他野先。佢地每道餸都會set 好時間 同埋幫我地處理, 我地只係等佢夾埋黎就有得食。點心類要留意... 糯米雞佢煮嗰個時間係佢仍然凍的。蔬菜就樣樣都蒸到又煤又黃所以蔬菜可以放棄 唔使嘥時間。計返時間, 我已經不停地蒸完食蒸完食,趕喉趕命, 先