蠔站 (已結業)

已經幫襯過幾次，9蠔生蠔真係好抵食，又有肉地，唔係乾真真咁，任得你叫幾多隻，我次次都兩打起，所以值得推介大家去食。不過其他熱食款式就唔算多，如果多d款式會比較吸引去多幾次。

每次同朋友去食蠔，首選一定係蠔吧不過之前都係去tst諾士佛臺分店食。但今次因為就朋友中環收工，就去左中環分店食。我同朋友叫左先一打生蠔，兩個小食(蒜蓉包，反骨雞翼)餐廳先上左小食比我地，係我地食緊小食期間再比生蠔我地。果一下都出奇左，點解唔係上生蠔先，因為平時都會先上生蠔，然後換餐具再上熟食，跟住同朋友唯有照食晒d熟食再食蠔。小食方面，反骨雞翼係唔錯，蒜蓉包就不過不失蠔就偏咸，不過都ok接受到。食完所有野，叫左兩個甜品(心太軟，焦糖布甸配雪糕) 我同朋友等左大約3個字，個侍應先走埋黎話整唔到焦糖布丁，因為火槍無gas，但佢轉個頭走黎又話有。等多大約3個字終於上甜品到上甜品，擺盤幾靚，除左心太軟同布甸之外，仲有三個泡芙，但無左個焦糖布甸配既雪糕。果刻心諗，唉等左咁耐拿拿臨食埋甜品快d走算，唔搞咁多野。我先食個心太軟，一整開，發現佢係無流心既，同味道較苦。然後再食埋個布甸，布甸上面既白糖未溶得晒，仲食到一粒粒砂糖。布甸既味道有陣水果味，比較難入口。兩個甜品都食到火都黎，心太軟既價錢係$98，布甸就係$88。咁既價錢食d咁既野真係好嬲。真係無下次！

十蚊隻蠔，太抵了！又高質！平晚去食人唔算多，適合朋友傾計或約會。酒水價錢合理，其他食物也唔錯，但份量偏少！推介蟹餅，蠔就不用說，鵝肝麻麻，一定要一打一打唔order，無得輸！

I like to visit here on Tuesday for the promotion. For 199 hkd I can get tasting of eight oysters from all the world around (Japanese, Irish, Spanish, South Korean, USA, South African and French as well). It also complementary a glass of white wine with this combo. In my personal opinion it’s the best deal for oysters in Hong Kong. Of course sometimes I like to come here just for regular 10 hkd oyster special and some options from the menu. My favourite 10 hkd oyster is from South Africa. The si

為了10蚊生蠔慕名而來到Oyster Station，餐廳燈光較暗，招牌卻用上黃藍色LED燈光，好像走進水族館一樣，很有格調。一坐下立刻叫了一打法國French Fine De Claire生蠔, 生蠔細小瘦長，海水味不重，肉質尚算鮮甜，但有啖到蠔殼碎，畢竟只是10蚊一隻，不能要求過高，可以吃到新鮮生蠔已經很不錯。主食方面，我們叫了黃金軟殼蟹扁意粉(另可選長通粉或天使麵) 🍝和荷蘭大菇配黑松露野菌意大利飯。 軟殼蟹炸至金黃色，非常香脆，有鹹蛋黃味，扁意粉亦占有鹹蛋黃碎，但蛋黃醬味道不突出，而且意粉非常油膩，整個意粉吃完碟底仍能倒出半湯匙的油。 意大利飯上菜時温度不夠暖，醬汁其實味道不錯，很重黑松露和忌廉味，可惜意大利飯有點硬，米飯未完全吸收醬汁。結論，為生蠔而來絕對值得一試，oyster station有提供多個品種的新鮮生蠔，但主食有點失色。

最近突然想食生蠔，於是做在網上做一下功課 看看有沒有什麼，平、靚、正，推介！ 一看之下，發現Oyster station 的評論挺不錯，於是收工後便和老公去了位於中環分店一試！ 原來Oyster station 在香港有不少分店的，我們本想去尖沙咀位於諾士佛臺分店，但由於有限時段，最終我們改到中環店！ 平日的晚上人流不多，環境也不錯。由於在網上看到生蠔有優惠，$10/隻。所以我地決定先叫半打來試試。另外，我們還點了另一個優惠$199，共八隻生蠔&白酒一杯果然，$10/隻的生蠔不論鮮味 還是大小 都比下去了 。 $199 八隻不同產地的蠔 配上白酒，果然較新鮮，而且海水味較濃！ 我們還點了crab cake 可惜味道不似預期 $118 beef Carpaccio 無論賣相和味道都很失望全晚最感到驚喜的熟食，我想就只有這risotto （黑松露野菌意大利飯$128）由於最近有優惠， 只要埋單時出示身分證，而身份証上有「1」和「9」兩個數字，全單可享7 優惠。

Oyster station 3月19週年，身份證有4個1同9字就有7折，梗係即刻book la~今次同老爺奶奶一齊嚟，一開始食返一打Harty先～ 雖然係特價蠔，但係味道口感都唔輸蝕㗎～ 呢款比較脆口，同埋海水味唔太濃，我就好鐘意喇除咗蠔，今次都有再叫上次勁好味嘅薯條，米豬都食唔停呀～ 新鮮即炸，熱辣辣又脆卜卜～ 加埋小小香草好好味散叫咗一打3款蠔，左起順時針Grand Cru - 脆口，帶子位好甜Korean Gold - 都係脆，海水味唔算太濃，小小金屬味，第一次食韓國蠔但估佢唔到咁好味Arousa - 一致認為海水味太濃，唔多頂得順🤣另外仲叫咗豬手同海鮮pizza豬手皮超脆！啲肉唔會乾真真，仲帶點咸香，如果我自己食應該都ko到一隻Pizza就一般啦～ 食完熱食再要多打生蠔～ 今次又係3款Korean gold - 好味得滯大家要encoreScotland (m) - 好鮮 海水味濃得嚟又唔會死咸Gillardeau - 蠔味較重，帶子位鮮甜最後再encore一打korean gold今日人齊，開埋枝酒～～ 比較甜的白酒同生蠔好夾4個人折咗埋單都唔駛2000，抵食～～

白色情人節揀左oyster station.雖然係oyster station但其實有好多西餐熟食，所以即使一大班人黎有人唔食蠔都唔洗擔心。近期的優惠係正價消費滿$500，只要你的身份證上出生日期和身份證號碼有【1】及【9】2個數字4個以上(包括出生日期及身份證號碼計算在內)，就可以有7折～我地叫左2打蠔，正價$10/隻，細細隻好快食晒，好新鮮。另外叫左炸薯條，新鮮即炸金黃色，味道有少少似扭扭薯條，非常惹味，一流小食。主菜叫左波士頓龍蝦天使麵（可配長通粉/意粉），賣相不錯，份量剛好。最好味的汁係晒底，再撈勻食味道更濃。另一道係燒羊扒，我地叫左5成熟，剛剛好，肉好林，配2款醬汁。仲有叫左一渣青檸梳打，好足料，夠酸解膩。整體黎講主菜有少少貴，不過係蘭桂坊地段都合理的。埋單7折後$800幾蚊，不過係食到好飽架。

SMD 嘅春茗，一黎到已經上左一盤法國生蠔，好正！食左十幾隻😂😂之後仲有龍蝦添，仲有其他海鮮刺身如果唔食生冷野，仲有脆炸小食，例如有炸魷魚都好好味，炸薯條我都食左成盤，炸蟹都大大件添

情人節梗係唔會出去迫啦，識得食梗係之後嗰日先食做咗全職媽媽之後都冇咩同老公拍拖，借住「情人節」出嚟食餐好嘅～一坐底就叫咗個seafood platter, 包8隻蠔，2隻甜蝦2隻翡翠螺，1隻帶子同1隻赤貝，另外梗係唔小得每日精選嘅$10蚊特價生蠔啦～ 今日係Carlingford但等等吓已經勁肚餓，叫咗個薯條頂住肚先，勁脆啊～～之後主角上場～ 總共4款蠔（每款2隻），由甜蝦嗰邊數起Pacific rock - 唔太特別American pearl - 好鮮，好重海水味，老公好鐘意Nelia - 好creamy! 蠔邊脆口蠔身creamy! 我勁鐘意！Gillardeau - 都好creamy, 但偏重海水味刺身就得赤貝比較驚喜最驚喜係特價嘅Carlingford - 好鮮甜食完頭round蠔就食咗件西冷，同老公share~ medium真係最好味～最後又食多round蠔，今次搵靚仔哥哥介紹，試咗3款，勁好彩地原來啱啱namibia開箱，仲要特價～ 即刻要返4隻先～ 由遠嗰邊數過嚟Virginca - 老公好鐘意，因為又係脆口㗎～ Namibia - 勁新鮮！好甘甜！我食嗰隻我滴咗檸檬汁

好耐冇寫食評，今次又真係忍唔住要寫， 預約咗晚上七點鐘，我哋一行2人準時到， 坐低咗睇餐牌大約十分鐘左右就order呢度主打食蠔， 所以對蠔本身都有啲期望， 當然十蚊隻嘅特價蠔都唔預佢好有蠔味或是大大隻， 所以只叫咗半打試下先， 果然， 平嘢冇好 ，選擇冇錯， 半打湊下熱鬧夠喇， 蠔係細隻冇蠔味，唔緊要，預左，但係超級咸，咸到盲公開眼就真係…… 所以轉戰試下佢既是日精選，叫左半打，佢係每款2隻，共3款，由淡味到濃味， 食第一隻，都唔錯， 淡得嚟有蠔味， 第二隻同第三隻比較重海水味，蠔味唔突出， 但總括嚟講， 味道係可以嘅， 但d蠔點解隻隻都係離殼㗎呢?!嗯… 所以我地都冇過encore喇…熱食我地叫咗炸魷魚圈，fifty fifty pizza (海鮮併北京烤鴨)，燒豬肋骨；飲品就叫咗柚子梳打1渣。烤魷魚圈冇咩調味好油膩食到成咀油， 好彩份量少；pizza 個邊好燶吓，黑晒，海鮮味果邊係冇味，只見到有魷魚圈唔覺得其他材料，烤鴨果邊係怪怪gas味?! 舊鴨好鞋口，又係果句好彩份量少。至於飲品，成渣有半渣係碎冰，梳打少得可憐，幾乎係冇氣嘅，成渣嘢就係柚子蜜開水加兩啖梳打… 當所有嘢食晒之後

因為我男友見到oyster station 做緊身份証有1同9字就做special offer 點知響open rice book table 仲正 因為一book 就有7折由於個日我地2個唔太肚餓所以叫咗2打半蠔藜麥牛油果大🦐沙律辣味雞翼同埋一枝白酒from New Zealand 🇳🇿 sauvignon blanc 個日我地book 咗7點dinner⏰地點十分方便易搵一上去 見門口closed 牌show up但入邊有人 我咪膽粗粗推門入去問開門未原來係開咗是日係星期六 我地一上去 除staff 外 就得我張枱有人 不過約半個小時後 人開始多 有小爆場 講返蠔 佢哋有十蚊一隻 任食 食到你唔食唯止😜其實十蚊隻蠔 唔差 海水味重 係偏細小小但以十蚊價已好好 最緊要食蠔要咩吖當然係新鮮😌我地共叫一打半十蚊隻另外order 個一打有入邊有USA pacific rockKorean GoldIrish Premium Gillardeau 我同我男友❤️ USA pacific rock & Korean Gold 2 隻都好甜 幾creamy pacific rock 個甜香再突出d

#小秘書 對 #生蠔 情有獨鍾❤️ 難得搵到知音人，襯假期就約埋一齊去 Oyster Station 蠔站 蠔一蠔佢🤣 聽講 #餐廳 每一日都會有唔同嘅 #promotion，而今晚啲 #PacificOyster 竟然只賣到$10一隻😍 仲要係任叫嬲嗰隻🤩 起初我哋只係少少地叫半打嚟試吓，估唔到啲肉質、口味都唔錯👍🏻 既然咁抵食，當然要encore... 一於嚟多半打🤤 咪以為我哋咁就滿足呀👀 見個 #侍應 咁有禮貌又唔會嫌棄我哋淨係叫埋啲cheap嘢👍🏻👍🏻 平嘅要食、咁貴嘅當然都要試吓啦🥳 仲大個拳頭嘅 #西班牙蠔 #SpanishArousa 😍 好creamy嘅 #KoreanGold 😍 仲有 #IrishPremium 通通都要試... 兩個人 K.O. 18隻生蠔都唔算誇張啫🤣食完頭盤，梗係要再嚟啲 #小食 同 #主菜 啦！除咗啲 #生蠔，#小秘書 最欣賞就係個 #芒果牛油果大蝦沙律❤️ 材料非常豐富，實行要我呢個 #牛油果fans 食到唔停得口😍 另外我哋仲叫咗 #泰式生蝦刺身、#炸魷魚圈 都相當唔錯🤤 唯一意見就係個 #蜆肉意粉 太咸，搞到我哋要搵 #生蝦刺身 個 #辣

Second time to this restaurant, the vast variety of oysters to choose from really pleases me The daily special offer of 10 hkd per oyster runs daily, and I think it’s a super good deal for LKF area!Last time, we did not try their pasta dishes, so this time we order a couple of them, again, I am very pleased with it.The customer service is always excellent the staff thoroughly explained the varieties of oysters they have and each dishes that we ordered.

突然間想食生蠔過下口癮, 知道呢間做緊10$生蠔優惠,所以專登黎試下!黎到叫左1打同朋友share試下先!本身諗住10蚊都冇咩expectation, 但出乎意料, 海水味幾重!雖然瘦左少少, 但係幾鮮甜同爽脆! 呢款蠔冇咩鐵鏽味, 幾岩我口味, 問左staff, 係黎自法國既 PRAT-AR-COUM蠔當然要配白酒!最後叫左個西班牙海鮮飯,$328叫既時候對呢個飯都有D期待, 不過試左就有D失望, 個汁應該唔係用蝦頭/龍蝦去淆, 冇咩鮮味 而且味道偏咸。咁既質數有D偏貴 不過為左生蠔而黎, 當係止下癮下次想食生蠔都會再黎!