街邊檔車仔麵 (已搬遷) 新店位置

本身唔係生活係深水埗區個日經過隨便就入左去食野極差!!!1. 服務差, 唔理人, 當自己有寶2. 要自己排都買野都算喇, 仲要自己拎, 自助餐咩而家我一個人, 點拎兩個人野( 因為同女仔friend)3. 食品...完全唔知乜野味, 因為我要左少辣, 係少辣呀, 但係居然勁辣, 乜野味都食唔出4. 最衰係, 問佢拎杯水, 居然大大聲話, 無bor*我地有叫野飲, 不過太辣, 想要多杯水..居然無

時間：　９月１４日食晚飯人數：　１人消費：　２８元簡介：　可能近排香港興食米線，d 雲南呀、桂林呀、四川呀開到成行成市，有陣時想食碗車仔麵真係唔知去邊度食好，我自己就有兩間好鍾意既，一間係西貢，另一間就係呢間喇。鈬 呢間食野通常唔駛等位，唔係話佢少人幫襯，不過總好過有d 要你企係門口等幾個字，條街又熱又焗，等到人胃口都冇晒。[ 味道] 今次叫左油麵，餸 就要左韭菜、魚蛋、豬皮、紅腸，加左罐忌簾，味道我真係好鍾意，所以間中都會過黎幫襯o下。[ 環境] 環境似大排擋或者茶餐廳既種格局。[ 服務] 服務冇嘜特別，起碼唔算差。[ 衛生] 地方都算乾淨。[ 抵食] 好抵食，叫埋罐汽水都唔駛三十蚊。

要左魚蛋冬菇河加辣, 冬菇肉算厚, 醬汁濃, 但河粉淋得濟.

以前公司o係附近, 好辣既我o個陣成日"柳"同事夠我食呢度既車仔麵, 只因佢地既咖哩汁夠辣... 雖然只辣咀唔辣喉, 唔符合食辣既標格, 但次次都食得津津有味...朋友呢排過黎深水埗做野, 我又住長沙灣o個頭, d排同朋友又轉戰深水埗開餐...o個日我叫左豆卜, 雞尖, 魚旦, 蘿白同油麵底加勁辣; 朋友本來想食豬紅, 但係提一提朋友我以前食過好多次佢\地d豬紅成日都好似有陣鯹鯹地既味, 朋友最終叫左牛腩, 牛肚, 豬皮, 菜同幼麵底加小辣...唔係o甘食得辣既朋友碗小辣當然o岩哂佢心水, 但係我既大辣我又覺得唔夠辣, 見阿姐忙緊, 我物自己攞個碗去加辣...加多左滿滿兩湯匙既辣汁咖哩... 食一口油麵... 嘩... 正!!!(依家口腔d口水都標出黎, hehe) 豆卜索哂d汁, 雞尖蘿白又入味, 魚旦唔"林" (因為我最鍾意佢地d肉質實實地),正!!!朋友既牛腩話唔得, 因為好似仲有d毛同太碎, 牛肚反而ok, 豬皮又掂喎... 本來我地想叫豆漿, 但係見差唔多到底, 算罷!!!

上完堂補足能量, 同事推介呢度D魚蛋.叫左魚蛋蘿蔔生菜米線, 加辣, 一pat類似沙嗲之辣醬都幾辣, 但唔太香.蘿蔔幾甜無渣, 魚蛋細細粒但算有魚味.

去開深水埗買電腦野有兩寶必食,油渣面,同車仔面又平又好食,有時食哂兩樣,但係油渣面真係今非昔比.再唔掂.宜家主力食車仔面.17蚊必食(幼面+豬大腸+牛腩+牛肚)加辣真係抵到爆.又好食!個大腸,牛肚煮到淋哂,又入味.牛腩呢就差少少,次次食完都要了下牙~~.不過17蚊可以食到咁好味既野仲想點?佢地d呵姐又幾好Service嫁喎,幫你拿埋去枱到,d野飲又唔係貴6蚊一罐同7仔差唔多.所以值得推介!食完實要飲野..佢地真係落幾多味精

自上次去灣仔車仔「麵之家] 食過好味既車仔麵後﹐都無再食過真係覺得正既車仔麵了，終於係呢度試度唔錯的。一黎要個例牌既幼麵，之後要豬皮+ 豬腸+ 魚皮餃。麵就真係麻麻地，可能煮得唔夠耐，但係湯底真係好正，仲有d 料，我最鍾意食既豬腸呢度煮得好正，有咬口又夠味，唔似得我街下果間﹐淋到死又切到一舊大一舊細，魚皮餃都係雪藏貨，不過都ok 啦﹐又有三粒。價錢方面每種麵都係五蚊，料就每種四蚊，加埋十七蚊，我樓下一麵三料都要十六蚊，呢度黎講咁既質素真係好抵食了。

因為好耐沒食車仔麵，今日經過諗住入去再食，因以前食過，覺得都幾好味，但係今日竟然大失所望，果然幼麵完全變晒味，比以前难食，啲湯底變得又杰又唔辣，大腸又沒以前咁好味，食完成日想飲水，超多味精。今次食咗以後都唔想再去，因為完全無咗果种心思思食完再想食ｏ既感覺。

8/1 8pm放左工本想call朋友食d野飲杯野,但友人正在忙,諗諗好耐無黎呢頭食野,於是一丁友黎食車仔麵,要左淨送$4款柚皮,菜心,冬菇,加辣汁.柚皮帶澀,菜心,冬菇都可以,辣汁亦頗惹味!可以再黎!

一個人o係深水步冇咩好食,食車仔麵最好.但喱間就唔係咁好喇,湯底超多味精,牛腩碎濕濕, 好似"食送" 頭"食送"尾,魚蛋好粉,完全冇魚味,豬皮有毛!......雖然話對車仔麵不能要求太高,但總不能這麼差,這類食店只能滿足人類的基本生存的慾望.