街邊檔車仔麵 (已搬遷) 新店位置

又來到青蛙與豬大人最喜愛的覓食地區之一 - 深水埗喇!!今次本來又想一如以往的來碗豬潤通當午餐~嘻嘻...不過愛試新食物的青蛙,就膽粗粗的向豬大人提議試試''街邊檔車仔麵''。想不到豬大人一口答應!!有新東西試, 開心開心呢 ^^原來這店是先在門口處點食,再自取食物到店內找座位。豬大人的豬紅、豬腸、雞尖油麵為食的青蛙先試一口湯,意想不到的挺有甜味呢,不過及後混和了辣汁後, 甜味就被蓋了~然後再嚐一口豬紅, 又是意想不到的入味 ^^豬腸則不夠腍身, 帶點嚼巧, 幸好還夠入味。至於雞翼尖青蛙就沒有試了。青蛙的紅腸、雞翼、蘿蔔油麵青蛙的車仔麵同樣加了辣汁,''街邊檔車仔麵''的辣汁可說是必加之物,皆因它真的夠辣又夠香,當然大前提是閣下本身能吃辣啦~~~青蛙所選擇的食材當中, 以蘿蔔最為清甜入味;雞翼亦同樣入味好吃, 不過略嫌較細隻;紅腸則較為腍身, 一般。生菜配腩汁腩汁香、而且帶甜味 ^^青蛙忍不住當湯般喝了幾口~~生菜新鮮清爽脆, 好吃。最後來個大合照啦!!!

因很久沒吃車仔麵, 今次試這間, 不多人, 心想可能不好味呢！點了牛腩, 蘿蔔, 菜肉雲吞河 ($26)牛腩非常硬, 不好味, 又少, 有一件更硬到吃不到!蘿蔔還算好味。菜肉雲吞細粒, 沒有香味。本想有牛腩應有腩汁, 但唔覺有腩汁香味。

今天下午有活動要出席，而且與開餐有關，因此今天的午餐實在不宜吃得太飽，而且在下已經選好了菜式，就是吃麵也。車仔麵似乎有一段時間已經沒有吃過了，不如去街邊檔車仔麵吃一個麵，實惠又可以吃得不飽呢！其實街邊檔是需要在門口點餐，看著車仔餸和麵來點，想吃甚麼就看著餸來點，夠風味。來一個豬皮，紅布腸和白蘿蔔加油麵，就成事了。紅布腸夠腍，白蘿蔔又甜且腍，沒有任何苦澀味道，這樣已經知道是新鮮，豬皮夠爽口，而且夠味，油麵是在下其中喜歡吃的麵食之一，淥得不會太腍，剛剛好呢，加埋一罐汽水，滿足吧。一碗車仔麵可以吃到幾款餸已經十分滿足，夫復何求？

自己一個人食為求就係簡單方便.是日晚飯就去左食車仔麵, 估唔到又俾到我驚喜.叫左4餱都係$30真係大超值.最值得推介係魚蛋同豬腸, 魚蛋真材實料夠彈牙爽口.豬腸滷得入味腸內亦夠乾淨唔會滿口肥膏.另外此店既蘿蔔其實都算唔錯無渣夠清甜.

車仔麵 這個對於大多數非香港人而言是一種能夠代表老香港味道的一種食物。從字面上解，即使用推車等簡易車輛工具一路行一路叫賣的麵食，流動性大，服務街坊出門行幾步路就應該搵得到的大眾美食；如今，“車仔”麵早已從香港繁華的街頭消失，乾淨現代化的城市街頭與這些老一代的景象的確有些格格不入，但車仔麵卻沒有消失，只是轉變其大本營，正正當當的入了室內；就衛生狀況，選擇品種，口味以及品嘗環境等等都得到大大的改善，但物價飛漲的年代里即使是這樣的大眾美食也免不了水漲船高；曾經看過其他香港食評人的博文，本地人對於本地的傳統美食多多少少都有些難以割捨的特別感情，同時對於這些美食的變化也更是觀察入微，其中一項便是提到其價格，美食的水準適中能夠保持經典與傳統，老店的名號和聲譽當然是要靠質素來維持的，就好似銅鑼灣的新記云云，然而大多也會對車仔麵的價格發下小小牢騷。是日與友人睡了個大大懶覺便前去老街坊聚集的深水埗街市，高登電腦市場附近的橫橫豎豎到處都是老香港的街邊美食，喜喜的滷味，維記的豬潤，綠林的甜品還有劉森記的蝦子麵等等，這日的早晨偏偏就要選一家車仔麵鋪頭來醫肚。街邊檔車仔麵不知怎麼說，當看到這個太過簡單的白底紅字

我係一個不節不扣既車仔麵迷。因為屋企住得近車仔麵舖，所以由三四歲開始食車仔麵，食左二十幾年。食過好野，真係無得返轉頭。因為，我屋企樓下嘅車仔麵舖，係我認為有近十粒星既水準，邊間就唔好講喇，因為一講就"梅"味甚濃。所以去到邊道食車仔麵，都唔覺得好食。有人帶過我去所謂出名既車仔麵舖，有響CWB既，有響尖沙咀既，有食過大角咀，旺角，什至白田，南山村，大坑，香港仔等等。當中有D唔係話唔好食，但係唔可以稱得上係好食。但係近黃金呢間，有日經過見到人山人海，又排晒長籠咁，入去睇下佢賣乜野車仔麵。唔算貴，但係真係好差，牛腩散晒，豬腸用“老”水，重要係苦ga......重點，未洗淨。白蘿蔔，啡色既，都唔知佢用乜野煮，重要入口即溶，少少咬口都無，我可以直接用條脷壓扁佢就 swallow。重有，其實車仔麵個湯，都係千篇一律，好難食到難食既湯底，但係呢間車仔麵既湯，真係就咁味精水加少少啡色既“老”水汁入去就係一個湯底。所以，我話係全宇宙最難食既車仔麵，真係一D都無誇張到。

成日經過都聞到呢間嘢陣車仔麵味~覺得好香~今次終於的起心肝特登去試喇~本身諗住去搵位先~點知嗰個阿姐話實有位~叫我哋買咗先~(其實我個心就諗~做咩唔俾人坐低先啫~)我哋兩個人~每人各叫咗四個餸~~都係每碗三十蚊~~又抵又大碗~~仲要好多餸~~honey gei 魷魚，豬腸，雞翼，雞腎油麵~~我嘅雞翼尖，紅腸，魚蛋，豬腸河呢喥d豬腸好正~~又香~~~仲有叫佢加辣~~d辣都唔錯吖~~

很少來深水埗，但也聽說過有很多特色餐廳在此地，但不知道原來3點多這個奇怪的時間也有很多「搵食之人」…最想吃的餐廳進不了，唯有找間有個位子的啦！特色麵，我這種車邊80後真的很久沒有光顧這種店… 先叫麵，後叫送，再付錢，接著有專人把麵送上。沙爹醬還可以，還有我那碗的送也是保險型…送的份量多，但麵不多…朋友的這個豬大腸好像很不行，吃了兩啖就撐不下去了…所以如果經過深水埗，又覺得有點累，其實餐廳又不排長龍的話，這家也是可以一試的。

深水埗一向是亷價美食之集中地。福榮街的"標叔叔"的十四蚊飯固然是一例，另外就正正開在對面的車仔麵小店，叫個四餸的嗱喳麵，吃得肚子飽飽才只花三十多來元，實在抵到爛....牛腩、豬腸、豬皮及蘿蔔全皆味濃又嗦味之物。配合那個同樣味重的湯底，對我這個吃東西口味偏濃之人來說，自然來得個愛吃。縱然師傅是少不免的，但小弟還是大大啖連麵帶餸的吞下肚去....牛腩不算炆得特別淰；豬腸中間還剩下不少的白色脂肪物，普通人必定避之則吉的，但小弟偏偏認為有了這物才算叫合格，可惜入口帶點異味，絕對是遺憾；豬皮本身有滷浸過，將之浸在湯中再吃，味濃上加濃。皮本身甚有彈性，不屬淰爛的劣貨色；蘿蔔帶少許甜，但不是淰得入口即溶的上等貨.....吃之前着阿姐下一大匙特製辣醬進湯內。的確吃得人手背也冒汗.....沉甸甸的一大碗麵，吃得夠飽而且不難吃，已是超額完成了....

呢間野都唔係做生意, 我地一行六人, 咁岩無位, 有張大枱坐勻三個人, 正常黎講伙記會叫個三個人坐埋 d 讓俾我地坐逼 d 都好....... 我地企左入去成五分鐘都無人招呼又無人安排我地六人坐位...一味話有位但係又無人安排....... d 伙記都當我地透明兼行行企企 ....

平時我都有去開呢間車仔麵檔, 不過每次都只係食兩份菜+蘿蔔+豆卜+冬菇, 夠穩陣, 蘿蔔冬菇夠淋好入味, 好少食其他野. 今日抽起條筋, 試左豬腸, 牛腩牛肚, 雞亦尖同埋豬紅.豬腸 - 好彈牙, 入面仲有好多肥膏, 好甘香 牛腩牛肚 - 好淋身, 唔un, 唔痴牙, 好夠入味雞亦尖 - 老水的, 入晒味, 同埋一份成5-6隻, 好抵食豬紅 - 我唔識點形容, 都唔錯少辣 - 已經夠辣, 成碗車仔麵既靈魂排隊order餸, 整完之後, 店員會幫你攞碗麵埋位, 又有禮貌, 服務都算ok.下次會再試其他菜

到深水埗辦理車牌續期,今次放棄吃了多次的滑滑腸粉,轉移目標到另一邊的桂林街, 久聞這間車仔麵水準不錯就來一試。一進店內,冷氣開得夠大!!絕對透心涼!!! 打算找張紙仔點菜,沒有的???原來用上最傳統的方式--在麵檔前排隊選菜,然後付款;車仔麵完成後,阿姐會將其送上,免卻客人雞手鴨腳的出意外。蘿蔔切得非常骨子,件頭小小的,小姐們進食也很方便,蘿蔔沒重皮或花心,煮得夠透心沒有硬硬沒入味的情況,蘿蔔帶有甜味但稍為人工化, 但味道是不賴的!軟軟香香的蠻好吃。魷魚一早灼好, 還以為是現點現燙的....魷魚一貫的爽口, 份量也真的不少,只是沒加辣汁, 味道大減, 吃燙魷魚不加辣汁,是何等的春虫虫決定!!!魚蛋是我所喜歡實的的魚蛋, 個子小小質感實實,應是流量大的關係,魚蛋新鮮無腥味, 太對胃口了!!豬腸應用上新鮮豬腸泡製, 看其彎彎曲曲的樣子真的對辦,不可不點! 腸衣煮得夠淋又入味,鹵水味道夠濃味,水準不錯!!最棒是腸內帶有一些肥膏, 那油香真的美味加倍,很少食店夠膽以有肥膏的豬腸奉客了,真的讚讚讚!!! 米粉爽口,但車仔麵應點油麵更為貼切, 又春虫虫了!湯底帶甜, 雖沒加任何辣汁/腩汁也可一飲,

同媽咪老公一行三人....我叫左米粉-魚蛋,豬腸,雞翼尖,魷魚,小辣魚蛋豬腸幾好食~雞翼尖都幾大隻...但湯底好淡似滾水,而辣汁又好辣WOR,叫樓面姐姐比一小碗辣汁,佢又唔高興,叫我地拎隻碗過去加老公叫左米粉 - 豬腸,魚肉,牛肚,牛腩,多辣佢話野食OK啦....但就辣到標晒汗....叫AR姐比D湯....一樣唔高興!!!媽咪叫左粗麵 - 豬腸,魚蛋,牛腩,小小辣媽咪話D粗麵唔好食!其他餸就OK既~~加左3罐野飲共$100...我覺得以車仔麵黎計貴左小小..佢好多餸...例如魚蛋,豬腸都要$6一份~~

本人一直極愛車仔麵，每次見到似樣D既車仔麵檔都會入去試試。而呢一間都可算係食過最好既一間。必食推介：豬腸：入味又夠「林」，不過如果怕肥可能唔多鍾意，怕肥就叫佢俾瘦豬腸啦。籮蔔：甜得黎無渣，而且夠「林」。雞翼尖：適合鍾意啜骨既人，有好香既滷水味。牛肚：爽得黎無渣，全部都係草肚，好此味者必食。辣汁：就算唔食辣既人都要加少少，無左佢成碗麵會無左靈魂。

我認為街邊檔車仔麵係深水涉必吃食店次一。本人推介 -----蘿蔔：　甜,淋, 而且冇渣, 正！魚蛋：　細細粒好咬口, 正！豬腸：　夠肥,夠腸味,吃得出＂０拿渣＂感覺, 正！冬茹：　好淋,好多汁, 正！豬紅：　質感好,好有味！雞翼尖：鹵得很入味, 不錯！加埋佢個辣汁，真係冇得彈！