裕發粉麵餐廳

營業中

休息中

他們的每日晚餐牌又沒有放上任何社交平台，要打去問先知有什麼餐飯，咁唔係一定岩食的，可能問完未必會落單叫外賣，咁好正常姐，但居然比他們話我打去問完唔落單係玩野，真係摸不著頭腦無端端比人話我玩野，呢D人真係不知所謂，我不會再幫襯囉！

潮式粉麵無得輸炒粉麵飯師父掂港式奶茶確一流晚餐優惠確係抵*疫情期間，晚市套餐一律$38，冷熱飲同價，仲免收$1外賣**個人心水超級推介：1）椒鹽骨飯2）薑葱雞翼飯3）咸蛋/土魷蒸肉餅飯4）牛雜麵/飯***星期五休息

Eating out alone I have chose a Hong Kong style Diner . The price of the meal is cheap . I have ordered Braised tofu with fish and rich .  The portion was generous . The taste and texture of the tofu and fish was good . Also , the shopkeeper was friendly . I was really enjoy  staying  here and I will come back here again .

推介牛雜河粉，牛腩汁湯底非常濃郁，而且感覺不像一般牛腩汁油膩，而且一碗牛雜粉中牛雜也較多，湯底鮮甜！要除咗牛雜外，該店的牛腩也十分推介，牛腩淋而且沒有根，非常好味！

嚟到舊式粉麵鋪，呢個牛腩師傅幾型仔，叫個牛腩飯食試吓，味道不過不失，份量夠大，食到好飽。另外叫咗個雲吞麵，雲吞好足料，隻蝦好大隻，蒜香沖味好重，價錢合理，不妨可試一試。

係咪估唔到向 open rice 睇食評都有心理測驗做呢？試下啦，好好玩㗎。嗱而家呢度有幅圖，望真佢先，再憑直覺去揀個答案。睇到呢幅圖，令你聯想到咩？。。。。A. 剩墨丸魚蛋，唔覺意筆左少少河粉。B. 墨丸魚蛋河C. 有個乞兒路過，饑寒交迫，老細見到唔忍心，係咁意筆左呢碗野佢充饑。D. 有個和尚經過，拎住個齋砵想化緣，同老細講 “唔該施主可唔可以比少少河粉我？” 個老細見佢咁瘦弱，面青青咁，除咗河粉之外仲醒左幾粒魚蛋墨丸佢嘆，筆左先醒起，咦？！和尚係唔食肉㗎...揀 A 嘅朋友，你係屬於樂觀型，見到半杯水會好開心咁諗 “我仲有半杯水呀，yeah！"揀 B 嘅朋友，好明顯同我一樣，幫襯過無數劣食，經常遇人不淑。揀 C 同 D 嘅同揀 A 差唔多，不過幻想力更豐富，係活向充滿童話嘅世界。而現實中，呢碗其實真係魚蛋墨丸河黎，連埋杯凍檬茶，盛惠三十六蚊。咁唔使問，食完一定唔飽啦。其實本人都唔係第一次中伏，話說呢間野個老細同老闆娘係極度孤寒，試過有人問可唔可以比多少少飯，個老闆娘話好呀，加十蚊比多一碗你吖，個客覺得好侮辱，於是兩個單位嘈到面紅耳熱。向度食潮式粉麵如果你向唔加底嘅情況下係食得飽嘅，

附近執左好多間茶餐廳之後，呢個沙田圍圈已經越來越少正常嘅早餐食了，幸好還有裕發，撐住呀！裕發在這個社區都算老牌子，門面不大，進去一眼見晒。三張圓形及四張方形的接檯，就是它的所有。不過地方細有樣好，大家親密點，份外有人情味。今天我選了 C餐，沙嗲牛肉麵，腸仔炒蛋，多士烘底，飲熱奶茶。這裡的早餐，近乎是百撘的，麵米通意可隨意轉；煎蛋，炒蛋，腸仔，火腿，餐肉可任選兩款，絕對是任君選擇。沙嗲牛肉味道踏實，沙嗲汁不會過稀，但味道又不會很濃烈，有著點綴的效果。牛肉數片，條理分明不會溶溶爛爛，咬落有陣陣牛味。麵條軟硬適中，湯汁清淡不會過鹹。多士油香脆口，腸仔則略嫌油膩，炒蛋不夠滑溜。熱奶茶茶味香濃，但奶和茶的混和不夠完美，可惜可惜。

執下一間, 執下又一間, 附近的老牌茶餐廳越來越少... 幸好還有裕發, 現在已成為我的早餐第一選擇.今天叫了個午餐肉公仔麵, 配火腿腸多士, 飲奶茶.午餐肉有煎過, 可惜本身肉質太鬆, 香味可以, 但口感太過鬆散, 肉味亦稍嫌不足. 麵質普通, 湯底鹹淡度適中, 還算不錯.腸仔夠香夠滑, 味道很好, 不過就好多油, 有點濕淋淋. 火腿輕輕的煎過, 野味之餘也保持了嫩滑, 水準之作. 多士稍為薄了點, 不過尚算鬆脆.至於杯奶茶, 茶味稍弱, 被奶味蓋過了, 但奶又不夠香滑, 可惜可惜.

下午茶無食，返左屋企訓左陣，本來打算九點出門一齊落大圍搵食不過有人黎左屋企睇貓B,人家好有興致玩到十點幾，餓到扁左@@送貓B新主人落樓搭小巴，近水樓台，就轉身走入仲未關門o既食店正是裕發，入去時室內已清場，但室外吸煙區仍有兩三檯，唔想吸二手煙，揀左室內嘅一角落坐，以免阻礙阿姐清潔，呢度陳設係舊左 d ，但地方都算乾淨，筷子辣油砂糖等都幾衛生見廚房準備收爐 , 唔好意思再叫客飯 , 叫粉面快靚正算喇 1. 牛筋雲吞粗面~ 雙拼都有咁多牛筋 , 仲有三大粒雲吞 , $ 30 , 幾抵食 =)牛筋好爽好彈牙 , 但唔係有筋o係中間 , 唔會好難咬開只係無漿口o個種膠質感 , 而係充滿嚼勁 , 各有風味 腩汁幾香 , 唔會太咸太味精 , 所以 d 湯都幾好味雲吞皮夠滑 , 一咬落去就感覺到蝦肉o既彈性 , 豬肉都打得好有咬口 , 加埋半透o既粗面 , 無鹼水味 ,煙煙韌韌的 , 成碗簡單黎講就係好彈 , 好爽 !!自行加左醋同辣椒油 , 更香更惹味 , 但食完難免有 d 口渴2. 凍檸蜜~ 加 $ 5 配凍飲 , 叫左杯凍檸蜜 , 甜度適中 , 檸片切得唔靚但份量夠 , 四大片厚厚的 , 食完

威院的眼科一向是超級多人的. 2:30的籌, 睇到5點幾先睇完. 致電了太太報憂後, 反正知道太太晚上要上課, 行出河畔搭車時, 就找一家順路的食店, 買個飯盒回家享用. 真實此店, 好食的應該是牛腩粉麵, 但隻眼嚴重發炎, 病入膏肓之際, 牛肉, 都是暫時避一避, 戒一戒. 而且凍冰冰, 又打算長途跋涉拿到西貢去, 都是叫個飯好. 那就想清淡, 健康少少, 整左盒枝竹班腩飯.用了半個多小時回家, 放好東西, 滴好眼藥. 為免返叮這個飯盒, 就決定早點食飯. 果然, 一打開飯盒, 依然熱熱的. 發泡膠雖然不環保, 但保溫的確有一手.我選擇了枝竹, 味道理應是比較清的. 一打開, 帶有少少腐竹既香味. 味道亦的確淡淡口. 啱哂病人食. 而班腩, 食得茶餐廳呢一類型, 新鮮是絕對不強求的事. 做得好味, 油不多已經算是好好了. 而這一個班腩, 炸粉不厚, 魚肉雖是雪魚, 但肉質爽, 沒有梅, 有沒有海水味都好, 始終算是非常的冰鮮. 而枝竹, 是靚枝竹, 帶有豆味的, 味道好.配上凍檸茶一杯, 連加1元凍飲, 加1元外賣, 都只是30元, 經濟之選.

又要留在屋企溫書,求其在附近食晏就算...為求快捷,唔去塞滿馬迷的茶餐廳,都唔選投注站旁的...移步至全輝,見到呢間少人,又好耐冇食過,就入去了...撇開回憶中的菜遠牛河,今次就叫牛腩麵...睇住男店員熟手的包雲吞,細細隻的...不久,牛腩麵到了...份量唔多的牛腩麵,麵頗爽口,冇鹼水味...牛腩入味,黏著少許肥膏中等腍,唔韌,不過比較黏牙...味精其實係有的,不過唔重,食完唔係咁口渴...不過食完唔係咁飽,有諗過再去隔離食野,但最終止步了...下次,還是食番回憶中的菜遠牛河...人大了,一碟菜遠牛河先食得夠飽,已不是兩人分一碟菜遠牛河的時代了...

因為哩間茶餐廳響公司附近,所以成日都會幫襯。佢地啲o野食真係唔錯,熱辣辣。常餐都係二十蚊,凍飲都係加一蚊咋。啲o野其他都唔過三十蚊。但係今日唔知點解個雲吞居然有「塩」茜!!!男人老板就好禮貌,佢個老婆就差啲喇,電話未講完就收線。