裕發茶餐廳 (已結業)

得自己一個人食lunch茶餐廳既常餐,又飽肚又平求其行過一間諗都冇諗就走左入去了..沙哆牛肉併午餐肉公仔麵+火腿奄列+多士有咩比得上呢一個茶餐廳組合呀!水準唔差~都唔會令到你有哇一聲既感覺...但係價錢平平地~上菜又快~!都冇咩特別要求LU食飽飽~30蚊唔洗~!!!滿足~

好抵食的常餐，　香茅豬扒飯＋西多半份／沙律＋飲品都係３４蚊２個人一個餐都好夠香茅豬扒飯，豬扒稔又有肉汁西多，即叫即炸呢間鋪好多不同的野食，好似有上海小龍包，豆沙鍋餅，水餃又有茶餐食品，公仔麵，快餐，焗飯，蒸飯等，　很多選擇公仔麵都係推介之選，　麵質不錯～

收工都成十點，附近開嘅茶記得番呢間，雖然知道佢唔係咁衛生，但大菌食細菌，眼不見為淨啦，入面都有啲踩夜單車嘅客，呢區都幾流行踩夜單車，而且佢哋仲有自己嘅車隊同制服，都幾型架！我哋坐低叫咗個經濟小菜晚飯套餐 ($73) ，兩餸一湯，包晒以下嘅： 粟米羹：原本係例湯，老火湯之類，要粟米羹都係加5蚊，所以轉咗。粟米羹都夠杰身，不過我覺得鹹咗啲，飲咗一碗就冇飲嘞，老公話味道 ok，佢飲晒！ 霸王雞：當然係雪藏雞，外型都幾似模似樣，一食就知整得太老嘞，硬晒兼冇乜雞味！汁好多，好彩唔鹹，最好味係啲薑蔥。 花膠鴨掌煲：竟然有啲咁嘅菜叫？即叫一個睇吓佢攪乜，花膠當然唔會係好嘢啦，細細隻即食嗰啲，味道整得唔錯；鴨掌好明顯係來貨，個汁就有啲誠意嘞！都算炆得幾稔，可以試吓！ 白飯2碗呢間店出晒名污糟，招呼唔得，邨內係人都知，不過咁夜都仲有飯市我就覺得佢都唔係太差啫！而且唔知點解周圍好似乾淨咗喎！

呢間野係富安出名環境差地下同枱 都十分髒, 有小強食物質素唔得...價錢偏貴試過食完肚痛盡可能不要試> <"

富安花園環境都算幾獨特，沙田及馬鞍山中間，1987年開村到現在快二十年，當初大家滿以為這帶會是馬鞍山市中心，但最後都好夢成空了；但亦因為這裡的獨有環境加上是其中一個登山出發點，出名的梅子林古道就是從這裡開始，故形成一個環境清雅的小社區。而這裡的食肆亦挺多，但有一特式是檯椅會放在路邊，遇著假期的話很多行出友坐在外面，相當熱鬧。是日安排在中午過後登山，故先在這裡補充一下；點了下午茶餐，切雞米、奶油多加涷朱古力，十八大洋相當經濟，切雞是冰鮮而且雞味欠奉，涷朱古力又相當淡口，唯一比較好的是件多士，脆口加上熱辣辣，練奶及牛油不論惜，圖得滿滿的。衛生環境不行，尤其洗手間穢得過份，檯面又不太乾淨，唯一可取是服務及價錢可以。