西樹泡芙 (葵芳站)

營業中

休息中

終於等到每個月2號買二送二既日子了，雖然指定，但基本都唔會踩雷，58蚊就可以擁有4個泡芙，你敢想嗎？🤣有小牌牌會提示下個月係咩口味做活動，都冇因為買活動而服務態度不好之類，直接同佢地講要幾組就ok，而且打包前仲會比你睇下先，確認好先會再包好👍🏻

西樹泡芙在很多地鐵站都有，放工後想食啲甜品，但又唔想同人迫，拎番屋企慢慢嘆，所以就買左幾個泡芙。店員會在外賣盒內放入冰袋，可以保持溫度，唔會番屋企就失去最佳狀態，十分細心。白桃乳酪果醬偏向甜甜的，白桃足足有三大塊，香甜吸引，多汁軟熟，而乳酪酸酸甜甜，格外清爽開胃。濃朱古力布丁上面有一層朱古力cream，中間係布丁，而泡芙內係黑朱古力，層次感十足，朱古力不會太甜，布丁有一定厚度，食落十分滿足。黃金滿屋之前未見過嘅口味，應該係為慶祝新年推出嘅新口味，泡芙主要係流心奶皇味，表面鋪滿肉鬆和少許紫菜，流心奶皇味相當濃郁，肉鬆令味道更加香口，鐘意食奶皇月餅嘅朋友應該會鐘意。

每次經葵芳站回家時，都一定會經過呢間連鎖泡芙店#西樹泡芙 。係凍凍既冬天我就食個暖暖泡芙來甜滿個胃。原來每月2號系感謝日，等我mark底下次用呢優惠食多幾個喇!亦有$93任選五款經典口味款式。大約等咗5幾分鐘就有得拎喇。▶️ 士多啤梨乳酪▶️ 芒果乳酪▶️ OREO脆脆每件泡芙都好大個，泡芙本身口感還可以，除左裏面個餡爆到流曬出黎，上層輕身空氣感重，個底系厚實底，即使食晒成個都唔會覺得濟。夜晚7點左右，黃金滿屋款式就已經賣哂啦~!唯有下次早D黎喇!

每次經過見到呢間泡芙店都必定要買返個食😋以前經常買經典原味，而家越出越多不同口味泡芙，色彩繽紛款款都想食，又點會忍得住手😂芒果乳酪 $32泡芙外層酥脆，內𥚃充滿了柔軟的乳酪內餡和大大粒新鮮芒果肉，芒果好清甜。北海道牛奶 $28泡芙外殼香脆，內𥚃填滿了幼滑忌廉加上原個牛奶布甸內餡，布甸口感濃郁滑順，給人一種濃郁的奶香味道。OREO脆脆 $29賣相超吸睛🤩內𥚃填滿著超厚忌廉同濃郁的OREO 餅乾碎碎做內餡，口感香脆。同時帶有濃郁的朱古力和奶油口味，層次感豐富。

當我經過西樹泡芙店時，被五顏六色的甜點所吸引，今日忍唔住買了三種泡芙：濃朱古力布甸泡芙、芒果乳酪泡芙和榛子 🌰Tiramisu泡芙。濃朱古力布甸泡芙一口咬下去，柔軟的泡芙外層迅速溶化在嘴裡，充滿朱古力風味的布甸內餡，每一口都能感受到濃郁的巧克力味道。芒果乳酪泡芙這款泡芙結合了清新的芒果和濃郁的乳酪，酸甜的味道十分吸引。榛子 🌰Tiramisu泡芙這款泡芙將經典的Tiramisu口味注入了蓬鬆的泡芙之中，每一口都有著咖啡和香甜的卡布奇諾味道，令人陶醉。總的來說，每一款泡芙都好正😋😋😋😋

以前中學真係成日坐新都會出面啲樓梯，依翻新左靚左好多！一樣咁好坐～係地鐵站買幾件泡芙過黎同朋友吹下水好舒服～🛎 $31 士多啤梨乳酪有新鮮士多啤梨🍓唔酸，好甜！同乳酪味道好夾😍🛎 $29 抹茶紅豆抹茶吉士好厚實😚同紅豆真係絕配！有抹茶中和～所以甜度非常適中😋😋😋點解可以有咁好食既甜品😭🛎 $29 朱古力三重奏啖啖都極濃朱古力味呀🍫連泡芙本身都係朱古力味！朱古力cream超香滑，食得出用料絕不馬虎🫣亦有啲nuts增加口感🤩

西樹泡芙經過葵芳地鐵站先知道原來開咗西樹泡芙，梗係要幫襯啦！濃朱古力布甸 🍮嘩😱真係濃嘅朱古力味布甸🤩🤩🤩好好食😍好鍾意一樣嘢有兩種感覺：既有泡芙又有布甸食😙😙抹茶紅豆🫘泡芙抹茶雪糕夠濃，紅豆雖然少咗啲，但係兩隻味好夾🥳🥳Oreo泡芙呢隻真係買俾屋企小朋友食，小朋友梗係鍾意食Oreo啦，我哋大人就覺得好小朋友味囉🤭🤭🤭見到聖誕嘅泡芙都諗可能聖誕派對要買返十個八個先夠氣氛！🥳🥳🤩🥳🥳

次次經過西樹泡芙都聞到好香好香🤤成日都會忍唔住要買幾件同屋企人分享啊😋 每款味道都好出色！我哋最鍾意食士多啤梨乳酪芭芙🍓除咗士多啤梨新鮮香甜之外，外皮都十分酥脆鬆化😋仲有朱古力三重奏🍫🍫🍫濃濃嘅朱古力味又唔會太甜～ 好好味😋仲有綠茶味都十分之唔錯🤤🤤綠茶味好香好濃啊～～原來而家仲有唔同嘅聖誕派對套餐～啱曬聖誕開party 訂嚟同親朋好友一齊分享啊🥳 散水餅或者老細請下午茶都十分推薦啊😋

每次經過港鐵都已經好鬼吸引我，泡芙香味豐富，今日心情靚靚，就買3個回家品嘗🥰🥰路程比較遠，店員都好細心放冰粒，確保新鮮👍🏻味道主打曲奇，朱古力同士多啤梨🍓朱古力味-朱古力味吸引之處係味道香濃，小小甜，小朋友至愛士多啤梨-有3粒味道酸酸地，相當不錯，又香又甜，乳酪香滑曲奇🍪味-咬口無比鬆化，外層香脆，飯後甜品。不錯選擇。見到有聖誕派對套餐，泥緊開party又可以再買，大方又得體。👍🏻👍🏻🫶🏻葵芳地鐵站

每次經過葵芳地鐵站，都會被西樹泡芙吸引住，櫥窗上放滿着一個個精緻，又色彩繽紛嘅泡芙，好難令人抵抗得住西樹泡芙每月2號都係泡芙感謝日，買二送二，真係好優惠因為今日唔係2號，所以唯有散叫三個泡芙白桃乳酪 & 芒果乳酪充滿濃郁乳酪香氣的內餡，帶來了豐富的口感。而加入了白桃和芒果的甜美，使得整個甜點更加清新。還有著迷人的外觀，精心裝飾的泡芙上擺放著鮮嫩的白桃和芒果片，增添了視覺上的誘人效果。朱古力三重奏朱古力泡芙作為外層，夾住朱古力忌廉 和朱古力醬，令泡芙有着三重不同的朱古力口感，味道更為昇華

這間人氣老字號甜品店遍佈港九新界，其中葵芳分店正位於葵芳站閘外，主打多款口味的日式泡芙，亦有麻糬及蛋糕等，適合作為下午茶、飯後小食、散水餅或回禮等用途。泡芙由自家工廠每日新鮮製作並送到分店，新鮮又有品質保證，非常衛生。每月2號為泡芙感謝日，十二月限定優惠，買兩件天使榛子送兩件華田忌廉，記得密切留意。士多啤梨乳酪 - $31外脆內軟的泡芙富鹹香，夾著滿滿順滑的乳酪酸酸甜甜，更有香甜多汁的鮮士多啤梨肉粒，再加入士多啤梨醬，鹹甜交織特別滋味。芒果乳酪 - $32換上新鮮的芒果肉粒香甜多汁，芒果醬酸酸甜甜，開胃又輕怡。白桃乳酪 - $29肥美多汁的白桃好脆甜，甜而不膩好輕盈。

啲人成日話女仔有兩個胃，一個用嚟裝正餐、另一個就係用嚟裝 #甜品 … 呢個說法真係一啲都冇錯🤭 明明啱啱先食飽飯出嚟，朋友仔就提議不如買啲 #甜品 上樓再慢慢傾😅 二話不說就拉咗我去 #港鐵站 裡面嘅 #甜品店「西樹泡芙」，話要等我試吓佢近期至愛嘅 #泡芙 🍽️我哋去到甜品店嘅時候都唔早，店員話好多受歡迎嘅款式都已經一早賣晒😅 不過就建議我哋可以試吓佢哋好受歡迎嘅 #芒果乳酪泡芙 同埋 #榛子tiramisu泡芙 🌰 話包我哋實鍾意😉 講到咁吸引，梗係要試吓💗 店員好細心咁將 #泡芙 放入 #附有乾冰 嘅紙盒裏面，而包裝嘅設計亦好穩陣，放晒三個泡芙入去就啱啱好🤩上到樓洗洗手、當然要試咗面前嘅美食先啦😉 呢日我就揀咗 #tiramisu 口味🤤 泡芙入口非常鬆化，配埋 #榛子醬 同 #tiramisu 嘅香氣，味道好有層次感🤤 而朋友仔揀嘅 #芒果乳酪泡芙，載滿大大粒嘅芒果肉喺上面，造型非常吸睛👀 搞到我都忍唔住咬咗一啖，滿足下我呢個為食嘅 #肥妹仔😚 朋友仔今次嘅推介真係唔錯，#小秘書 呢個冬天一於要幫襯「西樹泡芙」試勻晒所有味道🤤 …減肥？等明年夏天先再同我講啦😆📍西樹泡芙 (葵芳)

結婚後第二個情人節肯定要做返啲野，咁首先買件cake 🍰慶祝吓先😍😍～～～甜甜蜜蜜～～～情人節推出嘅泡芙，面上會有一粒話來自韓國🇰🇷嘅士多啤梨🍓，我同🤴🏻都建議先食士多啤梨🍓先，因為我哋先食咗下面白朱古力嘅cream甜甜地，再食士多啤梨就會顯得好酸😵😵。白朱古力cream就唔係好甜，🤴🏻就話係可以負擔嘅甜品，食完唔會好膩😄😄，面上亦有幾粒淺粉紅色心形💕💕朱古力片，同時有塊玫瑰🌹花瓣做襯托，感覺又甜又浪漫😍😍同時用咗klook嘅現金券，$12買左$20嘅coupon抵左啲啦🥰🥰

每月2號都係西樹泡芙嘅Puff Day日🎊🎊，買二送二優惠，今次就係🥳🥳：～～～白桃🍑乳酪～～～大大塊三片嘅白桃🍑水果，雖然表面暗啞好似唔係咁新鮮，但咬落又另一回事😁😁，白桃🍑汁正常☺️☺️桃🍑味OK😄😄中間嘅cream甜得黎帶微酸，cream量勁多好滿足😚😚～～～華田忌廉～～～從外型已經睇得出係一個普通嘅泡芙😗😗，不論cream嘅份量同阿華田嘅味道都正正常常冇乜特別😀😀

💛🧡🤎空氣泡芙💨有啲失望行過留意到有買二送二優惠，兩款味道都啱食🤪所以就買咗啦！依度人流都幾多，不過店員效率幾高，好快到我🤭❣️買二送二優惠❣️ $58/份🤍焦糖牛奶泡芙🤍賣相都ok，餡料就有啲少🥹牛奶布丁香甜又軟滑，焦糖醬唔多🫢如果再落多少少會好啲🥰🤎恐龍脆脆泡芙🤎是日失望之最😫泡芙皮係脆嘅，不過餡料真係好少好少(咬到最後先發現原來得一啖…)😢唔係奢求佢爆餡，但依個比例連¼都唔知有冇😣(相入面可以見到，泡芙內層係乾淨 冇沾上任何忌廉)餡嘅味道係濃嘅🍫不過真心建議要擠多啲啲，餡滿皮脆先得㗎嘛…餡唔多，真係唔太抵食…不過值得一讚就係店員服務態度好好，客量咁多都可以保持咁好禮貌，問多句都唔會厭麻煩，依然好友善解答客人問題🫶🏻有機會再嚟，不過希望下次好彩啲買到個餡多嘅泡芙啦！📍西樹泡芙