影片
附加資料
網址: http://www.skbbq.com
營業時間
星 期 一 放 假
星 期 二 至 五 : 下 午 六 時 至 凌 晨 一 時
星 期 六 、 日 及 公 眾 假 期 : 下 午 一 點 至 凌 晨 一 時
以上資料只供參考, 請與餐廳確認詳情
食評 (31)
如題啦食物幾好,又唔會過咸,唔算太多味精,都算叫做多款式啦.服務真係頗差,全店員工都有一副唔優做既面孔,可能地方係自己提供,所以都冇咩所謂啦.食物除了好食,服務更加重要,如果你問我,我覺得唔值得再去了
繼續閱讀
地點:如果唔係朋友識路,我一定唔識黎,因為都偏僻下,又要行一段路環境:一般啦,d位幾迫下,肥少少都難坐得落食物:都幾多選擇下,有司華力腸,芝士腸,雞扒,牛扒同金沙骨,有d丸咁,仲有粟米,方包,燒賣,蕃薯等特別推介秋刀魚同豬扒,一個字,正!!!有無限制豉油,膠手套,木筷,醬料,牙籤供應,這點抵讚不過燒烤叉+3蚊,野飲本身有一支水同汽水附送,但緊係唔夠啦,+7蚊買多罐野飲...(不過好多間都係咁上下)衛生:唔多得,廁所幾污穢下...要改善總括:值得一去
繼續閱讀
專登揸架車，一行8人黎到呢度BB蕉雖然唔係貴野，但真係好方便，唔駛買野D豬扒/ 雞翼等等，都幾好味但樣樣都要錢囉要燒烤叉又話加$3蚊得一罐汽水及一枝迷你水，邊夠飲喎~~又唔比帶迫你黎呢度買仲貴過7-11囉.....但係都好好玩....好好食....一定要黎試下喇
繼續閱讀
星期六天氣時雨時情,原本都諗住取消,不過一早約定都係照去啦, 我地一行10人入到梨都成8點幾, 呢度任食$98,包每人一鑵氣水同一枝水,食物方面都好多種類, 但一定要推介既係吉列豬排, 燒完好香脆好好味, 同行友人只一尾燒呢樣野, 其他食物都ok. 最特別有燒雞腎同厚多士食, 另外其實在場內買飲品都唔算貴, 我地買獅威啤都係$22/3鑵, 就算藍妹都係十零蚊同出面士多差唔多, toilet 亦幾乾淨比想像中, 不過天氣開始熱熱地既關係, 食量當然唔可以以冬天相比,燒完都係吹下水,成點鍾至走呀.
繼續閱讀
有人去過推介,於是成班朋友去試下!星期日下晝去到,唔係好多人,唔逼!$100一位任食,包一支水加一罐裝飲品!朋友都話幾多野食選擇,我就見到2樣0向之前去過0既燒烤場冇0既食物,就係有9吋長0既秋刀魚同埋吋幾厚0既麵包!另外仲有蒜味牛油,燒粟米配佢就最正!不過朋友攪錯左,我搽左落麵包...但都幾好味喎!至於秋刀魚,我唔係太食魚都食左2條,一黎真係幾好味,二黎好少有得燒嘛,出面食條燒秋刀魚都唔係咁0既價錢啦!但係要注意叉魚時0既手法,唔係燒燒下條魚就會斷開兩截!比起之前去過0既場地,呢度食物明顯取勝!地點就要落車後行一段路,略略麻煩d!
繼續閱讀