見你一麵

營業中

休息中

一間充滿香港特色嘅小店，牆身貼滿香港特色嘅字句同餐牌，而收銀處仲有一個Top10 餸嘅排行榜。金牌牛三寶面(牛丸 金錢肚 牛腩)牛丸:普通𠝹左花嘅牛丸（如果食開潮汕牛丸，應該覺得麻麻)牛腩:好入味，但係有啲乾金錢肚:好入味，有咬口，可以叫三餸面(秘製豬軟骨 咖哩魷魚 白蘿蔔)秘製豬軟骨:好入味，軟爛👍🏻咖哩魷魚 :佢真係將咖哩煮到入魷魚裹面，而唔係白烚左再淋上咖哩汁，鍾意食咖哩魷魚生嘅一定要點白蘿蔔:香甜無根“見你一麵”真係可以一試，但唔係樣樣得，主要點Top10嘅餸都試得過。

我自己是好中意食車仔面的，推介他的冬菇漢堡扒魷魚好好味，冬菇係厚切好大嚿，咬落去好多汁，推介，魷魚咖喱味好重，爽口大大嚿，漢堡扒都好好味 ，都系大大嚿的，大家可以去試下

估唔到元朗都有間咁新奇有趣嘅車仔麵小店，雖然舖頭外面睇落平平無奇，但餐廳內裝修好特別，周圍都貼滿晒啲好搞笑嘅潮句，一邊睇住啲潮句一邊食返碗麵，個人嘅心情都特別放鬆啲嘅～鮮蝦雲吞、秘製牛筋腩、陳皮魚蛋、豆卜、幼麵💰HK$62呢碗叫咗牛腩汁，其中秘製牛筋腩味道最出色，鮮蝦雲吞、陳皮魚蛋同豆卜就味道正正常常～黃金豬頸肉、瑞士雞翼、振興牛丸、蘿蔔、菜底💰HK$64而呢碗就叫咗瑞士汁，振興牛丸同蘿蔔味道普通，黃金豬頸肉超大舊，而且口感彈牙，瑞士雞翼夠入味～總結，車仔麵味道唔錯，但價格唔算平，勝在舖頭裝修夠特別，可以一試～

半年前剛開店幫襯過，今次第二次幫襯。小食選擇多左，二人分別點左兩碗車仔麵。瑞士汁雞翼，雲吞，酸齋係必食，配米綠，牛腩汁夠晒濃，湯底夠味米線又滑軟硬適中。雞翼咬開多汁，零雲吞鮮蝦好彈牙。另一碗 瑞士汁雞翼，酸齋，豬紅，振興韮菜餃，第一次食韮菜餃，好多汁，皮薄餡靚。酸齋真係每次食都正，面筋軟綿綿，酸酸甜甜。加辣汁，辣得好過癮。豬紅好入味，無血腥味的，好推介。餐廳用懷舊的香港去裝修，有舞獅，粵曲公仔擺設，可愛。整體味道都維持水準。

十全十美麵 時菜,蘿蔔,豬紅,豬皮,魚蛋,紅腸,酸曾,冬菇,豆卜,雞翼油麵粗身，麵質偏淋但又幾有口感，比平時既油麵更加索湯汁。啲餸份量算多，蘿蔔,豬紅,豬皮,魚蛋,紅腸,冬菇醃得入味，最中意食酸齋！蘿白清甜夠淋自選米線，蘿蔔，酸齋，紫菜，振興墨魚丸，鮑汁鳳爪，金錢牛肚，秘製辣汁小辣餐廳供應多達14款麵底和 62款配料，可供自選，米線軟硬度適中，蘿蔔清甜軟腍而且沒有渣的口感贏；鮑汁鳳爪，金錢牛肚滷得入味，食起來帶微甜，振興墨魚丸好感動鬧鐘有一粒粒墨魚肉，大人細路都難以抗拒。另外餃子亦同樣出色，加埋秘製辣汁更加添味道層次。

今日放工送朋友返元朗，之後就順便係元朗市中心一帶搵嘢食，難得山長水遠嚟到，想食啲粉麵所以就揀咗呢一間試吓。餐廳應該似啱啱新開張無耐，見啲環境同裝修都比較乾淨企理，餐牌選擇唔算太多，不過感覺價錢有啲偏貴。A3 金牌牛三寶麵跟飲品 ($56) : 起初諗住好似門口張相個賣相咁，點知實物黎到係用個外賣膠兜裝住賣相即刻扣咗分，不過唔緊要食物味道先重要，賣相只係其次，但可惜成個麵都冇乜特色，味道普普通通，如果收呢個價錢，我寧願掃下街重好。

今日去咗元朗目的想見他一面😆😆，咁就在(見你一麵)店舖等店舖名稱好特別，裝潢好精緻和cute, 新潮車仔麵檔❣️十全十美粗麵~粗麵吸附湯汁Q彈有嚼勁。豬皮、豬紅、酸齋、荳卜、紅腸、冬菇、陳皮魚蛋……雞翼等，陳皮甘香魚蛋無‘腥’味，豬紅比較脆身和好入味，沙爆豬皮，皮層‘’pop‘’一咬爆滿湯汁好好味😋雞翼肉質嫩滑。❣️金牌豬三寶麵~豬紅脆身咐入湯汁，爆豬皮‘’pop‘’灌滿湯汁好好味，豬腸灣灣曲曲，口感爽脆不膩❣️生菜魚肉~一碗生菜魚肉是香港地道美食。麻油和胡椒粉香氣樸鼻，魚肉彈牙。味道拾回兒時回憶🤫❣️咖喱魷魚~鮮甜魷魚爽脆彈牙，魷魚掛滿咖喱汁，唔會太辣，不過非常惹味。🫶溫馨提示店舖有秘制菜甫辣椒配湯麵味道“正”👍👍

見你一麵 (元朗)元朗教育路37號南天大廈地下5B號舖芝士撈丁＄43大大碗，鋪滿厚厚嘅芝士，非常香濃，令撈丁香滑麵爽，肥牛更香嫩，芝心丸更香。超好食😋😋😋咖喱魷魚$32咖喱🍛味濃，香噴噴，微辣帶甜，魷魚🦑爽滑脆口，好惹味，正😄😄😄值得推介十全十美麵$62名副其實，大大碗河粉，鋪滿十足豐富食材，雞翼入味冧滑，魚蛋香辣彈牙，豬皮爽滑冧香，羅卜清甜够冧，豆卜吸晒汁嘅精華，超好食，食到魚腐，味道就冇得頂，酸酸甜甜好醒胃，必食之選，極力推介🥳🥳🥳👍👍👍 仲有豬紅嫩滑，爽口，鮮甜美味😋😋😋

見到甜嘴兒舊舖位，開左呢間「見你一麵」，酷愛食車仔麵嘅我，一定要黎試試，食完真係覺得有幸同佢會麵🤣🍜🍜麵底我揀左米粉（$11）比較幼細爽口，但嚼勁依然十足，所選瑞士汁湯底濃郁，可選配料亦豐富多樣：魚皮餃（$12）🐠🐠魚皮餃的口感軟稔，口感煙韌，皮薄餡多，厚身爽滑，魚味香濃，味道鮮美。炸魚皮（$12）🐟🐟炸魚皮最緊要夠香脆，而這個重點絕對達標。相比一般魚皮，明顯更厚身香口，值得一試。瑞士汁雞翼（$12）🐖🐖口感嫩滑且多汁，搭配獨特的瑞士汁，味道鮮美，微辣微甜，非常開胃。蒜香雞翼尖（$10）🐓🐓雞翼尖肉質較嫩，吃起來非常爽。加上濃郁嘅蒜末味，讓整道菜的味道更豐富。最後叫埋枝津路烏龍茶，認真一流🤣🤣見你一麵地址：元朗教育路37號南天大廈地下5B號舖

車仔麵🍜 河粉$10蘿蔔、酸菜($8/款)振興墨魚丸($10/款)秘製牛筋腩、秘製豬軟骨($13/款)蒜香雞翼尖（$9/款)呢間車仔麵元朗好似都係新開，特登去試一試，發現款款都唔錯真係要介紹下比大家！我地叫左個車仔麵，一款特色芝士撈麵，先講下車仔麵先，湯底揀左沙爹汁少辣，湯頭都幾濃郁，酸菜浸過唔會太酸，食過好爽口，口感好似食菜甫咁。蘿白4舊超大舊，本身應該有浸湯餵，吸曬湯好甜，值得試試。而墨魚丸好彈牙，入邊好多墨魚粒粒口感唔錯！跟住係豬軟骨，呢間嘅豬軟骨炆到好淋，軟骨都好似入口即化咁，肉質似似牛面頰咁軟滑，超好食！而雞翼尖雖然唔辣，但係蒜香味爆炸，炆到入口味，基本吸一吸就得番骨！芝士撈町，$43任揀兩款餸出前一丁、貢丸+漢堡扒漢堡扒有先煎過，非常香。而貢丸彈牙，咬開會有肉汁。超推薦！而芝士汁非常濃郁掛汁，配丁麵彈牙非常邪惡！小食咖喱魷魚$29咖喱魷魚大概係小辣，魷魚夠入味，特別嘅係食完辣味會有後勁，咖喱味會徘徊喺口腔。由於本身都非常爽口，值得一試。蠔油生菜$16

🔹🔹🔹🔹🔹🔹🔹🔹🔹🔹🔹🔹🔹🔹🔹呢間車仔麵同芝士撈丁都好出色👍🏻車仔麵個湯底我哋揀咗沙嗲汁少辣，個辣道啱啱好又惹味😋車仔麵我哋叫咗四個餸，有豬皮，豬軟骨，鳳爪同埋貢丸，全部都索晒個湯特別味好正，豬軟骨軟硬適中，鳳爪係一咬就脫骨🤪芝士撈丁啲芝士多到撈唔哂🤤芝士味又夠哂濃，餸就揀咗雞翼同紅腸，瑞士雞中翼係必叫，入哂味勁正🤩紅腸都炸到脆卜卜，外脆內軟咁😆🔹🔹🔹🔹🔹🔹🔹🔹🔹🔹🔹🔹🔹🔹🔹

尋日諗住去元朗圖書館還書，途經教育路嘅時候，見到一間新開張嘅車仔麵，所以喺門口望左一眼。可以話依間車仔麵🍜裝修得好靚，好有特色，喺舖頭裏邊有兩架電單車模型🏍️，裏面亦有好多打卡嘅靚位。於是決定還完書再返嚟試吓！一坐低，就叫咗個沙嗲汁河粉🥘要咗三個餸，包括瑞士雞中翼、咖喱魚蛋同埋秘製牛筋腩！我想講佢啲沙嗲汁好香好入味😋佢嘅瑞士雞中翼肉質好嫩同個瑞士汁好似中環太平館，咖喱魚蛋好食過B仔涼粉嗰啲👍🏻👍🏻👍🏻牛腩都好好食👏🏻睇得出牛腩煲咗好耐，肉質好林。埋單都係$42 ，非常抵食，個人強烈推薦依間新開嘅車仔麵👍🏻👍🏻👍🏻好食夾大件！😊

行過見有間新開嘅車仔麵店，價錢唔貴，店內擺設又幾得意，便入去試試。見唔少人入黎都係外賣A2金牌豬三寶餐，其實都幾啱自己口味，不過睇睇餐牌，叫餐同散叫三餸車仔麵又差不多錢，咁就揀下餸先😋🍜酸齋冬菇豬大腸米粉最後揀左呢三餸😆酸齋甜甜酸酸的幾好食，冬菇厚身爽口，豬大腸滷得入味👍湯底加秘製辣汁，只叫了少辣但都算幾辣下喎，撈埋米粉啱啱好。🍗瑞士雞翼見隔離枱食雞翼好似幾正咁，叫份雞翼小食先，瑞士汁甜甜的幾好味，雞翼炆得夠耐很入味🤤一咬啲骨就甩出黎啦，哈哈。🥬腐乳通菜再加多碟油菜先，有幾款菜揀，仲有唔同汁可選，叫左最大眾嘅腐乳通菜，意外地大盤，菜嫩多醬，正😁🥛豆漿加$4就有豆漿，梗係要整返支啦，香港製造嘅壹品豆漿黎👍好味足料大份量，價錢貼地，有下次👍👍

是日到元朗覆診，覆完又到食飯時間，路過見到呢間裝修懷舊嘅餐廳，原來係食車仔麵嘅，就一於黎食碗麵。餐廳面積唔大，有好多得意嘅擺設，打咭一流。揀咗四餸幼麵，包括豬大腸、咖哩魚蛋、蘿蔔及豬軟骨，再加餐廳秘製辣汁。餸嘅份量相當多，四餸當中，個人最喜歡豬軟骨，炆得好淋好入味；魚蛋咖哩味香濃，食落相當惹味，而蘿蔔亦鮮甜無渣；另外尤其喜愛佢嘅秘製辣汁，小辣已經覺得幾辣下，啱晒喜歡食辣嘅我。瑞士雞中翼 :雞中翼大大隻，煮得好入味。上湯通菜 :完全估唔到$16有咁大碗，兩個人食都足夠。通菜鮮嫩無渣，用上湯煮清清地已經好好味。

好正宗的一間車仔麵店！😋湯底濃郁，各款餸料都炮製得相當入味，裝修新潮乾淨企理👍🏼忙碌的工作後來到，點了非常多料：豬軟骨、酸齋、貢丸、墨魚丸及蘿蔔。同行有人幾乎都是點一樣的餸料😜而店內選用的各款肉丸，更是馳名的振興肉丸🤓最令我驚喜的當然是酸齋及豬軟骨，兩款都煮得入味，而且份量澎湃，絕對是超值😏瑞士雞翼$20 （4隻）雞翼滷得相當有味，但有可能保持肉質口感不會過棉。新張期間還有九折優惠🤩絕對值得一試