影片
港鐵宋皇臺站B3出口, 步行約6分鐘
繼續閱讀
開飯介紹
設VIP房。由正宗四川師傅主理，招牌菜包括水煮魚，辣子雞等。
繼續閱讀
營業時間
星期一至日
11:00 - 01:00
以上資料只供參考, 請與餐廳確認詳情
周末同三五知己揾嘢食，突然諗起朋友推薦過嘅一間擔擔麵店。一行人閂得閒，就咁拉隊入去試下。店面佈置得樸實，有種回到老家嘅親切感。坐低冇耐，個肚子叫咗起嚟，咁就快手用咗QR code點餐。地皮靴——真係溝得啱，牛腩腍稔得嚟又唔肥膩，啖啖肉咬落去痴牙，湯底微辣微酸，一嘴一嘴食得我心郁郁。風味排骨——料大塊，骨邊肉juicy，啱啱好嘅甜味，加嗮芫荽出黎，咬一啖攞住個骨頭，唔使細嚼慢咽，兩三口就掃盤。涼拌牛南——脆口加上酸酸辣辣，係開胃好手，食得我停唔到口，每條牛南抖得開，配上茶碗蒸一流。正宗川辣炒飯——飯粒粒分明，帶勁辣上嚟，略帶鑊氣嘅辣香真係令人一試難忘。🌟呢次食品之旅真係相當正，尤其係聚舊嘅日子，搵到間好餐廳，食物質素又高，抵食！😋 下次一定再嚟，希望下次果碟辣子雞塊可以多啲啲辣，衝啲刺激！🔥
繼續閱讀
餐廳裝潢幾有特色而且新淨，牆上掛咗花燈更添古香風味，座位間隔距亦足夠，坐得幾舒服。 😉食物嘅選擇亦幾多，魚類烹調有水煮、剁椒、烤魚等好幾款，另外亦有多款小炒，全部用QR Code落單。 水煮桂花魚 (例牌) $288湯底揀咗少少辣，聞落好香，而桂花魚片份量都幾多同好大片，肉質好嫰滑，配菜本身有好多芽菜，再另加咗寛粉(+$30)，寛粉配辣湯真係好夾。 🌶蒜泥白肉 $68蒜泥醬好香好惹味，薄薄嘅豬腩片配青瓜，開胃嘅小菜。 清炒萵笋絲 $78份量都幾多，萵笋絲好爽脆，食完辣野食呢個啱哂。 😉紅糖糍粑 $38一碟有8條，外層非常脆身，而入面好軟糯又煙韌，面頭灑上黃豆粉，再沾上紅糖醬，好食，呢個大推。 👍👍鐘意食水煮魚既朋友仔不妨試下，另外可以喺落單時選擇麻辣度，好彈性好方便。
繼續閱讀
牛油黃金蝦，168蚊碟💰大推依道牛油黃金蝦菜式，每隻蝦都沾上了咸蛋黃嘅醬，再加上蝦外表煎到金黃酥脆，本身蝦肉鮮甜同牛油奶香，口感極豐富，可以連埋蝦殼一齊食勁滋味😋😋奇味雞煲，168蚊煲💰奇味雞煲份量非常多，店員提示加熱到出煙先食，店員幫手炒吓雞肉，等雞肉吸收更多醬汁，薑，洋蔥，芫荽，辣椒多款配料令雞件煮得更入味，雞肉非常嫩滑，雞煲散發出濃郁香味☺️蔥爆牛肉，88蚊碟💰好夠鑊氣嘅小菜，份量正常，京蔥爆香，配上嫩滑嘅牛肉，京蔥送飯一流呀🤤魚香茄子，78 蚊碟💰魚香茄子具有豐富口味層次，茄子經過燉後變得軟嫩，能夠完美吸收魚香醬汁風味☺️紅糖糍粑，38 蚊份💰最尾仲有埋糍粑作結，熱辣辣新鮮炸起，外面炸到香脆可口，口感好軟糯彈牙，外脆內軟，再點黑糖汁，味道甜而不膩，作飯完甜品好滿足🥰
繼續閱讀
星期日中午單拖一條友上嚟食下。佢哋係用手機落單…☝️嗌咗一個午餐農家小炒肉，值得一提既係佢哋可以揀辣度，多油少油，走青…都可以喺裏面選擇！我覺得唔錯因為未必個個食正宗川菜嗰嗰種多油較咸調味！👍另外加咗碟油菜，都係十蚊全餐價錢55蚊包汽水一罐！🎉小炒同埋油菜大約十零分鐘上枱，唔知今次係咪見我又叫多碟油菜，碟小炒好多肉少辣椒，平時菜肉比例係大約係4：6今次嘅比例可以係2：8！新鮮炒起夠香夠惹味。👍值得一提既係十蚊碟油菜好大碟，同食小炒差不多份量！菜都夠新鮮。
繼續閱讀
每次我朋友想食辣嘢，一定會去呢一間！佢哋嘅水煮魚大辣真係會食到流眼淚！另外佢哋嘅四川小食都唔錯，尤其係魚皮、豬耳！如果想去呢間餐廳最好事先打電話去book枱，咁就到時一定有位！
繼續閱讀