覓食家

營業中

休息中

依間不嬲勁出名炸雞脾，終於經過入去食喇話說平日既晚餐原來仲有40幾元包嘢飲，喺普通茶記食常餐都要50幾元下，40幾元食嘢晚有嘢飲係勁抵估佢唔到可以轉麵or沙律。。。如果。。如果有埋菜底就正喇😂唔介意加多元😂😂keto同低醣減肥人士需要你😂😂唔知店主會唔會睇到呢講番個雞脾先，叫左無幾耐就到，好快手竟然，竟然有2隻，好似話當日既雞脾唔夠大，所以俾2隻！佛心，抵食！雞脾炸到酥脆多肉汁，咬落去係清脆既 「卡」一聲，好食！再估佢唔到係個咖哩汁都正，有深度，多唔同既香料味，唔係平時茶記嗰啲營光黃咖哩，溝去個飯度食，好味😂如果有得賣埋咖哩牛筋腩，仲正魚香茄子，茄子仲多過飯😂多料不過相對上，雞脾適合我口味多啲，下次試埋其他嘢先

觅食家元朗凤翔路33-43号凤翔大厦地下4号舖==============================要介紹我常去的觅食家這間不起眼的茶餐廳早餐是其中一個選擇是可挑南乳脆香骨的#南乳脆香骨 是我最想介紹的食物夠味 香 脆 冇改錯名尤其早餐的時候三餸麵都可以挑選脆香骨，全日套餐也有要留意番，有時候佢星期日唔開㗎經過觅食家就不妨妨試下啦==============================觅食家元朗凤翔路33-43号凤翔大厦地下4号舖

我唔算食得多次，但下午竟然俾老細叫我坐入房仔食！房仔環境極度差，唔明點解要賺到咁盡，呢間房仔應該本來係員工休息室，見到有5-6對難除咗係度同我哋一齊食飯！前面係兩間廁所！重點係我哋都對食物滿意先再而三地食，無諗過要係呢啲環境下食飯。無下次

覓食家就係元朗一段長時間去左元朗好多次 一路都冇機會去試下今日機會黎喇！飛雲！時間大約下午2點幾中午飯時間過左，下午茶又未開始本身都擔心雞髀質量會有影響但完全冇呢回事炸雞髀尺寸非常大港式炸髀好多都炸到過晒龍又燶又乾又柴 冇晒水份但係係呢個咁隔涉的時間隻雞髀外皮極薄而且非常脆脆到一咬落去會卡冊一聲肉質非常嫩滑多汁！炸到岩岩好！本身都食過好多唔同間炸髀除左 很得輝 呢間都推介！有D料！另外值得一讚普通茶餐廳 可樂 正常都加$8呢間 凍！檸！樂！只需加5蚊雞！非常之有良心！檸檬一上已經係底，一篤就得！普通茶記 檸檬大多數喺面要推檸檬去底先篤到！貼心！一邊炸髀一邊檸樂！爽！

依間最出名當然係至識食雞髀煎蛋飯($48)，每次黎都要叫！佢啲雞髀好大隻，重要係用我好鍾意既生炸方式炸出黎😈佢啲飯好大碟唔夠仲可以添，不過有時唔想食咁多澱粉就會轉沙律，可惜叫沙律就冇得要醬汁，有時都想點下汁食隻雞髀，就咁食好dry。仲包埋蛋或者薯餅，不過通常唔想食咁多熱氣野就會叫蛋~同行友人叫左瑞士雞翼飯($48)，份量好多，雞翼有成五隻，味道正常水準~仲要佢杯飲品好大杯，有時做完運動好熱好渴去飲真係爽~依間久唔久都要黎食一次🤞🏻

雞髀有21cm 長而且是先焗，迫出多餘油份，之後再炸所以雞皮很脆，炸得好乾身，食落唔會好油調味適中，唔會好鹹啖啖肉，十分滿足另一抵食選擇係$32/6 瑞士雞翼大大隻，味道不錯

雞全部都係雞，XXL巨型雞髀雞扒！🌸至識食雞髀配出前一丁$48⭐️⭐️⭐️⭐️⭐️雞髀一上碟好巨型呀！真係大過你塊臉架～雞髀香脆可口，唔會「鞋」口，轉出前一丁5洗加錢👍🌸黄金雞扒配沙律拼薯餅$48 ⭐️⭐️⭐️⭐️☆雞扒非常嫩滑juicy有肉汁，炸到金黄雞皮夠脆，但又唔會太油膩，雞扒同雞髀一樣十分巨型大塊，啖啖肉好滿足，唔洗就住食，相信男士們食都一定夠飽。唯一不足係雞扒側邊有少少雞毛，只好自己抆走。🌸瑞士雞翼(6隻)$28⭐️⭐️⭐️⭐️☆有淡淡既酒香，雞翼十分入味。🌸紅豆冰跟餐+$8⭐️⭐️⭐️⭐️☆飲落有微微既椰香，紅豆粒有軟有硬，非常有口感。傻婆們食完出黎見到好多街坊等緊外賣，性價比一流！店舖比較細，坐卡位會舒服好多，係卡位隔離既2人位就比較逼。======詳情======覓食家元朗鳳翔路33-43號鳳翔大廈地下4號舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #元朗美食 #元朗好去處 #美食 #RnT元朗 #元朗 #覓食家 #雞髀 #雞扒 #瑞士雞翼 #紅豆冰 #巨型雞髀 #生炸雞髀

元朗有好多出色嘅平民小店，今日趕時間諗住食個快飯又要飽肚，坐得舒服，就諗起依間平民小店😂🍗至識食雞髀煎蛋意粉 ($48)一上到枱都俾佢個size嚇親，手掌咁大嘅雞髀再加埋隻煎蛋都係$48。雞髀炸完之後外脆內嫩，雞皮亦都好夠脆，肉質都唔係乾爭爭嗰種。煎蛋同黑椒汁意粉都係水準內👍👍有大大隻雞髀再跟意粉/飯/沙津/出前一丁，埋單$50 都唔洗，又食得飽，係依家算係經濟實惠。Overall都幾滿意，下次可以再幫襯😌

今排睇左幾條片講關於香港好食既炸雞脾，當中有人介紹呢間既炸脾，又大又好食。難得今日打完羽毛球，有quota 可以試邪惡野，就去買。因為知道佢sell 巨型，所以就淨係單買一隻炸脾。即叫即炸，等左10分鐘左右就有。番到屋企打開，嚇左嚇，大得太誇張😳😳好彩唔係一個人食，如果唔係做幾多運動都搞唔掂...佢係沒咩炸粉嗰種，塊皮係超脆，但沒咩脂肪，唔算油。啲雞肉都仲有肉汁，唔會乾。味道就只有基本調味，唔算特出。係最傳統嗰種港式炸脾，同巨大化左！

碌IG見到有朋友食過大大件雞脾，bookmark定呢間餐廳等下次經過就食，終於有順路既路程，順便可以食。雖然我想食雞脾，唔知點解落單個陣會叫咗雞扒，又唔好意思叫人改名，所以食咗黃金雞扒煎蛋飯。雞扒剛剛炸起上碟，無論熱度、香味都無得輸，咬落啖啖肉，口感十足。至於凍奶茶都唔錯，傾向奶味多於茶味。整體幾滿意，下次再食過。

無寫最低收費入座前亦無提及坐底到落單想叫2份炸雞脾，點知先話一定要叫一杯野飲，如果唔係收唔到錢😡想賺錢都唔係咁要面下話？雞扒係就係大大隻，但味道正正常常無咩特別。

-{元朗人氣炸脾🍗}之前見有youtuber介紹依度嘅炸脾😍專程黎試下🥳🤤至識食雞脾煎蛋飯🤤 ($48)雞脾 好巨型！！！係就咁影都睇唔佢嗰種厚肉嘅程度 個汁就揀左豉油 因為唔想影響到個雞脾嘅味😂好多肉汁🥰雞皮超脆 食得出有醃過好香口🤩一嚟到個份量偏小但食食吓就明白 因為個雞髀真係好大😂😂😂飯就偏濕 不過個主角都係雞脾🥰煎蛋就正正常常不過竟然比我見到好大嘅蛋殼😂👖褲評: 8.5/10隻脾性價比極高😍😍😍專程過嚟食都可以🥳成個飯包嘢飲唔過$50👻性價比: 9/10服務: 7.8/10環境: 7/10🚩覓食家🚩地址: 元朗鳳翔路33-43號鳳翔大廈地下4號舖#fuudjai #fuudjai港式 #fuudjai元朗

🐻既工作可以周圍走，今次黎到元朗區，當然又捐窿捐罅搵下小店試吓 🤪 同事即刻推介尼間人氣雞髀飯堂，除左出名勁大隻🍗之外，仲要係先焗後炸，就睇吓佢有幾正先 😏⁡🐻の試食‼️✨「至識食雞髀沙律拼薯餅」$48✨「凍檸多」$8（跟餐價）⁡今次簡直係令🐻精神為之一振 😋 當然係隻雞髀勁大隻，真係大過🐻既拳頭 🤣 炸得靚脆卜卜之外，肉質唔乾有不少部位仲幾juicy添啊 😍 最開心佢仲可以轉沙律拼薯餅，岩曬唔想太飽又為食既大家✨另外今次試到未飲過既凍檸多，現兜兜俾兩枝益力多你倒入去檸檬冰底 🍋🧊 唔洗講，夏天一定要黎飲下 🤤

叫餐時員工非常不耐煩，叫左兩杯檸茶一杯要走甜，送餐時沒有講明邊杯係走甜檸茶，我問清楚佢但回應非常冇禮貌，叫我飲左就會知，我身體唔舒服，唔可以飲甜野，點樣試所左先！非常差，本住自己有新假期推介就好串咁！。。。。。。。。。。。。。。。。。。。。。。。。。。。。。。

聽人講咗好耐呢間既雞髀好巨型好出名，呢日入到元朗一於決定試試佢🤩🤩我地嗌咗餐廳既招牌名物—炸雞髀飯一上到枱真係俾個size嚇親，聞名不如見面，舊雞髀真係大過我隻手掌！不過切開入面炸得有啲未夠熟，我地同店員反映完，佢地都好好幫我地換過碟全新，服務態度一流！雞髀炸到外脆內嫩，雞皮脆卜卜，雞肉又一啲都唔鞋，高分之作🥰 下次經過都會想試第二次。價錢方面都幾相宜，而且份量十足，一個餐兩個人分黎食都好飽😆