覓食家

營業中

休息中

📸#tagnshare元朗篇 .#元朗大雞脾 你唔係未聽過嘛！巨大雞脾配煎蛋出前一丁加埋杯凍檸樂都係 五 十 蚊 咋！ 勁爽♾ 雞脾係焗完再炸 ，最緊要既係鎖住肉汁🌊，仲可以做到口感好似 乳豬皮咁脆^_^ #炸雞脾. 🙋🏻‍♀️高妹小編.- 👇🏻地址👇🏻.覓食家 (元朗)元朗鳳翔路33-43號鳳翔大廈地下4號舖

聽好多人介紹呢度既雞脾，星期六晏就決定去試一試，好彩個陣唔算太多人好快有位！兩個人叫左炸脾配出前一丁同配薯餅沙律😋未見到呢隻雞脾既真身都唔相信佢有成塊面咁大呀！雞脾炸到好脆而且肉質仲好嫩😍推介！薯餅香脆 比一般街買個d好食 唔知係咪店主自己整🤔 薯仔沙律夠凍而且唔會太酸👍🏼

諗起想食炸雞脾！終於得閒去試下元朗呢間覓食家！真係大過你塊面既炸雞脾！😍😍😍好誇張，呢個炸雞脾蛋飯真心唔錯，睇落普普通通，但係淨係呢隻雞脾都夠哂抵食！性價比極高！ 食完基本上夜晚都無咁早肚餓😂😂😂😂

想食覓食家好耐，但苦無機會，唔係時間唔夾就太多人等位，今日見時間尚早，終於有機會試煎蛋炸雞髀飯配黑椒汁連飲品都係$44，涷飲加3蚊，以今時今日嘅物價來講真係超值！雞髀果然好大隻，皮脆肉嫩，不過實在太邪惡，要隔一排先好再食

乜都唔想諗，唔想做，放假就繼續大魚大肉啦！依家冇人排隊喇，直接可入去！ 服務員就好似差咗，黑口黑面兇神惡煞咁樣， 真係要諗諗先去啦！雞扒飯只有一塊雞脾無之咁大件啦豬扒較鞋，應該轉左唔係新鮮豬扒

哈~一直以黎都係食炸雞肶，真係我至愛嘛!!!!今晚約左附近打波，所以又黎左覓食家開餐，對上幾次黎都係炸雞肶炸雞肶，所以今日已經決定要食下煎豬扒，好耐無食喇!!!但最意外係朋友仔叫左個羊羊，而我可以有機會試下……好好味呀!!羊飯用左個特別器皿裝，幾別緻既^^，但分量明顯比平時少左，而味道一啲都唔羶，超好味喎!!!!!下次過黎又可多一個選擇~~~~我之前提過，如果雞肶唔夠大，佢會比多半隻，下面其中一張圖就是有兩隻肶

已經唔知幫襯過幾多次，試過帶朋友去，帶媽媽去，今次帶阿姨叔叔去。哈~~起初仲諗住食呢啲煎炸野，佢地可能無興趣，點知……最攪笑係佢地好似鄉里咁，落單既時候一直倒亂檔，我揀A出前一丁，阿姨跟我，即係A丁x2啦！但她竟然話要揀蒜蓉汁，大姐呀！你究竟食出前一丁定食飯呀，無啦啦點揀咩汁(滴汗)然後到叔叔落單，佢都揀食炸雞肶配飯咖喱汁，我未試過咖哩汁，問佢，佢話好好味~~而男朋友就揀左A飯黑椒汁。其實個雞肶一黎到佢地已經好嘩然咁大塊!!仲要味道唔差嘛~~丫!題外話，一直以黎我一定係加3蚊要汽水，今次去見到有新野紅豆冰，加$8，但奉勸各位，除非好肚餓否則唔好加紅豆冰喇，我因為加左連麵都食唔晒~~~我未試過隻雞肶見唔到骨架~每次都必定食得超乾淨，見晒骨架~~

元朗確實唔少特色小店，因為元朗太多食肆，如果想留一席位，必須要突圍而出，覓食家就係以超大雞肶招徠。雞肶真心大過塊面，如果係比較細小嘅雞肶（都絕對大過坊間其他食肆嘅）店家就會自動比兩隻雞肶，所以鐘意食肉嘅朋友就唔好錯過啦。雞肶太大關係，所以會先焗5分鐘再油炸1分鐘，所以雞肶必脆必熟好好味，加上覓食家有自家孜然粉及淮鹽，份外惹味。除左雞肶出名外，豬扒都係非常大塊加厚切，入味又鬆軟，加上煎蛋永遠都靚嘅太陽蛋，只售44蚊，其實唔跟飯跟沙律都可以，沙律係蘋果沙律都好新鮮又好味。

今晚好想食好大大隻雞髀，突然想起元朗有一間好好味，所以去買了個外賣回家食，我等了20至30分鐘，因為是即叫即整所以就要耐心等候，店裡環境比較細，不過好多人，熱辣辣雞髀脆卜卜，肉質好滑，拌意大利粉加上黑椒汁好好的配搭是唔錯，意粉質感適中黑椒汁又不太辣。

朋友今天特意來元朗看天后寶誕巡遊，他說他第一次看，覺得非常熱鬧，有氣氛，慶幸今天有來觀賞。之後我們都去吃東西，難得朋友入元朗，我當然一盡地主，帶他吃點特色的。我經常經過覓食家，亦知道這裡特大雞髀很有名，不過未曾吃過，因為一個人吃大大雞髀有點罪惡感，但有朋友跟自己一起吃感覺馬上大不同，開心多些。朋友點了至識食炸雞髀煎蛋意粉配黑椒汁和凍奶茶，聞名不如見面，炸雞髀真的超巨型，若三多炸肶與覓食家相比，真是小巫見大巫，無論價錢，味道均是覓食家優勝。金黃的炸雞髀可謂皮脆肉嫩，肉汁豐腴，全因它採用先焗後炸的烹調方法，把肉汁鎖住，才能如此美味，朋友十分欣賞這炸雞髀。另外，他大讚意滿有彈性，黑椒汁極惹味，沒想到覓食家在雞髀以外的食物也能做得不錯。我則吃至識食瑞士汁雞髀配沙律拼薯餅，熱柚子茶，瑞士汁雞髀沒令我失望，看到雞皮和雞肉那深褐的醬色，想必滷得透徹。當我用刀輕輕一切，完全感受到雞肉的柔軟，再放進嘴裡，瑞士汁挺入味的，能使這碩大雞髀入，可不是容易的事呢。我所以吃沙律，主要不想只吃肉那麼不健康，沙律均採用新鮮蘋果，蘿蔔，青瓜，粟米，不是罐頭雜果，吃時清爽極了。可是薯餅稍稍失色，外層雖脆脆的，內裡卻像薯蓉

<<XXL怪獸級香港最正炸肶>>-至識食雞肶 (配煎蛋出前一丁) HK$44 - 隻肶大過你塊面, 佢地用左先焗後炸既方式, 做到頂級外脆內嫩既感覺, 仲要完全無炸肶常見既油膩感, 完全係肉汁澎湃, 就是爽~ 你如果問我, 我覺得好食過三多, 話係全港第一都唔過份 (以我食過既去比較), 正正正, 100分!!! (仲要飯轉出前一丁唔洗加錢).孜然羊肉粒飯 HK$50 - 你以為佢地淨係用雞肶做gimmick? 錯晒, 佢地其他野都出色都震!! 呢款羊肉料理真係令我呢個羊肉控佩服, 孜然同羊肉配合得好好, 惹味但唔會太搶fo, 然後口感煙靭又彈牙, 好食到爆!

24/4/2019 晚上，谷氣！收工已經好攰好肚餓，今晚想試下呢間，但一坐低已經當我透明，餐牌我都要講幾次先比我，一個人食係咪唔歡迎？個飯到左又唔比餐具，出聲先識攞比我，啲服務咁樣，幾好食都無用*佢地好得閒架，係度吹緊水架！*21:02更新：已經食飽啦，中途唔少一個人入來食飯，但都無好似對我咁樣，其實我同佢地一樣，都係食個飯姐。。。唔知以為我係👻睇我唔到啊！垃圾facebook群食在元朗唔比post，我依家就唱衰呢間垃圾！

網上講到元朗巨脾點好食, 今日同家人專誠由觀塘去元朗試下, 原本經過建業街街市的成記茶寮, 見到差不多坐滿食客, 食客的炸豬扒又多又大塊, 賣相亦很吸引, 本來想坐底試下, 但女兒很想見識一下大隻炸雞脾, 於是就同佢去到覓食家, 12:45pm去到覓食家, 有一半空位, 不用等, 叫了炸雞脾飯, 果然皮都幾脆, 但雞皮味都一般般, 內裡的雞肉亦冇咩味, 可能腌得不夠, 個人認為大家樂或美心的炸雞脾比這裡更有味, 只是沒有這間咁大隻, 但只是大隻不夠的, 要好食才可以. 女兒亦覺得炸雞脾味都好一般, 炸得太乾了, 同時飯量又少, 沒有興趣再來這裡食, 總之就去成記茶寮好過, 難怪1:30都坐不滿這間小餐廳.不過有位男職員都幾好人, 問我女兒飯夠不夠, 但我地之後打算去附近食甜品同糖水, 所以婉拒了, 相反有位上年紀的女主管整個下午都黑口黑臉, 一句中伏!

早就聽聞元朗的「覓食家」以超大隻炸雞肶出位。這天辦完事後剛好在店子附近，便約埋朋友在那裏吃番個午飯。星期日下午非繁忙時間去到，仍等了十分鐘左右才能入座，店子是茶記格局，有少許擠。菜牌選擇方面十隻手指可數。不過，我卻一直深信貴精不貴多的道理。我和朋友分別點了「至識食雞肶煎蛋飯」同「煎豬扒煎蛋飯」，儘管可選黑椒汁或蒜汁，但我們均選了最基本的豉油汁。不一會雞肶飯來了。炸肶幾大吓，佔了隻碟一半位置以上，雖無早前雜誌所見的那麼誇張，但肯定大過一隻手掌。除了飯外還有一隻煎得幾靚仔的太陽蛋同少許青瓜，無什花巧，看來是想突出雞肶的size吧。雞肶醃得還不錯，生炸出來後脆口得來至少不會有雪味。雖然肉汁不算多，但也非乾身，吃來不嚡口，配埋一些甜豉油來撈飯，很快便把東西吃清光了。見朋友吃煎豬扒飯好滋味，我也要了一點嘗嘗。豬扒是厚切，啖啖肉，醃得好入味，而且較炸雞肶更多肉汁，肉質亦不會像下了鬆肉粉的完全沒咬口。整體來說唔會差過區內名店「成記茶寮」好多，但感覺卻較後者乾淨多了。每個套餐價連凍飲都係五十元有找，都算合理有餘，應會吸引我這個區外客再來。

呢一間在雞地巷仔嘅茶餐廳型小店，假日次次嚟到經過都一樣咁多人，所以一直都無緣一試，直到有一日，閒日放假，下午12點左右，終於唔使等位可以入去，即刻入左去，終於可以試吓佢大個塊面嘅雞髀飯！！～同5個唔識嘅人一齊搭枱坐卡位，都幾搞笑⋯本來大家都係孤零零食飯，變左坐埋一枱，就係逼啲，同埋有啲唔方便，食食吓要起身俾人出入。等左差唔多10分鐘先見到我嘅雞髀飯，真係好大塊，色澤都幾漂亮，雞皮係脆既，雞肉都幾嫩，隻蛋個蛋黃係流心嘅，仲有少少燶邊，飯量都唔少，發育期學生哥都夠飽，值得一試。