許留山 (已結業)

個楊枝金露幾好味，好濃芒果味。可惜個西柚肉好酸+有D苦，個雪糕一食就知自己整，口感五滑、入面仲有冰片。個咖喱魷魚薄餅五抵食，因為得分量得好少。薄餅無咩鹽味，魷魚魚蛋幾辣，但得幾粒。鋪頭好大，D服務員態度好好！覺得個許留山身份證好Q

好想食下甜品但行完小花市太夜好多都關門或冇開，見到燈火通明嘅許留山就入去吧~好耐都冇食過了，朋友叫左芒之戀同芒果布甸都ok,我叫左個紅白小丸子就中伏了，好似食緊紅豆冰咁，紅豆又硬，加左d碎椰汁冰，丸子都硬，實在係幾難食的，還冇個芒果凍餅其實係木糠布甸，並冇芒果在內，相中影的超吸引有芒果filling,唉～以後都係食番d普通芒果產品，不過而家先知貴左好多，相信都會諗下先來了

同老公6點几响旺角等食飯, BOOK左7點半, 要响旺角找偈腳地點打發時間真係唔容易, 路過這家許留山, 竟然無乜人.翻看餐牌, 發現而家許留山都几貴, 普通一兜有芒果响面既生果拼盤, 都要40几50蚊, 已經唔係當年既廿几蚊食生果食到你飽既許留山喇... 我地揀左好耐, 都唔知食乜好, 終於2份飲一杯野就算, 一來留肚食飯, 二來慳得就慳... 呢杯藍莓沙冰, 承惠$28, 味道都几好, 有几粒藍莓响面做裝飾, 沙冰底真係令人解渴, 有冷氣涼, 又冇人趕, 都算係咁啦...

許留山推出一系列芒果甜品新口味【特選小盛宴】, 做了團購俾大家在短時間內以較平的價錢試試, 見到幾特別, 以這個價錢食到三款甜品, 當然買來試試。環境地方寛闊, 因為6:00pm多, 未有咁多人好似我咁傻咁早食甜品, 所以環境清靜。服務服務員快手、有禮。食物特選小盛宴：包括迷你芒丸子、芒果CHOCO心太軟及脆皮芒棒棒外表啲啲骰, 好吸引, 最開心是可以一次過有三款 迷你芒丸子芒果很香甜, 材料份量足, 但丸子比較硬, 沒有特別驚喜。【比利時】芒果CHOCO心太軟 原個杯子上碟, 有點失望...朱古力味濃, 蛋糕旁邊有數粒芒果粒, 但比較濕淋, 而不太流心, 所以一般。 【台式】脆皮芒棒棒這個賣相好特別, 好像小朋友食的凍條。芒果冰凍而香甜, 外面淋上一層朱古力, 朱古力凍了後變成脆脆的薄片, 咬下去時脆脆的, 與芒果冰一起吃, 很不錯!竟然最簡單是最美味的______________________________總括而言, 環境和服務都不錯, 食物就一般, 三款新口味只有一款有驚喜。

5點幾出左旺角, 但又未夠鐘同auntie食晚飯, 所以就行街街食個tea, 見到許留山有個set tea, 可以選三款甜品, 價錢又唔貴, 就決定去食~唔知係間鋪難搵定係冇咩人食, 所以入到去即刻有位同叫嘢食~ 等左大約十分鐘, 甜品就嚟到~一品芒滋好juicy, 皮都幾薄個班㦸就最好食, 入面有好多忌廉, 但又唔覺得太甜, 只係面嗰粒士多啤梨有少少酸最唔好食居然係個芒棒, 朱古力皮雖然係脆, 但兩支棒真係雪到變左凍條, 似果汁冰多過真芒果, 完全冇哂芒果嘅質感同甜味, 所以有d失望

係旺角吃完dinner，順道揀間比較大嘅許留山飲杯野，貪佢可以坐得舒適 d 三人行我叫了芒椰蘆薈爽 - 賣相色彩唔錯，分開三層 ( 頂頭椰汁加零碎芒果肉、中部芒果汁、底部是蘆薈啫哩 )。份量要加大才等於以前的Size ( 現在真係揾苯左好多 ) 。芒果鮮甜，椰汁尚算香濃，蘆薈啫哩無什特別 ( 但唔明點解會綠色? )，整體okay。唯一有少少不滿係我地喝完想坐多一會，店員就行來行去，好快收哂d杯趕客咁 ( 如早知係咁，外賣好過 ，仲平啲 )。其實無它，實在太多自由行同胞了；如想坐耐d吹下水還是到其他店鋪吧。

夜mama想係mk食甜品=__=原來都好難..咁就同老公去左許留山食啦@@位真係多@@哈哈咁就叫左個芒果lo米遲@@..我一啖就食左@@咁樣食先係最好味嫁..我好少會食lo米遲嫁...得呢度先可以令我有衝動食..因為真係好好味...芒果同lo米.. 適中@@另外叫左個什果亮晶晶@@食左咁耐..其實我都唔知亮晶晶果d係咩黎@@不過加埋芒果一齊食..真係幾夾...d什果都ok...不過芒果好酸...@@西瓜好甜...老公就問... d西瓜會唔會浸過甜水嫁@@因為真係好甜....不過整體上..@@ 令我再番轉頭既原因得一個...就係lo米遲@@

是 日 為 好 姐 妹 慶 祝 生 日 ,,, 一 行 八 人 決 定 去 吃 放 題~~可 惜 完 全 失 望 !!!!!!後 來 等 到 叧 外 友 人 下 班 出 來 聚 聚 ~~決 定 去 久 違 了 的 許 留 山 ~~我 點 了 是 日 優 惠 的 雜 果 燕 窩 楊 枝 金 撈不 過 服 務 態 度 真 的 有 夠 差 , 點 餐 時 心 不 在 焉 期 間 又 突 然 走 開完 全 不 知 道 她 想 怎 樣說 回 食 物 味 道 , 奇 異 果 會 酸 我 是 預 計 之 內 , 可 是 草 莓 實 在 太 酸 , 同 行 友 人 決 定 把 它 遣 棄芒 果 香 甜( 畢 竟 芒 果 是 許 留 山 的 招 牌 ) , 西 瓜 和 哈 蜜 瓜 尚 算 合 格 , 但 蜜 瓜 則 淡 而 無 味楊 枝 金 撈 質 數 合 格 , 燕 窩 嘛 , 反 正 我 也 不 會 分 真 假 ~~ 總 括 來 說 也 算 說 一 道 消 暑 甜 品現 在 大 家 有 在 工 作 的 也 有 在 繼 續 升 學 的 , 各 有 各 忙 , 大 家 坐 在 一 起 吵 吵 鬧 鬧

After counting down in central for 2011, we went to MK for dessert....我地一共四個人，當晚人山人海。。不過都唔系等左好耐~~~當我們saw chocolate 火鍋，we were MAD hahaha!!!我地叫了一個chocolate 火鍋，芒果三拼(forgot the exact name) 和 XO醬蘿蔔糕chocolate 火鍋：OK la...期望越大，失望越大 exactly reflected our feelings...芒果三拼：好吃！芒果不愧為許留山的best dishes！yummy yummy!!XO醬蘿蔔糕：好馬虎！！不能接受！XO醬和蘿蔔糕是分開的。。。

吃了三間煎炸野，最後以許留山為結尾，近排出了什麼首創撈糊火鍋，但見到後怪怪地，無試到，試番諗住穩陣的朱古力火鍋，生果來先，跟住雪糕來埋，但火鍋遲遲未能送上，等到生果不凍，雪糕溶了三分一，先送上，同「哈根打」無得比，但這裡勝在便宜。

是日 “雙撈”, 好耐無食許留山了, 市面實在太多新開的甜品店, 每天吃一間, 有排都吃不完, 上台時發現食品好似比以前的細了很多, 不知是否錯覺, 一小碗生果, 全部淡茂茂, 唯一好味的是另一碗冰, 兩併: 芒果併棷子, 其實只是雪榚冰而已, 收$38, 實在貴!!!

繼續同至8會成員吹水。D24榴槤水晶撈人多已經預左要等耐d，不過我張檯5樣野已經黎左4樣野十幾分鐘，好明顯係漏單啦。同姐姐講佢又勁晦氣，眼都唔望我就粗粗魯魯話整緊啦! 呢個水晶撈有多重口感，除左水晶條，仲有榴槤冰、涼粉條、珍珠粒。只係略嫌榴槤味不重，同平時既榴槤甜品無分別。

星期日去旺角行街，行咗一陣波鞋街已經身水身汗，喺條街上面真係“焗”到暈咁滯，一定要飲d 冰涼消暑嘅野先得，見到前面有間許留山即刻飛撲埋去，實行入去嘆吓冷氣飲番杯野先 ～平時喺許留山一定會飲我最鍾意嘅芒椰奶西，又或者芒椰蘆薈爽，但係見到啱啱新出咗巨峰提子蘆薈爽喎 ，聽個名好似好解渴咁，同埋見佢紫搭綠都幾sharp，夠晒夏天FEEL，一於試吓先 ～杯嘢黎到夠晒凍，正！！急不及待飲咗一啖，真係超冰涼 ！！！飲落酸酸甜甜，好醒神，ｄ提子味好自然（試過飲過一ｄ提子味台式飲品勁似藥水．．．），啜一啖加埋ｄ滑嘟嘟嘅蘆薈爽，好有o趙頭，面頭仲鋪咗勁多我超鍾意嘅蘆薈粒，夠晒清甜，感覺好滋潤 ～另外我仲叫咗碟蘿蔔糕，入面有蘿蔔一絲絲 ，唔似出面食到果ｄ成舊都係粉，好食好多，飲飽食飽之後，再起身行街搏殺過～～～

開心星期五的最後一站，本該是那人氣的瘋薯，可惜實在是人滿之故而只剩數種選擇。在取捨之間，我們一行便到這所"後備甜品店"，把它稱之為後備是因為它的出品總是不過不失，既不會有甚麼驚喜，但也不至於會失望而回。一般顧客所愛的芒果撈，始終不是自己的心頭好，還是這海底撈o野的香濃椰味較吸引著我。再加上它那冰凍的感覺，即使是帶點清涼的秋天，感覺仍是透心涼，不分二話我便鯨吞了整個，如有多點胃納再來一個也沒有問題呢~

同朋友行街行到攰攰地，想搵間野坐低休息下，眼見附近有間許留山就入左去坐。本來想叫杯芒果飲野就算，但店員熱情推介佢地既新產品“雪果綿冰”，又話咩加左北海道3.6牛奶所以滑d，總之就好似係生果綿花冰果類…我見有我几like既蜜瓜味，又唔算太貴($28蚊)，咪試下囉…朋友都陪我試，但佢就試左特別d既龍眼口味。蜜瓜雪果綿冰賣相好靚(我鐘意呢d清新綠色~~ )，個綿冰未食都聞到陣陣蜜瓜香味，軟綿綿口感好得!! 面頭除左蜜瓜波&其他生果外，仲有一堆大大粒既水晶丸子同紅豆，煙煙韌韌都几好味! 龍眼雪果綿冰試埋朋友呢款既龍眼冰…白雪雪既龍眼冰入口清甜，平時其他甜品店好少搵到呢個味，鐘意食龍眼既朋友值得一試!旁邊啡色煙煙韌韌既啫喱粒店員話叫“庶糖寒天”，之前都未食過，OK喎庶糖味好香濃! 而白色好大粒既係龍眼，估唔到會咁大粒，真係啖啖肉!整體好fresh好清涼，几適合而家咁濕悶既天氣 有興趣可以一試~~~