語命Cafe (已結業)

超級隱閉既cafe，如果吾系係openrice search，應該發現吾到有呢間餐廳。小食併盤有炸魚薯條，炸蝦，炸蠔，炸雞翼。睇落去全部都系炸既，好邪惡好熱氣，不過最好既系佢既粉一d都吾乾吾硬。最好味既系炸魚，魚肉好嫩滑，吾似龍脷柳嗰d咁實。白汁三文魚闊條麵三文魚既份量好多，有少部分仲系撈埋d意粉一齊煮。醬汁份量啱啱好，吾會太少而乾，亦都吾會太多而油。如果可以加少少芝士碎或者芝士粉，味道就會更加豐富啦。

星期六，約了朋友跟她的寶寶一同共晉晚餐。我選擇這間餐廳的原因是因為這裡有塔羅占卜，我一心想試試占卜，但可惜當日占卜師休息。我有點兒失望，但還好食物很美味，餐廳環境亦很舒適，總算不枉此行。我們點了一份主食及兩份小食，味道不錯！主食是煙三文魚忌廉闊條麵。煙三文魚份量幾多，除了上面一堆用來裝飾的花花煙三文魚外，意粉裡有不少煙三文魚。這個扁意粉非常美味，它是我記憶中在樓上cafe裡吃過最美味的一個意粉。我們點的小食是雞翼及炸蠔。雞翼有6隻，配上蜜糖芥末醬，很開胃。炸蠔有5隻，配他他醬，蠔都算大隻，而且多汁，外皮炸得脆卜卜，非常不錯!這杯是天秤座特飲-朱古力奶蓋，這是寶寶的飲品，媽媽偷喝後表示好味， 甜度適中。我見寶寶飲完一口又一口，我就知道這杯飲品味道應該相當不錯。朋友選的檸檬蜂蜜水，這是有驚喜的蜂蜜水！它聞起來有濃郁的蜂蜜味，我不禁偷喝一口。我覺得這是天然的甜味，另外，它亦沒有酸或澀，很美味。最後，這是我的星座特濃朱古力，我想它跟星座應該沒有任何關係...朱古力味很香濃，味道比一般的朱古力飲品濃，質感濃稠厚身！其實大部分樓上Cafe的食物質素比較一般，但這裡食物及飲品的水準很高！唯一美中不足

忙完midterm當然要搵好野食慰勞自己，係旺角誤打誤撞入左呢間cafe。入面環境幾舒服，每個位都有得叉電，好貼心亦有啲board game 玩。我地叫意大利粉同小食拼盤。意大利粉賣相一流，蒜香味好香，採用既意粉較幼，al dente有咬口，真係好好味! 值得推薦俾大家！另外叫左小食拼盤，有薯條，炸魚柳，炸雞翼，炸蝦同炸蠔。份量多到你唔信，薯條好香脆，好大條。炸魚柳味道一流，魚肉好厚身，好滑溜，炸漿包晒嗰魚肉。至於雞翼外皮好脆，熱辣辣香噴噴。炸蠔外皮脆之餘生蠔亦保留到creamy口感。炸蝦都炸得好好味。餐廳亦有關於星座既特飲，女朋友叫左白羊，我就叫左天蠍，一杯都好多份量，女朋友嗰杯其實係白桃乳酸沙冰，女朋友話唔會好甜，但沙冰白色中帶一點粉紅好靚，好有少女氣息。我嗰杯係青蘋果梳打，甜度適中，呈現紫色同綠色，帶俾我星座嗰種夢幻感覺。

之前係facebook見到語命 cafe既影片, 介紹餐廳既有12星座飲品同餐廳食物, 最重要呢間餐廳既賣相之一就係可以占卜,我呢個充滿好奇心既人緊係一定唔會難過啦！於是放左工就同朋友去左旺角去試下呢間餐廳, 佢既地理位置好方便, 就係係先達廣場旁邊。我地上到去職員都好有禮咁招呼我地同為我地介紹12星座飲品, 餐牌中主要分左主菜、小食、沙律同飲品。我同朋友就叫左兩份意粉(分別係香蒜虎蝦炒意粉同忌廉煙三文魚闊條麵)同埋小食拼盤, 飲品我地就叫左屬於自己星座飲品。先講飲品方面, 我就點左水瓶座-抹茶沙冰,發現係水瓶座杯墊, 好有心思!抹茶味都幾濃郁, 而家天氣咁熱, 飲番杯沙冰真係透心涼,簡直人生一樂也!小食拼盤有炸魚薯條、炸蠔、炸蝦同雞翼, 非常豐富,而且好大份! 佢既賣相已經好吸引,炸得恰到好處,香脆而不膩, 食得出全部都係即叫即炸, 熱辣辣!炸魚同炸蝦非常鬆脆, 蝦肉好彈牙。炸蠔裡面鎖住所有蠔汁, 相當相當juicy! 口腔充斥住蠔味!薯條係粗薯, 口感豐富! 而且仲有一小份沙律, 作一個中和作用。之後主菜都黎喇!!!值得推介既係香蒜虎蝦炒意粉, 一份意粉已經有7隻蝦,隻隻都好大隻,

每逢星期二放左工，又未夠鐘上堂，都會去Starbucks度hea, 但每次都好多人搵位都難，今次早左放工，就上網搵間cafa座下，見呢間既地點都好方便，就去一試。一入到去既感覺好寧靜，可能新開啦，除左我，大約有幾枱人，都係男女拍拖依依泣泣果隻。我就搵左個吉位去hea我果兩粒鐘。睇佢個Game櫃，選擇唔算多，但佢有PS4, 我就緊係冇開機去破壞一個咁浪漫既氣氛，番左埋位叫左野食就拎左本書黎睇。我點左個帶子墨汁意粉，同埋一杯朱古力。熱朱古力黎先，有Surprise! 甜甜地幾好飲之餘，仲拉花拉左我個樣出黎，仲要真係似樣，搞到我一直好小心咁飲唔捨得搞爛佢。墨汁帶子意粉就中規中矩。如是者兩小時悄悄地就過左去了，下次有機會絕對會再上黎hea。

放工黎到旺角，chur 足成日，想搵個人少少既地方醫下肚hea 下，印象中先施大廈有樓上cafe, 就入去探下路，水牌見到有間叫語命cafe, 就衝左上去了。Cafe 門口夠哂隱閉，裡面有好舒服既L型梳化，岩哂我呢d無脊髓生物，仲有好多兒時既玩意，吾怕等野食時會悶親。cafe 介好貼心有埋空氣清新機，真係抖啖氣都爽d.落單叫左香蒜虎蝦炒意粉，雞翼配蜜糖芥末汁同埋熱白桃紅茶。白桃紅茶超香，味道吾太甜，岩哂我口味。意粉同雞翼係即叫即整，上枱時熱辣辣。意粉蒜味好香好濃，高水準。虎蝦啖啖肉，正，份量仲好多tim.雞翼炸到個皮脆卜卜，好熱氣，但我鐘意，係略嫌油左少少。