誠記小籠包拉麵 (已搬遷) 新店位置

去了近期大熱的誠記小籠包拉麵店，一去到就見到長長人龍，原來全部都是排隊外賣八寶冰！630PM時間尚早，我們打算先填飽肚子，故鎖定目標試試小店一直主打的上海菜。店子地方很小，座位不多，幸好等了大約15min就有得入座了！餐牌食物頗為大路，我們主要點了餐廳加了『星星』的菜式，想必是小店的招牌吧，但當中許多道都令人失望。雞絲粉皮($32) 第一啖已覺出事，因為調味下得重手，味道非常咸，而且份量太少，兩三啖就吃光，性價比低。手絲雞拌冷麵($38)對比雞絲粉皮，我覺得這冷麵相對抵食，因為兩者材料差不多，都是雞絲和青瓜絲，但這碗就大碗得多，而且起碼是一碗麵，吃來飽肚得多，不過麵的味道同樣普通，麵條過淋，雞肉沒有調味，芝麻汁也不夠.... 排骨擔擔麵($45)單看排骨的賣相已覺慘不忍睹，咬落亦的確乾身，而且炸粉甚厚，肉的成份不多，擔擔麵同樣質素有待改善，湯底太稀，麵條未能纏上汁醬，最失望的是湯底應有的花生香欠奉，麵條亦太過淋身。不合格！上海粗炒($40) 味道淡而無味，麵條比較油膩。小籠包($26四隻) 皮夠薄，但上枱時小籠包已經痴作一舊，未夾起已經穿了，但勝在小籠包都有肉汁，豬肉餡料調味剛好。韮菜

一班90後主理, 有heart, 因為廣告效應,　好多人排，　佢地見太多人，　就會搞下ｇａｇ＜玩下送獎品，　都幾得意ｇｅ。仙草奶凍: 因為太多人, 好多甜品都做唔切, 佢地話暫時只做到呢款,所以就試下la, 入面有涼粉, 有粉圓, 有白果果d, 可惜唔夠凍, 亦太甜了, 食完很漏。小籠包: 全晚最好食係呢個, 入面有好多湯汁,可惜皮易破, 吃時要小心點啊雞絲粉皮: 比較dry, 只有少量麻量, 味道單調, 雞同粉皮本身又無咩味, 所以很一般...擔擔麵: 唔知點解佢地d麵似烏冬咁粗。。。。大大碗，不過只食到花生醬味，基本上無咩味，唔太得～

本身抱好大期望去 點知失望而回😡我地8點幾去到，大概等左4個字就有位，等既時候店主話不如玩遊戲 贏左免費送1客八寶冰。我地叫完嘢食（叫了小籠包、銀絲卷、仙草奶凍） 搭3落單，搭4到有仙草奶凍，等到搭8左右，店主話部機壞左。唔緊要，咁咪唔要，一直等到搭11個小籠包命未到！但隔離枱遲我地勁多嚟都食完！足足等左7個字！係7個字！最後決定埋單走點知佢地又拎小籠包出嚟，咁迫住比錢，點知一睇單，頂！4粒小籠包$26，6粒$54！😨有無搞錯！佢地話個餐牌已經係好耐之前，6粒價錢係26/4x6 大佬當我唔識計數？😡 而且最後都無送到八寶冰 亦無free任何一樣食物，我唔係至在個廿幾蚊，而係你打開門做生意 講既係口齒！因為我朋友太嬲所以無同佢理論了無下次！無下次！無下次！

一間食店，人多要等好正常，但等左1個鐘都仲未煮完，請問，你煮咩啊？我只係叫左4個小籠包，1碗面，連堂食條隊都清左，都未整好。我問要幾耐？又答唔到。最後，我俾左錢，無退，無野食。

以為食芋圓得一間康x在附近 排大隊兼未必有得食點個原來附近就有間 食落仲要都唔錯誠意推介桂花酒釀丸子, 好味仙草奶凍食落同康x又唔係差好多八寶冰正! 望落已經好吸引雞花小籠包就一般啦 皮厚湯汁也不算多 都可以一試嘅

店員推介招牌仙草奶凍和八寶冰，份量十足，2人都夠食 。有小丸子芋圓 薏米 紅豆 西米 地瓜丸 仙草 ，據店員說食材都是新鮮人手製造，店員態度友善，仙草甜度剛好，八寶冰略甜，但算抵食。

八寶冰.八寶包括芋圓/地瓜圓/小丸子/珍珠/紅豆/涼粉/薏米/啫哩😌 在吃小籠包的小店內 有吃台式糖水的新食點 八寶冰配料好豐富 份量好多 二人分享有餘 這個價錢 超抵食😈 台式冰沫較粗 冰底有煉奶 啖啖都有味道 不會淡味 也不會過甜! 不過芋圓地瓜圓小丸子雪到質感硬實 不得煙韌 味道上是還好的 但口感有待改善

食物一般，價錢偏貴。小籠包皮厚、上海麵軟啤啤，食物超級油膩。座位極其狹窄。職員態度惡劣。致電叫外賣，要50分鐘，再致電查詢，居然cut線。所送的外賣，不是原本想落單的食物。絕對不要再幫襯！

最近係深水埗有間好出名嘅芋圓，由於我本身對芋圓有一種獨特嘅情意結，所以專程去拜訪,買完好開心咁諗住搵到地方坐底食。就咁岩經過誠記，店員好友善咁話佢好有信心佢地嘅芋圓很好食嘅，眼神相當誠懇。見到佢d甜品價錢合理，又可以有個地方落腳,就入左去，打算比較下兩間嘅分別。我地叫左八寶冰入面已經有埋芋圓都係廿幾蚊,黎到之後我地見到都呆左,超級大碗，好抵食,相比之下,呢間嘅芋圓同地瓜圓都好有芋頭同地瓜味,唔知係咪自整架呢！但口感就唔夠另一間煙un 但佢個味好得! 唔知點解上海店有台灣甜品賣,下次我可以試埋上海菜

份量幾足，可惜味道一般。小籠包，皮有小小偏厚，同埋可惜冇俾醋。海蜇拌拉麵，份量超足，調味都ok，但好似食到有沙。煎餃，幾juicy，但只有一款餡。酸辣湯拉麵又係，超大碗，但可能我唔好彩，見人地啲相以為有蝦，點知食到底，一粒都冇。最後，雞絲粉皮，醬、雞、青瓜配合得好好，尤其個醬，好好味。因為誠記仲有好多唔同款，可以試多次，試埋其他嘢。

依排食得幾多小籠包，去到審美有點疲勞的階段，因此現在都是主力食麵。既然這裡標榜拉麵，我當然不能錯過。叫左個擔擔麵。可惜略微有點使人失望。擔擔麵頗有花生香，但嫌不夠濃，湯底的辣度也不是很夠。麵條則比較好，幾爽滑，但擔擔麵主要食湯底，所以就顯得有點失色了。

落雨濕濕 醫局街小店 店小枱更小小籠飽 ~ 傳統嘅 皮夠薄肉餡多汁窩貼 ~ 皮軟冧 菜肉餡少有汁但削 肥膩豬扒粗炒麵 ~ 濃油赤醬 豬扒 包粉太厚 炸咗切件 炒上海粗麵 但份量少 似湯麵嘅量送例湯 住家老火湯水 例湯太細...細碗 (醬油碗)担担麵 ~ 麵大碗 份量係名店2倍 湯好味 濃花生麻醬味 但太傑....膩.... 水呀 水呀午市客飯 ~ 份量少豆豉雞(亦) 有6小件 即炒野味 但.....白飯 1細碗 例湯 加錢 轉 酸辣湯 又唔酸 又唔辣 豆腐多 冬菇木耳豬肚都少食完呢餐 太重味 很膩很頸渴

是日去深水埗揾好野食第一時間諗到上海野🙈春卷（跟餐）好脆😚不會吃到成口油 餃子（跟餐）大大粒但皮不會厚，韭菜豬肉餡，比例平均而且豬肉不是肥肉👍🏼上海小籠包新鮮熱辣出爐，皮厚度岩岩好，不會易穿又唔會成口粉，好多湯汁而且豬肉夠味四川擔擔麵麵條不會過淋不會食到糊仔咁有花生醬味但不會太濃，食完唔會漏口有花生粒，肉碎不多肥而且份量岩岩好 上海粗炒好大碟，麵口感好好，有咬口，味道不太濃菜同肉絲比例不會少不會太油膩，食完碟底唔會仲留低一攤油👍🏼陳皮鴨腿湯飯第一次食😳飯量多，湯清甜夠味鴨腿都唔細隻，肉質好嫩滑同埋一夾就開👍🏼

炒冷飯電視台重播麗梅姐飲食節目,那一集就是介紹上海小籠包,熱氣騰騰的小籠包讓人口水直流,假期翌日的午餐鐵定要吃小籠包。不向連鎖店去考慮,反而想到深水埗這家名不經傳的誠記,以路程來說比佐敦區更有名的小籠包店交通更為方便。店子小小的誠記由裡至外也極街坊,窄窄的靠牆位置剛好讓大肚腩擠入去,人一坐下同一時間阿姐已問:"食咩呀??"時間管理得極好。只是初來步到的我除了小籠包還想吃其他的嘛,讓我先看看字體印得密麻麻的餐牌先吧。小籠包及窩貼的數量以四隻起跳,價錢也是$24,每款先來四個再作打算。點菜後阿姐才給予一對筷子及小碗一個,即叫即製的包點,在其他客人需時較短的香噴噴客飯而言,等候時間是稍稍長一點,在這空檔就像身處十八樓C座的周記茶餐廳一樣,充滿街坊味道的對話不絕於耳。一個金屬蒸籠忽然出現眼前,以四隻包得四四正正,包頂卻有個小小口的小籠包來看,包點師傅製作包點也很用心,不是馬虎了事之輩。 包子皮薄而有彈性,沒有一粒小籠包是漏湯的,湯汁清清大約一口份量,純豬肉餡做得不會太實,所用調味不太重,新鮮蒸起要趁熱吃才最讚,唯一可惜不是用上椰菜葉墊蒸籠,不然阿姐只會收回一個吉的蒸籠。幾絲薑絲相當新鮮,加點黑

先黎個京汁炒田螺，個汁唔錯，我對田螺麻麻，同行既就話唔錯。醉雞例牌，明顯唔係新鮮雞，不過肉唔鞋，酒味唔太濃，都OK。煎苟菜飽，外面脆，咬開有肉汁漏出，味道唔錯。蟹粉小籠飽，呢個的的式式，比坊間小籠飽小一點，味道OK，但肉汁不多。酸辣湯，料足但酸辣味唔夠，再酸再辣的最好。青瓜海折，青瓜切得大幼同薄，無乜口感，海折爽口。生煎北京餃，味道好，餃皮煎到脆，唔錯。水煮餃，同煎又唔同食法，但一樣咁好味。雞絲湯拉麵，湯底味道唔錯，拉麵彈牙。羊肉搶拉麵 ，湯底多一份羊肉騷味，味道唔錯。