誠記小籠包拉麵 (已搬遷) 新店位置

先黎個京汁炒田螺，個汁唔錯，我對田螺麻麻，同行既就話唔錯。醉雞例牌，明顯唔係新鮮雞，不過肉唔鞋，酒味唔太濃，都OK。煎苟菜飽，外面脆，咬開有肉汁漏出，味道唔錯。蟹粉小籠飽，呢個的的式式，比坊間小籠飽小一點，味道OK，但肉汁不多。酸辣湯，料足但酸辣味唔夠，再酸再辣的最好。青瓜海折，青瓜切得大幼同薄，無乜口感，海折爽口。生煎北京餃，味道好，餃皮煎到脆，唔錯。水煮餃，同煎又唔同食法，但一樣咁好味。雞絲湯拉麵，湯底味道唔錯，拉麵彈牙。羊肉搶拉麵 ，湯底多一份羊肉騷味，味道唔錯。