影片
港鐵荃灣站 A1 出口, 步行約3分鐘
繼續閱讀
營業時間
星期一至五
12:00 - 22:00
星期六至日
11:00 - 23:00
以上資料只供參考, 請與餐廳確認詳情
相關文章
平時呢條街都有好多嘢食嘅但係今次第一次上到嚟呢個商場本身以為樓下街店舖嘅嘢食好平呀唔知樓上嘅商場即係呢一個小商場入面多餐廳不特止仲要嘢食都好抵食點左個海南文昌雞飯好正呀真係好友屋企人喺海南島拎返嚟嘅文昌雞嘅味道佢哋仲要有埋一個西洋菜湯而且飲落去一啲味精味都冇係最鮮甜最健康嘅湯呢個海南文昌雞飯先至$45而且佢哋嘅油飯都炒得好香佢哋嘅份量都令我食到好飽同埋佢哋啲雞骨頭唔係好多酸酸甜甜嘅醬汁令到海南雞好惹味
繼續閱讀
好耐冇喺荃灣覓食了~ 呢晚約左朋友去做Gym, 做Gym前要先食野~ 然後畀我見到地皇廣場有個food court,就上去睇下~雖然我知道佢都開左好耐下, 但我第一次來咋呢個food court.. 我諗大概有7-8間餐吧?選擇唔算話好多~ 最後我地揀左食呢間 - 說一不二。呢間野, 佢主打菜好似係雞飯, 但我同朋友都冇叫我見到佢有串串香~ 自助式的~d餸放晒入雪櫃, 客人自己去揀, 揀完畀$~因為近來興串串香吧? 所以佢D肉類都係一串串咁串好晒~菜類($6), 肉類/其他($8)~ 酸辣粉就($25)~佢仲有一盒4件的響鈴($10)~因為我係酸辣粉怪, 所以我叫左酸辣粉($25), 再加生菜($6), 響鈴($10), 同一串丸($8),合共$49。 肉類我就冇叫喇..因為一串真係得好少..我覺得唔抵食~ 丸有3粒, 我覺得都ok~ 如果叫酸辣粉, 加餸菜叫滿3串就送汽水~朋友就係紫菜怪, 所以叫左紫菜五寶丸湯($28)~仲叫多個泰式酸辣鳳爪($28)~ 上:紫菜五寶丸湯($28) + 泰式酸辣鳳爪($28)~下:酸辣粉($25), 再加生菜($6), 響鈴($10), 同一串丸($8)泰式酸辣鳳爪 ($28)凍食的~ 幾開胃~ 味道唔錯~底下有d酸羅白~紫菜五寶丸湯($28)呢個我覺得抵食~ 紫菜湯大大碗~入面有5款丸~ 每款5粒~ 合共10粒~味道都ok~生菜($6), 響鈴($10), 同一串丸($8)佢呢度餸係另上的~ 唔會加埋落個粉度~味道可以, 但佢碟底係豉油來, 如果吸得耐, 會有d咸~酸辣粉 ($25)有幾粒豆卜, 粗薯粉來, 味道可以, 但完全唔夠辣~不過佢冇問我要幾辣, 我去加左一匙辣油, 但都覺得唔夠辣呢個係叫酸辣粉再加3串餸送的~ 有忌廉溝鮮奶~~ 我要左香蕉味~~都幾好飲~
繼續閱讀
心癮起突然想食麻辣火鍋，但得一條友點打姐好彩比我搵到抵食食堂—地皇food court入面有間麻辣燙，仲有重慶酸辣粉，一次過滿足曬姐的兩個慾望！自助形式選麻辣燙啦有個雪櫃擺好曬麻辣串，自己打開慢慢選就得喇，買五送一好抵食，款式都算多，今次我選左雞心、牛柏葉、雜丸腸仔、芽菜、油麥菜，當然仲有幼身既酸辣粉啦可以慢慢選無人催你架，岩曬我呢d眼闊肚窄，有選擇困難既煩人啦。選完後，就拎比姐姐計數，姐姐會問你會唔會全部都要麻辣，定部分要清湯，因本人十分喜歡食辣，但又受辣能力有限，決定串串全部麻辣，而菜類就用清湯，配合埋酸辣粉就剛剛好喇～加$5可以配汽水一罐，食辣飲汽水絕配也！
繼續閱讀
睇到網上好多人介紹同塲的另一間麵店，話d四川粉有幾好食，幾正宗。點知我就响嗰度食咗個全地球最難吃的酸辣粉忍唔住俾嗰個麵店一個劣評。我好苦惱對住嗰碗勁難食/幼薯粉硬過塊地的酸辣粉，食咗幾啖好想喊。好唔想嘥食物但又食唔到。當我好痛苦望住碗垃圾，坐對面的食客竟然响呢間買左碗酸辣粉食得好開心佢仲要平過我幾蚊。我一直聞到對面碗酸辣粉有酸辣味，我忍唔住要立即响呢間買碗嚟食。個樣至少似酸辣粉，都夠辣，有酸味有麻味，再多少少麻會更好，再多少少花生同芫荽就會更更更好。薯粉好少，其實唔算好好食。但呢個安慰的酸辣粉，立即化身成美食。至少佢合格吖。簡直係打救左專誠走去荃灣試酸辣粉的我！
繼續閱讀
話說同老公二人出去荃灣路德圍行下食下野，聽講地皇廣場有一層改左做food court，咁梗係腰去朝聖下，的確有好多食店但我被麻辣燙吸引左，本身我人好中意食麻辣燙所以就二話不說揀左呢間食。我地先叫左碗酸辣粉，再叫左木耳，豆卜，牛栢葉，豬潤，同雞腎。先講個酸辣粉，聞落去好香但食落去又麻麻唔叫酸又唔夠辣。麻辣燙就仲衰，一d都唔麻辣，只係似辣辣油加水烚熟d料咁......雖然見到有香料但唔知點解就冇味，有點失望....
繼續閱讀