影片
港鐵朗屏站 B2 出口, 步行約6分鐘
繼續閱讀
附加資料
逢星期三休息
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
疫情前行開水邊圍村，見到呢間小店，價錢恰宜，可以一試。一試就不知不覺間做咗熟客仔，每個星期會食一次，全因佢哋嘅胡椒豬骨湯🤤。佢哋嘅胡椒豬骨湯，係用新鮮嘅豬骨去熬製，同用雪藏嘅豬骨比較，味道唔同，特別鮮濃，唔會俾胡椒搶咗風頭，互相襯托。冬天飲就好暖胃，夏天飲就去濕，總之一年四季都啱飲😆。為咗飲個湯，我哋通常叫湯麵，麵我就喜歡揀上海麵，有粗有幼，我就鐘意粗身，如果怕太飽就會揀米粉，配埋魯肉碎，非常惹味。想原汁原味飲湯，可以揀撈麵或者食海南雞飯，都會有碗湯配。識食嘅食客會揀鹽燒牛脷😋，仲有豬手🐷，但我哋應該都連續食咗好幾個星期，所以今次揀返鹽燒牛肋條，同埋較少會吃嘅鹽燒五花肉。鹽燒牛脷切得薄，煎得好香，食落好爽口，唔會太淋又唔會太硬，所以深得識食嘅😂食客們歡心😍。屬於鹽燒家族的鹽燒牛肋條和鹽燒五花肉都唔會失禮，牛肋條香口啖啖肉，五花肉唔會油膩，反而會有少少脆口。因為熟客關係先放咗同一碟，平時正常係會分開兩碟。花生粒亦都會擺喺湯麵裡面，只係老闆娘見我哋每次都從湯麵裡夾返晒出嚟（因為我哋想食脆口，唔想俾湯浸淋），所以佢先幫我哋擺埋喺碟餸度。份量充足，好味又冇味精，一個價錢包埋熱飲，加上親切的感覺，我冇藉口唔再嚟😌。實際價錢唔記得咗，大概係咁：大概$60鹽燒牛肋條湯麵、大概$50鹽燒五花肉湯米粉。
繼續閱讀
成日經過呢間餐廳，覺得唔係好起眼，一直都冇諗過幫襯，見openrice又冇咩食評好評咁。但今日唔得閒煮飯，又諗唔到食咩好，屋企人話想食啲有湯嘅野，我就諗…不如試吓呢間啦🫣🫣門面好簡單，招牌都係好簡單。但望入去其實都幾乾淨，冇咩花巧野。其實有少少似韓國某啲餐廳原來仲可以外賣自取，下次打嚟叫定先。😊😊👍🏽叫咗一個炆牛尾烏冬、一個咖喱牛腩飯一杯凍奶茶、一杯凍檸茶總共$106返到屋企一打開哇 好足料呀🥹🥹好多牛腩 牛斤真係炆得好香配菜同肉都好足飯又好味😋啲野飲冇叫少糖都唔會太甜有茶香🙌🏻🙌🏻🙌🏻🌸屋企人話炆牛尾都勁好食又係讚不絕口！太開心發現到一間咁好食嘅餐廳🌸🌸牛尾原來影到震咗🥲🤣
繼續閱讀
聽朋友介紹話呢度嘅海南雞好好食，今日試咗，真係非常好食， 啲雞好有味道肉質又滑， 我食過好多間海南雞飯，覺得呢間係最好味，以後會試埋其他食物， 例如豬手，牛舌。如果佢有提供電話落單,同外送就更好了。
繼續閱讀