諸勝堂

營業中

休息中

經過上環，見到呢間餐廳帶點日系風格，小妹就比佢吸引左🤩 店舖係左右兩邊都設有座位，感覺坐得少少迫，但可以望住牆身掛咗唔同既水彩貓畫，感覺又非常治癒😺😝自家製叉燒鮮忌廉豬骨湯意粉🐷🍝
呢個午餐有意粉🍝4.3牛奶炒日本滑蛋🥚及牛油多士🍞、一杯熱飲☕️ 非常豐富🤩 瘦叉燒唔韌又入哂意粉味道，意粉軟硬適中，配埋香濃忌廉豬骨湯底，令意粉層次更加昇華😊 牛油多士微微烘過 牛油剛好且夠香脆，外表略烘頗吸引🍞 4.3牛奶炒日本滑蛋夠蛋味，蛋身嫩滑細緻，食到少少濃郁牛乳香🫣叉燒蝦仁雙併日本滑蛋飯🍤🍚蝦仁爽口彈牙，食落口感覺好滑，仲食到蝦味😎而叉燒係半肥瘦，每一嚿都好入味😍 配上靚靚滑蛋，令呢個餐加上唔少分數😌 蛋香味濃且滑，白飯配埋甜豉油，簡直係絕配🥳熱檸檬茶🍋茶底濃郁😋配上新鮮檸檬🍋絕對係岩我心水👍🏻熱奶茶☕️香滑可口，有茶水檔既水準😆餐廳地方唔算好大，但比人感覺乾淨企理，重點係上菜速度好快，份量又啱啱好，用心製作🤤職員態度好，整體好滿意😝

星期六喺屋企附近揀咗呢一間成日都幾多人去嘅餐廳食個午餐，餐牌選擇都幾多，同大嚿揀咗一個豬骨湯忌廉叉燒意粉同埋海鮮XO醬肉眼豬扒飯一齊share。.餐廳環境幾舒服，有啲似日本嘅小店，服務態度都幾好，見到好多街坊客幫襯。.忌廉豬骨湯濃郁得來唔會好膩，叉燒肥瘦適中，幾軟嫩，意粉唔會太軟身，係個人好中意嘅軟硬度，炒蛋亦夠滑溜。.之所以叫海鮮XO醬肉眼豬扒飯，係因為見到好多人叫，確實跟住人哋揀係冇錯嘅，肉眼豬扒肉質好鬆軟，自家製xo醬都幾惹味，係一種好家常健康嘅好食，會encore。.諸勝堂 上環禧利街15號地舖

在上環跟住朋友來到諸勝堂吃午餐。這間店員好熱情，對客人都是有說有笑，很有禮貌，做任何事情都好爽快，上菜上的快。這個價格在上環實屬難得!所以這裡的客人都是絡繹不絕，有時候要排隊。叉燒蝦仁雙併日本滑蛋飯米飯上邊鋪一層柔滑的日本滑蛋，仲有大大件的叉燒和鮮嫩的蝦仁，將自家製甜豉油淋在飯上，令米飯更加香和美味。自家製叉燒鮮忌廉豬骨湯意粉濃郁的豬骨湯帶有微微的鮮忌廉味，彈牙的意粉吸飽了湯汁的美味。配上牛奶炒滑蛋和鮮牛油多士，價錢平又吃得好！

近排食過一間喺上環嘅高質茶記，果日咁啱11:30a.m.去到，店員比我哋叫早餐/午餐。港式早餐有驚喜，竟然仲有愛爾蘭咖啡/薑汁奶茶。侍應有禮貌，牆壁上面掛有好多貓貓畫作，邊食邊睇好治癒。🐷日本菠菜蟹柳豚肉腸忌廉湯意粉+4.3牛奶炒日本滑蛋+鮮牛油多士+熱薑汁奶茶少有港式早餐有菜食，忌廉湯底值得一讚。加$4可以配薑汁奶茶，味道不俗。🐷叉燒蝦仁雙拼日本滑蛋飯+自家製甜豉油+熱愛爾蘭咖啡鍾意佢自家製甜豉油，蛋炒得好滑，份量亦多。如果你都鍾意飲咖啡，誠意推薦愛爾蘭咖啡，喺茶記飲到咁高質嘅咖啡真係第一次！

同朋友一齊喺上環，要食個午餐，喺橫街行咗幾分鐘，見到呢間，好多人客但係又唔使等位，咁就決定入去試吓🤣叫咗 $68「自家製海鮮XO醬肉眼豬扒飯🐷🥩配日本柚子醋沙律菜🥗」同埋 $56「自家製叉燒鮮忌廉豬骨湯意粉 配4.3牛奶炒日本滑蛋＋鮮牛油多士」，餐牌仲寫住「所有套餐配 絲襪奶茶 或 忌廉即磨咖啡，本店所有食物即叫即製，請耐心等候」，咁我哋一於耐心等候🤣，不過食物都好快就嚟👍「4.3牛奶炒日本滑蛋＋鮮牛油多士」：幾好食😋「自家製叉燒鮮忌廉豬骨湯意粉」：湯意粉 係有香港特色嘅茶餐廳食物，又係幾好味😋，叉燒幾軟熟👍「自家製海鮮XO醬肉眼豬扒飯🐷🥩配日本柚子醋沙律菜🥗」：豬扒🐷🥩煎得好香口😋，沙律菜亦都新鮮爽脆🤩要咗「熱奶茶☕️」同埋「薑汁熱奶茶☕️（+$4）：兩杯都夠熱夠滑，「薑汁熱奶茶☕️」仲好夠薑味👍

估唔到經過上環， 一個好簡單嘅叉燒滑蛋蝦仁飯 咁好食， 我都係之前聽人講過咁啱去試下， 佢啲叉燒係好食， 啲肉又淋又滑但係又唔會好肥 , 啲蛋又香又滑， 原來係日本蛋唔怪得, 成本都貴, 啲蝦確實爽口彈牙( 有三大隻)， 加埋佢哋特製 甜豉油, 爭啲唔記得講佢啲米 粒粒分明, 堅得, $66 包熱飲大大碟， 都算係咁 .我同朋友一齊,佢唔食蝦， 所以佢齋叫叉燒滑蛋飯 加凍柚子蜜， 我就配咗杯薑汁奶茶， 奶茶嘅香滑加埋薑汁味原來幾好飲， 唔錯唔錯！ 呢度 啲侍應 禮貌細心 ，好過x牛， 我覺得啲蛋仲香滑啲添， 呢間真係可以再試!

上環呢間茶記星期六/日就會一早坐滿人個個嚟食佢嘅早餐，一於去睇吓佢咩料🥸.📍自家製蟹子醬三文治（$42）除咗蛋🍳做鐵膽之外，揀咗叉燒🐽做配料3層厚蛋夾住叉燒賣相幾吸引🥪個蛋唔係走嫩滑路線，不過煎到好香💛加埋海量蟹籽醬都唔錯，但未算好驚艷.📍招牌沙嗲牛肉鮮豬骨湯麵（$44）沙嗲味唔夠香，湯底豬骨味會突出啲🐷牛肉唔夠有咬口，整體不過不失反而個4.3牛奶炒日本滑蛋好嫩滑🐣多士加$5轉做大脆豬，麵包鬆脆加上甜甜地嘅煉奶，好食👅！.總結係三文治幾特別，滑蛋同脆豬都唔錯係個麵普通啲啫😚不過三文治晏晝就冇得賣，唔怪得知個個都趕係早餐時間嚟食🌞

上環禧利街一向都有好多唔同種類嘅食店，一到午市時間就人山人海，今日行過見到呢間嘅招牌有隻好得意嘅豬仔，覺得好搶眼 ，所以忍唔住走入去試下。餐廳裡面有啲壁畫做裝飾，地方都算乾淨，座位夠多。我見到午餐有多款選擇，我就order⭐叉燒蝦仁雙拼日本滑蛋飯配自家製甜豉油+一杯熟檸水。叉燒同蝦仁都大大舊，日本炒蛋又夠晒滑，配合埋自家製甜豉油一齊食，好食而且份量十足。最好俘價錢合理，$66仲包埋一杯飲品，喺上環區嚟講都算唔錯！

午餐好多選擇，價錢合理又大份，男士食一定夠飽🤤 超滑炒日本蛋令人一試難忘🥚自家製叉燒鮮忌廉豬骨湯意粉 $56(配4.3牛奶炒日本滑蛋＋鮮牛油多士): 由細到大鍾意將炒蛋放上多士，用4.3牛奶炒日本滑蛋 香滑嫩滑🥚 叉燒肥瘦均勻👍🏼 鮮忌廉豬骨湯濃郁creamy~ 炒滑蛋完美🍳 蛋味濃😍叉燒蝦仁雙併日本滑蛋飯 $66(配自家製甜豉油): 想食飯就推介依款俾大家，可以食叉燒同蝦仁，兩款都夾 新鮮蝦仁夠爽😚 甜豉油送蛋同飯好正😋

行過上環，去咗間食豬扒嘅諸勝堂，標榜用日本雞蛋，去到邊度見到叉燒滑蛋都好想食，所以最後都係叫咗一個自家製叉燒日本滑蛋飯，另外出名食豬，所以叫咗招牌濃厚鮮茄汁配豬肉眼扒飯，炒滑蛋係有啲生生地嘅蛋白嘅炒滑蛋，唔係個個人都接受都鍾意嗰隻炒滑蛋，但係我本人係好like嘅，加埋啲醬汁，有滑蛋嘅撈飯係正嘅，自家製嘅叉燒，雖然食唔出有咩自家製咁特別，但係半肥瘦同埋味道都唔錯，之後嘅招牌濃厚鮮茄汁，感覺應該係搞爛咗嘅蕃茄汁，所以係有蕃茄肉嘅汁，蕃茄味濃，但係唔算好甜，個豬肉眼扒算係厚切，亦都好嫩滑，同普通豬扒唔同，比較唔理想嘅，係個沙律菜放埋喺同一碟到，味道係有少少影響到，另外一個驚喜係杯普通凍咖啡係我鍾意嗰種凍咖啡，甜味突出但有咖啡味，喺上環食晏晝，價錢真係算唔錯，啲嘢食又幾好食，唔錯嘅經驗。

我今日去左上環辦事，順道去位於上環禧利街15號舖的諸勝堂食早餐。我點左招牌沙嗲牛肉鮮豬骨湯意粉$44，鮮牛油多士配 4.3牛奶炒日本滑蛋，轉奶油豬仔包＋$5，好友點左左招牌沙嗲牛肉鮮豬骨湯米粉$44，鮮牛油多士配 4.3牛奶炒日本滑蛋，餐飲是熱奶茶和熱即磨咖啡。另點自家製蟹子醬三文治（义燒＋雞蛋＋蟹子醬＋生菜）$42。沙嗲牛肉肉質嫩滑，豬骨湯味道濃郁，米粉用幼身的米粉，十分軟滑好食；奶油豬仔包配香滑炒蛋是我的至愛；三文治的食材新鮮好味；熱辣辣的即磨咖啡，十分好味！

行咗成日山，第二朝再四點起身返工，理應放工就衝返屋企昏睡，但出乎意料之外咁早獲准放工，唔去遠少少/要排長龍嘅餐廳食好嘢，又覺得對唔住自己條脷😋一心諗住食同事推介嘅科記豬扒飯，點知新春暫停營業，到21/2先開返🥲都已經專登嚟到上環，冇理由空肚而回，索性求其亂行，睇吓有冇其他豬扒飯補數😆路上唔少食肆都冇開門，見到諸勝堂門口有大批人排隊，招牌有隻豬仔，以為係食日式豬扒，有理冇理照拎咗號碼牌排隊先，結果原來係主打滑蛋同叉燒😅好彩餐牌上又真係有中式豬扒飯✌🏻xo醬相當惹味，豬扒亦夠軟腍，可惜咬開豬扒就見到粉紅色，不禁令一心想食真正軟腍厚豬扒嘅我，有少少失望😞不過整體嚟講都幾好味，而且配上沙律菜，幾清新🥗

中上環早餐系列諸聖堂早餐午餐小店4.3牛奶炒日本滑蛋一個醒晨的開始～入口香柔嫩滑，蛋香醞釀濃郁，回味無窮♾️鍾意炒蛋一定唔可以錯過。日本菠菜蟹柳豚肉腸忌廉湯意粉擺盤賣相一啲都唔Hea，早餐嚟講算有驚喜，以日式造法fusion港式早餐算係幾特別味道不過不失，配料足夠份量亦OK，只是略嫌忌廉湯底味道不夠濃。餐廳環境比較的骰，但座位尚算寬闊，留意返，繁忙時間用餐時間40分鐘。同埋佢哋只做早餐午餐，開早上七點至晚上六點。經過嘅可以去試吓～

睇住佢開張幫襯，初頭一兩年疫情嘅時候其實唔錯，但係之後質素越嚟越差，不論係嘢食同埋招呼，其實都每況愈下，啲餐具又污糟，諗住小店幫襯吓。其實佢初初啲叉燒炒飯係好食嘅，但係唔知係咪轉做老細，呢一兩年簡直係慘不忍睹食咗幾次早餐，其實都係夾硬食所有個侍應，不論男女老友，全部都黑口黑面。叫佢攞杯熱水嚟，都要問四次仲要係掉低俾我。今日一家4口再嚟幫襯，帶埋小朋友五歲，坐低叫咗三個餐佢話唔得，一定要叫四個餐。咁OK嘅，我走啦，應該唔會再返嚟

連續兩日假期 走轉澳門 係上環附近食完就搭船咁就求其搵左間茶餐廳 見裏面都幾多人仲話要人齊先入得 咁入到去 嘩 都坐得幾迫我地兩個人連並排嘅位都無 要L字型咁坐點完餐 啲野食黎到都要自己就位放就算食完 都無幫我收走 等食客可以舒服啲 叉燒忌廉雞湯意粉配 炒蛋多士 $56忌廉雞湯係唔差嘅 但叉燒肉質好鞋口 脂肪又多多士 根本就無烘過 燶到唔燶下炒多算正 無加太多蛋水薑汁奶茶 淡到呢 仲要茶多過奶 飲落澀口嘅 飲左兩啖都放埋一邊奶油豬無試 無得評💛 仲要只收現金