諾樂雲川小鍋米線

營業中

休息中

本身諗住叫外賣，之後見到有個四眼女夥計好得閒咁同廚房傾緊偈，就走埋去搵佢落單。點知佢叫我等一陣，就走咗去出菜兼幫人落單，最後先返嚟搵我。落單期間喺度黑口黑面，好似唔憂做咁。(唔知係咪老闆娘嚟)返到屋企，明明嗌咗小辣，點知好似變咗中辣咁，一路食一路要飲水。下次都係搵返另一個姨姨落單算，或者電話叫外賣算，好過落下單都要俾人黑面米線整體黎講係OK抵食，只係某啲員工態度差有啲趕客P.S 原來屋企人之前叫外賣都遇到呢個黑面神

上openrice查找屋企附近有邊間米線舖未試，就揾到一於去呢處啦。熱拌米線，小麻辣，螺旋藻，豬大腸，辣腩肉，配杯凍咖啡少甜少奶。米線份量足夠，熱熱的而且比較乾身(碗底不會有太多水)，質地唔會好腍或好硬。配料有肉碎、蔥、酸菜，值得一讚係肉碎，有醃製過，而且係9分瘦1分肥，份量都不少呢(好食到唔記得影相)。螺旋藻一塊塊易入口不韌，反而豬大腸和辣腩肉就切得好薄和幼細，無口感，較為失色。我強烈建議唔好飲咖啡，一點都不似係咖啡，不能形容，可以講係極難飲。

起左身 之後覺得有啲肚餓 就求其係附近揾間野 填下肚 其實之前都食過兩次 只不過都係食米線咁解 😂今次叫左碗淨水餃 小辣($24)湯底好濃郁 有勁多酸菜同豬肉碎 個水餃餡係韮菜食完之後都好飽

澤豐花園雖然有一個三層既商場，但基本上係冇咩商戶，地下個層見到有間米線就局住幫襯啦。見到餐牌除咗米線仲有飯餐，只係$25，心唸咁平就試下啦。叫咗個滷水蛋肉操飯，賣相都唔差，啱哂輕食既我，唔太大份糧，叫埋杯凍檸茶加$2，埋單$27，實在太抵啦。

如果你去過雲南，食過雲南米線，或者沒去過沒食過正宗的雲南米線，今天在香港，在這裡你可以食到正宗的小鍋煮食，地道的雲南酸菜，够味的高湯加上各種配料組合成正宗地道的雲南小鍋米線！够雲南味道！

本身好中意食雲南米線，但係食過好多間都覺得唔係好夠濃、唔係好夠香。今次係偶然發現呢間餐廳，個位喺一間屋苑商場入面，裝修比較簡單。算得上係隱世小店佢個小鍋米線既湯底係我食過咁多隻入面屬於好濃好足料嗰隻 好中意佢地既肉碎，好香好好味我自己叫左豬紅豬頸肉，最抵讚係豬頸肉，鹵水味夠濃我個frd就嗌左腩肉米線 好香既麻油味 總而言之 d肉都唔錯 好夠味又額外叫左個雲南白肉 酸酸甜甜 不過太多食唔哂