譚仔三哥米線 (又一城)

營業中

休息中

有一排無食譚仔三哥米線，就去朝聖下先大約1:00去到，朋友叫左一碗墨丸肉醬清湯米線，同埋一碗豬潤米線三小辣。一向鍾意食三哥嘅墨丸，覺得同其他嘅墨丸有啲唔同，係特別好食嘅而肉醬都係我杯茶，因為入味之餘又唔會好似其他店舖咁多油我自己果碗豬潤今次有啲啲失準，鞋左少少，有時好彩會喺三哥食到好粉好滑嘅豬潤架不過唔緊要，辣米線搭夠，我鍾意三哥個麻辣湯底3小辣已夠麻夠辣，仲要一啲都唔油先係重點再加埋茶底清清地好味嘅檸檬茶，滿足

麻辣米線🍜10小辣🤭餸：魚腐+豬腩肉片😋$5010小辣，咸味比較重，感覺少少辣，下次可以叫三小辣👍配菜有芽菜，腐竹同韭菜份量都多。魚腐吸左麻辣湯超正👍豬腩肉片切得很薄，肥肉均勻脂肪位置很爽口👍

-今晚無人陪我食😑， 就食碗好耐唔食嘅譚仔三哥米線喇😏。又一城 Food Count 超多人！！！！ 搵個位都唔易😣。 望完menu 後， 就叫呢幾樣喇。魚片頭🐟米線［麻辣小辣］（$35）揀食嘅小朋友， 要走哂韭菜、芽菜。耐無食， 依然keep 住好味道‼️湖南土匪雞翼🐔［3隻］（$24）呢個簡直必食之選，雞翼未食，就聞到好香嘅孜然粉來烤出味道，上面仲灑上黑芝麻。香到呢😋😋凍奶茶🥤（$15）成日覺得呢杯係維他奶麥精味咁， 多過奶茶嘅味道。就係咁， 飲品方面，10次有9次都要叫。=====================譚仔三哥米線地址: 九龍塘達之路80號又一城2樓L2-20號舖

九龍塘都冇咩平價食店既選擇所以都係食番三哥同朋友都係叫左三酸湯底佢既湯底係偏酸腐竹同芽菜既份量都好充足三哥同譚仔係叫小食方面係有D唔同三哥有出一人小食系列就可以用平D既價錢加配番小食皮蛋同木耳都夠晒重口味

今天到又一城買東西。 行到很累， 上了樓上的food court， 那裏有幾間快餐店， 因為今天不是星期六日， 人流不太迫， 還有空位，如果假日 經常要等位， 等到燥底 今日挑選咗譚仔三哥，因為口淡淡想食辣去刺激味蕾，三哥的 麻辣皮蛋 很好吃， 佢嘅醬汁非常好味今次叫了與父和貢丸米線 凍鴛鴦， 50元， 我特愛他的魚腐軟軟的很好味。 又一城沒有做推廣， 因為旺角現在在做推廣兩餸加一杯飲品送多一個餸麻辣叫了小辣以前叫五小辣但嫌他不夠一入口 味蕾一陣麻辣，爽極米線極滑坐在 座位上看樓下的人在溜冰 也算一大享受

2人行第一次係又一城food court食譚仔三哥～淨係搵位都搵咗15分鐘～之後排隊買～仲要排隊攞嘢食～30分鐘最少叫咗兩碗米線、一杯嘢飲、土匪雞翼～魚腐酸菜湯米線～酸菜湯米線有：芽菜、韭菜、酸菜～湯底唔太酸～一D都唔辣～有D似清湯～魚腐淋到一D魚味都冇～似食緊放咗好耐嘅炸豆腐皮墨魚丸酸菜湯米線～墨魚丸彈牙土匪雞翼個人唔太喜歡～雖然同行人迫食咗好多次～都係覺得好大陣雞肉腥味～加上上面嘅黑芝麻同味粉唔太夾～三隻$24有啲搵笨奶茶冇特別～一般口味勝在餐加$9抵到爛

又一城早一、兩年開始進駐左譚仔係food court , 平時去食開譚仔啦都係喺譚仔間鋪頭嘅，而家轉左喺food court食，雖然就腳左好多不過都幾唔慣，因為無論係由order，去到用嘅餐具其實都好唔同。譬如係平時去譚仔嘅鋪頭呢係會有一個好大嘅湯羹俾你去食面、飲啲湯底，但係而家喺又一城food court就會係統一用佢個餐具package，即係得一個好細條嘅膠spoon嘅啫。雖然無論係平日定週末呢人流都一樣好多，通常都要等一陣，但係米線水準同其他分店差唔多，三哥酸辣嘅味道回味，都可以係lunch之選

食媽送咗食寶番學後去搵早餐食，見到譚仔三哥就想食佢嘅麻辣米線，點之原來有做早餐套餐 -叫做 / 活力早餐 /喎。。梗喺諗都唔諗就決定食啦！一碗米線配一個餸 ＄25有1杯凍／熱飲品，再加多＄6 就會有一份（牛油方包+ 火腿 + 炒蛋）

以前喺銅鑼灣返工 我差唔多餐餐Lunch都係譚仔果陣食咁多餐都唔會覺得悶 呢兩個月都冇食過突然好想食 就嚟到又一城既food court食啦7:00pm到完全唔洗排隊 好surprise我叫左個過橋米線同埋蒜泥白肉同friend share對比起一人一碗 過橋米線真係好抵又多配料落左單五分鐘左右就做好啦今日揀左胡辣湯底 好香啊 係久違既味道譚仔既米線永遠都唔會令我失望 因為一定唔會煮得太淋 軟硬到剛剛好三哥先有個胡辣湯底好有胡椒香味 唔算好辣 唔太食得辣既人都應該Handle倒配料方面我平時最鍾意既酸菜同埋炸醬有成碟撈炸醬攞啖麵度食真係一大享受另外肉類都幾多 牛肉雞肉我各自都食左兩三片$55兩個人share一人二十幾蚊真係好抵兩個女仔share嚟食一定冇問題蒜泥白肉雖然好肥 但係味道真係冇得輸強勁既蒜味配上半肥瘦既肉 食落帶微脆 好想一舊接一舊咁食以前我好鍾意用隻更放好一啖麵再用湯填滿隻更但之前睇新聞話譚仔湯底既鈉含量超標所以我今次都冇咩飲d湯但係食完之後一隻都好口渴 飲幾多水都冇用以前都冇咁既情況 唔通譚仔又落重左味精😨

d人成日讚譚仔個湯底好正 ，但係因為我自己鍾意食辣，但係唔鍾意食麻辣， 所以就好少食啦 今日朋友話好想食譚仔，見到又一城又有喎 ，於是就陪佢食啦我叫咗一個牛肉米線，10小辣， 由於我好耐冇食嘅關係，其實已經唔係好記得個湯底係咩味，但今次食返， 又感覺唔錯wo十小辣唔會話太辣 ，但都幾麻！食完之後都feel到個咀有啲灼熱嘅感覺， 而啲牛肉 都幾嫩口， 不錯我朋友就叫咗一個過橋米線？？我都唔記得咗叫咩名呀！總之有好多餸！！ 但都係五十幾蚊，又幾抵喎仲好大碗

不知道譚仔也有早餐的。今早跟Honey在又一城看電影，到了Food Court，譚仔這麼早就開店？原來這間譚仔有早餐供應的。早餐很｢抵食｣：$27已有大大碗米線和飲品(凍飲不必加錢)$6可加火腿炒蛋麵包$1轉多士好味又抵食！日後在又一城看早場，不必可想吃早餐的地點了！

今日因為行程變動原故，要喺地鐵沿線食個快餐，簡咗最近嘅九龍塘站。嚟到又一城呢度，要快嘅梗喺Food Court啦！星期六中午12點正Food Court呢度已經坐滿哂人，用咗5分鐘先可以喺度搵到個雙人位。間間快餐店都排隊排長龍，見到最旁邊嘅譚仔出貨出得幾快，所以揀咗譚仔。本來都喺打算平平無奇食一餐，估唔到呢間譚仔竟然令我上到嚟Open Rice呢度打咁多字。排隊嘅時候都算多人，有十幾二十個，但喺譚仔有2個人做收銀，所以好快就買到。叫咗一個過橋米線糊辣加炸醬加底走九，盛惠75$。雖然比店鋪式譚仔貴，但喺點都算抵食。收銀收得太快但始終出貨需時，等左10分鐘先有嘢食。仲要自助形式，無人Serve嘅譚仔唔喺好慣。以為喺普通一個譚仔所以無影到相。可能喺太多人趕住出貨，所以個米線煮得啱啱好。食過其他分店多數煮得太耐太糊，食少少米線個肚就會脹住、好飽。炸醬亦造得好好，仲食到一粒粒肉碎而唔喺煮得太耐。但喺個腐竹又夠霖，只可以話唔係巧合，呢間譚仔真係做得好好。美中不足喺佢無論堂食定外賣都喺俾外賣餐具，個匙太細唔太好用。以後食譚仔都會嚟呢間，希望保持到水準。

今日夜晚去到又一城食嘢 咁去到FOOR COURT 去揀咗間譚仔三哥食因為都有一段時間冇食過譚仔 同埋加上又突然想食下腩肉所以就到叫咗個腩肉墨丸炸醬走韮菜清湯可能好多人都覺得食清湯好奇怪 去到譚仔都唔食辣 但我鐘意食清湯 所以點咗清湯由於呢到係食廣場既關係 佢可以不停落單落單所以係堆積如山啲單 落單既速度會快過出碗麵既速度一定所以比平時係鋪入面食既話會等得仲耐咗都幾耐下其實 但見隔離個間仲誇張 等得仲耐咁個麵黎到 其實同鋪入面食係冇乜太大分別個味都係咁 冇話變得唔好味咗只係筷子係木筷子 匙羹係膠匙羹黎清湯既腩肉比較寡啲清啲 冇乜味 味道淡但有炸醬呢啲重口味既餸菜又可以中和返加上墨丸本身有佢陣甜味 我都真係幾鐘意食墨丸麵就冇乜太大分別 係FOOD COURT要自己搵位 同埋要自助拎返啲麵返自己個位比較麻煩鋪入面就會有人服侍埋你

今日早餐和午餐都是歸類為一餐，我遲起床，已經過晒食早餐時間啊譚仔三哥出名大件夾抵食好多餸: 牛肉片，豬肉片，豬皮，豆卜，雞肉，芽菜，牛丸，墨魚丸，豬肝，西生菜，火腿片，腐皮等等，集中於一大碗，超滿足土匪雞翅必選，有三款，但今次選香草味配上酸菜醒胃，還有辣肉碎

一直愛佢個過橋清湯,夠哂多餸 樣樣有,由佢$4x 食到而家$5x,同家姐 些牙1碗,通常我地會走牛肉,豬肉同豬潤,但侍應遮遮好好耐性,唔會聽得唔耐煩,另外加碟土匪雞翼,叫多兩杯食品就Perfect~今日得自己嚮又一城,行行吓見到food court入面有譚仔三哥,好想食喲~ 所以我叫左1碗雞肉腩肉酸辣小米線,配熱檸檬茶, 搵個位坐定定食食~坊間成日有啲唔純正廣東話叫法,我成日會有衝動想咁叫,又驚侍應遮遮會掌摑我(哈)講番正題,其實譚仔三哥啲米線真係幾好味,唔會浸到脹哂,霉霉爛爛咁,雞肉唔鞋口; 腩肉既皮有𡁻頭肉唔會靭,而酸辣湯底又好醒胃! 夏天都好啱食~尼樣係友聚同得自己既時候都可以食!