譚仔三哥米線 (西洋菜南街)

營業中

休息中

朋友當中有超愛譚仔之人，所以我地一般都係一個禮拜會去食一次。其實唔多鍾意佢d坐位好鬼迫，但好食冇計啦~由於佢d米線真係太大碗，我地呢d一般女仔真係食唔哂，所以最近開始都係2個人食一個米線或者3個人食兩碗咁。可以叫多d餸丫嘛~不過每次無論同邊個去食都好，都一定會叫雞肉同腐皮，因為真係好好味^^又多料。仲有譚仔d酸菜都好好食，不過有時會太大塊....如果可以切成細細塊咁就好最喇。仲有佢d土匪雞翼真係好好食，食得出有好多唔嘅香料起裡面，不過15蚊先得3隻就略為貴左d。

今晚同朋友去旺角譚仔食,但去到已經11:05pm~~入到去坐低唔夠30秒就行埋利問我地食咩!!(當時我想噤快落單睇都未睇)仲講我地收11:30pm要就快d叫,我問佢地係只last orde??(指員工收工)不斷講我地收11:30pm!!佢地意思唔好食,語氣同面色惡劣~~仲講如果要食遲過11:30pm你一邊食我地會一邊收檔~~好似左住佢地收工,,,,,比錢食仲要受人氣睇面色

從前光顧譚仔三哥旺角的分店，感覺是︰清湯底米線相當唔錯，服務水平則有待改善前幾晚到譚仔吃晚飯，感覺到其進步食物質素方面，大概如舊、保持水準吧清湯底米線的湯底依舊是清甜可口，米線也是爽口彈牙用了大約40種香料製作的土匪雞翼，也煎得香脆誘人，教人垂涎三尺此外，店內侍應的服務水平是明確的提高了，相信管理層給予這班新移民一些訓練吧？從前落單慢吞吞、常漏單，或是態度良好但待客技巧不足；上述的情況已有所改善了！

呢間嘢開咗咁耐, 男朋友都仲未試過, 今日又落大雨, 所以近近地嚟咗呢度食男朋友第一次食, 穏穏陣陣要咗個四小辣 + 豬潤 + 牛肉而我依然係食番四小辣 + 腩肉 + 雞肉, 另外仲加咗個細o既麻辣雞翼男朋友好鐘意個湯底, 因為夠濃同麻我諗我知點解譚仔普遍上菜都較慢, 因為部份應該係逐碗煮, 而唔係就咁夾啲料入去就上枱點解咁講呢? 因為男朋友要咗豬潤, 而佢碗米線個湯係有煮豬潤獨有的泡泡 (即係豬潤啲血水)而我嗰碗個湯係較清的, 所以我諗唔係一早煮好晒, 而係有order先煮, 所以上枱時係好熱辣辣的豬潤同牛肉都好味, 但雞肉好似碎咗啲, 腩肉夠肥, 但唔夠爽, 不過點都好過食丸, 丸到到都有得食嘛到食雞翼先發現自己笨咗, 因為個湯已經係麻辣, 到食雞翼嗰陣個咀都已經麻麻地, 所以都唔係好食都雞翼啲麻味不過個雞翼應該都係新鮮整的, 因為碗米線都差唔多食咗一半先上雞翼, 雞翼煎得都ok乾身下次再食要試酸辣湯底

午飯時間好多人排隊, 但都好快有位.兩碗酸辣米線, 一碗點了 牛丸, 芽菜, 豆卜. 另一碗 墨丸, 芽菜, 豆卜. 凍檸茶, 凍咖啡.牛丸同墨丸都爽口. 芽菜好足份量. 豆卜一般. 最好味係個湯底, 酸辣味適中, 又吾會油. 下次會再來食, 試其他野食.

旺角做完野，見有時間就黎呢度食米線啦。只不過下午四點幾，所以間舖都唔算太多人。坐得都幾舒服既，比起lunch好坐好多。麻辣米線唔知點解，食黎食去都只係想食雞肉同牛肉既米線。湯底當然係特辣啦。個湯底都係咁正，飲完幾啖個口即刻痹哂。果然係噴火麻辣米線。配料都幾新鮮，份量又多。凍奶茶茶底好靚，佢地又唔會落得太多奶。所以杯奶茶好飲同好好味。點可能無下次呢，雖然價錢係加緊。不過我暫時未搵到比佢好食既米線。

今次坐上層....感覺上鬆動d....但5/6人迫埋o係一張枱....拎起筷子都會撞倒人.....都幾麻煩每次都係叫炸醬雞肉米線(3小辣)+凍檸茶起初3小辣既威力未發揮..都好似無咩野......食到尾多數都有d想噴火既感覺炸醬雞肉都無咩話好特別....水準亦穩定.......米線既份量....明顯地每間鋪都唔同.......有時大碗到食唔曬........有時可以成碗食曬.....凍檸茶超重茶味...not my cup of tea...

小弟今日陪個女朋友行行下太子, 見到頗有名氣既譚仔米綠, 好奇心下就入去試下一坐低過左好耐都冇人過黎 咁就叫下阿姐啦 點知佢好冇氣咁話 得啦得啦知啦!!!!! 真係好離譜囉 家下好似要客人求你咁.......之後都算啦 叫左碗魚旦 腐皮米線 一黎見到D色好淡 就知唔妥 點知食落真係好淡淡淡淡!!!又唔酸又唔辣 可能我食開對面間黃底藍字既雲南米線啦! 果間D野濃咪好多 又有豬骨香 呢間好似得D胡椒粉味 食落勁似D人工辣椒 唔知係咪咁 一路食就一路肚痛.......=________________=雖然都知試下冇壞 但係真係唔值囉.............每人都要三十幾蚊堆單(原來佢酸菜芽菜要額外加$$$$$嫁 !!!!!!!!!!!!!!!!!!!!!!!!!!!!!!!!!!!!!!!)絕對冇下次啦!!!!!!!!!!!!!!!!!!!!!!

成日聽人介紹譚仔好味～每次行過都見到成村人等排隊～今日難得等一陣就入到～所以就第一次食喇！我本身唔係太鐘意酸辣～麻辣又太辣～所以叫左清湯～但真係無味咖！好似自己o係屋企白烚米線咁ge味～之後自己落少少好紅的辣椒油～真唔係誇張～第一次食到辣椒油係無味咖～我不停倒四五次～都係無咩味～一ｄ辣都無＝。＝（可能特登焗ｄ客加一蚊轉辣＝。＝＂）我點左腩肉同貢丸～腩肉勁勁薄～得四分一係肉～好淡～貢丸三粒～比普遍食肆的貢丸仲要細～味道好一般～之後同妹妹交換左少少豬潤～好＂益＂～唔好食！估唔到平日咁多人捧場的食肆～得個名咖咋～！入面仲差過其他米線店！職員大多為嬸嬸～態度又唔好～仲有。。。配料勁少～二十樣都唔夠～入面包含幾款菜～丸都係得三款～想食惹味ｄ都無～！可能佢出名食辣呱～但除左呢個因素～其他都唔值得你排隊入去食！

譚仔開左甘耐 , 我真係一次都冇試過 , 因為次次經過每一區ga譚仔 都係插針都唔入 , 仲要出面排晒隊 , 都冇機會試 , 但我估應該真係好正 , 唔係點會甘多人呀!今日去旺角行街 , 經過喱間譚仔 , 見入面仲有幾個位 , 就今日試下啦!我叫左麻辣(中) , 貢丸 同墨丸 , 碗野黎到 , 真係好多大碗 , d米線好多 , 試下個湯底先 , 個味道我覺得麻麻地 , 好似d麻辣清湯 , 無咩味道 , 係d米線煮得幾好 , d料都ok , 不過 ,總括黎講一般啦 , 唔明點解甘多人 。可能我自己鐘意d米線成碗橙色果d , 睇見都好hot果種 , 對面雲南岩我d , 不過 , 未試過試下都ok!

今日中午路經此地, 見平時晚上時段人山人海, 排隊排晒出來, 今日見門口無乜人, 但裡面中午時間每枱都有人, 想一個人一張枱都唔得, 唯有搭枱。聽身邊朋友介紹的很多, 但真正幫襯都係第一次, 坐低見餐牌, 好簡單的一張唔算太多選擇, 加新推介食品介紹單張放在枱上, 覺得無乜特別, 跟住叫了一碗牛肉雲南米線, 配清湯底, 加杯奶茶作為午餐 。 等了7分鐘, 先有一杯涷奶茶, 1/3杯是大大舊冰, 比平時的茶餐廳色澤不同, 飲落去好有茶味, 是我最喜愛同未試過的味道。等多5分鐘, 主角出場, 好大碗, 芽菜多, 腐皮有兩塊, 麵份量都 o.k. , $21.00/碗加上知名度都算抵, 牛肉厚厚的, 少部份是半生熟, 應該好正 ! 食落去... 閉 大部分好堅韌, 不是嫩口感覺, 俾個樣呃左, 食食下唔知點解有d辣感覺。後來面前來了兩位靚仔哥哥, 揀緊要幾多隻辣椒, 我看看個餐牌, 唔知係唔係最少要求都要有少辣, 我以為清湯底應該唔辣, 對我唔食得辣的人是後知後覺,幸好已是中段發生 , 靠杯奶茶完成個餐。 至於服務, 真係無乜, 放底奶茶碗麵的阿姐是求其放在枱角, 不是你面前, 亦都無

第一次寫食評,所以太悶OR太多字既話, 我先講聲對唔住了 =))食左..: 竹笙魚蛋米線(酸辣湯底) 土匪雞翼 尖椒皮蛋 酸菜豆卜米線(清湯底) 星期五既晚上, 一家三口去呢間挺出名既鋪頭品嘗一下係mi真係gum好食 =P 因為未夠7點所以唔洗等位但係要搭台(其實幾逼下). 叫完野食後唔洗10mins就有得食啦(算快) 竹笙魚蛋米線(酸辣湯底)...先食竹笙..sum sai d湯...好味~(因我唔鐘意湯同麵一齊食所以食竹笙就可以食到酸辣湯底既味了~)湯底夠酸, 但係唔夠辣, 不過就gum望d湯係唔覺kui會有酸同辣味~感覺好特別 米線有口感仲有酸辣味(無落湯食)...合格 土匪雞翼皮又脆又薄, 肉又入味又單牙又滑......讚! 尖椒皮蛋 好重皮蛋味...又D過濃..搞到食其他野個陣有苦味...不過個蛋白好爽D汁好野味唔算好辣....合格 酸菜豆卜米線(清湯底)最後先黎到既清湯底...MO味精, 好有鮮味...酸菜有D甜但

補返之前既食評~不嬲都食開呢度既酸辣米線~同honey叫左:淨米線($15)- 清湯(honey唔食得辣), 已經有d芽菜九菜, 好大碗過橋米線($40)要酸辣+$1 - 好大大大大大碗, 好多款配料, 咩都有, 火腿,魚蛋, 牛丸, 墨魚丸,生菜,竹笙,雞肉,牛肉,豬潤,肉醬,酸菜…..酸辣湯好醒胃, 我比左好多配料honey, 所以大家都好飽~~ 另外叫一杯涷檸茶少甜, 只係$5(但你要叫一味米線先可以$5), 佢真係做到少甜, 茶味夠濃~

會不會正如三哥話:女人特別鍾意食酸辣?今晚我同二個朋友又再嚟呢度幫襯嘞~真係百吃不厭呀~ hehe~我同友人share 過橋米線~好大碗二個女仔食,我吔叫咗酸辣湯底加$1 , 個湯夠辣~ very good~ 友人話太辣喎~ 但我接受到~呢度既餸少咗竹笙呀~ 點解少咗既?今日碗米線都幾好, 唯獨佢既豬潤做得太老, 好難食呀~ 要改進一下~其餘都好好味~ good good good~唔知我何時會再嚟食呢???

鼎鼎大名的譚仔，我竟然今天才第一次光顧。清湯底呈白色，味道清甜，應該是豬骨與雞殼熬成的吧。米線不會煮得過稔，爽滑彈牙。夾住鮮甜的清湯同吃，確實不錯。而我點的豬潤則無甚特別，口感並不爽脆，幸好煮得頗嫩。另外，亦點了一客土匪雞翼與眾友人share。(聞說這是此店名物)果然名不虛傳!雞翼以多種香料醃製，連兩根骨頭中間的肉也入味非常。外皮炸至脆口，內裏依然肉汁豐盛。好吃得停不了口。