譚仔三哥米線 (西洋菜南街)

營業中

休息中

又黎譚仔食米線。今次坐樓上，環境好好多，無下面咁逼。冷氣亦夠，坐得同食得比較舒服！例牌地要了竹笙雞肉米線 & 酸辣湯，加土匪雞翼。好快就送上。好大碗，米線份量好多呀！多到食極都仲有，最後都係食唔晒。米線質地很好，好滑身，又煮得剛好，不會太淋，又不會中間唔透心。竹笙爽口，吸晒d酸辣湯。雞肉份量多，唔鞋。湯底好正，辣度調得剛好，唔會辣到噴火。酸又夠酸，會不自覺地不停飲。好彩無味精，飲完都唔會口渴。土匪雞翼好食，外皮香脆。但肉又唔會太乾，還很juicy~味道好，香料味足，正！

譚仔係最常幫襯既一間米線店,因為佢個湯底真係好吸引!不過真係要辣先好味!之前病病地試過食清湯覺得麻麻地,試我朋友碗酸辣又唔錯喎(佢唔食得辣既)所以建議唔食得辣既朋友去譚仔都可以試下食酸辣!因為酸多辣少,應該可以接受的!不過,當我食清湯唔ok果陣,食番d炸醬,即刻OK番晒!!譚仔d炸醬真係好好味~連埋佢d墨丸一齊食就仲OK!另外較喜歡的食送係竹笙,吸左d湯既辣黎食真係非常好..諗起都想食..不過最近期覺得佢比竹笙既份量少左!><同埋本人覺得旺角既水準較飄忽,唔係次次都好好味!而佐敦同深水步果間就好穩定,次次食完都超滿足^^

跟五名朋友一起吃譚仔，第一次光顧旺角分店，之前我只去過深水步分店。我叫了一碗清湯雞肉米線，味道也很不錯，雞肉也很多，沒有偷工減料。本身以為出名麻辣的譚仔，清湯米線水準會稍遜，然而，清湯一樣入味的。很好！員工服務都不俗的，下次會再光顧的。不過我稍嫌米線份量不多，身為女孩子的我，吃完整碗米線也不太夠飽=.="

上星期5先吃完大埔果間3哥,,今日又去mk哩間食啦~一坐低聽到隔離果女人話會食上癮!!我都好有同感!!!!每次去譚仔都一定會叫豬潤~我覺得譚仔d豬潤真係超好食...比果間維記更好今次嗌左豬潤墨丸小辣~上次係大埔食既小辣一d都唔辣囉~激死我!!不過今次叫個碗真係一睇便知辣呀!!不過我鐘意~~但係好失望既係,,今次d豬潤....好鞋............希望只係我今日唔好彩吧~d墨丸就一般貨色啦~可能係食開振興d墨魚太好食!!今日個湯正但豬潤差....仲食到塊面紅個嘴紅咁離開hahaaa

昨日和友人去ＭＫ分店，原本只是我一個人食，我落左單之後,又想叫多個乍醬被員工＃１２５拒絕了，佢解：“要煮會麻煩”．．．唔可以，如果係公司定既．．．．貴公司都幾識做生意,我知貴公司依家真係有好多支持者，不會介意顧客的感受，而我要的乍醬都不用煮，規則係死既～人係生既～最嬲既係，我友人都叫野食,我叫佢幫我叫，要多個乍醬另上，員工＃１２５同我地講．．．“公司絕對做唔到，” 太嬲啦！絕對做唔到！中段有四個人來左，他們叫左個套餐有舊好似手指公咁大既膠袋．．．．好衛生呀！唉！走時，＃１２５佢在收銀，我等左好耐，＃１２５佢就一邊傾電話．．好多人等緊．，友人叫我唔等,放低＄就走人！．如果keep住係咁做生意,生意一定會興隆嫁！

幾個月沒有光顧過譚仔的旺角分店，今晚再次光顧，見到服務態度依舊未有改進我之前已經寫過食評，批評這間分店的服務態度基本上服務員不是態度惡劣，反而她們大多是新移民，服務水平有所不足，例如經常落錯單、漏單等等今晚所見，情況如舊，未有進步 剛剛見到樓下有板友提出投訴，相信皆出於這老問題------對新移民職員培訓不足今晚叫了兩碗清湯湯底的米線，清湯湯底未有如過往的鮮味可口，似乎水準有點退步了！

好嬲好嬲好嬲 !!今日約左朋友仔去整mother day 蛋糕, 我地先去食個lunch 先 好la, 我地叫完野食, 食食下個亞姐拎2杯凍檸茶比我隔離個2個人, 點知佢倒瀉左成杯凍檸茶落我度, 由頭濕到落鞋...我仲要著白色衫喎 !! 我同d亞姐講, 我個袋入晒水 (係浪 $下浪下個隻), 同有冰, 我個袋要拎去洗 ~~ 佢都唔理我, 一味唔好意思... 我同我個fd 嘈多兩嘈佢先話可以拎張單黎claim ~~ 唉.仲有呀, 佢地個條投訴HOT LINE, (保證認真處理) !! 27701312 係打唔到野, 冇人聽, 我都唔知點可以認真處理 !!

小弟前幾日去過譚仔食米線, 見到咁多人, 諗住d野食會幾好, 點知大失所望, 米線份量係多, 但配料選擇少, 牛肉同雞肉都淡而無味, 賣相好求其, 墨魚丸0既墨魚味道唔 夠鮮, 仲要加$5 先有野飲, 環境亦唔見得好, 覺得好像置身大排檔, 非常嘈吵........ 諗黎諗去都唔明點解仲有咁多食客光臨, 若果要食米線0既, 對面個間雲南過橋米線仲好 過佢啦, 價錢都係相差無幾遮..........

同6尺考完oral 去旺角睇豬腩王子我地睇10點半 於是去食個飯先啦 我簡左好耐都決定唔到佢決定~ 話呢間就呢間啦 (:入到去 2位 ~~ 好快有得坐 我叫左雞肉米線 + 熱ot佢叫左腩肉米線 + 凍ot兩個都係清湯 其實個湯底 好好味d雞都係但一碗真係太多喇我食到滯住左 ..d米線食剩好多 ..不過27 蚊有埋野飲 都算幾平 食完坐下傾下計 我地就行番去broadway睇戲lu ps: 套戲都幾好睇 ! 好好笑 (:嗯....今日都幾開心呀 ~'

旺角的譚仔三哥米線，最近勇奪 Openrice 旺角開飯食肆大獎，從得獎專訪中得知譚仔米線分店眾多，卻不是每間都打正三哥旗號的。雲南米線竟可發展得成行成市，好奇心驅使下就去了一嚐究竟。旺角分店樓高三層，充足的空間感，打破了米線鋪總是擠迫不堪的環境。甫坐下來，點了兩客大米線，分別是生菜牛肉木耳小酸辣米線及墨丸炸醬腩肉三小麻辣米線，各三十大洋。或者是晚人流太多，阿姐竟然先後落漏單及比錯貨，場面尷尬狼狽。幾經轉折終於有得吃，我的墨丸炸醬腩肉米線，三小辣湯底感覺卻不麻不辣，看來下次可再挑戰中辣級別了。配料方面，腩肉切得非常薄身，加上咸咸的炸醬相當惹味，唯墨丸毫不彈牙相對普通。至於生菜牛肉木耳米線，酸辣湯底顏色竟尢如清湯，味道同樣是不夠酸辣，這方面應該可以更好，幸材料份量不足，絕對是抵食的。感覺上三哥米線口味偏向港式，麻辣、酸辣均是點到即止，與佐敦雲貴川或是紅磡川粵的簡直是差距兩碼子的事，愛好雲川菜的或會感到失望，但作為一間普通米線連鎖店，無疑是一個大眾化的選擇。

一個人食完lunch 再去旺角買野。預好時間，一點前到達都唔洗等位。被安排坐在圓枱，一枱7人，唔算太迫。一坐低就叫野食，要了竹笙雞肉酸辣米線。好快就有得食。賣相就麻麻，因為我揀料完全無色水。飲啖湯先，好夠熱，又夠酸，又唔會太辣。米線份量好多，唔會太淋，質地唔削，有點韌度。竹笙好爽口，吸晒d酸辣湯好正。雞肉唔鞋，份量多。

好好味的米線。乍醬唔太辣；配清湯味道剛好(最適合我呢種唔食得太辣，但又想有少少辣味既人)。墨丸細細粒，不過幾彈牙。米線又係好彈牙，唔會煮得太腍。環境好迫，不過算乾淨。服務都幾好，侍應落單之後會重覆一次，確保冇寫錯。

放左學，都唔知點解會去左呢度食午餐。一去到門口，就見到好多人度等。好彩，我都係等左五分鐘就入得去啦。麻辣米線依然咁好食，最鍾意食到麻痹既湯底，辣得黎又有味既。雞肉唔鞋既，好滑。而牛肉都唔錯既。米線就好爽口。不過我都係最鍾意個湯底。凍奶茶細杯左啦，但奶同茶既份量都係咁夾。雖然旺角分店都係咁多人，但效率都唔錯既。另外，食麻辣米線唔想食到唇邊紅哂，只要唔好俾湯底接觸到唇邊就可以啦。

近日愛上了食雲南米線，朋友於是帶我去試下以雲南米線出名既譯仔。除了清湯外，還有酸辣湯同麻辣湯既湯底。這裡仲有土匪雞翼也是很出名的，可惜怕食唔哂於是今次只叫了米線。最後我選擇了食雞肉墨丸酸辣米線同飲涷檸茶。先送上的是涷檸茶，茶的味道調得十分好，酸甜味十足。雞肉墨丸酸辣米線不久就來了，一上枱看見湯底是白色的，還以為弄錯了清湯，一問店員原來酸辣湯也是白色的，同普通的不同。飲一口湯，湯底酸味很強烈，辣的程度只是一般。即使是酸味強烈，但原全不會蓋過辣味，沒有一味死酸或死辣的情況。再說配料，除了自選的雞肉同墨丸外，還有腐竹、芽菜同酸菜。配料十分多。雞肉只是一些一小塊的雞肉絲，雞肉肉質尚算可以，但若果有調味就更加好。墨丸有三粒，只是一般的貸色來的。米線吸收了湯底的味道，令人一食再食，是一個開胃之選。總括來說整體是很好的，價錢在旺角區來說差不多唔。環境一般但算闊落，不用坐到很逼。而且米線份量亦十針大碗，細食的兩人分已經可以了。不過唯一要改善就係店員的服務，眼見我地入黎都冇人招待，只係掛住傾計，要我地擾攘一陣先有人應。

個度好多客呀....要搭枱唔可以坐得耐不過冇所謂啦....d feel係 茶餐聽咁....叫左個!!$39...酸辣要加 $1酸soup底好好味!!因為我好鐘意食酸野~~~仲有少少辣~~又幾惹味~gd!!!$39好大碗咩料都有幾舊!!份量多到夠2個人食!!!竹笙超正!!!!唔係好爽口!!!又吸晒d湯!!!正雞肉.....牛肉都唔錯......腩肉薄薄的....一層肥一層瘦.......味道岩岩好好!!!怕肥但食落口一d肥"利"既feel都冇~~~牛丸都唔錯既...夠彈牙，又唔會太實!!雞柳一點也不鞋....仲頗滑!!!酸菜醃得夠味又夠爽!!好野味!!但d色素好勁...勁鮮yellow但好食一次冇所謂既~~~豬潤好難食!!!!食唔慣....叫了土匪雞翼...熱辣辣....但呢個一般....唔係話好特別...而且層雞皮好厚!!好多肥油...!!下次唔會再叫啦呢到唔係貴....又唔係非食不可經過唔洗等位會食既~~