譚仔三哥米線 (希爾頓中心)

營業中

休息中

天氣咁凍就決定食譚仔啦！叫左墨丸同豬潤食！加埋個五小辣湯底就岩哂！雖然墨丸要加一蚊，不過依一蚊係值！墨丸好彈牙又好香口！質素唔錯！豬潤勁多！好正啊！豬肉唔腥！味道濃郁！好食！

又黎食譚仔快餐，我始終覺得譚仔三哥係好食過譚仔的！因為呢到先有糊辣湯底，啱我呢啲唔食得辣又想湯底有啲味嘅人。最近先發現，原來除左土匪雞翼好食之外，原來口水汁都好正。媽媽話：最好食係個幾粒花生仲有12蚊口水汁雲耳都唔錯，幾抵食架

又來三哥食米線！今次出左蕃茄湯底！試下先！又係兩個人食一個過橋米線，要蕃茄湯底的話加三蚊。來到之後，試下面上面個啲蕃茄蓉先，點知咦～凍既！將佢撈入啲湯度，簡直係將成碗湯進行降溫！今日得十幾度，我係想食啲好熱辣辣既野！有小小失望。不過味道來講可能岩女士多啲，口味偏甜。我男朋友就唔鍾意喇。而沙田希爾頓中心啲間，啲料都幾多，好明顯多過尖沙咀個間，啲面勁多！但環境方面就麻麻，一張細枱仔坐五個已經唔鬆動！但服務員竟然安排左我地坐七個人！！！好迫呀😭

今日收工約左朋友去沙田買野 諗起想食米線 最就近就係譚仔三哥 今次叫左麻辣米線 跟雞肉 炸醬 首先米線既靈魂一定係湯底 今次叫左2小辣 麻辣味好濃好香 岩岩夠辣 食完個嘴麻麻地 幾過癮 如果唔係太食得辣既朋友 記得唔好叫超過2小辣 因為比出面一般'小辣'來得辣 餸方面 雞肉稍鞋 炸醬一般 味道唔算太入味 芽菜好爽脆吸收埋湯底好好食

前一日食左譚仔, 今日就黎食三哥, 始終覺得三哥略勝一籌! 而米線都係我食極唔厭既唯一一樣食物。嗌左雞肉腩肉酸辣, 不過間間既湯底真係有少少唔同, 沙田呢間個湯會淡啲, 唔夠酸都唔夠辣。雞肉就依舊咁好味, 打碎左成個湯都好多雞肉味; 而腩肉又唔會太肥, 切到簿簿地, 煙煙軔軔幾有咬口。其他配菜都好足, 米線份量好似比食開既少左啲, 不過我都係食唔哂哈哈!另外仲嗌左3隻土匪雞亦嫁, 乜依家咁貴$19先3隻? 不過見佢雞亦都幾大隻肥嘟嘟咁, 燒到好香同埋好滑無得輸! 黎三哥真係不得不叫呢~

有時會突然間好想食譚的的土匪雞翼所以就落街買個土匪雞翼送個撈面吧土匪雞翼總有一種魔力令你一食再食無講係譚仔定係三哥譚仔都係咁好食外皮焗得夠哂香脆配上香香的芝麻仲有好入味令人百吃不厭

師父常說吃得好東西多，也要吃一點平價東西平衡一下，其實每天飽滿也已經是感恩的了。今天剛好做gym前路經三哥，想起從前跟朋友的聚會不是譚仔便是麥記,就像探訪老朋友一樣,今天想靜靜地一人在3哥坐下,回想當年情可能是餐廳賺錢多了,裝修比從前更舒適,但食物質素卻追不回以前的感覺雞肉,豬肉炸醬酸辣米線,3樣都是我多年的至愛,但今天的味道好像已褪色了,雞肉不再嫩滑,豬肉也不再惹味,只餘下炸醬保持水準,感覺就像當年一起經常流連譚仔的三人組一樣,現在也只餘我一個可能始終還是有感情,我還是可以吃下全碗　

呢間三哥啲座位比較闊落，坐得舒服。平時食開腩肉炸醬，今次照舊再加魚腐。清湯味道濃郁，腩肉夠乾身，炸醬好香之餘份量亦都幾多，同米線真係天作之合。魚腐略嫌太細舊，味道都ok，米線份量適中。侍應態度良好，值得一讚。

沙田區開左好多間雲南米線，三哥米線更係大排長龍。希爾頓呢間唔使排，心諗，發達啦。原來唔使排，多數都無好野。我點左個兩餸三哥米線，清湯底，貢丸三粒，炸醬一碗仔，炸醬保持到水準，但個湯底真係咩味都無，而米線浸到淋晒，未試過咁失準的三哥。總結，希爾頓呢間可以不用來。

三哥既環境雖然有D迫 但廿幾三十蚊咁碗已經好過好多快餐店我平時就鍾意嗌魚腐腩肉咁呢度冇魚腐於是我就嗌左個腩肉貢丸清湯米線D米線彈牙入味之餘貢丸都算大粒腩肉更加係價廉物美之選未食過既真係唔會明白果種夾極都仲有既感覺仲要件件都係一半肥一半瘦抵食!

第一次黎呢間三哥，一黎到勁快就有位，而且d待應落單都好快，服務吾錯。照舊食返雞肉酸辣走九米線，我每次黎譚仔都係食同樣既野，因為我比較難飽，所以每次都會叫雞肉，感覺上飽d，而且三哥既米線都超多，值得讚一讚。同埋我個人比較中意食三哥多d，因為三哥酸辣無甘辣但酸d，比較岩我胃口。仲有叫左土匪雞翼，三哥既土匪雞翼食左一次就上癮，雖然都幾貴，但每次都忍吾住叫左，正！！！

睇完宮崎駿的展覽，不知不覺，已接近一點了，H提議去鼎泰豐吃飯。路經譚仔三哥時，A表示其出品雞翼超好味，店內尚有座位，就走了進去。譚仔三哥餐牌簡簡單單，分湯底、米線、配料、風味小吃和飲品五大項，價目清楚地標示出來。經商議後，我們各要了一杯凍飲、一客雞翼，以及一碗米線。A要了大白柚子茶$8 (跟餐價)，入口柚子味淡，幸夠冰凍且不甜膩，三杯飲品中，最為遜色的。H要了抹茶紅豆$16，徒見奶白色的飲品，已知奶多抹茶少。搯一口，抹茶確實味淡，奶味較為突出，幸夠冰凍且不甜膩。杯底更有不少煲得軟腍的粒粒紅豆，咬下豆香無比，蠻不錯的﹗小妹要了朱古力latte五穀$16，朱古力味淡，絲毫不會覺得膩滯；五穀口感豐富且香脆，蠻具咬口嚼勁，清新健康之作。只是，latte何在呢？不解。H嚷著要酸辣湯底墨丸扭紋薯粉$29，A和小妹預先聲明只淺嚐數口，H一口答允了。酸辣湯底(+$1)酸甜十足，幸辣味不太突出，夠晒醒神開胃。一碗薯粉有六粒爽口彈牙且具墨魚味的墨丸，以及大量爽口芽菜、鮮香韮菜和滑嫩腐皮$26，份量夠多，水準也蠻高的。另加兩元轉了的扭紋薯粉晶瑩剔透，粉邊有扭紋，入口煙韌且咬口十足。一客五件的新疆香草雞翼$2

第一次食譚記(3哥), 本來很期待品嚐他們的"湯底"和"食物". 但這次令我好失望. 因為 由剛點餐時, 我正對面就有人教一個女侍應分粉... (味精).... 而且我還清楚聽到.他們大包分小包每一包重量多少. 雖然我明白出去食飯 就預左有味精, 但分粉程序竟然在我眼前做.  咁樣出貓出到眼前. 即時感覺我來吃你們出名的東西, 但我竟然來吃一碗重味精湯的食物.即時什麼分都減了..如果要說食物食送 菜質素. 老實說, 只是一般. 沒有什麼大特別. 去其他米線店舖都是一樣.而湯底味道還好啦. 一碗重味精的.

唔知點解，近呢幾個月「三哥譚仔」以驚人既速度喺沙田市中心區極速擴張，選擇既地點重要係針對住另外一個譚仔品牌黎打！Anyway，由於比較少食既關係，入到去都要睇menu睇左好一陣先諗到食咩！唔知點解，我覺得menu既format好有問題，令我唔可以好簡單咁搵到自己想食既野，所以呢度都搞左唔少時間！最後叫左一個三餸既麻辣米線。當晚雖然唔係好多人，但廚房仍然非常之慢，等左差唔多成十五分鐘先至整好。不過，返到屋企睇到食物質素都係值得等既。牛丸、豬肉、甚至冬菇都比另一個譚仔品牌黎得更有誠意，食物既質素唔會將貨就價，抵讚！至於個中辣既麻辣湯底亦都十分特別，入口第一啖完全唔會覺得辣，係要慢慢細味之後辣既感覺先會慢慢滲出黎，非常特別，不過對於鍾意食辣既我黎講都叫做辣左少少，鍾意「普通辣」既朋友都係叫返「小辣」穩陣D！至於個凍檸茶方面，都係一般貨式啦，冰唔算太多但係十分之甜，鍾意清淡既朋友好似我咁都係叫「小甜」好D。Anyway，整體食物質素都算喺中上既，只係服務效率方面重有好大既改善空間。下次有機會一定要試埋糊辣同埋酸辣湯底！

成日幫襯兄弟舖，從來都未幫襯過三哥。平日經過，門口都係企滿等位的人。今日難得等位的人唔多，就幫襯吓。呢間舖採用取票叫號的方式，亦有顯示屏指示等唔同人數叫號的情況，呢個時候等位的都係1至2位的客人，亦見陸續有人埋單離開，心想好快有位。點知等了良久遲遲都無人叫號，但位就一個個咁空出嚟，唔通有分時段？ 原來叫號要by batch，真係估佢唔到。入座後發現，每枱只有餐牌一張，剛巧有另一pair客人一齊入座，難委佢哋要等等先可以研究食咩 餐牌的選擇好似比兄弟舖少，睇嚟睇去都唔知叫咩好，為免另一pair人等呆了，便隨便叫了碗酸辣腩肉米線(小辣)。食物的味道同兄弟舖差唔多，米線頗多，可考慮少米線。順帶一提，想落order的時候，d員工好似聾耳陳上身，聽唔到，見唔到，hea爆 如果問我仲會唔會幫襯，今時今日入座要咁樣等，落單要咁樣等，等得咁無謂，食物質素同味道又不是好突出的話，我寧可去返兄弟舖無咁嬲。