譚仔三哥米線 (D2 Place ONE)

營業中

休息中

岩岩係荔枝角做完gym,都有D夜又好肚餓唔想諗食咩,咁就走左去食譚仔3哥啦‼️本身諗住食佢新出既素食米線,諗住試下伏唔伏,但點知賣哂,見到佢又有個一人大din餐幾多野食就叫左。佢而個新餐對於做完gym好肚餓既我黎講係岩岩好,佢又有一個米線,又有一個小食細既蒜泥白肉,仲有一個白飯同野飲,真係岩岩好,而且價錢又唔算好貴68蚊都幾抵食‼️🥰食評就都係無咩特別,都係正常既譚仔味,但唯一唔好係D2既譚仔係好多人叫外賣,我地叫堂食等左15分鐘都未有得食,當時我又真係好肚餓所以有D扣分。😵‍💫

湊完BB去Playgroup就去譚仔三哥醫肚我想講真係好大碗，過橋米線同以前嘅份量真係差唔多近呢幾年都冇食過份量咁多過橋米線我一個月都食一兩次可能係我近呢兩三年食過最多份量嘅一次味道都係差唔多但係呢間店舖嘅份量真係好多姨姨服務都好好青瓜就係手機點餐免費送

於商場二期看完電戲，剛好正值午餐時間，我們便前往位於一期的譚仔三哥用餐。經過一番討論後，我們最終決定選擇【花巧月圓滋「飽」二人餐】。📌 花膠貴妃雞米線配椰子雞湯椰子雞湯清甜滋潤，佢味道清新不油膩，香氣濃郁。貴妃雞肉質嫩滑，當中有我至愛的雞翼，花膠則稍微偏硬，口感不夠軟腍，感覺缺乏骨膠原。📌 兩餸清湯米線選擇了貢丸與牛肉作為兩餸，湯底則選了麻辣十小辣。米線的軟硬適中，牛肉鮮嫩軟腍，但可惜貢丸的口感並不彈牙，欠缺咬勁。十小辣的麻辣湯底辣度不夠，下次可以挑戰更高級別的三小辣或五小辣。📌 土匪雞翼雞翼金黃香脆，肉質嫩滑多汁，味道獨特，帶少少辣味，表面灑上黑白芝麻，增添了口感，香氣四溢。📌 手拍青瓜（口水醬汁）青瓜清脆爽口，搭配口水醬汁，味道十分惹味。另外，套餐飲品選了熱好立克及熱檸蜜，好立克稍為甜一點，可惜於手機下單程式中找不到自訂少甜的選項。值得一提的是，現在使用手機app有中秋優惠，至9月22日滿$80可減$15。

<母親節花膠嫩雞竹笙米線>因工作關係，今日嚟到荔枝角，唔夠一個鐘嘅lunch，黎個快閃三哥！原來為母親節推出限定米線，一於滋補一下😝，花膠嫩雞竹笙米線配酒香藥膳湯底，再加任何飲品$54。湯底真係充滿藥材味，頓時感覺好滋補！花膠數量算ok啦，都有2塊半（呢個價錢你都唔預佢俾好多），雞肉同竹笙都各有3-4件，不過雞肉就較“孩”身。整體就不過不失啦。。。

當日去之前特登打電話問過last order時間係9點半，我同朋友放工去到竟然比個阿姐拒絕我哋入去，但明明嗰陣時仲係9點，仲有差唔多成個鐘先閂門，個阿姐詐傻扮懵搏早收工😀

👫 三哥情人節限定套餐#JM九龍 🪬推薦度：8/10 👁️‍🗨️ 越撈越接近情侶套餐💸$99 🧸性價比：9/10@tamjai_samgor x @mr_n_mrs_moon 情人節限定套餐只係做幾日架咋🌝🌚包左三隻土匪雞翼🐥兩餸三酸撈薯粉一碗🍲兩餸麻辣米線一碗🍜仲有兩杯野飲🥤最盞鬼係包埋 @mr_n_mrs_moon 既貼紙啊🙉癡喺schedule又好痴無公司又好🤩望到都醒神啲🤗好抵食‼️平時一碗三酸撈薯粉都$4X😌單身🐶同朋友一齊食都唔會尷尬😂📍 譚仔三哥米線 (荔枝角)荔枝角長義街9號D2 Place 一期3樓309號舖⏺️⏺️⏺️⏺️⏺️⏺️⏺️⏺️⏺️⏺️

芥末蝦仁烤蛋角又黎到我搵野食時間。D2 place 附近好多間都試過哂，今次黎譚仔三哥係試新野⋯我叫左芥末蝦仁烤蛋角-試一次就可以了，普通蛋一樣鳳梨乳酸梳打-比想像中好飲推薦一下其次本人鐘意食重慶三哥酸辣5小辣⋯睇下下年挑吾挑戰到4小辣🤪

有時自己一個獨食嘅時候，最想嘅就係去食返碗米線。經常都係食「佳肉勿演三小辣」，食得多都悶悶地。最近睇到三哥廣告，知道又有新搞作--煳辣肉骨湯黑椒豬扒米線。為咗易記啲，我會直接稱之為「肉骨茶米線」。🤗嗰日落單後，等咗將近15分鐘都未送到，於是我就同遮遮講，原來漏咗單😅遮遮幫我跟進後，好快就送到了🤤急不及待飲啖湯，味道係頗似常設煳辣湯底嘅味，好惹味。如果胡椒同蒜頭再多啲，咁就更似肉骨茶味道了。每碗都有若干白木耳，好爽口。谷哥了一下：白木耳功效：潤肺止咳、養顏美容、增強免疫力。唔錯喎！😲帶骨豬扒大約有5至6件，已切件。食時要小心骨碎。老油條脆卜卜，浸落湯索曬啲湯再食，真係美味😋記得上次有款「螺酸螺片米線」又係好好食，唔知幾時再捲土重來呢？🤔

見到有Jeffrey賣廣告，今日就去試齊譚仔三哥三款新產品：煳麻辣椒豬肚（$22）個底原來有兩舊大豆腐而豬肚只有三四舊份量比較少，不過豬肚上有麻辣幾嘢未，但係性價比低。奶蓋芒果蒟蒻椰香金露（加配價$13）呢杯好正，味道似係飲緊芒果布甸都幾好味砂砂湯大辣肥牛鹿茸菇米缐（$47）之前聽人講話砂砂湯底唔夠辣，於是今次叫咗大辣，原來真係唔係好夠，辣，又食唔到有沙嗲味，反而冇乜驚喜，而肥牛就有五片薄片份量都較少。PS-Jeffery 真係幾靚仔😻

譚仔我細細個由中學開始食起，個時仲係$16一個餸，凍飲加$3既年代🤣 嘩..講起都年代久遠..🥲🥲🥲 一路以黎佢都係我既固定食堂，一兩星期點都要食一次先安落😁其實我最鐘意佢既麻辣同三哥酸辣，不過今次想清清地就叫左清湯。餸方面就叫左雞肉，牛肉，豬肉，補充下蛋白質🤩清湯呈奶白色，清甜可口，唔會太咸，係唔食辣既一個好選擇👍🏻三哥既雞肉係我十分欣賞既，雞肉嫩滑得黎又唔會肥膩，唔會有臭雞味（注意非三哥譚仔既雞肉來貨係唔同，無咁好食..應該係真頭唔好食，所以只會係三哥點雞肉），牛肉切得厚薄適中，唔會煮得好un👍🏻；豬肉腌得好入味，嫩滑而無臭豬味，好想知佢用咩腌🤔（老實講除左譚仔我出面食麵我其實唔會叫豬肉片🫣）每碗米線佢亦都會配上芽菜韭菜腐皮，成個味道好夾😋

見推出咗素食menu... 望落唔錯... order咗嚟食!🌱🍜 菇菌湯姬松茸 Omni 新豬肉韭菜餃子配京白菜菜底(可轉米線底)🌱🥟 Omni 新豬肉韭菜餃子🌱🥤三花清潤綠茶覺得菇菌湯底味道非常濃郁... Omni 新豬肉韭菜餃子餡料十足... 餃子皮厚薄適中... 味道鮮香... 新豬肉同韭菜配搭起上嚟好juicy! 想extra加配Omni 新豬肉韭菜餃子只需加$15... 而隨餐配埋冰凍解渴嘅三花清潤綠茶要加$12... 都幾好飲㗎!😋😋

終於去食咗水煮湯鴨血～平時叫開三小辣諗全叫返一樣啦，點知辣到咳😂仲頂唔順食唔哂啲米線😂😂😂都係叫返預設辣度（好似係五小）鴨血好味😋老油條硬過油炸鬼，始終佢做唔到keep住提供新鮮油炸鬼… 湯底好濃味，係好味嘅，不過成哂成碗就有啲太heavy嘅感覺，同人分享或者做餸岩啲😂😂😂

好失望，堂食都唔係咁，叫得3個送，3粒丸都放棄，食第二次個牛丸都係中間紅同未熟透既次次都係外賣出事既，ot都夠攰重要唔夠飽，好失望，如果唔係薯粉，得都唔會叫第三次

耐無食譚仔就會好掛住，暫時未搵到第二間米線既番茄湯好味過三哥，間間分店都keep到水準值得一讚d2分店既員工服務好好，態度又好第一次試豬肉，唔硬再加埋吸哂d湯底就更好味，下次都會再叫豬肉

水煮鴨血米線近排好出名，但平心而論啲鴨血都唔算好高質，唔會話好軟滑。水煮湯底就的確幾唔錯，我鍾意呢個多過麻辣湯底，今次叫咗小辣，夠惹味！不過都有少少缺點，啲鴨血其實唔多，我呢碗好似得四塊左右，碗米線食完都唔係好夠飽😮‍💨