譚仔三哥米線 (晨光大廈)

營業中

休息中

行開觀塘有啲肚餓，想整碗譚仔見到呢間咁特別嘅特色譚仔三哥主題店今次選擇三哥米線，配料仍然選擇我的最愛雞肉加生菜🥬酸辣湯底，見到好多酸菜，芽菜都好多米線軟硬適中，唔會煮太腍

平日唔係午飯時間，外賣要等20分鐘up，人超少，得一兩個，都唔知整咩整咁耐，我仲要係菜底，唔使煮麵了已經，都要咁耐，D姐姐態度又差，真係唔明。唔會再有下次，實在等得太耐

黎左呢到夜晚差唔多3，4次，都唔明點解次次咁少客人係店入面都要等勁耐，無論係落單定係到餐都係慢，今次仲要等左足足半個鐘先有，等到啲嘢食一望真係嚇死，成兜野就好似垃圾湯渣咁，真係見到都想嘔，明明嗌清湯但個湯底勁濁，轉左芽菜低，但係啲芽菜仲少過彩明定係都會駅果間三哥，完全係唔足份量，啲牛肉仲要勁un,野食唔好味之餘又浪費哂啲時間，期望呢間鋪位可以有新食鋪，比其他食店做仲好，呢間分鋪令我對譚仔三哥好失望

好難想像一間晚市都得六七張檯有坐人的快餐店，一份普通嘅清湯米線要等成半粒鐘先上到，仲要d菇好似唔係咁新鮮，難怪冇人黎，周圍咁多嘢食，平靓快嘅大把，第一次上黎以後都唔會再黎，唔想再餓到一肚氣

成日唔知食咩就會去食三哥平日12點左右 唔洗等位今次叫咗2個餸$49 普通酸辣 炸醬+鯇魚 轉薯粉味道幾好😂薯粉煙煙韌韌 份量都算幾多🤩鯇魚都好食😍但如果份量再多啲就好了👻

以前一向食開三哥糊辣，味道好好。去觀塘睇完醫生，特登行十分鐘過去，搵返譚仔三哥食米線。今次叫咗碗過橋米線糊辣小辣湯底…結果完全失望，以前喺藍田嗰間食開嘅糊辣湯底， 湯底係會有"掛碗"感覺，味道非常濃郁,但今次...一味得個辣字，而啲湯好似水咁，一啲濃厚感覺都冇，食落去完全唔係嗰回事。請問係咪轉咗師傅所以搞成咁？？同埋我落單嗰陣同阿姐講明唔要酸菜，但結果係酸菜連肉碎一碟攞嚟，肉碎得果少少雖然我唔食，但都唔想浪費食物囉。土匪雞翼係正常。㗎啡都算係正常， 但係唔夠奶囉。 米線湯底真係強差人意，都應該冇下次！

三哥都係我其中一間好鍾意食嘅米線店，因為我覺得佢嘅蕃茄湯底係整得特別好食，比較鮮甜～😋😋除咗蕃茄湯之外，今次重點咗佢期間限定嘅鮮魚片，真係超級Perfect match呀😋😋蕃茄湯底做到提鮮嘅作用，同埋佢嘅鮮魚片一啲都唔腥，而且仲好滑添啊，正呀🤣🤣簡直好似飲緊阿媽煲嘅蕃茄魚片湯咁！😂😂//仲有就係佢嘅土匪雞翼，孜然粉嘅味道好足夠，我個人就係好鍾意孜然嘅味道，再配埋黑芝麻，成件事真係好香口

3哥呢排成日出新湯底，搞到每次一新款就黎食已經變左常態啦! 今次就係食螺酸湯米線配海螺片及麻辣豬皮。可能本身冇食開，真係唔太習慣呢種咁濃烈既味道，海螺片似平時罐頭食到個D，麻辣豬皮就一般般啦!不過小食黎講，口水雞係幾唔錯，有單骨雞翼，同埋其他大部分都冇骨的。個汁又調得唔錯，唔會太辣。

～ 午餐．煳辣米線、椒麻涼拌魚爽肚 ～🍜 煳辣米線 👉🏼 香料抄到接近燶但又未燶個種味好過癮，勁香，米線唔太腍，有彈牙感覺，豬潤睇落好榎但食落好爽脆，但厚啲會好好多，墨丸好腍，無個種爽彈感，網友建議唔好叫墨丸係有原因，另外配菜有木耳絲、芽菜、韭菜、腐皮正正常常。🐟 椒麻涼拌魚爽肚 👉🏼 魚爽肚本身冇味所以配麻辣就一絕，另有青瓜粒墊底。㊙️ 個人評價 👉🏼 煳辣好過麻辣，唔會死辣，米線份量好多，食完一碗已經食唔落小食💸 埋單 👉🏼 ＄76🏡 地址 👉🏼 觀塘康寧道1-9號晨光大廈3樓

係咁凍嘅天黎一碗熱呼呼嘅米線真係絕了好嗎 無辣不歡的我 今日點左個麻辣小辣2 過橋米線 真是夠味 有D食物色香味俱全 開始吃之前 就已經讓人產生美味的感受 那就是我 每次食三哥必點的就是土匪雞翼 口感脆脆的 又有點很微小的辣味 次次食完雞翅都會有令我想舔手指的衝動 但是依家疫情未好 都係唔好咁做啦 總之讚啦 👍 還有不得不話 舖頭里的座位 也是比較寬闊的 可以舒服的在這裡享受美食 在這個冬天的夜裡 带上喜欢的人 趕緊來一份米線吧 ～ good night

今餐自己一個食諗唔到有咩就上去譚仔三哥發現有新菜式，唔想諗就叫呢個啦一上枱，嗰陣酸味香氣撲鼻湯底冇令人失望，非常濃郁轉左紅薯粉，都同個湯底好夾豬皮好大塊，湯入哂味螺片亦都好大塊整體來講，樣樣材料大件夾抵食不過上菜太慢，等咗20分鐘追兩次單先有

🍭平時返工lunch唔知食咩好，我都會去譚仔三哥食個米線腩肉墨丸麻辣米線三哥嘅腩肉真係好正，平時唔會食肥肉嘅我都會食，而墨丸都唔錯，唔會有異味同埋好粉，所以呢兩樣謎都係我每次食三哥米線必叫嘅，真係好好味，再加杯凍檸茶

原本今日諗住近近地去食個譚仔啦 估唔到食到成肚氣一入去果陣冇人排隊 我哋企左5分鐘都冇人理 咁我同朋友就入去搵位坐之後一坐低個姐姐就過黎好惡咁話 你兩個人唔好坐四人枱喎 之後佢又唔帶枱喎 我地就去左坐另一張四人枱啦 因為其他枱都俾人搭哂枱 因為我朋友比較大隻 所以佢推開左少少塊隔住隔離既版 之後個姐姐又行過黎話 冇得咁架喎塊版一定要中間 但我地隔離係冇人坐既 咁都算啦最過分係明明餐廳有好多空枱 佢都係咁帶人過黎搭枱 第一次帶兩個學生 之後佢地坐左去另一張枱 第二次又係兩個學生 一共帶左三次黎 每次有人入黎食都帶黎我地張枱 玩針對仲要放米線嗰陣超大力 搞到d湯倒瀉左 仲要望一望唔講對唔住就走左 今次真係我食嘢最差嘅體驗就係呢個姐姐 佢員工number係3212 黎譚仔唔係想食服務 但係佢態度真係差到唔係正常人咁

餐廳：譚仔三哥米線 (觀塘)地址：觀塘康寧道1-9號晨光大廈3樓譚仔三哥不嬲都喺香港人嘅平價飯堂，我最欣賞佢哋時不時就會有新搞作，推出全新湯式同菜式，唔會一成不變，值得一讚同埋去試吓😋最近見到羽毛球一哥伍家朗、滑冰女神馬曉晴同Viu TV台柱強尼去咗譚仔三哥試新嘢，包括螺酸湯豬皮螺片米線、椒麻涼拌魚爽肚同鳳梨藍蝶花香特飲，我都忍唔住要跟風一試呢幾款新款嘢食😎✝️螺酸湯豬皮螺片米線 所謂嘅螺酸湯，原來喺用深海煙韌彈牙嘅海螺切片，加上用咗古法醃製嘅酸筍同酸辣豆角熬製而成🔥，當中唔少得木耳絲同辣椒粒🌶️，入味而爽滑豬皮仲完美咁吸收晒湯底嘅鮮、甘、辛、酸、辣👍，豐富嘅口感，夠晒過癮😛，不過聞落陣荀味又真喺唔喺個個受到😂 ✝️椒麻涼拌魚爽肚 魚爽肚即喺魚鰾，喺魚類控制水中浮沉升降嘅器官，有豐富嘅蛋白質😍，涼拌整法加上三哥秘製嘅椒麻汁同手拍青瓜，食落開胃爽口，香辣得嚟同時帶有青瓜嘅新鮮口味，食唔停口👻 ✝️鳳梨藍蝶花香特飲用菠蘿同青檸調製，加入帶有紫色色彩嘅碟豆花，味道酸酸甜甜，一粒粒嘅菠蘿果茸隨住清新嘅特飲衝入口腔🍍，而且帶有清新花香，睇吓飲品面頭仲有朵食用花🌼

身為米線關注組成員 我可以三餐都食米線三哥新出螺酸湯米線配海螺片同麻辣豬皮一飲啖湯 好臭可能佢有太多荀同酸豆角起裏面 唔岩食🤢 個人口味 你鐘意食榴連既話 越臭越香啦 細妹相反佢地今次既送幾好味 豬皮大大塊同最緊要係沒毛