譚仔三哥米線 (晨光大廈)

營業中

休息中

一路都有食開三哥，觀塘這間D姐姐服務好有問題，十分十分差，幫襯你哋仲要受氣，叫開外賣都會一早打電話落單先，每次已經問清楚我會用visa。黎到果姐姐在電腦自己按錯用現金付，自己又唔肯修改，又話煩，唔比我用visa，又大大聲話幾廿蚊都無，話一定要收現金，部機用唔到咭，我食咁多次八成我都用咭比，又問清楚仲要大大聲話，唔用得咭，幾廿蚊都無，十分唔專重人，好彩我有現金係身，唔係買比屋企人，我有現金都唔買，走鬼左算。平時都唔會投訴，今次真係專登開果戶口投訴你地

最近三哥新品上場「小豬件」來勢凶凶，好味程度直迫土匪雞翼，一食就唔小心愛上左。爆辣小豬件 $23豬件肉質鬆軟，厚度有番咁上下，啖啖肉有肉汁，香料十足好入味，三小辣度夠辣不搶喉，食食下慢慢會感受到其辣開始㷫至嘴唇邊，啖啖惹味，絕對係土匪雞翼勁敵。柚子桂花茶 +$10柚子蜜果香味濃入口清甜，陣陣桂花味清香怡人，解辣最佳之選。墨魚丸清湯米線 $34湯底清甜可口，米線口感Q彈，大大粒墨魚丸爽口彈牙，水準依舊，價錢經濟相當抵食。

`最近推出左三哥獨創既煳辣豬肚米線，超抵價格$39已有好多充滿焦香煳辣既豬肚、我最愛既腐皮同一款自選餸，我就揀左墨丸再加鮮冬菇。平時食開十小辣既我怕今次會太辣，就加$10叫左杯同樣係新推出既西柚醋特飲🍹，甜甜地酸酸地同個米線好夾😍點知米線食落一啲都唔辣，下次會再加辣啲🤘🏻😏🌶🔥

因為經過附近，所以黎左食三哥。本人十分之鍾意食譚仔三哥米線，因為三哥會接受新嘗試出多啲新野，例如佢出番茄湯底、喇沙湯底等等比較特別嘅口味。難得有蕃茄湯底，所以我叫左個雞肉豬潤配蕃茄湯底。等左一陣就黎到。蕃茄湯底既蕃茄味都幾濃，十分香口。雞肉不過不失。豬潤既豬潤味好出，而且都幾爽口。所以本人特別鍾意去三哥譚仔

譚仔三哥清湯過橋米線($54)好耐冇食譚仔三哥米線，加上好掛着譚仔呀姐既口音，錦岩就去左附近一間譚仔回味一番。過橋米線最適合兩個人食，分量岩岩好。過橋米線既清湯湯底會有陣濃濃既鹽味，配菜有竹笙、芽菜、韮菜等等。仲可以按照自己接受既程度選擇辣度，分別有十小、三小、二小、酸辣。餸菜方面有炸醬、墨魚丸、魚丸、酸菜、魚腐、雞肉、牛肉等等。米線既份量比較多，但兩個人既份量就岩岩好。唔太食得辣既我，即使係清湯，都唔會太dry冇味道呢！

推薦指數：🤩🤩🤩好耐無食過譚仔啦！但而家只係會食譚仔三哥！如果無三哥的我覺得係無咁好食🙈同一班朋友黎食譚仔，有個好處就係可以嗌好多小食一齊ＳＨＡＲＥ！💕大土匪雞頤、大蒜泥白肉、醋香雲耳、口水豬耳，一人再嗌一碗米線。夠哂滿足最鐘意食呢到的大土匪，孜然味好香，譚仔的雞翼真係好JUICY!另外蒜泥白肉都係另一至愛 ,就算食到口臭都唔理!一於勁食蒜泥 😙牛肉豬潤竹笙米線三哥酸辣呢個湯底真係會愈食愈上癮，辣得黎又有Ｄ酸，加上配料好多！嗌竹笙就完美汲取哂湯底的味道，正呀😃😃 

食個快lunch首選嘅咩嚟我經常食嘅譚仔呢今次係食魚腐炸醬清湯少米依舊係10分鐘上枱快靚正🤣呢間嘅米線量都幾多！魚腐實心唔空心😊🤣！炸醬都夠多咸咸辣辣撈米線一流一個月總有幾日掛住譚仔姐姐口音

食得譚仔三哥嘅人都會幾鍾意辣😍，但辣得濟個時飲咩最解辣？不妨試下呢個解辣一流嘅蘋果酸！好好味～辣到個嘴麻哂都唔驚啦！另外，可以試埋柑桔香梅！飲落好開胃～絕對一個人都可以KO套餐🤣特別要推介呢款小食，我最愛嘅辛蒜燒茄子🍆！辣辣哋加埋啲蒜勁惹味😍must try items🤩三哥越嚟越多變化，而所有新出嘅嘢都好有驚喜！期待佢將來出更多唔同嘅新items，茄子真係無得輸！誠意推介！👍🏻👍🏻👍🏻

有無人都同我一樣當平時唔知想食咩腦海自然彈出～<譚仔三哥>最鍾意既係價錢夠合理份量夠曬大·呢間全港最靚分店有可愛既忌廉🐱座位夠曬闊落舒適·<過橋米線套餐>套餐就好在咩餸都有選擇困難症唔會病發😂今次揀左最愛既三哥酸辣湯底好甜加少少酸辣好開胃米線和配料份量都超多兩個人食岩岩好夠曬飽·<重慶口水汁雲耳>一邊吃米線再配個小食一流重慶口水汁好好味辣度剛好雲耳好爽口但味道略嫌少淡·<總結>嗜米線者必食呀🤩一定要試三哥酸辣✨墨魚丸都係必食架！

今日休息，午膳時間可以一家出街食，已很久沒吃酸辣米線了，很掛念開胃的滋味，幫襯譚仔。屋企人不吃太辣，叫了過橋米線，貪佢大碗，食材樣樣有，可齊分享。我叫了雞肉魚旦酸辣米線，我的湯底微酸微辣，不太刺激卻又激起胃口，湯內有很多芽菜和韮菜，湯底不肥膩，加上米線好爽滑，比前的三哥，米線份量多了，肯定飽肚，雞肉新鮮入味，但魚蛋無詳魚味，粉了點，下次再魚腐會更好吃。先生的過橋米線真夠大碗，炸醬好好吃，豬肝，竹笙，牛肉都好好吃，米線好，湯底清湯鮮而不會重味精，吃罷不口渇，也是十分飽肚，凍O茶和凍鴛都沖得很高，茶底有茶味，難怪三哥也破其他飲食集團看中收購了，它的成功跟它高貨出品絕對有關啊!

作為三哥忠實粉絲，唔同既分店都會試下😂 今晚一個人去開觀塘，三哥永遠都係獨食既最佳選擇😛觀塘呢間好似旗艦店咁，一入門口就會見到三哥同忌廉哥既公仔😂雞肉、魚蛋 麻辣二小唔知大家有無發現譚仔同三哥既雞肉係唔同既呢🙈🙈個人就十分喜愛三哥嗰款，有咬口得黎夠晒入味☺ 湯底就偏愛麻辣，夠晒爽皮😆如果平時同朋友一齊食，我就一定會嗌土匪雞翼，係超級惹味🤤觀塘分店做緊優惠，只要加$3就有飲品，唔嗌返杯真係對唔住自己🙈

米缐一向都係香港人嘅favorites.而呢間都算係我地嘅午餐之選，事關大碗又扺食食物質素一向都keep到水準麵底超大碗，少米都食吾曬，點左牛肉，成碗都係，有十多塊炸醬都半碗仔，加埋杯涼透心凍檸茶，埋單42蚊，無得輸拉

3哥食得多，竟然朋友哥哥隻忌廉哥在這兒見到！又未食過呢間！於是4個人便上去食了，首先係比隻忌廉哥🐱 吸引咗！大家都同佢🐱影下相先，冷氣又夠服務員又好禮貌重講得下笑添，未食已經滿分我同老公就叫咗碗招牌過橋米線清湯二人食，女友人就叫腐皮片頭小米清湯，男友人就叫 豬潤牛肉米線清湯，小食硬係一定叫啦！ 大土肥必定食，青瓜雲耳走唔甩 最抵就係加三蚊有凍嘢飲 大家都叫凍檸蜜飲好潤又清甜，埋單都唔洗2舊價錢，晚餐4個人好底架😋😋 忌廉哥都歡迎我哋過橋米線清湯腐皮片頭清湯 豬潤牛肉清湯 大肚蜚青瓜雲耳 青瓜雲耳 凍檸蜜

有時候，一個人食嘢真係好難諗食啲乜，除咗去快餐店，我諗譚仔已經係最好嘅選擇了。湯底必點三哥酸辣，今次麵嘅份量叫咗小麵。只係點選左一款小食，就係豆卜，貪佢份量勁多，每碗都有六夠左右。而且豆卜可以索晒啲湯汁，吸晒佢個湯底嘅味道，超好食！雖然係一個人食飯，但係都要對自己好少少，點多一款小食，就係蒜泥白肉，五花腩片到勁薄一片，上面鋪滿孫儷，同埋紅油，每吃＄1肉都捲起蒜泥，真係好滿足！ ！不過一個人食晒成碟，真係好肥好邪惡，睇來今晚又要去做運動了。

今次見到有新口味👅係蕃茄湯嘅米線!!🍜話說 近排鼻仔做完手術 唔食得辣湯 點知老公話想食譚仔三哥 仲要揀呢間貓貓三哥 諗住 唉 是但啦 食清湯就清湯啦⋯⋯點知坐低發現有新口味 仲要係我最鐘意嘅番茄🍅味呢😋😋嘻嘻嘻😁望住個廣告 個腦就諗🤩金菇又好似好夾啦 🤨竹笙又好夾啦 🤨牛肉都好似好夾喎😏🤯唔好諗 一於就叫呢啲送啦⋯⋯送到來 熱辣辣 入口有好濃烈嘅蕃茄膏味 金茹嘅清新溶入湯底 🤪米線吸收住呢啲湯 配合爽口彈牙嘅麵質 真係Yum Yum 😋 食到收唔到口 讚讚呀👍🏻